Mangosteen's Profile

之前食過豬雜河粉，價錢偏貴，質素無乜特別。今日再去叫左芫荽皮蛋肉片湯米改做牛肉，即$75 加 $5 ， 我無問價錢就加左鴨，點知原來係要加$40。 一共$120 。啲鴨片得五塊，又薄又唔係特別好味，啲牛肉又少又鞋，芫荽皮蛋湯又唔係特別濃。食完又唔飽。真係唔會再幫襯。在元朗食豬雜河仲有其他更好選擇。…Read More

我朋友話碗仔翅大碗好味，於是我買外賣試吓，點知$42+ $2 外賣， 一共$44 蚊。 碗野細得過份，個碗只有6.5 cm 高 11 cm 直徑。 當然啲碗仔翅唔會有6.5 cm高，係更少。 做生意唔應該咁唔老實，試試旦旦有個細碗就用。 堂食同外賣可以差咁遠。今次啲碗仔翅仲稀寥寥，冇脆片。 經過今次比人當傻仔，我以後都唔去幫襯。本來以為ok 可以當飯堂。 …Read More

幾星期前去完覺得食物質數唔錯，服務又好，因為有同個姐姐講會再帶朋友黎。結果同朋友去食，冇雞尾冇黑啤冇有鱗馬頭魚又冇海鮮。上次最好食嘅嘢全部冇晒。服務又冇之前咁好可能多左生意。今次真係失望冇左想再去嘅感覺😒…Read More

六個人座圓枱，張枱冇位擺食物。人手又唔夠, 又唔比QR code 我order 可任叫嘅食物。個爐滾成個鐘啲水都唔滾，等到我火滾。可以任叫嘅大部份都係丸同餃，餃同丸，真係冇乜選擇，要make sure 你快啲飽。雪糕要like 社交平台 先有得送。加埋一$350，好伏！冇下次。…Read More

星期日去食晚飯，一個似係經理嘅人介紹話商場做緊coupon 優惠，$1500 會送coupon。有coupon 可以黎佢地間餐廳食lunch. 每個set 二百幾，叫兩個set 四百幾又可以減二百元，lunch 生𧐢又有半價，好底食。結果晚飯埋單$1472，差少少夠$1500。見個經理咁有心sell 個優惠，食完飯就去商場買多少少錢換coupon. 點知買完百幾蚊先知pop up store 係唔計，已經九點幾，於是趕去 citi super 買多幾十蚊儲夠千五。去五樓換完事後發現少咗一張coupon之後打去timesquare 客戶服務部投訴, 佢話記錄已經俾咗我，佢哋個職員真係冇俾我，唔通我專登打電話去呃佢$50 coupon 咩？好明顯係另有人攞咗，以為事件告一段落。結果星期四去呢間餐廳食lunch , 佢哋話用coupon 生蠔就冇半價，生蠔半價就冇coupon . 我話唔係喎星期日你個經理話兩樣都有我今日先黎食。跟住佢地話宜家冇喇。我真係覺得好嬲，我仲要攞咗半日假黎食，完全就係欺騙。我以後都唔會再幫襯呢間餐廳同呢個集團LUBUDS 完全係低能嘅表現，同商場一齊做優惠時冇唸清楚係點做？欺騙完顧客就改制度？結果我去咗隔離間餐廳食。之後有打去LUBUDS 嘅CS 投訴，都係敷衍我，連姓乜電話號碼都唔問。我從來都唔換商場coupon. 經過今次經歷真係怕怕。…Read More