hokwan_0623's Profile

今日用citibank信用卡去kfc買咗個寵寵韓脆雞4人餐做晚餐。但我發現海翠呢間分店啲食物嘅質數真係特別差！！！首先係件韓脆雞，原來只係普通家鄉雞上面加啲所謂嘅韓式醬，都算啦，最慘係啲醬得一半有，另一邊係無嘅。入面啲肉超嚡，超乾！！！雞翼都可以咁嚡，從未食過咁差嘅家鄉雞。。。。。:(:(另外，啲雞唔係太熟，啲骨仲有少少血。佢啲雞皇飯得好少汁，紅蘿蔔唔夠淋。我未食過其他分店嘅韓脆雞，所以冇得比較。但佢普通嘅家鄉雞同狂惹香燒雞的確係特別嚡，冇味，超乾。。。。下次都係去返卓爾居嗰間算:(…Read More

今晚嘅飯局係為咗FAREWELL個同學，我哋成班都係第一次食呢間。我哋訂咗枱所以唔洗等位，不過當晚係星期四，間餐廳都坐唔滿。間餐廳係樓上舖，有兩層，我哋張枱喺三樓。一打開門就見到啲裝修好有特色，好有中國嘅氣息，亦幾富麗堂皇。最特別就係我哋張枱中間竟然有一盤金魚，真係好令人賞心悅目!坐低後，佢會有壷茶同一碟小食。壷茶好特別，味道有啲似玄米茶，茶葉係一啲黑色嘅種子。但啲小食實在太少，七個人先得一小兜，一人都冇一粒花生。。。開始講返啲嘢食先:個炒飯，水晶肴肉同雞絲粉皮就不過不失啦，但以將近一百蚊嘅價錢噄講就唔係咁抵囉，出面大把地方整得好味過佢，大碟過佢同平過佢啦~麻辣肚絲- 味道幾好，夠辣，肚絲切得夠幼北京填鴨- 鴨做得幾好，但皮不夠脆；而啲麪皮我哋一致應為做得太厚喇。牛肉刀削麵- 刀削麵很滑，質地偏淋，牛肉湯底濃郁格格楂楂肉- 其實就係山楂咕嚕肉，加咗完粒山楂，酸酸甜甜好開胃，出面嘅色素糖漿咕嚕肉完全冇得比!!啲肉有人話肥，但我覺得啱啱好。士多啤梨拔絲- 上網見到好多人食加上其他餐廳少有，所以點咗。食落同冰糖葫蘆冇分別，有層糖膠包住粒士多啤梨。最特別係上面啲拉絲囉。呢碟嘢最主要係用嚟欣賞，食用價值不大。今次寫食評嘅主要原因係想佢改善吓佢嘅服務。其實佢服務態度唔係差。待應會好主動介紹啲菜色、仲好樂意幫我哋影相。不過佢哋太鐘意收起人哋碟餸。有啲剩返啲配菜佢就問都唔問收走，阻止都嚟唔切。有啲剩返一件佢就不斷提你叫你食咗佢。其實又唔係有人等緊位，附近仲有吉枱添，點解佢要咁急，唔俾人慢慢食呢?呢間嘢最主管係食個環境，食物都唔錯,如果可以改善吓佢嘅收碟速度咁就更好喇~…Read More

因為貪方便，個fd又話食開呢間嘢，而我都係想搵個位坐吓傾吓計，咁就求其入咗呢間牛車水。我見到大部份人都係食焗嘢或咖哩，但我就係唔理友人嘅勸告死都要試泡飯，點知就中招了…我嗌咗個蕃茄豆腐牛肉泡飯，當佢一攞嚟我就知唔對勁了….我聞到一陣好濃嘅麻油味，而啲飯就一舊咁放喺底。個湯係用啲煮麵水加麻油整成，完全冇同蕃茄一齊煮過。啲豆腐亦都冇點切過，係求其整爛就掉落去，仲有啲酸架!!!!仲有D牛肉係用早餐沙爹牛用剩嘅牛肉，啲餸浮晒喺面，好似洗碗水咁，最恐怖嘅係佢放兩條完整嘅菜心喺面…. D飯又勁淋，浸一浸仲變咗一pat嘢。我真係未食過啲咁難食嘅嘢，連三分一碗都食唔到呀。可能從來都冇客會叫呢個泡飯，佢一時手足無措先會搞成咁….…Read More

因為要farewell同事，所以我地約埋成班一行三十人去食飯。甘多人搵地方有啲麻煩，有個住元朗嘅同事就提議去食紅磚屋十號喇！ 今次係我第一次去，原來呢度好靚架。架私房茶入面嘅裝修同報緻都有心機，坐得好舒服。不過枱就唔多，外面好似有兩張大枱，入面就兩大一細。 坐低冇耐就上左個燉湯，入面好多料，因為加左啲元貝，所以個湯好鮮甜。 古法燒鱔 呢個係我最欣賞嘅一味餸。佢將條鱔切開，做到好似鰻魚甘，再攞去穌炸。啲鱔炸得啱啱好，滑得嚟又爽，唔會淰。最值得一提係佢個秘製醬汁，酸酸甜甜好特別！ XO 醬大蝦 啲蝦好大隻好爽口彈牙，但食落去唔會好似出面甘有啲硼砂味，隻蝦係好新鮮先做到呢個效果，再點埋佢自家制嘅XO醬真係好夾！！！ 百花蟹鉗 啲蝦膠好爽滑，好足料，食得出冇加其他粉落去。 黃金骨拼召鹽鮮魷 呢味因為我行開左，轉個頭返來已經俾人食晒。。。但佢地話個黃金過好香口，入面又唔乾！好想試下 古法鹽焗雞 相比其他餸呢味就普普通通啦 蒸海虎斑 有兩條，啲肉都嫩滑嘅 炒飯 炒得幾乾身，食落去有啲微辣，不過我個人嚟講就覺得鹹左啲囉 糖水 份量有點少，有啲雪耳喺入面，感覺都幾滋潤最後因為個XO醬太好味,所以買左一樽返屋企攞嚟撈麪一流!!!啲野食幾特別, 環境好啱一大班人嘅聚會! 值得一試呀!…Read More

嚟到元朗, 最想就係食啲辣野做下午茶。咁啱經過見到間野叫雲貴軒，諗住叫得呢個名都唔錯。點之一啲雲貴風味都冇。:(呢間野俾我嘅感覺係連鎖式經營, 除咗酸辣米線同台式肉臊飯之外, 仲有普通嘅茶餐供應。我哋叫咗一碗酸辣魚腐米線(@$34)同兩個茶餐($@22)。茶餐冇咩特別，我就不作介紹了。個米線我叫咗中辣, 但係佢嘅辣度就只得BB辣, 麻酸味亦不足, 好明顯係冇咩香料。幸好個魚腐都好食:)，魚同豆腐嘅比例好啱我~不過以30蚊的價錢嚟講就會有好多比佢好味好多嘅選揀囉如果係一心想嚟食酸辣米線嘅人, 一定會大失所望。:(但係如果你只係求求其其想食個麵做下午茶嘅話，你都可以幫襯下佢嘅。。。…Read More

因為上網睇過食評,啲fd食過又話ok, 所以我個fd就揀左嚟呢度食晚飯...點知令我地失望而回…:(:(屯門呢排開左好多新食市, 又有米芝蓮推介,又自助點餐, gimmick多多, 不過食物嘅質素就…:(雖然openrice嘅食評唔俾我寫太多食物以外嘅意見, 但係我都要講講呢間野嘅服務:我地喺門口企左一陣, 完全冇人有意識要帶我地入去, 我地唯有自己去入去搵位, 我地行去四人枱又行去兩人枱都一直冇人理, 直到我地坐低先有人攞個menu過嚟啲waitress成日掛住傾計, 叫左佢地都要傾多幾句先肯行過嚟, 係咪唔想DO呀???:(你賣得一杯五十幾蚊嘅雪糕, 我都expect你間野嘅服務質素有番甘上下吖! 啲野食方面就仲衰:1.卡邦尼溫泉蛋烏冬個醬汁都唔錯,卡邦尼同烏冬個味都幾夾, 不過冇咩芝士味。但係食得出啲烏冬唔靚, 唔彈牙, 又煮得淋><2.豬骨濃湯拉麵 (唔係好記得個名)個湯一啲都唔濃, 塊紫菜仲要勁淋, 隻蛋又唔係溏心, 個麵個質地真係超差, 超級求其!!!佢仲要煮到勁淋…3.綠茶葛粉條好食又好玩! 綠茶味濃, 甘甘地~雖然呢間野叫抹茶館，應該係要專注喺抺茶方面，但係其他食物嘅水準都要提升吓~服務態度就更加有待改善啦唯一可以讚下嘅地方係因為冇人等位, 晚市都可以慢慢傾, 慢慢坐…Read More

我今次係第四次食呢間野喇, 不過之前三次都係喺舊舖.我之前一直都好期待去食, 正如前幾篇食評所講, 真係有啲失望:(。新店比較大同寬敞, 坐得比較舒服。但係唔知係咪近尖沙咀嘅關係, 好似有啲變咗做遊客生意咁…啲野食又好似細碟咗咁(以前已經覺得佢比較細碟, 唔知係咪我心理作用…)今次因為有人唔食得辣, 所以試咗幾個唔辣嘅小菜:1.菜圃蛋啲菜圃唔會好咸, 味道適中, 家常菜嘅味道。2.錫紙焗蜆淨係用蔥嘅簡單烹調, 好突出到蜆嘅鮮味。3.乾扁四季豆我每次去都會叫架, 好香口, 不過今次炒得唔夠乾身…4.黃金雞呢個係全晚最有驚喜, 最好味嘅~舊雞炸到好香脆, 佢唔係炸到外脆內嫩嗰種, 而係炸到好通透, 好乾身, 同外面啲咸蛋黃簡直係絕配。 雖然以上嘅小菜都幾好味, 但係對我地呢啲鍾意食辣嘅人嚟講就覺得好唔”啦更”!!!所以等我講番啲辣野先:我期代已久嘅麻辣田雞煲!!!我每次嚟都係為咗食佢咋!!!但係今次實在係令我太失望喇:(…佢衣家有3-7個辣度揀, 但係我之前喺舊嗰間一直叫小或中辣, 都唔知3-7係點…所以咪叫小辣囉, 點知…係非常BB辣:(:(:(連平時唔食辣嘅fd都食幾舊!!!麻嘅感覺亦都唔夠。基於唔辣嘅關係, 我啲fd即刻叫多個麻辣雞煲~唉…搞到我好無奈, 完全失去咗食雞煲嘅意義…另外我地都叫咗碟羊肉同牛肉, 質素都算唔錯(因為有啲專食雞煲嘅地方好多時會忽略咗配料嘅質素), 不過都係細咗啲囉><珍寶青檸樹都仲係好好飲, 酸酸甜甜, 真係好刺激食慾總括嚟講, 啲野食真係冇以前咁好, 冇咁值得推薦喇…又或者下次揀番啲高辣度會好啲嘅…我諗我都係時候要發掘吓其他雞煲喇…不過佢有個好處就係加湯可以加辣湯~…Read More

當日係想食下午茶, 見到呢間野新開,諗住試下...雖然呢間野係自助點餐, 但係都有兩三個侍應帶下位, 執下野....另外有位類似經理嘅人比較熱心入面唔係好多位, 人都唔係好多環境光孟整潔~之後開始點餐, 有中英日文選擇,之後揀座位(左或右), 野食方面有:常餐, 車仔面, 新加坡, 台灣, 日本, 不過每個地方都係得三四樣野選擇也太少了吧嗰日仲要好多都冇晒!!!!車仔面冇餸揀,不過面底都有幾款揀下嘅...不過我見佢官網係有餸揀ge, 可以遲D會有ge.....另外佢部機有個問題係如果嗰樣野食冇晒, 佢會照俾你揀, 但度最後確認訂單時就會按唔到個制, 但係唔會話俾你聽咩原因:(如果佢冇就一早出聲啦最終都係要搵個侍應, 甘部機有咩用呢??反而拖長左用餐時間...佢D野食更加不知所謂, 仲要四十幾蚊個喇唦都叫正正常常,湯底幾好味, 幾香濃但係冇咩料, 得D芽菜, 同兩三塊腩肉, D腩肉無醃過, 冇味嘅...麵嘅份量都OK合理... 個日本九州豬骨拉面超淡, 個湯底好稀, 完全冇嗰種骨膠原漿口嘅感覺...唔通九州係呢種style嘅?? 仲衰過自己去超市買嗰D!叉燒我冇食我唔知, 不過我個fd話D溏心蛋有D怪囉...佢成間野就係賣部自助點餐機, 如果你貪得意都可以試下嘅但係佢D野食就唔值呢個價, 市中心D舖頭搞到懶高檔甘, 但D質素就....如果佢唔改善下食物嘅質素, 佢應該唔捱得幾耐><…Read More

我地7點半到去到,等左一陣就有位.個兩人位喺走廊度, 個位好似係勉強擺係度甘, 最無稽嘅係我想叫個部隊窩,個waiter竟然話個位太細,擺唔落wor有冇再離譜D呀!!!!!不過最後都叫左, 之後調左個4人位先放得落講返D野食先~個部隊窩要成$188, 加十蚊轉做餐, 有兩杯野飲同兩杯咖啡凍, 正常人都會expect係兩人份量LA, 不過唔好意思, 個窩入面得一個韓國公仔面:(幾片腸仔, 幾片泡菜...冇LU, 唔係好辣, 冇泡菜(落得甘少梗係冇LA), 甜甜地, 都夠味嘅另外, 叫左個扇貝MAMA飯($68), 完全唔知同MAMA有咩關係, D飯量又極少, 只係珍珠米,淋D燒汁, 上面放塊肥牛同兩粒扇貝, that's all....:(最恐怖係跟餐嘅貢菜同泡菜, 個樣好似食淨甘:(真係見到都唔開胃!!!唯一好味D嘅係個咖啡凍, 味道同質感都唔錯仲有, 佢D野飲係用外賣杯裝, 好唔環保呢間野同spagetti house share 同一間舖, 好心佢地唔夠位就唔好勉強la, 整到鬼死甘迫....唔會再去lu....呢間係spagetti 360, spagetti house 同cooking mama 360 之中最差!!!…Read More

零辰一點搵宵夜食,D同事好熟路,就帶左我去食呢間打冷夜晚晚食野特別滋味,佳喺路邊真係好好FEEL我地都叫左幾多野:有我最鐘意嘅蠔仔粥同蠔餅...粥嘅味度普通,D蠔都幾多,不過唔係特別飽滿...純粹係打冷一定要食蠔仔粥, 否則唔洗專登食嘅蠔餅炸得好鬆化,不過D粉落多左D囉椒鹽豆腐就麻麻喇,舊豆腐好似唔係好熱甘, 太實, 唔鬆軟, 失望:(之前喺第二度食過風沙豆腐,細細粒, 外脆內軟, 正好多!仲有:鹵水鵝腸同鹵水豬大腸-->唔係好入味椒鹽田雞: 田雞炸得有D乾...豬紅: OKD野食唔係話特別好食,但係打冷嚟講都幾吸引…Read More

因為之前有張$1換大板燒蛋包飯(輕量版), 9月10號就到期喇, 所以專登去食因為係星期日, 所以冇SET LUNCH...今次叫左三個蛋包飯同加左個$1大板燒蛋包飯, 本來諗緊一蚊會唔會好細碟ga, 點知都有平時2/3甘大wor今次D蛋好似多左右為難不過一樣甘滑), 但D飯就少左大板燒味, 有D酸得濟...個蟹餅入面見到D蟹絲, 其餘都係薯蓉嚟...有D失望:(我覺得佢promotion做得好好,為左D印仔,搞到我成日去食, 不過D印得2兩個月限期,點都儲唔到廿個LA…Read More

今次係一大班人嘅聚會,所以食韓燒就最好不過~今次係第二次食呢間野, 上次冇咩印象..今次就永世難忘喇環境:今次book到房,唔洸同人迫,都幾好嘅食物:選擇極少!一眼睇晒...都係雪藏野,都預左da la, 冇野好講~唯一好食d嘅係牛脷,仲食左好多tim(不過重點就喺度喇:()服務: very bad,想換爐,黑口黑面,個房有4個爐,淨係肯換一個, 又話要等半個鍾先可換第二個. 到我搵我再換又用極差的態度叫我唔好開甘大個火wor重點等二天晚上,我同其他兩個食得比較多牛脷嘅fd都:(仲要食左我$180!!!真係貼錢買難受that'why 我唔會再去食就算去食漠陽院個 lunch 韓燒都好過佢!!!…Read More

本來去呢間係諗住食佢嘅雞煲嘅,但係因為太夜,已經冇晒:(唯有下次再試la...)今次叫左:麻辣火鍋粉(可加$6配其他餸)-原來係薯粉黎ga, 仲要係寬嗰隻...有d"un"我叫左中辣,辣味足夠,有很多香料,但香味略嫌不足,對我黎講太鹹蒜泥白肉-係唔辣嘅,所以冇咩感想,好鹹,好多蒜頭,d肉係唔錯嘅,肥瘦適中, 凍d會好d囉青椒皮蛋-最好味,食到唔停口.d青椒切得好幼,d辣椒醬好好味(我叫左中辣)裏面有D瑤柱,好似xo醬咁d皮蛋晶瑩剔透,完全冇臭味,個黃係黃色,唔似平時食開嗰d...總之就好味la,下次會再叫!!…Read More

之前夜晚經過已經想食架喇, 不過太多人等位,加上個FD唔想食所以冇食到囉:(今次中午12點半, 冇咩人, 完全唔洗等即刻入去食. LUNCH仲可以免費揀兩款(沙律,餐湯,飲品)裡面D裝修幾好, 坐得又舒服. 不過D水就差D囉, 好似泳池水味講番D野食先,我地試湯同沙律我地叫左3樣野:呢個我媽咪認為係最好食嘅,因為D厚煙肉配忌廉汁真係好味~本來以為D飯你同D湯會撈埋一齊, 仲驚會好漏。依家分開上,加上D湯係稀嘅,因此都不錯不過D飯就硬左啲囉,可能預你會浸淋佢卦...裡面有紅蘿蔔同薯仔,得兩舊肉(好韌),不過已經好飽!呢個冇咩特別同蘑菇嗰個差唔多, 用燒汁反而冇甘襯...總括嚟講, D野食嘅份量好夠, 蛋亦好滑,不過D侍應唔夠醒目~最後佢地俾左張儲印咭我地, $50=一個印, 可以換野食或儲夠20個換9折卡, 不過要兩個月內...希望快D再去食過:)…Read More

見佢新開,所以去試試...星期一都超多人排隊, 2個人都等左成半個中...紅酒壽司: 都有紅酒味ge...冇咩特別, 都係D gimmick 野law...試一次就夠!帆立貝豬骨湯手打烏冬: 最差嘅一樣!!! 個湯好似公仔麪D湯粉, 去買味千拉麪湯包都好味過佢!!! 手打烏冬要加錢, 但係一D都唔彈牙, 好似煮得太 淋...份量又少, 大部份都係D野菜...:(軟殼蟹卷:不過不失:)玉子壽司: 我個fd話板長好DIn Conclusion: 又貴又唔好食,衣家新開,大家貪新鮮試下, 如果唔改善嘅話, 冇人會再番去...…Read More