wtwaiiiiiii's Profile

服務態度良好，店員幫你洗好碗碟，好有效率keep 住幫你換碟二人餐份量剛剛好，如果有想食嘅海鮮可以同老闆講，都flexible 可以轉換海鮮或整法牛油龍蝦多膏，避風塘瀨尿蝦惹味，白灼蝦都新鮮，蟶子大隻肥美👍🏼星期五晚人流唔算太多，下次嚟會再幫襯👏🏻…Read More

一直都知道呢間餐廳出名多人等 排得耐明白受歡迎就自然會咁，但認為係入座安排方面有好大好大進步空間6pm到達先登記，餐廳話大概8pm回來拎pager，8pm返到黎話唔洗拎啦，我地記低左你電話有位就會打俾你，話大概8:30-9pm有位 一直等到差唔多9pm再追問左幾次 問唔同人就唔同答案(一時話有6,7張，又無啦啦俾個pager我地 一時又話下張到我) 但期間從來無見過佢地打過電話通知客人，如果唔追佢拎pager 應該一世都唔會有得食 最後差唔多9:30pm先入去-_-等左3個半鐘食物質素正常，大部分員工嘅服務態度良好，而上菜亦上得好快，更加令人諗到底點解入座可以安排得咁差總結: 終極考驗耐性同決心的餐廳…Read More

去呢到食嘢等於無得食加訓練自己eq😪星期日下就嚟食，朋友舉手落單等左10分鐘都未落到，姐姐見到又扮睇唔到（鋪頭人客唔算多）終於嗌左個普通嘅茶餐，但係等咗半個鐘有多淨係嚟咗杯野飲，問下姐姐吹下單，點知姐姐叫我地自己入廚房問-.-附近嗰幾枱都一樣情況等到燥 吹幾多次單都無用......坐左差唔多成個鐘咩都冇食到飲咗杯野都係決定走，見到隔離餐廳好多遲過我地入既人都食完最後朋友寧願喺唐記包點買個包食就算😓…Read More