prettyporky's Profile

返香港探親遷就佢地居住地點便在柴灣食晚飯。移民前未見過呢間咪試下囉！星期六見居然唔係好滿座都覺得奇怪，一坐低叫餸就知點解！個阿姐(應該係樓面主管)，好唔耐煩咁寫單，一路寫一路問「係咁多喇嘩？」足足每點一樣餸就問一次，直情唔想我地繼續點，簡直幫老細倒米！上菜另一個後生男侍應仲衰，佢同事在我在邊上菜，我咪避去右邊，點知呢條友在我右邊上菜，居然話：「你都比個位我先得架？」，喂，大哥！我已左閃右避仲比你話？你估我有後眼架？我地叫左咕嚕肉、海南雞飯、蒸魚、松露鮮蝦炒蛋，平心而論，啲食物質素唔錯，好過好多茶餐廳，價錢又算合理，講食呢度係唔錯，可惜樓面啲服務態度惡劣，幾好食都運背脊骨落！經濟環境差，飲食業首當其衝，再唔改善的話，我相信呢間嘢好快消失！…Read More

每次來都因為食物很細緻，抹茶味道很純、很香，襯上玄米茶簡直是絕配！可惜每次來服務員的態度很差，有位都硬要你等、落錯單、派餐不耐煩等回應的樣子⋯⋯使人覺得「可惜」。如要在太古雲雲食肆中立足，食物和服務絕對重要，太古這大業主很注重店舖租客質素的，敬請謹記！…Read More

我住附近,囍宴開左咁耐都從未幫襯過,今晚想食擔擔麵,見佢話有招牌擔擔麵,即管試一次。我地叫左招牌擔擔麵,大肚婆炒飯,豉醬蒸豆腐,招牌自家製湯圓同蘋果蘇皮伴雪糕。招牌擔擔麵冇麻醬味,冇花生醬味,仲要用日本拉麵,根本汁底沾唔到麵上,湯有湯,麵有麵,絕對唔可以稱得上係擔擔麵,不論不類。大肚婆炒飯係薑飯,不過冇鑊氣,薑味好重但唔香,因為唔係炒,正確係撈飯,失敗!豉醬蒸豆腐用百福豆腐,唔係呀嘛?! 五十幾蚊食百福豆腐? 豆腐用油鹽水浸住,上面蓋著少許豉醬,入唔到味之餘,更加冇可能食到豆腐鮮味!:(最奇怪係:特色中菜餐館居然最有特色係甜品! 招牌自家製湯圓餡料真係自家製,裡面加左少少蛋黃令一粒平平無奇既湯圓帶出自己個性!:)另外蘋果趣趣伴而雪糕配合得好好,味道媲美好多甜品屋。:)總結:第時想係附近食特色甜品,我會黎呢度,但其他食物,唔好搞!…Read More

不嬲好怕食香港既台灣野,冇特色之餘又唔正宗,不論不類前幾日老公帶我來呢度,姑且試試啦!食物好好味,好正宗,價錢平,老闆娘對品質要求既執著令我不可不帶全家來試今日全家來齊,可試多幾味野點左紅燒牛肉,一葉炒飯,台灣炒米粉,三杯雞,蚵仔酥,胡椒蝦,五味卷,蒜泥白肉超好味呀~~~~ 大大份,油少,又唔鹹終於搵到好既台灣餐廳!記得點埋冬瓜茶,home-made,唔太甜,清涼解渴,正! …Read More

逢星期五和同事例牌來呢條街食晏仔,勝在多選擇今日見到餐廳門口牌寫住"無骨海南雞飯",即管試下我叫個海南雞飯,同事叫個"秘製咖喱牛根腩飯"海南雞飯既雞冇雞味,蔥油醬和酸甜醬冇乜特色雞皮好肥,唔食得,優點只係去骨,方便食秘製咖喱牛根腩飯真係夠"秘製" 咖哩汁好似用罐頭開稀,冇香味不過牛腩有牛味,又唔太蘇好彩個招牌無味精湯飲得下,唯有用來撈飯 …Read More

邊個話夏天唔食得煲仔飯? 想食就有!今日成33度,熱呢? 不過入夜落場大雨降降溫心血來潮想食煲仔飯,就去左我其中一間飯堂叫左個窩蛋牛肉煲仔飯隻蛋焗到剛剛好,糖心,好正! 牛肉又香又嫩,食得出冇用醃肉粉加工加埋杯熱奶茶多奶,正!呢度最正幾邊有電視睇,但又唔太嘈,仲可以叫侍應轉台賽馬日吸引不少單身賭客嘆茶刨馬經 :)…Read More

每星期逢打波日既晚飯必會來東大街幫襯呢間餐館已唔只一次因為我鐘意佢地個蝦餅同珍多冰蝦餅好趣,珍多冰好香椰味又唔太甜另外春卷凍檬好好食份量又夠飽唯一唔好就係佢地套餐餐牌表達差,唔知up乜以咁既價錢同水準,好抵!…Read More

今晚開完OT同老公來呢度食個簡單晚飯今次都唔係第一次來,因為星期一至五晚市有雙拼焗飯/意炒,超好味! 雙拼選擇除左有肉醫,雞扒,豬扒,牛仔骨,海鮮...之外, 仲有我最鐘意既煽貝,另外可配芝士汁,黑椒汁,白汁...好多好多選擇$38 連飲品,好抵!老公就點左個牛尾飯,$44, 連湯及飲品,又係超正!老公冇食開牛尾,都話價錢同水平相乎! :)…Read More

今晚唔想出街食飯,叫左 pizza 外賣叫左個香芒凱撒雞肉普通批加芝士,菠蘿火腿餡餅及蜜糖 BBQ 雞翼個 pizza 味道 very good! :)不過另加既芝士,好似麵粉,完全冇芝士味餡餅太 dry, 質感似麵包多d, 完全唔似餡角,好港式! 雞翼略鹹,蜜糖味唔夠總括來講, 得個 pizza 好味!…Read More

去完電腦城,買個外賣返屋企試下叫左蛋治同奶油豬蛋治既炒蛋味道似"蝦仁炒蛋"既蛋味牛奶味欠缺同佐敦正牌味道差好遠基本上掩埋對眼,一食就分得出 奶油豬仲死,濕淋淋一味得d煉奶味始終都係正牌好呢間有待改善…Read More

睇完 Reptile Show 肚仔餓去試下點知叫乜冇乜個員工(中年男士,唔知係咪老闆)仲黑口黑面好似老婆昨晚比綠帽佢戴咁最後只叫一個 hot dog姑勿論味道如何價錢唔算經濟,仲要冇服務我接受唔到囉冇下次!…Read More