4get.fat.foodies's Profile

難得去葵芳唔係掃小食，正正式式係間餐廳度食野，仲要係雞煲邊爐2個鐘任食，有3個選擇，我揀左個中間既~因為閒日，8pm離座$248+1 /人，仲有個自助區，雖然雞煲係重點，但對於打邊爐都唔馬虎，一樣有齊多款醬汁可以自己調配，邊爐料亦有2個大櫃！👧🏻雞煲可以揀辣/唔辣，醬汁勁度濃郁，超正！雞件亦係多肉，打足2個鐘邊爐都可以keep到個醬汁味，食菜更加不得了，完全吸汁，yummy！完全可以唔洗加其他豉油既然好好食！👧🏻飲品區有多款養生茶類，絕對係必揀！因為當中有大麥茶、冬瓜荷葉茶、紅豆薏米茶、羅漢果金銀花茶，配埋重口味既雞煲，就可以清爽下，當然都有其他汽水，同樣都好爽！👧🏻小食/熟食區有d炸餃子、蝦片、手拍青瓜等，其中有個滋補藥膳雞湯，唔夠飽仲有炒飯食。👧🏻甜品區有生果-哈蜜瓜、幾款口味既啫哩，仲有款好靚仔既一口朱古力蛋糕，亦有暖粒粒既蕃薯糖水，而雪糕是每人一杯的形式，口味都好選擇，有海鹽、芒果、士多啤梨等等~…Read More

門面非常吸引，餐牌更吸引，下午茶餐有跟飲品，仲好多選擇！👧🏻慢烤雞腿蛋吐司 set $40入面有半熟蛋，雞腿亦唔會乾身，麵包有烘過，仲暖暖的，味道唔會好鹹，好正！👧🏻台式香濃沙茶鍋 set $98因為另個3款都有辣既標誌，所以揀左呢款無辣既，沙茶味香濃，仲有酸菜俾你加，加完味道升華10倍，佢有4款主食你揀，我地揀左粉絲，入面仲有唔同材料，好豐富，我地留到粉絲最後食，等佢吸收湯底，簡直係無得頂！👧🏻古早起司芋泥肉鬆蛋餅 $46足料到喊，一咬落去成口都係料，一次過感覺到芝士、芋泥、肉鬆，真係好夾，甜得黎，芝士又會帶番d鹹味，就令到成個蛋餅唔會好膩，好好食！👧🏻士林蟹蓋 $42餡料有蘿蔔絲、紅蘿蔔絲等。👧🏻滷肉A菜 $28上面放左好多滷肉，配油麥菜。👧🏻紅豆珍珠奶茶 跟set+$8👧🏻冰糖紅棗燉雪耳 跟set+$8清清地，幾滋潤…Read More

西營盤地鐵站附近開左幾間餐廳，文青感upup，亦有d壁畫係附近~見呢間既設計係波西米亞風，就試試佢啦！👧🏻龍蝦湯配牛油果大蝦稻庭烏冬 $128湯汁係另一個壺，所以你可以跟住自己口味放多湯/少湯，過程都幾好玩，亦有紫菜、蝦肉等增加香味，蝦亦大大隻。👧🏻乾炒大蝦蒜香意粉$118又有幾隻大蝦，意粉都濕潤，唔會話太乾身，軟硬度適中。👧🏻桂花Latte $50靚靚拉花，桂花增加香味，唔會太甜，good！👧🏻Mocha $44亦都唔會太甜，咖啡味會重d~…Read More

位於樓上鋪，平時成日經過，但好少留意到呢座中心，原來有好多餐廳~ 👧🏻黑龍卷 $108由鰻魚、炸蟹柳、芝士、牛油果組成，多種口感，頂層係鰻魚、牛油果，下面就係飯卷包住炸蟹柳、芝士，好中意入面既炸蟹柳夠脆，所以好好食！ 👧🏻胡麻豆腐沙律 $88好驚艶既係佢好似成磚豆腐放上面咁，超誇張！仲要凍凍地，增加成個沙律既新鮮感，由幾款蔬菜、中華沙律等組成，d芝麻醬汁流哂係底，所以食到最尾都唔會乾！ 👧🏻埼玉網燒牛舌 $78厚度身適中又唔會韌，本身已經好夠油香，佢仲配左一個酸酸地既汁，令佢唔會太有油膩感，會想再叫多幾碟V_V 👧🏻日式章魚小丸子 $48外脆內軟，味道足夠，可以唔洗再配沙律醬~👧🏻雞中翼串 (2隻) $32雞翼已經分開2邊再串起佢黎燒，所以食落好方便，雞皮邊亦脆卜卜~…Read More

香港仔多數係連鎖餐廳，所以今次見有間門面好日式，好多紅色燈籠，新既日本餐廳就去試下~👧🏻灸燒壽司.牛肉烏冬定食 $138呢個set有3樣野，4件壽司+炸物+牛肉烏冬，壽司新鮮，烏冬係幼身又滑身，亦夠味，加埋牛肉就perfect，炸物亦非常脆口！雖然又烏冬又壽司，但每樣份量適中，所以唔會話睇見都飽。👧🏻鮨匠刺身四盛合 $108有三文魚、帶子、甜蝦、北寄貝，三文魚肥美，甜蝦亦夠甜！非常好食！👧🏻鹽燒鯖魚定食 $78鯖魚大條又厚身，絕對唔會係瘦又無肉，油脂好香，配埋酸酸既檸檬解膩，有跟飯&湯。下次再去會想試下鍋物同燒物，見人地隔離一家人咁食，好似好豐富亦好warm~…Read More

餐廳有室內、室外，好chill~👧🏻經典之堡配薯條 $168用安格斯牛肉，特別既moo moo汁，再配上蕃茄+芝士，有d洋蔥，令到成個包食落甜甜地，而牛肉亦唔會過鹹，又多肉汁，薯條份量多，唔驚唔夠飽！👧🏻香脆雞翼6件 $88佢有4個醬可以揀，仲有雙拼，好可惜遲左去食，已經無哂鹹蛋黃味，所以就叫哂蜜糖味，d蜜糖多到浸住雞翼，真係好開心，我仲用薯條點蜜糖食，雙重滋味！！其實佢仲有個任食青口，下次會想去試試😎😎…Read More

日本過江龍pancake店-- · - · - · - · - · —-- · - · - · - · - · —-- · - · -👧🏻熱朱古力班戟配自家製穀麥 $128賣相靚到傻左，d熱朱古力香味不停湧出，除左自家製穀麥，仲配左cream，佢唔會係超空氣感個種，係好鬆軟既，fuwa~fuwa咁，穀麥令口感提升，等你有d野咬下，下次會想再去試鹹味既~ -- · - · - · - · - · —-- · - · - · - · - · —-- · - · -📍幸福班戟銅鑼灣新寧道1號利園三期2樓203-205號舖#4getfat #銅鑼灣美食#甜品 #pancake #日本過江龍#hkfoodies #hongkong…Read More

佢位於黃竹坑地鐵站附近既地鋪，平時經過會見到meun幾吸引，所以就試下佢，種類好多，有沙律、意粉、飯、烏冬、甜品、薄餅，甚至有個餅櫃，入面有鬆餅、冬甩等，可以飲杯咖啡~食件餅~👧🏻煙三文魚菠菜意粉 $138三文魚整到大大朵花放係面好靚，仲有條餅乾條係隔離，意粉份量超多，食極都有，每啖都有忌廉汁，而蘑菇份量都唔少。👧🏻吞拿魚沙律唔好睇少佢，有成6舊厚身吞拿魚，有煎過再加黑椒碎，唔會有魚腥味，而沙律加上柚子醬，無敵既配搭，成個沙律唔會太單調，仲有蕃薯條同幾款菜，口感好豐富！👧🏻梳乎厘班戟-原味 $108呢個班戟超級軟fufu，好泡泡既感覺，如果中意空氣感班戟既你一定會中意，佢唔會好實身，但係3件大大件，食落又唔會話真係食左空氣，所以好正！雖然2個人去食，但都好飽，本身仲想叫咖哩飯，唔叫沙律，但好彩無咁做，超滿足~…Read More

餐廳裝修別緻，一入門口直望已經見到放滿模型既櫃，而牆上面亦都放左幾層模型，整體環境舒適。👧🏻蜜糖燒烤醬烤雞配紅洋蔥新鮮菠蘿薄餅 $148夠多芝士，而菠蘿亦夠濃，所以成功帶出甜酸味，就唔會覺得好膩。👧🏻安格斯漢堡配蕃茄芝士酸青瓜脆煙肉牛窩夫 $148平時見開甜既口味，今次試下鹹既，一黎到就俾佢塊煙肉吸引，佢就用2塊牛角包窩夫夾住餡，漢堡好厚肉，好滋味，入面又多汁，亦有醬，所以食落唔會好乾身。👧🏻水牛城雞翼 $98味道好濃郁，唔會話超辣，亦附上芹菜，等你食完可以除番佢個濃醬味。👧🏻自家製朱古力雪糕-摩卡 $68超吸引既迷你雪糕筒，朱古力雪糕好軟滑，可以將雪糕攪拌摩卡，味道就更加充沛！👧🏻提拉米拿鐵 $58已經放左舊手指餅+cream係面，可以配住latte黎食，好正！👧🏻甜品-提拉米 $68就係提拉米拿鐵上面既餅，但呢個係正式既甜品，所以份量都多，佢既手指餅唔會淋哂，同時亦有滿滿咖啡味。下次會想去試下意粉類既~…Read More

山林道有好多餐廳，如果你有恆心，行到入最後面，就會發現有間韓式店，👧🏻半半炸雞 $211(跟口味有不同) 有好多款，你可以揀有骨/無骨，我既最愛係甜辣，另一款揀左蜂蜜蒜蓉，因為中意食有醬既多D，佢既甜辣既係偏辣少少既，但又未至於超辣，所以就算你唔食得辣，都無問題~蜂蜜蒜蓉完成係螞蟻人最愛，甜甜既，仲有一堆蒜蓉，份量又多，每半份有大約7,8件，食到一半見到底部全部都係醬汁，滋味程度100分！ 👧🏻雪濃湯 $168味道濃郁，仲有D牛肉，我地再加左$15要個白飯，湯配白飯好正！ 👧🏻蘋果梳打 $38 下次會再想試其他炸雞！…Read More

冬天凍冰冰，又係時候打邊爐啦~今次係尖沙咀山林道既邊爐店，試左個皇牌套餐$258，一開始仲有和風海鮮雞煲，已經有鮑魚、硯肉、蝦，超級惹味，之後就可以打邊爐~ 👧🏻任食肉類呢個套餐有3款肉可以：豚肉、牛小排、牛肩胛，全部肉類都唔會好肥，亦唔會得雪味~ 👧🏻自助區-打邊爐配料有魚片、丸類、麵類，選擇好多，其中芝士獅子狗好特別！ 👧🏻自助區-飲品有自家製冰糖紅棗燉雪耳，好滋潤，亦有其他果汁、茶、啤酒。 👧🏻自助區-甜品熱既有蕃薯糖水，凍既有3款雪糕+泡芙~ 雖然有3小時任食，但我地食左2個鐘已經食得好滿足~…Read More

位於上環無限極商場附近既地鋪，門口經過見到入面既環境幾舒適，亦係下午茶時間，就try下佢啦~ 👧🏻迷你牛角包二重奏 $581個配蛋沙律，1個配巴馬火腿，牛角包好鬆軟，有油香味~ 👧🏻手工製特式果醬配厚多士 $68揀左藍莓檸檬+奇異果薄荷既果醬，配設好精緻，用黎搽果醬既刀仔都好cutecute，2款果醬都唔會太甜，想清爽d奇異果薄荷真係唔錯，因為有d酸酸地，同時亦有新鮮清涼既薄荷味~ 👧🏻Bittersweet Day 跟餐+$38姐係紅西柚梳打特飲，好開胃既飲品，如果你唔想食到咁飽飽滯滯，好適合叫一杯trytry，有2塊西柚你再拮，酸度甜度都岩岩岩好！ 👧🏻Sunny Day 跟餐+$38姐係藻藍蛋白椰香鮮奶特飲，椰子味好香，加上大量cream，配埋鮮奶飲好順滑，都好貼心可以揀甜度，顏色係淺藍色，好似天空咁~…Read More

係觀塘裕民坊後幾條街，有間任食店，星期一至四，7點前離座$198，唔止有串燒，仲有唔少既炸物、網燒肉類，款式都多，有d仲未試過，炸物更加係有驚喜，其中會encore：👧🏻蜜汁叉燒豬柳👧🏻蒜蓉烤蠔👧🏻香草羊架👧🏻美國牛肋條👧🏻厚切牛舌👧🏻熊本一口牛👧🏻吉列蝦👧🏻紫薯餅👧🏻椰汁流心球 而自助區有2個大雪櫃，1個係放唔同飲品，幾款汽水、啤酒，其中最特別係有菊花蜜、薏米水、洛神花茶等，俾你解油膩，另1個雪櫃就放左d前菜：中華沙律、粟米沙律、味付螺肉等，仲有d棉花糖、菇、蒜蓉包俾你拎番去燒，最後都有1個雪糕櫃~ 雖然係燒烤，但飲品方面真係好貼心，所以食完都唔會覺得好油，好熱氣…Read More

平時同朋友去食放題就隨便揀，但如果同屋企人，未必可以接受咁多生冷野食，呢度最吸引我既係有好多熱食，亦有個大大既自助區，唔洗擔心無野岩佢地食，煩惱係款式太多，其實都試唔齊，以下精選左其中我會encore既食物~👧🏻三文魚刺身👧🏻油甘魚刺身👧🏻甜蝦刺身👧🏻黑椒蜜汁一口牛👧🏻蒲燒饅魚👧🏻黃金焗蠔👧🏻一口甜蕃薯仔天婦羅👧🏻鮮蟹粥 甜品係自助區都係琳瑯滿目，其中雪耳龍眼好滋潤，仲有唔同雪條、極迷你西餅，飲品亦有幾個幾層既大櫃，我係平日晚上5:30pm既時間入去，連加一，每人大約$262，屋企人都食得好滿意~…Read More

門面都幾吸引，招牌都幾特別，門口大大個Anson Lo紙牌，亦有成個人咁高既模型~ 👧🏻Mundi牛柳 $91有超多選擇可以配，有咖哩飯、紫菜飯、薯格等，我就揀左+$3 要芝士味薯條，仲有跟沙律，鐵板既醬係自助形式，都有4款，仲有其他蒜蓉，我揀左日式燒汁，甜甜地，好正，牛柳軟淋，勁易切開同入口，亦唔會有筋~ 👧🏻朱古力雪山 跟餐+$6大堆cream係上面，攪拌好先飲就一流，朱古力唔會過甜，岩岩好 👧🏻鮮菌牛肉漢堡 $53包面係脆卜卜，佢既牛肉唔係完整一塊，而係好似和風牛肉飯既形式，所以都幾特別，仲有好多菇，好正 👧🏻沙律蛋煙肉pizza熱狗 $42醬汁好多，差d掩蓋成個包，所以味道亦足夠！ 👧🏻凍鴛鴦$20奶味濃 包類全部都大大個，唔怕唔夠飽，下午茶套餐亦好抵食…Read More