DesVoeux77's Profile

天水圍，一個好多小家庭生活既社區。今日係假期，一家大小都出黎食個lunch, 享受下家庭樂。係個商場行黎行去，餐廳的確有好多，不過岩食既都無幾間。好多人都選擇呢間勵揚冰室，可能呢間冰室岩岩做到大家既要求，好食，快，有茶餐廳既風格。我揀佐常餐，41蚊，凍飲加2蚊。沙嗲牛麵，多士，火腿奄列。沙嗲牛夠濃味，少少汁，成碗湯都有沙嗲味。多士係有花生醬，脆ga。奄列入面係滿滿既火腿，半隻碗咁大。一個人食晒係120%飽。其他午餐都好吸引下，又有鐵板餐，唔怪得呢間冰室受歡迎，好多都一家大細黎幫襯，而其他都拍晒烏蠅。…Read More

同朋友行過呢間爭鮮，見到就過去睇下，原來依家有新玩法，8蚊一碟限時30分鐘另收加一。好有趣，平時爭鮮3蚊件，咁樣坐入去食就4蚊件再加一。我地一於就試下。有茶，有醬酒，有芥末，有酸薑，麥都齊。坐入去可以食到既壽司款式多，有刺身，有麵鼓湯，有錫紙包飲品，睇落都ok。全部8蚊碟，半個鐘埋包個肚，都幾唔錯。壽司有三文魚籽軍艦，火炙三文魚壽司，蟹捧壽司，每碟2件，都係8蚊碟，抵la!我地食食下，每人食佐六十幾蚊，真係抵食。…Read More

朋友有車，佢帶我地去試一試元朗既隱世美食。我地由兆康站出發，十分鐘左右既車程就到了，有泊車既地方，很方便。細細間既舖頭，都坐到幾多人，洗手間很乾淨，無咩特別裝修，最緊要佢既肉餅好食。我地叫佐榴槤肉餅飯，芒果肉餅飯同埋銀針粉。我似為係蒸肉餅，但原來係煎肉餅。中間夾佐榴槤肉，因為唔係蒸，係煎，榴槤仲係好香，無過熟無變酸。因為有豬肉餅，令到榴槤既味更香更甜，肉餅脆脆地好香口，估唔到榴槤同肉餅係咁夾味。鐘意食榴槤既朋友，要黎試一試。…Read More

約佐friend係moko食飯，食飯前已經嗅到呢間beard papa傳出黎既香味。於事我地食完飯就黎買佐個“飯後甜品” 獎勵一下自己。我揀佐酥皮+士多啤梨味cream $22個酥皮仲香脆ga, 一大個，2隻手渣住就已經好滿足，酥皮香脆之餘再加個士多啤梨味既cream, 酸酸甜甜，一d都唔膩，反而仲好fresh tim ar!朋友揀佐雙重香脆系列既士多啤梨味同士多啤梨cream。桃紅色既外皮，淨係睇都覺得醒神同開胃LA, 外層同cream 都係士多啤梨味，鐘意士多啤梨既人就唔好錯過la!…Read More

黎到樂富搵好野食，呢間梨滿園好似唔錯，乾淨整清，行到過去好快就有侍應招呼我地。我地都係食燒肉la!首先要講下個牛肋骨一塊好長，薄薄的，成條放落去燒，好快熟，好香既牛味，好嫩口，好好食!雞腎可能有朋友唔食肉臟，我就無有怕。燒佐一人一塊試下味先。佢預先醃佐好夠味，燒完之後好爽口，好入味，好香，連唔食肉臟都想試下。佢切得好薄，每塊大細都差唔多，比平時既雞腎大塊，燒完每塊都好靚仔，good除佐烤肉，我地仲叫佐隻醬油蟹好好味! 大大隻，個身每一件都有蟹膏，蟹膏甘香，食佐一啖成個口都有蟹膏既香味，甘甘甜甜的。佢既蟹肉就有醬油味，好入味，肉又多，質感似甜蝦，而味道比蝦更鮮甜，有更濃海鮮味。仲叫佐個帶子好大隻，煎帶子唔可以煎太耐，煎大耐會變硬又無晒肉汁，今次煎得岩岩好，外面脆，入面軟。好大隻，煎完出黎好靚，唔係細細粒個當炒餸，呢隻帶子既size大過平時食壽司個d, 咁大隻咁樣煎，好爽呀！好味，無諗過黎到樂富都搵到好野食下次要再黎試下佢其他野…Read More

約朋友出黎食飯都係想傾下幾，今日黎到太子既新世紀（moko）又唔想食food court, 就去佐間似係cafe既餐廳食飯。帶子露荀香草闊麵 $128有好濃郁既香草汁包實每一條闊麵，食每啖闊麵都有露荀同香草味，帶子煎香佐既味就已經一早聞到，帶子煎到有少少金黃色，仲係好嫩，好味。軟殼蟹墨魚汁麵 $148成隻軟殼炸好上，隻蟹中間仲有膏，隻軟殼蟹仲大過一隻手掌。墨魚汁麵係成條麵都係黑色，而唔係用黑色既汁撈上去，成碟覺得佢一d都唔求實ga!炸魷魚圈 下次唔會再食，唔脆，賣相十分求其。…Read More

放假都約同事食飯，真係收佐工都繼續講公司野。坐大排檔有樣好，講野幾大聲都唔怕，盡情傾，都係全靠有呢個大排檔，我地先傾得咁盡興!菠蘿生炒骨wa! 呢個不得了先講肉同骨既比例，差唔多舊舊都係肉，都有骨既，但唔多。甜酸汁就夠甜，酸就岩岩好，好開胃。豉椒炒蜆蜆係細佐佐少少，不過份量塔夠，成個碟滿佐。西檬雞呢個麻麻地，粉太厚，雞又炸得太乾，下次可以試其他。蠔汁鮑片草菇扒生菜蠔汁好鹹，加埋生菜就岩岩好，生菜好新鮮，仲係甜既，如果唔想淨時菜，呢個都係幾好既選擇…Read More

朝早去完city, 去又一城行佐個圈食個早餐先番去。上到Food Court, 有麥記，吉野家，大快活同太興。我地都諗住食少少野就回家，咁岩睇到呢間太興，無咩人排隧，太興有我想食既炒蛋，價格又Ok, 所以揀佐佢。套餐 $28有雪菜肉絲米粉，炒滑蛋，餐包，熱飲，4樣野都係28蚊，好抵食。先講下米粉，佢既米粉係曲曲地，唔係直ga, 好似人地即食麵咁，無平時直既米粉咁爽口，不過都ok既~ 炒滑蛋就炒得好滑，有蛋味，係有少少粉，不過都有濃郁既蛋味。餐包係叮熱佐，有膠袋獨立包裝，夠衞生。熱飲係無好立克揀ga! 佢有個餐飲list, 我揀佐熱柚子蜜，夠味人唔多，可以慢慢食，慢慢坐…Read More

Happy Friday梗係出去行街食飯ga la! 放工黎到尖沙咀，天氣轉涼所以想食辣野，於是我地就諗起食韓國菜，食下炸雞咁。上openrice搵，一搵就搵到呢間，咁就黎試下la。韓式BBQ醬煙熏烤雞（有骨）一上菜，feel到佢仲係熱ga! 個下已經好想食佐佢。影佐相，就帶好手套唔客氣la! 佢既雞肉唔似KFC既炸雞，係似自己BBQ燒既雞咁，食落去仲有一絲絲既肉可以絲到出黎，唔似平時既炸雞，似番雞肉。個BBQ醬味道濃佐d, 太鹹同太甜。部隊鍋下次我唔會再係呢度叫部隊鍋，料太少，公仔麵好似得半個，其他每樣4~5件，完! 168~ 有少少中伏…Read More

星期四晚同朋友出街，我又要趕住9點走，係旺角行黎行去都唔知食麥好。朋友突然話想食意粉，就諗起呢間Euro Go Go。佢唔似平時西餐廳，要人帶位，等埋位等落單等上菜都花佐段時間，呢間夠快捷方便。我地好好彩，咁岩有人走，平時都要等好耐卡邦尼意粉上次食過，覺得意粉煮得太耐唔彈牙，今次試多次，係好少少，有番d口感。講到個汁就好一般，好重芝士粉味，太鹹，有時唔係足料就係好。肉醬蘑菇意粉意粉都比上次黎食做得好佐，有少少彈牙，唔係發佐水咁。肉醬量份夠，好有蕃茄味。撈埋意粉一齊食都唔會變淡佐。食完成個意粉仲有少少肉醬淨。…Read More

今日放佐工突然約佐幾個fd出黎食飯傾幾。大家番工都辛苦LA, 約出黎吐下苦水都要la。呢間餐廳就岩晒，坐得舒服唔駛bk位又唔駛等，一上去就有位坐。做佐成日野，對眼都好攰，呢間餐廳暗暗地，燈光唔刺眼，最岩放工短聚。我地都叫佐蝴蝶形肉眼（鐵板上）。我要五成熟，配黑椒汁。套餐有餐包有湯同埋餐飲，份量足。餐包有d叮過龍，有一邊梗佐，其他都ok。塊肉眼扒終於到la, 侍應係我地面前倒d汁上去即刻冒煙，咋咋聲，要鐵板上都係為佐聽呢下聲 辛苦佐成日，當係獎勵下自la!因為係蝴蝶形扒，扒都分成2邊，一邊係薄身d, 嫩d, 軟d既肉；另一邊係厚d, 無咁多肥肉既。 5成熟我覺得岩岩好，容易切，容易咬，又有肉汁。2邊都好有牛味，有唔同既口感，加埋黑椒汁，好野味，好岩d食肉獸haha一邊食野，一邊傾幾，好開心既一個晚上，下次再約同事食飯，呢間都在名單上…Read More

家庭聚會，訂佐一圍，大家開開心心食餐飯。都係個d set好晒餐牌，唔駛諗，有雞有魚有飯仲有糖水，每人都係3百幾蚊，Ok la~清蒸沙巴龍躉新鮮，食落去有咬口，有魚既肉紋，係新鮮魚先會有呢種質感。家鄉蔥油雞好食，佢既蔥油味好入味。即使食雞胸肉，一樣都做得咁好。仲有炸蔥同蒜舖係雞上面，超濃味。個人喜好LA, 我都怕太濃味既野，呢次我都接受到。蠔皇海螺片伴玉掌好入味，鵝掌好淋，又無散開一節節，平時d鵝掌會整到好鹹，但呢次又無，仲有層厚厚地既膠質壽包好大個，蛋王蓮蓉壽包。食埋呢個包，可以包到第二朝，好彩我留佐肚食壽包~蝦片上菜前有蝦片，又係d食唔停口既野，好鹹LA, 有少少辣，同事話可以係出面買，12蚊一包，我都心郁郁呀～…Read More

我地黎到秀茂坪商場，估唔到普通既屋邨商場會有間唔錯既餐廳。好多人排隊ga, 應該都幾受歡迎ga一入去見到佢既裝修幾有心思，環境幾好，坐得又舒服。招呼又夠快，坐抵無耐就有人黎介紹餐牌，不過d阿姐唔係好識聽人講野，話佐係想食飯，佢又比個濛粉餐牌我地，好好笑，阿姐係咁上下。佢地個個都好親切，友善。有時佢地都會雞手鴨腳，個邊聽到有人推冧佐一叠餐碟，另一邊有個阿姐拾枱，成杯水倒瀉佐。我只係食花生，覺得好好笑。佢地個廚房整既菜都好吸引，隔離食米紙卷，一碟8件，大大件，好足料，下次我會試下。無骨海南雞飯雞好滑，飯有雞油香味，一粒一粒顏色均勻既飯。佢有薑蓉同海南雞汁，既醬汁好醒胃有少少辣。豬頸肉炒濛粉一上枱就聞到好香既乾炒牛河個種鑊氣味，好吸引。炒濛粉可以炒到彈牙，顏色均勻，配料好大條，切細d會好d。豬頸肉大大塊，炒完之後有d油膩。如果係屋邨餐廳就貴佐少少，但相對旺角銅鑼灣既越式餐廳，呢間真係物超所值。…Read More

難得約到十個人一齊出黎，我地搵佐間可以放便大家既餐廳，尖咀好多選擇，最後黎到呢間。星期五好多人，記得要bk位。可能因為係LCX, 離地鐵站好遠下，要預時間行入去。燒LA牛肋骨有6件，d牛肋骨有醃過既，燒出黎好入味，又好多肉汁，佢仲配佐好多沙律菜，d沙律菜都幾新鮮ga! 松子仁吞拿魚卷熔岩芝士包包中間載住半溶既芝士，熱熱地。d串燒又燒到好香，加埋d芝士一齊食，好肥呀！不過都唔會放過佢ga la羽衣甘藍煎餅朋友推介，味道不錯，煎得好好，外層香脆，中間係軟棉棉。…Read More

約佐個好耐無見既朋友出黎傾下幾食餐飯，佢話要食生蠔，咁就上網搵到呢間sky bar做緊promotion 可以試下298超抵食晚餐。個日落大兩，成隻腳濕晒。可能因為對腳濕佐，冷氣吹落黎特別凍。生蠔，和牛刺身同海膽，三選一。我揀佐生蠔，我朋友揀佐和牛刺身。另外仲有主菜可以揀，我揀佐西冷扒5成熟。佢地會先黎白酒，跟住快就有生蠔同和牛刺身。白酒加生蠔，岩岩好。生蠔都算係新鮮，爽口，鹹佐d, 我鐘意食creamy多d~ 檸檬好細呀！好似唔見佐咁!😂😂😂 我地一邊傾幾就一邊食野，環境都唔錯呀！好開心既一晚。可能工作壓力太大，食住生蠔同和牛刺身傾幾，咩壓力都無晒la!~西冷扒係好食，煮得岩岩好，每咬一口都有濃郁既牛味，唔韌，下次去我都會叫西冷。最後有少少既甜品，唔好有太大期望，叫做有少少甜品作完結。每人都係298再加一，有限時，自己就時間LA, 好多人排隊。仲有，bk位既時候記得同佢講要bk【超抵食晚餐】佢地有預份量。 提提大家，受唔到食生牛肉既就唔好食，因為我食佐幾件和牛刺身，我番到屋企痾佐4~5次，但我朋友麥事都無。奉勸大家，要清楚自己身體先好試和牛刺身。Enjoy!…Read More