682's Profile

星期六晚喺灣仔區想食家常小菜，我都會揀呢間，因為老火湯滾熱辣，小菜款式亦很多選擇，招呼親切勤快，地方整潔。「咕嚕肉」酸酸甜甜，不會覺得油膩，很開胃！「苦瓜炒蛋」味道偏淡，感覺健康，不會像一般餐廳那樣鹹。「蒜蓉粉絲蒸勝瓜」很香，很多粉絲，大家都搶著吃！「豆卜蒸排骨」很好吃，豆卜吸滿肉汁是主角，排骨反而變了配角😂未知是否位置問題，客人不多，但其實喺Times Square穿過街市行過去只係6-7分鐘，就在電車路旁邊。老闆娘話營業至11pm，最啱夜收工又想食餐好嘅手足！…Read More

星期六4pm左右搵嘢食，喺東大街向海方向行到尾尾發現咗間食泰菜！下午茶有粉麵餐，$42包飲品，又唔使等位粉麵選擇很多，樣樣都想試吓，見到有款叫「雜錦」，一碗已有6款配菜，Good! 另外加$8額外再加埋「招牌咸肉」！食泰菜，我一定會叫泰式奶茶，覺得咁先夠正宗。侍應勤快，幾分鐘就有得食！好大碗，好豐富，味道OK亦夠熱，大滿足！食到一半，先發現碗底有好多芽菜，脆卜卜，好味呢！然後發現牆上貼了免費WIFI 密碼於是立即報料畀大家！…Read More

星期一的下午4pm，店內客人不多，揀了光猛嘅窗口位坐，雖然梳化有點舊，但感覺好舒服。下午茶餐款式多，上次已食過招牌菜海南雞，雞胸肉也是滑滑的，好味！今次試了另一款「咖喱牛腩飯」，香滑不太辣，係我喜歡的味道，除了牛腩，也有一大塊炸薯角及少許洋蔥，份量輕盈，女士們應該足夠飽肚。$42已包飲品，奶茶香濃。免加一。會再去幫襯的！…Read More

星期五的下午，店內客人不多，不用排隊就已經可以落Order。叫了一款下午茶特價の腐皮湯烏冬+炸雞串($32) 另加 可口可樂一罐($2)，Total $34 抵食！自助Bar有清水，亦有青蔥碎、薑蓉可自己加，亦有提供各款醬油，尚算整潔！烏冬夠熱，份量亦多，麵質彈牙，湯底味道適中不算咸。腐皮有3塊，甜甜哋，好味啊！炸雞乾身不油，雞皮仍有少少脆口，OK的。店內環境整潔，沒有半點擠逼感覺，坐得舒服。值得再次光顧呢！…Read More

我和老公廿幾年前喺台北夜市曾食過肉骨茶，印象中係好味的，但又唔太記得係乜味了😂星期六晚我倆路經大坑見到「肉骨皇」的招牌，便不禁停低眼金金地看著美食圖片和餐牌，一位親切的女士在門口介紹，加上不用排隊，枱椅闊落坐得舒服，於是我們便馬上找個位子坐下，慢慢睇餐牌。「肉骨茶」充滿藥材香味，味道咸甜適中，還有幾塊油炸鬼，可吸收湯汁一齊吃，很有趣。女士介紹時提到，這款湯對身體好，藥材會因應季節而變化，所以夏天和冬天的味道會是不同的。我們叫了白飯配「內骨茶」，鍋中除了有排骨，還有支竹！我很喜歡食支竹的，吸滿了湯汁的支竹好美味❤️如果可以放多一倍支竹就更好了！另外，再點了一碟炒蘿蔔糕👍🏻蘿蔔糕四面都煎炸過，配以芽菜雞蛋同炒香，我們都很喜歡。雖然我們兩個人只點了兩樣餸，不過也感到飽足了！見到牆上還寫了有很多有趣的菜式，例如「咖啡骨」，不知道是什麼味道呢？下次再試！…Read More

平日4pm左右，唔使等位，雖然我只得一個人，但都安排我坐卡位，環境清靜，坐得又舒服👍🏻我叫了其中一款下午茶餐「泰式湯河」，可任選3款肉類配料，並配飲品一杯。我揀了 豬頸肉、鴨胸、札肉 清湯河粉 (不怕辣的亦可配冬蔭功湯)，飲品則揀了「泰式凍奶茶」。泰式湯河大大碗的，配料亦多，雖然味道並無特別，但熱騰騰的吃得人很滿足。至於飲品「泰式凍奶茶」香味和味道都很特別，上網查查，原來是加了茴香、羅望子、豆蔻，怪不得與平日常飲的港式奶茶不同味道了。我本身一向都愛飲印度 Masala Chai，也是加入很多香料的，所以今天試到這款泰式凍奶茶，確實令我喜岀望外。埋單不用$60，便可悠閒地渡過一個下午，有飲有食，還可以靜靜看看書❤️真是個好地方👍🏻…Read More

約朋友聚舊，用Open Rice 嘅 App 預早一日訂了星期五晚 7pm 的枱，非常方便，仲可以儲分👍🏻👍🏻👍🏻第一次去這間韓式食店，鄰近港鐵站，交通非常方便。舖面雖然不算大，但枱夠大，又坐得舒！菜式飲品全部賣相都好可愛，看到Menu已經好開心！墨汁海鮮西班牙腸繪飯像雲朵的繪飯，非常可愛，一定要相機先食！至於味道，非常普通，配料海鮮和西班牙腸我都唔覺有，下次不會再叫了！黃金海鮮咸蛋黃醬薄餅全晚最好味係呢個Pizza！芝士拉絲，又有蝦、魷魚、菠蘿、火箭菜，薄脆餅底好正，掛住傾凍咗食都依然脆卜卜！寶寶Pancake配焦糖醬似似哋煎蛋餅，3個女仔Share食剛剛好，不過無乜特別，下次會試其他甜品。泡菜壽司卷(忘了影相) 和一般壽司卷相似，餡料有泡菜和蛋，味道OK，下次都不會再叫了！棉花糖摩卡咖啡影相呃Like一流，但棉花糖好快溶，影完相好快啲飲！棉花糖很甜，中和了摩卡，味道還可以。但朋友叫了杯棉花糖朱古力，甜上加甜甜甜，除非真係勁喜歡食甜，否則應該飲不完一杯。侍應生服務態度友善，上菜又準又快，又幫我哋揸相機影相留念。可能因為今晚不是太多客等位，我哋可以由7pm食到差不多11pm，傾到飽才離開！Super開心的一晚…Read More

星期五晚六點幾，不用等位，有卡位坐！和老公第一次來，粥粉麵飯小菜乜都有，花多眼亂，最後揀了兩個小菜：涼瓜豬雜煲($70) 豬雜包括了豬肚、豬潤、豬粉腸，材料新鮮，味道OK，但涼瓜略嫌煮得太軟身。意想不到的是切得薄薄的薑片爆香後微辣無渣，我和老公搶住食！梅子排骨蒸粉絲($70)這款家常小菜充滿童年回憶，但每間食店煮的味道都不一樣，所以到處試食是一件有趣的事！這間的梅子醬味道酸中帶甜，較一般食店的酸，我猜小朋友未必喜歡，但成年人應該覺得好滋味！排骨亦件件帶骨，肥瘦適中。另一個特色是用了粉絲墊底，吸收了味道的精華！不過，要有心理準備，即叫即蒸係需要時間的，我們等了差不多20分鐘(吃完涼瓜豬雜煲之後)才送到，心急或趕時間者不宜叫這菜式了。每個菜另加$14便有中湯、白飯和熱飲。免收加一，全單$168，價錢合理。…Read More

今日係星期六，6:30pm去到新南苑，已經差不多滿座，好彩仲有一、兩張細枱，同老公即刻坐低。餐牌上有齊各式廣東小菜，仲有潮州打冷，價錢經濟實惠。今日點了「新南苑吊燒骨」和「小炒王」。「吊燒骨」肥瘦比例剛好，肉質表面燒得少少脆，味道甜甜地，很大碟，好滋味！至於「小炒王」，我覺得是一款很有趣的菜式，因為間間食店都不同，每間食店都有自己選擇的材料。這間的「小炒王」用了豆角、蓮藕、蝦乾、銀魚仔、腰果，很大碟，好惹味！其實仲有很多菜式都很吸引，例如「木桶勝瓜浸蟶子」，見到其他顧客食得津津有味，下次我都會試下。另外值得一讚，是店員的動作和回應迅速，而且亦很細心，例如期間有一家人來用膳，當中包括了一位年老的婆婆，店員見到婆婆後便立即搬來一張有椅背的櫈給婆婆坐，很貼心呢！…Read More

已一段時間無逛APM，原來多了幾間新食店。離遠見到呢間舖，黃色好Sharp醒，廚窗排滿焗好的芝士塔，令我忍唔住衝埋去睇！芝士塔大軍排列整齊，漲卜卜、圓碌碌，已經準備好攻入肚皮！哇，唔使排隊？？？咁梗係要買件試吓！！！其實，$20件覺得有啲貴！不過，曲奇塔皮鬆化、芝士好滑，又真係好好美味嘅！話時話，好彩我無乜 Keep Fit 大計，否則食咗呢件芝士塔，唔知會唔會前功盡廢？正所謂「少食多滋味」，嚟緊呢幾個月我應該唔會再買嚟食㗎喇...... 除非，見到更邪惡嘅朱古力味啦！哈哈哈！…Read More

平日3:30pm不用排隊便有位，環境舒適！下午茶餐劃一收費$78(另加一服務費)，有蛋糕、多士、三文治、沙律、粉麵等多款選擇，好吸引呢！這店的 Coconut Crepe Cake 很有名，所以我很快便決定要吃它了！清甜的Cream跟爽爽椰子肉的味道非常夾，再配一杯Latte真係錦上添花！朋友因爲比較肚餓，所以她點了「胡椒肝醬配香脆多士」: 香脆多士放滿一大碟，碟中央慷慨地堆了一個肝醬小山，感覺豪華！份量這麼多，如果不是太肚餓的話，其實兩個女仔share都夠飽了。…Read More

平日4:30pm原本打算搵間茶餐廳飲奶茶，點知路經呢間舊式粥店，見阿姐搓緊麵糰整油炸鬼，門口嗰個鑊巨型到呢！！咁大鑊，梗係要坐低試吓！哈！一入去就有位，我叫咗豬紅艇仔粥&油炸鬼。阿姐都幾體貼，落單時問我「油炸鬼使唔使剪啊？」食物好快就送到，新鮮剛炸好嘅油炸鬼真係好脆好好味啊！豬紅艇仔粥都好好味，而且配料足足佔咗半碗咁多啊！當食到豬紅嘅時候，突然覺得「點解同喺連鎖粥店食嘅唔同嘅？」平時通常食到的豬紅都是濃味的、很多胡椒粉的味道; 但這裡的豬紅是淡味的，好像沒有用味精或胡椒粉調味呢...... 這才是我童年時所吃的豬紅的味道啊！價廉物美，飽足的一餐！下次會試咸肉粽、炸兩。…Read More

平日3pm和朋友來到這間餐廳下午茶，坐在窗邊的二人枱。望著街上車來車往，跟餐廳裡的悠閒寧靜氣氛，形成有趣的對比。下午茶餐選擇很多，我們點了小食拼盤和心太軟。小食拼盤包括雞翼、炸魷魚圈、炸洋蔥圈、炸薯條和沙律菜，味道OK大滿足！心太軟賣相都幾靚，切開蛋糕便見到朱古力漿慢慢流岀來，配雲尼拿雪糕，一熱一凍好好味！莫加朱古力咖啡大大杯的，也算香濃。待應的服務亦勤快和專業，落單時會問餐飲想幾時上，很細心啊！如將來有機會約朋友到油麻地吃Lunch或Dinner，都會考慮來這間試一試！…Read More

平日5pm路經西貢市中心巴士總站旁邊，見到一間會「噴煙」的外賣店，走近八卦一下，原來是賣魚仔形狀蛋糕和格仔餅的小店; 門口噴岀來的煙不是油煙，而是水，好有趣！可能因為不是假期，人流不多，所以不用排隊之餘，食物都是即叫即造，新鮮熱辣！看著店主把蛋漿加進魚仔形狀的蛋糕模內，幾分鐘後便完成了「魚燒」，好可愛！「魚燒」外層是類似雞蛋仔的口感，內裡夾了用牛奶製的餡料，香滑Creamy！另外我也點了「麻糬格格」，很好味啊！格仔餅很香脆，麻糬餡很QQ，雖然味道略甜，但不太愛吃甜的朋友也大讚好吃呢！值得一試再試！…Read More

星期日4pm去灣仔搵地方食下午茶，原來有間新開嘅Avanti Pizzeria，立即有位唔使等。餐廳樓底極高，陽光從落地大玻璃窗透入來，感覺很悠閒舒適。下午茶餐有很多款式選擇，Pizza、意粉、炸魚、甜品等等連飲品都只係由 $48起，經濟實惠！因為見餐廳名字有 Pizzeria 字眼，所以便決定吃 Pizza。我叫了 Parma Ham Pizza ($68)，原來8吋係好大個呢，除了巴馬火腿和芝士，還有新鮮無花果和火箭菜，批底薄脆，好啱我嘅口味！最後兩件已經飽到吃不下，待應生替我用盒包好，仲用一個好靚嘅袋載起，服務非常好。餐茶，我點了熱奶茶，用英式茶包浸泡並以茶壺送上，另配一瓶奶。若講茶味，當然不及港式奶茶香濃，但和朋友傾計嘆茶，這壺茶可以飲好耐呢！朋友則叫了 Carbonara寬條麵 ($55)，份量亦像Lunch咁大份，味道OK。最後，待應生提我們要Keep好單據，一個月內再次惠顧可享8折！…Read More