fiona_chanchan's Profile

週末晚市旺角真係人山人海，好彩我哋早啲嚟到一點心，仲可以即刻有位坐😌。我哋叫咗蝦餃、燒賣、腸粉同埋馬拉糕，每樣都好熱辣辣送到枱，好有誠意！蝦餃皮薄餡靚，蝦又爽口，咬落去啖啖肉超滿足🦐；燒賣都唔油膩，食落唔會漏口水；腸粉滑溜，醬汁落得啱啱好唔會太鹹；馬拉糕鬆軟唔焗口，甜度啱晒口味～🥰整體食物水準高，而且出品好穩定。價錢方面我哋兩個人食到好飽都唔使二百，性價比一流！環境雖然唔算靜，但企理乾淨，翻枱快亦都冇趕人嘅感覺。店員動作快手，點餐後唔洗幾耐就有野食，讚！下次都會再嚟幫襯，適合兩個人簡單約會❤️🍽️。…Read More

放工同朋友去咗沙田聚舊見蘇媽.蘇媽仲未Last Order就入咗去，加上見到餐牌啲野飲都幾吸引，所以都無咩點諗就揀呢間，因為再唔入去可能我哋野都無得食。餐廳裝修有東南亞風情，幾有特色，用咗好多花紋磚。佢嘅一字骨肉骨茶勁好食，藥材味岩岩好，啲肉都好入味同埋好淋，啲湯仲可以加，佢話2-3人份，但其實加埋湯我覺得4 個人都食得晒。因為肉骨茶既份量我哋有少少後悔叫咗叻沙，食完肉骨茶已經無咩位再食個叻沙。不過叻沙偏辣，唔太食辣既朋友可能要小心啲^^ 仲要我哋叫埋咖央多士，多士外脆內軟，咖央醬同牛油夾埋一齊好香甜，好好食。…Read More

同朋友去完打波又想食少少野放肆一下，又唔想食太多野就揀咗荳子冰室歎返個下午茶。餐廳帶有少少裝修係懷舊冰室風，門口有個賣麵包既位置有好傳統既冰室特色，地方雖然唔算大，但勝在乾淨企理同坐得舒服。✨我同朋友點咗好邪惡既菠蘿油🍍同煉奶多士🍞，外皮脆口嘅菠蘿包，加上厚厚嘅牛油，重點！！牛油係另上嫁，自己鐘意加幾多就幾多。雖然好邪惡但一咬落去真係滿滿嘅幸福感；多士烘得香脆，配埋煉奶，甜度剛剛好！朋友試咗杯凍鴛鴦🥤，話咖啡同奶茶嘅比例調得非常完美，正正！而我就叫咗杯茶走，飲落多非常香滑。不過因為見到咁多人排隊都唔係太好意思坐太耐，我哋都係食完啲野同飲埋杯野快快手咁走。…Read More