bwss's Profile

😡😡😡中曬伏！只得收銀鏡姐姐正常有禮；但夾餸嗰個女人態度差，夾蒸雞時又專登夾5片勁薄嘅野：雞尖、骨端、雞頸、一片似咬剩嘅肋骨、一條湯渣剩肉。唔知乜咁，似廚餘！！我拒絕雞頸，佢才補一條細嘅一條湯渣剩肉，總之幫街坊朋友買完拎比一位長者，打開飯盒才發現咁差，大家非常尷尬！職員當d 客人係乞兒嗎？豬手1正常大+1件好細，唉，算了。只得豬肉餅睇落正常！佢平日午市做office 客，實唔憂做，但唔好咁樣蝦d 客人同街坊啦！以後唔幫襯😡😡😡其他岱民分店唔會咁差㗎！點解中環岱民咁 crazy bad？‼️附近 北冰洋 & this this rice 好過佢好多！…Read More

今次星期三嚟咗希慎，順便升一個late嘅afternoon tea. (因為被世貿中心的喫茶ちょうぼ 的衛生嚇親，無乜食野，無奈）原來餐廳嘅範圍大幅咁收窄咗，外面嘅空間完全為咗把封鎖，所以餐廳嘅範圍好細。你哋點咗意粉同埋Pizza作為下午茶。份量真係細好多，比午餐嘅份量少左大概三分之二，不過唔緊要，都係一個輕食。年輕嘅女侍應生，同埋一位比較年資長嘅男侍應生，佢哋嘅服務都好好，又幫我哋合照，非常窩心。最後我哋加咗錢去試佢哋嘅蛋糕。草莓西瓜蛋糕的確好啱夏天食。依芒果柚子蛋糕，就唔太覺有柚子味。不過都唔錯。可以再來。:)…Read More

it was our first time to visit and happy for  good  semi lunch (without main course), it's only a total of $125 + 10% per person. Good seats that ia not crowded. Friendly staff, they are helpful to serve the meal. At this semi buffet, we can have soup, tea, coffee, shrimp, salad...Dessert are fine, happy to eat 台灣珍珠combo& the chocolate mousse, also the movenpuck ice cream. We were all very full☺️☺️☺️…Read More

hahaha  happy 飲早茶今次係我地搵到呢間酒樓帶長老來試新野早茶可飲到 11:30有 lift 上樓上飲茶窗邊有個超巨型電視最入亦有卡位我地坐中間位置 睇到電視就算了洗碗碟時，有個別食具唔乾淨，自行換過就算有個位見到d 生鴨，一隻隻掛起等燒，looks funny yummy要求濃普洱，真係做到呀，good☺️☺️☺️☺️☺️好開心每人1 個灌湯餃！好耐無食過😄😄😄😄菜苗蝦肉餃好好食排骨蒸粉，似粉絲，似懷舊點心，好食，雖然好肥😂😄牛肉一般，煎腸粉都ok 啦可以再來 ☺️…Read More

整體食物種類少。但帶子和甜蝦刺身很美味，啤酒任飲1. 服務： Momo cafe職員尚算友善，但人手不足，同一位職員要同時處理生蠔及日本刺身，易交叉感染。佢工作辛苦，亦曾被其他客誤會而鬧，無奈 (我地絕對無鬧佢！）2. 環境：幾舊式，冷氣嚴重寒冷，說是中央冷氣問題而沒法調較， 連隔離枱新入座都話太凍，而趕著調位去坐其他地方。洗手間配套，只得1格，排長龍，好大壓力！尤其我和家人因食物問題而3次肚瀉，深感痛苦難堪。3. 食物：質素普遍差，種類極少，熱食味道不能接受。全場只得帶子和蝦刺身美味，現成的啤酒任飲及moverpick 雪糕最可接受。但雪糕需要食客親手添加，兼讓客人沒帶口罩之下自行添加，很不衛生！4, 總結：唯一好嘅係 staff 普遍friendly，可惜人手非常不足 而扣分，真係好難求助 - 呢part 佔30 %. 環境（洗手間嚴重不足，冷氣過份勁凍，似要戴帽著長袖衫來）及食物質素大部分麻麻，熱食及湯唔夠熱 - 呢part 佔70 %. 若當普通家常便飯 / 類似私人住家diy 自製mini buffet party at home, 係ok 的，或當飲beer 傾計都ok. 亦啱好愛食movenpick 嘅客人。…Read More

好味，但疫情下但兩位樓面姐姐不戴口罩，照舊收銀落單上菜！小菜雖然好味，但暫時唔敢再去了。今日12月2日5:15pm, 刻意行斜路首次來食晚餐。環境古色古香/偏舊，風格似內地團的基本用餐店。牆上手寫餐牌反而好耐没見，感覺有特色。我地兩人點了2 份小菜套餐，分別係京都肉排 $60 同豆腐魚腩煲$62，各自跟1杯熱飲和2個白飯，即係共4 個白飯。肉排份量十足，個甜酸汁好夾，洋蔥絲煮得熟又好味！魚腩煲亦夠穫氣，好啱送飯食！講真好味又份量足，唔錯㗎！ 現場連埋我地，由初初共3人至 6:15pm 走時才，共6個客人，不算忙。樓面共有2 個：起初是一位短髮阿姐，木口木面唔緊要，但她長期把口罩完全退落，掛在她下巴以下😡 她對客人更是視若無睹兼充耳不聞，神情空洞，要叫喚多次才選擇性有反應聽朋友講好多街坊都怕咗呢個姐姐嘅態度。中途再有一位較年輕長髮樓面姐姐，感覺反應正常，但完全不載口罩 (佢如在家中), 係全身全面没有口罩。該兩位姐姐没戴口罩，兼若無其事地去接觸客人落單、上菜，收碟、上餐飲、收銀 ...... 法例規定市民必須戴口罩，客人餐前餐後都戴上口罩。但她們作為餐飲服務，竟妄顧及可能危害公共衛生！可想像她們完全忽然正常環境衛生 聽朋友說，日間來唔見有職員不戴口罩。佢都係首次見到咁樣情況:( 我仲想下次來試其他小菜，但暫時真係唔敢再來喇。而家仲話新冠肺炎病毒變種！佢地唔戴口罩，我唔想博健康風險。…Read More

環境好污糟：1. 雞湯的火爐邊竟有上手客人吐出的雞骨渣！嚇死！2. Staff 點極都難點著火，幫其他客都係咁。3. 食完請佢熄火，點知熄火霧出白色濃煙，好臭！4. 食完，女staff 來執走碗碟，但佢堅持在我地眼前撥弄食剩的雞骨/牙簽垃圾，弄了成2 分鐘才疊起離開，感覺好核突！5. 座椅設計唔舒服，差過茶餐廳。食物份量足，但味道不行：6. 招牌雞湯米線：好大鍋，點火爐上！花膠和湯ok 的，但雞肉好難食！7. 牛肉蝦湯米線：蝦湯完全没湯味，牛肉超級鞋口亦没味！只有腐皮百葉ok.8. 蟹肉薯餅3 件：微脆，但没味，難食。9. 青擰soda: 只不過係杯內有一粒青擰，另有1 支玻璃樽 soda 水自己倒入杯內。唯一好的：10. 全店，只有門口收銀哥哥是正常友善態度，好的。 …Read More

同朋友來早餐，每位平均約 $170.所有外藉staff尤其女的，都係態度好串又差，又落錯單，追完都係好慢，再次比錯野或漏野！個waitress知道自己錯左，完全無歉意又唔耐煩，兼黑返我地面，仲要發脾氣晦氣走去大聲shout其他同事！成間西式的茶餐廳態度咁！食物係凍的，求其上碟。錯漏嘅食物，無如圖般併返靚佢，真係勁求其揾隻餐包碟仔補返黎就算，唉！嬲到無影相！兩人食成 $350 早餐，質素如垃圾又超受氣！ 只得戶外環境感覺較舒服，整體非常没特別。員工全程黑面服務和食物係超級敗筆！ 好唔開心 :( …Read More

天晴。炎熱。陽光猛烈。IMG:1]燒烤場人員專業代為睇火，燒烤乳豬仔同春雞仔，香噴噴，好吸引。燒烤包了10人份量，有食具，但只有一枝蜜糖及一包碳，份量不足。食物中，有廚師腸，其他腸仔、芝士腸、牛丸、魚旦、蝦丸、墨魚丸、獅子狗、燒賣。扒類包括雞扒、牛扒、豬扒、豬頸肉、黑椒雞中翼、蒜味雞中翼、咖哩魷魚、雞腎，以及麵包、烤乳豬、春雞。咖哩魷魚好肥好厚肉，又不辣，好好食；雞扒好滑，肉汁香口；雞腎好大件架，好好咬口，係出色小食；芝士腸真係脆卜卜，流出芝士腸汁。不過其他食物味道一般，牛扒太厚，烤乳豬不夠脆皮但多肉、春雞很瘦小，冇乜特別，去正式燒臘店食會更好。仲有食物可能欠衛生，很多蒼蠅飛來圍繞食物外，黏住燒好了切好上的乳豬。廁所殘舊，也很好多郊外常見昆蟲，但算清潔，有足夠廁紙及供水系統。…Read More

微雨。趁上HKU之前， 駛經高街見有錶位便泊下靚仔，四處看看lunch choice。見福炉端燒と牡蠣有lunch set又有位，便入去一試。店內以木器為主，感覺自然舒服，又有日本民間居酒屋的懷舊情懷。:)Menu提供較具特色的lunch set，包括串燒。各lunch set包括: 蟹肉沙律、麵豉湯、飯、飲品。那杯指定飲品是由店安排的，沒有選擇，但像梅子般有些微酸，很cool好解渴，適合summer! 真想知是甚麼。我叫的串燒lunch set中，雞軟骨最好味，又夠脆，又不太油；雞翼脆口又香，比較乾身；冬菇肥厚，燒得啱啱好，好好食；豆卜比較難食又冇味；至於大蔥豚肉就比較不好味。Honey的燒牛排，細細份不打緊，但比較難咬開，比較多筋但最啱我口味。整體氣氛不錯又寫意，服務良好。可以再來!…Read More

清涼細雨。遊車河。下雨，還是泊室內好。來荃廣行吓，又不太肚餓，打算飲吓茶，隨意食少少壽司，便來元氣。約30分鐘後有位了，於是食平時喜歡的牛肋骨、左口魚邊、芝士玻璃蝦、等等。Honey like那些手卷獨立紫菜包裝，保證紫菜脆口。服務依舊良好，不錯。:)…Read More

天雨。遊車河。Lunch後行左一陣，便揸靚仔遊新界東，卻落起大雨來，於是去CUHK hea一hea，食件心愛既lemon pie。:)Lemon pie依舊: 清香幼滑不酸，夾埋栗米片最過癮! Lemon pie在夏天真係好透心涼架! :) 依家諗起又想去食喇! …Read More

天陰。遊車河。泊好靚仔，食左pie-tart，從新華茶室走來莉萊餐廳。之前已數次來食dinner，最愛以牛角包代替standard餐包；估不到lunch也是牛角包，不用多選又進入了。我們選了lunch set B & D:忌簾湯: 份量很多，味道一般至中上。牛角包: 自小便愛牛角包，來呢度食便可以配牛油一起食，十分有趣又滋味。咸牛利咖哩飯: 有成5大片咸牛利、很多薯仔、咖哩也很香。:)忌簾蛋汁海鮮辣肉腸意粉: 只有普通意粉，但與忌簾蛋汁好夾，口感很滑! 海鮮、辣肉腸份量適中，整碟份量十足。凍鴛鴦+熱華田: 不過不失。總覺得莉萊餐廳氣氛懷舊，又有誠意，服務親切，又抵食，比起平時同類餐廳平宜卻冇將貨就價。如此不起眼的小店實在難得。:)…Read More

今天去左買蛋tart同雞pie做pre-lunch snack，第一次試。蛋tart: 很甜及香又熱，好cripsy，勁正。 雞pie: 不夠熱，但足料，都好飽肚。:)下次只買蛋tart便可以了。…Read More

繼大仔後，23:30與靚仔night ride四處飛，飛飛吓到荃灣找找夜宵。見呢間茶室很旺，入去一試。Honey的常餐沙牛麵無甚特別，多士烘得不夠，但煎蛋很滑很靚，火腿也香:)。杏仁奶糊很幼滑，但只售熱的。最大問題是全場滿座但只有一個侍應，難免做到踢哂腳好辛苦及有漏單情況，人手不足，是與最低工資有關嗎? :(好了，繼續night ride 去。…Read More