yorumi0811's Profile

之前同fd去食過，印象中漢堡包皮鬆軟肉又大舊多汁仲要唔貴點知今次去睇到Menu加咗價。加價都算啦，食返一樣嘅嘢應該冇死啩？點知塊包都唔同埋。又實又dry，成個漢堡細咗一圈幾，加錢叫嘅餐湯又好水之後先知原來間舖大地震轉手又換過曬d員工，唔怪得個男人咁多廢話，大佬我黎食飯唔係黎聽你呻。廣東話講唔正又要R水吹太多伏點啦，試過一次應該唔會再黎，地點又唔係方便。（太煩急住走唔記得影食物相（係走之前見到衛生有幾差，返到屋企先知自己條淺色褲都瀨嘢（食飯途中仲有小飛蟲係檯面爬…Read More

開咗好耐但一直冇機會試，今次係出面泊到車位終於食到，估唔到有驚喜。本身價錢唔算貴，飯/麵餐會包一杯凍/熱茶，可以加配嘅小食都幾平所以冇抱太大期望。冇諗到真係有台灣古早味，幾個菜式都有少少炭燒味，茶都好好飲。滷肉飯唔係hea嘅肉碎，係肥瘦相間嘅肉粒，好有油香，味道好足。嘉義雞肉飯，明明係加配嘅細碗但好足料，蔥油超香。呢間舖所有嘢份量都唔細，又好味，絕對會再黎幫襯！冇得飛台灣嘅時候可以過下口癮😂（BTW 洗手間雖舊但乾淨唔濕，洗手液幾好聞lol…Read More

買咗外賣，唔駛等太耐的湯好飲、雞好味、醬都不錯、可惜飯真係好硬。本身見到金黃色嘅飯好香好期待，點知硬過我條命，又乾。唔知係嗰日煮得唔好定就係呢個style，不過唔太啱我食。下次可能只買雞就算。…Read More

本身冇想寫食評所以完全冇影其他相，但食完心情好好所以都想mark返低。入到去環境同裝修已經feel到好有心，坐低叫食物都冇乜伏，仲要其中幾款有驚喜。炸物超脆唔油，我最冇期待嘅西冷非常Juicy好味。最令我驚喜嘅係服務態度同日本好似，有禮貌得黎好細心且有耐性，因為太好奇所以賣單問多咗兩句，先知原來有d侍應係日本培訓過。呢個價錢+食物質素+服務態度，真心好滿意。本身因為公事好頹嘅心情食完餐飯好咗好多。反正時不時都要係附近做嘢，一定會再黎多幾次！ …Read More

難得Home office咗好耐返公司做嘢, 約埋附近返工嘅FD一齊lunch. 佢話上次幫自己老細查過呢間黃店好似唔錯, 當然要試試.首先佢lunch set係包湯同麵包, 之後可以加錢（$28）加沙律/蛋糕. 當初以為只係選擇其中一樣, 但原來加錢係沙律+蛋糕舊細嘅麵包好香好脆, 搭配餐湯非常好味沙律不過不失, 煙三文魚大舊同好多片正餐我揀咗莎樂美蜜桃燒豬柳配意粉（$78）, 講真味道非常好食, 只係唔明點解要加埋蜜桃一齊XD本身以為豬柳幼身幾條上, 點知非常分量十足非常厚身, 而且外脆內軟, 下面嘅燒番茄都又甜又多汁, 好驚喜朋友叫咗意式番茄帶子片意粉（$78）, 味道濃郁, 我只係試咗幾條面冇食帶子, 但佢一臉滿足應該都唔差最後係是日甜品（唔記得係柚子XX）但實話實說冇柚子味, 芝士味足但我嫌佢太過甜, 所以最後係朋友幫手食曬餐飯對女仔黎講超級飽又好味, 總體來說我會再次光顧, 呢個價錢尖沙咀真係高質, 侍應非常有禮貌同注意客人動作 用餐環境圍繞住很多貼紙, 心情愉快不少, 希望下次有機會可以試Dinner…Read More

其實一入到去，話冇啤酒已經笑咗。咁算啦，開始叫嘢，其實都知圖片同實物唔同，但圖片分開裝實物系一齊就好差lo。上面系材料，得幾舊嘢全部系個細碗度，下面就系麵糊，分量真系女仔都食唔飽。更加莫名嘅系，佢要求先炒d材料再落麵糊，但你已經裝到癡埋一齊，仲要客人自己隔開d液體？？？咁整出黎好食有鬼啦。分量少到咁之前唔知，咁就要加單啦，全場得兩個服務員，舉手唔大聲催就五分鐘都冇人理。落單之後又要等好耐，你又有時間限制。叫句“唔好意思麻煩落單”又黑口黑面，冷盤唔催唔黎，等20分鐘再催話等等，催足三次先黎，催到自己都唔好意思。不如下次唔好食算…Read More

平日有時都會系度食午餐，食物及服務水準一直穩定。不過難得食一次放題就出事了, 正好約到六位朋友又看到有折扣馬上就訂位, 前一個禮拜還確定了菜單內容。沒想到今日落單, 西京燒銀鱈魚, 落一次單少一半數量,  催到倒數第二次上黎件魚D]汁少到冇味, 最後一次落單直接漏單唔上. 其實之前已經打過電話確認有d咩食, 如果覺得有折扣虧唔起就唔好擺上menu啦. 六個人嘅聚餐搞到心情差曬, 仲系我介紹佢地黎嘅, 不過反正餐廳地理位置各種好, D侍應又好似dum嘢落枱咁都應該唔在意差果幾個客人咖啦. …Read More