B女週圍遊的個人專頁

現在食肆都很早休息，想食夜D都唔得，搵到呢間南瀛水產可以收11點幾。就在OpenRice 訂9:45pm食物正常，服務一般。又唔可以話差，人手少，無笑容，感覺佢哋好攰咁！…查看更多

朋友話想食翅，所以今次嚟左廚魔新厝，個翅真係唔錯。（因為我第二次嚟食）有進步。個鳳翼好有儀式感，真係好啱生日，其他慶祝嚟食好D!價錢當然有返咁上下，服務都好好。我哋當晚食左個套餐，最後有個魚翅撈飯，我朋友食到一粒飯都冇剩。🤣…查看更多

看到開飯喇介紹，好似唔錯。所以會一會佢。對我呢D九龍人嚟講，真係唔識路，好彩朋友熟路。叫左六款唔同口味既生蠔，雖然無問價錢，但質素唔差墨西哥海膽。侍應話同加拿大海膽一樣喎。我好中意食海膽，所以都無乜所謂。。奄仔蟹都有，$200一隻，見到真係覺得好好笑，好迷你。本來叫左清酒煮大蜆，嚟到變白汁。不過算啦！都啱食既，略為鹹左D者！仲有鵝肝大蝦意粉唔記得影。不過都係略鹹左D!今晚叫左枝白酒$500都幾貴。後來問待應自己帶酒去，頭三枝不收開瓶費，我又蠢左。今晚環境都幾嘈下，第一次去呢D餐廳鬼殺咁嘈。可能撞啱有幾枱大枱都坐左人。…查看更多

週未梗係要搵間餐廳食餐好D啦！係開飯喇，無意中見到呢間店，香港呢邊唔係好熟路，唔知珀麗酒店係邊，好彩有個好心途人，指點下。終於比我地搵到食海鮮又點少得白酒呢？我唔係好識，個侍應介紹比我地既，都唔錯幾好飲。特價既海鮮拼盤，真心覺得幾抵。不過蝦就麻麻，同埋龍蝦個鉗仲好冰下，一剝勁多水流出嚟，無乜肉食。另外再自己order左生蠔，美國珍寶蠔，有南非同法國既蠔，新鮮得嚟價錢又合理。跟住見到又係特價龍蝦，又叫一份，本身唔中意黑松露，所以白色果個醬，我無褔消受。慢煮牛柳配海膽。呢個要等45分鐘，所以要早些order定。賣相麻麻，但都ok!但係慢煮同普通咁煎都冇乜分別。唔覺佢點慢煮囉，我嫌佢表面煎得過火左。仲有叫左二份海膽，唔記得影。黃金紫薯小丸子，幾好食。剛剛炸出嚟，仲熱辣辣。正。落單有些錯漏，廚房仲要10:00 last order!出菜有D慢。要成日追。最好訂位，因為唔係好多張枱，我地因為係即興無訂枱，所以坐左係厠所門口。不過唔想再搵第二間，將就下。…查看更多

荃灣新開左呢間粥底做火鍋新店。見到開飯喇咁多笑臉，我地試左$298呢個套餐$298真係期望唔好咁高，除左指定海鮮，仲可以自選6款食品。份量好少，但如果二個男人一定唔飽。豬潤麻麻地。墨魚滑過得去。南瓜切得太細，都撈唔番上嚟，同番茄一齊當淆湯底。油墨菜同個粥底我覺得唔係幾夾，下次唔會點呢個。海鮮都ok。沙白好甜。不過我個人對粥底打邊爐真係麻麻，試下無坊。肥牛都幾好味。可惜得4塊真係好搞笑。店內仲有特色飲品，不過無叫到。飲左枝藍妹，要提一下醬油費，每位$18唔明一間新開既店，可以咁多好評，我都覺得一般，食物份量太小。…查看更多

看完戲，正在煩惱吃什麼，經過這間新開的店，店員親切的介紹他們店舖是吃日本串燒&法國菜，還有生蠔。單點menu所有菜式還有8折，二話不說就敲搥決定食呢間醉胡爐。:)醉鮑魚有二隻日本櫻花生蠔，4隻法國BB生蠔。估唔到日本隻生蠔都唔錯。但係隻法國生蠔就細左D!三文魚刺身唔錯，但個珍寶帶子刺身一般，牡丹蝦都ok然後再叫左小小串燒，牛舌係最好味。聖子皇，嚟到點著岩鹽，我覺得係綽頭嘢，得意就得意啦！可惜對食物嚟講一D效果都冇，燒完舊蟶子仲凍既。晒鬼氣。跟住個店員好好人、請我地食甜品，呢個好特別，原個波蘿燉蛋。呢個仲特別，類似分子料理，呢個係蕃薯糖水，係唔係好特別呢！雪糕仲係薑味架，黃色一塊塊係啫喱，其他係蕃薯同芋頭有D無影到，不過8折都抵食，可以試下，但真係仲有好多改進既空間。…查看更多

朋友生日，一行四人去左勝記食海鮮。出去海鮮檔order左蟶子，瀨尿蝦，鮑魚，龍蝦，花螺，奄仔蟹。都幾有水準、不過就越食越貴。但環境同質素，呢度係高班d既。攞過米芝連，都唔差得去邊。不過龍蝦就覺得好似比人扣起左d。唔知係唔係自己多心。爪同頭都唔知去左邊？不過算啦！食得開心。當豪比佢。最正係奄仔蟹。好想食多一次丫。…查看更多

真係好耐無寫食評，本身好中意食潮州嘢，心諗呢度咁多人讚，一心從九龍到北角試下，點知真係都幾令我失望，二人點了，一雙凍蟹，蠔仔粥，九菜豬紅，鵝片三拼（大腸墨魚）。首先前三樣都一早嚟左。凍蟹一嚟到，覺得好似幾靚下，點知一d鮮味都冇，肉唔實，仲一路食一路有水唧出嚟！唉！食過咁多間打冷，未試過咁差既。蠔仔粥都正常，但葱太多，少番d,會好d。九菜豬紅都正常既，鵝片果碟大件事啦！食晒前三樣都仲等左10分鐘都未嚟，催下佢，嚟錯左，跟住再等，跟住嚟左碟頭頭尾尾三拼，係大腸係見到下人，鵝片？我真係想問老細知唔知乜嘢叫鵝片，墨魚？sorry！我只能稱呼為橙色既物體。無下次。…查看更多

我地幾個女人仔,又嚟一月一次既聚餐啦,今次得三個人者~睇到d食評,話呢間好正,我地決定一試啦!我地order左:1)蕃茄沙律: 呢個係用coupon送既,2)三款生蠔. 由淡至濃,一人三只真係唔夠喉,我最中意澳洲細細隻,d蠔好鮮味丫~唔怪得 個個讚,真係同自助餐果d無得比~3) 青口 : 呢個普通左d.細細隻既青口,唔同我地平常見果d咁大隻,4)海膽龍蝦意大利飯: 一見到個名,我就好想試呢個菜,但係唔係咁啱口味,d飯硬左d (個侍應都有同我地講呢個意大利飯係比較硬既)5)羊鞍 : 要左七成熟既羊鞍,真係幾正喎,d肉好嫩滑,又唔係好羶~6)風乾火腿: 見到成隻巴拿馬火腿放在係度,每次有人order,就會見到個總廚出嚟片下片下 我地仲有半枝白酒未飲完, 所以又order左一碟,得5-6塊架咋,同三塊哈蜜瓜, 真係貴得有道理,好甘香,無油益味架7)薑汁疏夫里: 都值得一試,好味8)燉旦 : 三種唔同咪道既燉旦,真係賣相好,味道都唔錯,9)白酒一枝埋單85折左 $1960今次真係食得好貴啊~但係人一世物一世試下都無坊既,起碼食得開心又舒服~service又幾好~…查看更多

星期日第二次光顧了,因為第一次新開張有coupon的關係,所以再食多一次今次印象比新開張的時候好左小小,上之好混亂,人又多,今次等位既時間短左,心情都好左好多~上菜都好快~但茶要比錢囉,都唔知點解~食物:1.三文魚壽司6 件(水準沒有下降)2.炸蝦壽司卷 (麻麻地)3.日式 pizza (唔記得乜嘢口味了,個底唔係好夠熱,唔得)4.串燒帶子 (呢個唔錯,食得下)5.鰻魚 (愛鰻魚既人會好中意,可惜我個仔掂都唔掂下)6.日式牛肉麵-麥蕎麵 (一般)7.石頭鍋海鮮烏冬 濃湯(幾好食,唔錯,)8.鐵板牛柳粒 (得果幾粒~)9.汽水二杯埋單5佰幾元,用左180元 coupon,…查看更多

我地一行四個女仔,點左一隻豬手,一個暖蝦芒果沙律,雜錦腸,農夫麵包,同二條beer sticks,4 杯麥啤,甜品叫左apple strudel(蘋果批),同omelet souffle(巯夫里奄列)埋單$807元(會員有85折)我地坐果度好熱,無乜冷氣,投訴左,待應話我地坐個part 係中央冷氣,教大唔到,無計啦!隻豬手一向都有水準既,無令d friend失望,沙律都o.k,有4隻蝦,我地夠分,一人一只,哈哈!d 腸有好似有5款,其中有二款幾好食,白色好粗個款我就麻麻,好難食..農夫麵包我最中意食,真係好好味..但個果啤酒麵包條就好鹹喎,要嚟配啤酒就啱晒啦~蘋果批好難食, 疏夫里奄列普普通通啦.啤酒都出名架啦唔駛多講.我個friend 唔係幾飲得,佢都飲左0.5L,:)要彈既就係,唔明點解要分二段時間,6:00PM至8:15PM,(8:15PM後無限時段)8:15分要交枱咁話,都唔係咁FULL點解要咁樣分時段,同埋門口帶位個姐姐,多番D 笑容會好D 囉,昨天落雨,幫我D FRIEND把傘入完膠袋,黑口黑臉咁放係張枱都又唔出聲,咁就走左去!服務都係要改善一下~…查看更多

我地二個人叫左個鴛鴦湯底,我好中意個白色湯底,裡面有雪梨同番茄紅棗,唔知係唔係魚湯呢,真係好好飲,我愛人最鍾意果麻辣底,果晚打邊爐仲有大閘蟹送,一人一隻,另外order 要$28一隻,意外地好多膏喎,食完大閘蟹我地開始打邊爐,二個人叫左一碟特價$10美國肥牛,油墨菜,四寶丸,8隻鮮蝦(照秤的好似12元一兩),牛柳粒,我見到有鹿兒島和牛,要188元,無試到,見到隔枱有食,真係好想叫丫,但係咁貴無叫到囉,手切肥牛都有三種唔同價錢,我試過128元果隻,都o.k ,這間價錢都算中上,但蔬菜類價錢都o.k 唔會砍人,d 冷氣真係夠晒凍,凍到有d頂唔順,但係我愛人,就一路食,一路流汗,因為佢食麻辣囉~哈哈今次埋單$300幾元,雖然唔係叫左好多嘢,但係都好飽了,…查看更多

昨晚一共4 個女仔,坐抵左就去明記揀海鮮,我地點左1. 龍蝦刺身(1隻細細隻)2. 墨魚剌身(1隻)3. 龍蝦頭爪煲粥4. 果皮蒸鮑魚(4只)5. 椒鹽賴尿蝦(2只)6. 鹽焗奄仔蟹(2只)7. 蒜蓉粉絲蒸大蜆(4只)8. 椒絲腐乳唐生菜9. 辣酒煮花螺(12粒) 海鮮湯子薑皮旦生果盆枱枱都有架啦~ 埋單$1600幾真係好好味丫~辣酒煮花螺一人三粒真係唔夠喉,大蜆真係好鮮甜,d肉漲卜卜架,鮑魚一般,鹽焗奄仔蟹~正!墨魚刺身鮮,龍蝦刺身甜(不過我都係中意上湯焗多d),粥都o.k既,不過不失,菜都好夠鑊氣,略嫌椒鹽賴尿蝦d椒鹽麻麻,但係賴尿蝦d肉好實同好多膏~果晚好多人,d女侍應真係麻麻地,叫親佢地,都好似好唔耐煩咁,反而男既都會有dd笑容,同你熟練落下order,不過都o.k啦~個環境幾好,好乾淨,好光猛,仲可以行出去望住個海景~我下次會帶屋企人再去試下個响螺~好想食丫~…查看更多