wkhhh's Profile

同朋友嚟到呢間韓式炸雞，入到去裝修好有feel，亦會播住韓文嘅歌。叫咗好出名嘅芝士炸雞，辣炒豬肉蓋飯。芝士炸雞好重味，食得太多會好漏，都好多粉。辣炒豬肉蓋飯就普通，下次去唔會叫。…Read More

今日嚟到呢間好似開咗冇耐嘅甜姨姨，叫咗個400次髒髒冰同初心。因為份量都幾大就同朋友share，又可以試多個味。以前唔食刨𣲙嘅我都比呢個改變咗，好夠味，又唔會涷到頭痛，擺嘅樣式都好靚。士多啤梨𣲙就略嫌太酸。…Read More

食完晚餐想搵間甜品店食，就去咗間bookmark咗好耐又幾出名嘅陳茶館，果然出名嘅都係要排隊，等咗一陣就入得。叫咗芒果系列嘅芒果芋圓西米露。佢唔會好甜，芒果都唔會好酸，有芋圓配搭就一流👍🏻👍🏻👍🏻…Read More

今日嚟到開幾多間分店都要排隊嘅壽司郎，壽司嚟講價錢都幾平，唔怪之得咁多人排。叫咗炭燒芝士三文魚壽司、粟米壽司、釜玉烏冬同沙律醬蟹柳壽司。壽司都幾新鮮，唔會有腥味，烏冬份量都好夠，下次一定會再嚟！…Read More

呢間食𣲙嘅舖頭出名咗咁耐都冇試過，今日朋友終於拉我過嚟。夜晚去到要排隊，不過好快就等到。份量都頗大，所以四個人淨係叫咗兩個冰，叫咗宇治金時味同雲呢拿朱古力味。宇治金時味偏苦，雲呢拿朱古力味較甜，中間嘅味唔單調。…Read More

今日同朋友食完晚餐之後，想搵個地方坐多陣，朋友就介紹呢間開咗冇耐嘅甜品店。同朋友叫咗Oreo脆脆嘅芝士奶蓋白玉丸子同豆腐花1號。因為份量都幾多，所以就打算一齊share。芋圓煙靭度幾好，芝士奶蓋白玉丸子略嫌太甜。…Read More

今日睇Instagram見到有挑戰賽，特登嚟睇下。叫咗兩個丼，蟹糕甲羅燒配蝦籽及三文魚籽丼同明太子八爪魚配北海道刺身帶子丼。份量適中，食一個已經好足夠。刺身好鮮甜，有好多伴菜，例如粟米、三文魚籽等。環境唔算大，但都幾乾淨。…Read More

今日同男朋友拍拖週年紀念就嚟到呢間已經食過幾次嘅半自助餐，叫一個主菜再有吧枱攞前菜同甜品。主菜有牛扒同意大利麵都好高質👍🏻唔算好貴，份量都好足夠，環境都好好，係好有feel嘅半自助餐！下次會再嚟😍😍…Read More

今日同朋友突然想食燒肉，又係旺角行街，就上網搵下邊間好食，見到呢間都幾多好評就嚟咗。嚟到都唔係好多人等緊，好快就入得。入到去叫咗壽喜燒同牛肉盛，份量都不錯，夠食。見到有醬油蟹但係已經好飽，所以冇試到，下次再試！…Read More

今日同朋友去到大圍一間聽過好多次但冇去過嘅日本cafe，唔知係咪因為星期六所以冇set，淨係得散叫。我同朋友叫咗醬烤起司蘑菇漢堡同鮭魚竜田揚。鮭魚煎得幾香脆，份量算少。漢堡加咗醬汁，但係醬汁冇搶走佢嘅肉味。胃口大嘅人一個主食應該就唔係好夠食。係大圍站行過去5分鐘度，都幾方便。…Read More

今日同朋友嚟到呢間喺佐敦站附近嘅cafe，入到去有兩層，因為我哋喺打卡攞應援，所以坐咗喺上層。叫咗個雜錦忌廉意大利飯同埋卡邦尼煙肉意大利粉，都幾大份，唔似一般Cafe得幾啖，價錢OK，值得一試。…Read More

今日同朋友嚟咗大圍呢間好出名嘅cafe，因為之前都好多人排隊，所以就等到而家先嚟食。叫咗個tea set，包括一個正餐及一杯嘢飲。叫咗個香蒜雜菌黑松露拉絲芝士滑蛋盒子吐司同芝士奶蓋招牌窩夫，睇落好似好細份，但係都夠飽，味道不錯。…Read More

今日想去食壽司，星期六晚等咗半個鐘就入得，嚟到啲碟都幾污糟。每碟都幾平同埋都幾多選擇，但係一啲都唔新鮮同埋有陣怪味。叫咗啲熟食試下，唯一有啲驚喜就係茶碗蒸都幾大碗。如果想食平價壽司又真係好想試就試一次。…Read More

今日同朋友去青衣城諗住搵嘢食，無意中見到呢間cafe，有聽過但係從未食過，就諗住試下。入去叫咗個黑松露軟殼蟹意粉同青蘋果蛋糕(Garden of Eden)，蛋糕略嫌有啲甜，但係形狀非常獨特。意粉好重黑松露味，軟殼蟹都好脆，值得一試。…Read More

經過好多次呢間都冇真正入過去，直至前排朋友介紹去食就終於去咗。當日好多人排隊，好彩book咗枱先唔使等。出面吧枱有好多唔同小食，適合等緊鍋底個陣慢慢品嚐。鍋底好夠味，基本上啲肉唔使點豉油都好夠味。牛肉亦好嫩滑，價錢中等，值得一試！…Read More