Angielamxoxo's Profile

經過油麻地A2出口就見到呢間好出名嘅麵包店。平日下午四點到見到有些許人排隊，一開始仲以為要排隊入去買其他麵包，點知原來係排緊隊買法式布甸包店舖較細，而且人好多。買左出名嘅台灣3Q餅同埋法式布甸。3Q餅外皮酥脆，食個陣要小心碎碎。摸上手仲有d餘溫，內餡就食到有肉鬆、紅豆、鹹蛋黃同麻糬。味道適中唔太甜。布甸超級推薦，布甸香滑濃郁奶味有驚喜，味道比較特別之前無試過呢種布甸味！唯一失色就係麵包偏硬比較難咬。建議買到返屋企雪凍D等個餡硬返少少口感會更特別。…Read More

這次經過花墟公園聞到陣陣的曲奇香味，而且見到門外貼有不同雜誌報張的報導，便忍不住進店購買。姐姐人好，買好鳳梨酥後幫我們用鐵絲繞好，方便我們放進背袋裡。鳳梨酥的外皮比較像曲奇餅，隔了一天進食還是酥脆的，內陷就普通，沒有特別多餡料，也嚐不到菠蘿絲的口感。總括而言鳳梨酥皮做得出色，餡料就普普通通。…Read More

第一次嘗試四川擔擔麵，不算辣，湯地濃郁結身，好好濃嘅花生醬嘅味道。佢寫話辣，但實際無咩辣度。麵身較幼，口感彈牙，不過之後浸得耐就有D淋，份量足夠，食到後面有D膩，因為花生醬味真係好夠，齋麵會比較Dry，本身麵入邊有一塊肉碎。豬趴就普通啦，麻麻地。朋友叫嘅呢份炒麵味道麻麻地，無咩特別，唔太推薦。環境見到係有設計過，裝飾得幾modern，鋪頭只收現金。…Read More

聽聞呢間店好出名，趁得閒就同朋友走左去食，下午1:45時段大概等左2分鐘左右就入得，入面係圓檯可以坐5個人，預作要搭檯。叫左煎白菜肉餃同埋雲耳椰菜肉湯餃（太心急食唔記得影），兩款餃子都好大隻，粒粒飽滿，同埋一個車仔麵配豬紅同冬菇。煎餃熱辣辣，落單後先煎好新鮮。肉質嫩滑唔散，白菜新鮮。煎餃要細口咬，要小心入面嘅湯汁，兩面都煎到金黃色，夠脆口。至於雲耳椰菜湯餃嘅餃子皮好Q彈，味道白菜款好食D。佢附上嘅野葛菜湯我同朋友就覺得麻麻地，有少少藥材味。另外佢地嘅菜脯都好出名，我同朋友就覺得不過不失，唔太特別，都係餃子味道特別D。（同埋唔知係咪因為菜脯免費嘅關係每次盛嘅時候都有人望住，有D尷尬。）車仔麵就普通嘅水準，份量正常但無食曬D麵，始終呢間店係主打餃子，唔可以expect太多，下次去只會幫襯餃子。…Read More

午餐13:45唔洗等位，不過要同人搭檯。叫左淨餛飩，上到發現佢似餃子多D，雖然6隻但每粒都好大隻，食落夠飽。味道方面我覺得清湯普通，餃子皮比較厚，入面D肉偏散，仲有幾條生菜配搭。朋友叫左小鍋米線微辣配腩肉，佢就話肉質比較鞋，似煮左好耐咁米線質感相對淋。另一個就覺得海帶就正常，都算爽口。另外，有自助取水嘅機器，我同朋友都感覺飲落口個陣D水有怪味，消毒味？唔太肯定，唔敢再飲。姐姐服務態度好，總括而言連鎖集團加上平民價錢算係過得去。…Read More

呢間分店嘅酸辣薯粉同其他分店嘅味道差唔多，薯粉幾Q彈，湯低都夠酸辣。最鍾意食佢嘅花生，夠脆！份量唔太多，剛剛好。腐竹就普通啦，都有掛到汁水，湯底係叫左BB辣，無論外賣定堂食，都覺得D湯好熱，要吹幾下先得，但係D薯粉好滑，所以到最後成個嘴都好燙，不過都可以接受。平時會係店內堂食，店鋪入面環境都算乾淨。因為今日趕時間就叫左外賣，外賣自取有8折，等嘅時間大概10分鐘左右，店員又負責收銀同樓面，人手稍微不足。之前幾次都係堂食仲等得耐D，可能要做左外賣生意先。總括而言，外賣會比堂食更省時，食物質素同其他店舖都差不多水準。…Read More

第一次食麻辣燙，其實都係係雪櫃入面揀好，然後排隊比錢，老闆會幫你淥熟佢。:)木耳就要等耐d，老闆態度好好，有禮貌同笑容。可以加麵，但因為要留肚所以冇叫，正係叫左4樣野試下，小辣，但其實已經好好好辣，佢碗湯睇落去冇咩紅油，以為唔太辣，但真係好辣，其他人都要叫老闆加d水落去。我都算食得辣嘅人，個湯聞落幾香食落就普普通通。有個小方桌可以俾人企係到食。…Read More

呢間車仔麵店開左好耐，食過好多次都覺得仲係好味，保持到水準。入到去係叫完比錢之後佢會幫你帶位，唔係自己搵位坐。而且阿姐做野好有效率，排隊嘅時候唔覺得等左好耐，（前面有十個人左右）唯一唔係感好嘅地方係如果店入面已經滿座，佢地會係店出面開張檯，但係開始熱嘅天氣下食住熱辣辣既車仔麵，出汗就一定。食物方面，最好食係雞中翼，次次去都會叫，又入味又淋。蘿蔔大塊而且淋，冇渣個湯底味道都有肉味。而且價錢便宜，份量多。…Read More

係open rice 到搵到呢間裝修得幾有風格嘅 cafe ，加上食物賣相又靚，性價比超級高地點好易搵，B2出口開google map跟住行大概4分鐘就okay。入到去環境真係同相一樣靚，闊落，待應服務態度好叫左lunch set 入面個雞扒沙律，好大份，雞扒厚實，少沙律醬，整體👌🏻兩個朋友都係叫番茄烏冬配吉列豬扒，個組合有d搞笑😂佢地話番茄湯係真嘅番茄湯，唔係出面溝粉/醬個種之於件豬扒就薄左d，炸粉落多左。不過以呢個價錢黎講已經好好😊有驚喜。半價飲earl grey,Earl grey 還好，最後食完再飲濃左少少。個茶壺好文青風。星期六去都唔洗加一…Read More

枱面上的點餐紙是自己填完給侍應，叫了個bb辣，但其實算不上辣，只是有點嘴角邊熱的感覺。薯粉夠Q彈,配菜仲有d豆腐皮，菜脯，芽菜等。然後叫左黑豚肉（好大片），魚皮餃仲有粉絲。個碗仲好有中國特色，來食嘅人聽到普通話也不少。店鋪不大，但好容易搵到。算叫做有特色，唔同出面一般嘅米線鋪頭。另外一碗係朋友叫的，微辣，可接受。…Read More

31/10之後就再沒有earl grey 味發售，每次吃Lady M都是食這個口味的，吃過其他地方，還是鍾情於這裏。這次排隊排了大概20分鐘，不算太久。這家分店是有tea set的298/2ppl 可以選兩款千層，兩款普通，加兩杯飲品。只是這裏地方有點擠迫。幾件cake 都不錯，keep到水準，但香港限定的那款玫瑰千層蛋糕，就被比下去，只有外在美，還是earl grey 比較好味朱古力個款checkers 都好味飲品方面，茉莉花很好喝個人習慣不加糖，很有茶香。朋友的凍法國玫瑰鮮奶茶就太甜，建議叫cake set還是配熱茶比較好，食兩件cake中間會覺得有點膩，茶就能中和口裏的甜味。…Read More

呢排想食韓國野，又係尖沙咀附近，search 到呢間店，午市有很多選擇，所以就上左黎。環境嘈就一定，要撘枱。叫左個韓式雜菜拉面配飯糰，普通韓國公仔面，有d辣，有半熟蛋年糕。d前菜好鹹，紫菜飯糰個底超多麻油，個頂就冇乜。朋友就叫左餃子同款ge，normal.冇特別。冇睇清楚以為係加幾蚊ge 梳打，去後變成3x一杯算la鬼叫自己發雞盲咩。最後有個oppa 好細心比個碗我地分開食，仲有個湯匙。好服務，不過1:15上到去order左，都係要等15分鐘先有得食。…Read More

外賣到party room吃的。order左一陣先可以拎走，烤雞味道還好，嫩口有雞味，多汁，叫嘅係無骨，廢事整污糟人地個場。送酸蘿卜、生菜可以包住d雞食。但係偏貴，份量較少。炒年糕有好多芝士,有蛋魚糕等。麵就韓式個種比較粗身，有d辣，普通。…Read More

午市沒有訂位，而且店內多人，安排到bar枱，不過沒有關係。店內環境走歐美復古風格，是上水少有的格調。漢堡包非常美味不吃牛的人也可以吃漢堡（豬和魚柳)。另有pasta提供。面包皮是脆的，漢堡扒也很有肉感。另加＄20有薯條、沙律。薯條厚切，個人特別喜歡，沙律中規中舉，分量不多。是日特色飲品隨餐指定，有真的菠籮味，有氣的，而且顏色很夏日。店內氣氛熱鬧，可能是午市吧，不像其他cafe那般寧靜。等餐也不算太久。…Read More

之前生日，在網上無意看到這家餐廳，一下子被吸引了，店內外裝修都像身於童話世界中（咖啡杯、天鵝、摩天輪模型）我們六時多就入座了，不用等位，用餐時限1.5小時。但食完之後外面有些少人在等。店員服務態度好，餐牌上有各式各樣的選擇，選了好久，店員也沒有催促，又主動加水網上最多人叫的是軟殼蟹黑松露忌廉意大利麵 ，軟殼蟹不大不少，炸得不錯，但個人不太喜黑松露味意粉，份量足夠。黑松露米蘭雞扒白汁飯是我認為最好食的。飯的軟硬度剛好，加上側邊的白汁，很配合另外還叫了些小食，雞翼皮炸得看脆，有特別風味,反正味道很熟悉，就是說不出那個味道。飲品不過不失，朱古力普通，只是拉花特別；沙冰只是沖着顏色漂亮才叫，很重柚子味。窩夫開頭叫可以最后才上，飲品如是，可途中太渴了。加＄20就可以有生日牌，蠟燭。食到最後真的好飽，窩夫夠脆，夠厚，上面還有星星脆粒。真的好少女讓我留下深刻的生日回憶…Read More