simplymushy's Profile

今日(4 June 2020) 咁啱要同個PartTime 同事 Farewell, 就一行五人去咗個度。一到步，櫃位職員已經唔見人，明明見到仲有好多吉枱，但就遲遲唔叫人入座，最後等咗15分鐘 (當時1：00pm)，終於有人帶位坐低。以為終於可以安心點餐，舉手叫咗好耐，都完全無職員理我地。眼見已經有好幾枱客人都舉手都無人理，同事忍唔住走埋去個著西裝嘅男部長到問叫得嘢食未，佢都只係拋低句“等等”。最終有個女職員走埋哩幫我地寫嘢 (當時1：15pm)，唸住好快可以有得食，臨別秋波當然係要同個同事仔吹吹水。講講下就發現唔對路，其他枱陸陸續續都有嘢食上枱，雖然都未齊但至少都有碟薯條咬下，我地就物都無!!摧單摧咗幾次之後，個個樓面都比我地問過，職員都係未送嘢食過哩，好明顯係漏咗單。同事即刻出去問其中一個肥肥地嘅女職員，只見佢靜靜雞走翻去遠處嘅點餐枱，搵翻啲手寫單(搵都搵咗一輪)，然後密密係到篤個電腦入單。當時其實已經1：45pm，正常 2:00pm都放完 lunch啦，個刻先補入，啲嘢食哩到我地都食唔切啦，有無再離譜啲？？而且個職員漏單，居然無走翻哩同我地講，打算蒙混過去。同事見到咁，即時拉隊走人!!! 咁樣嘅餐廳真係從此 blacklist，唔會再幫襯!! 搞到我地餐 Farewell飯要超趕急咁搵間茶記搞掂，真心鬧!! 無得原諒!!…Read More

行開荔枝角，聽朋友講尼度有間極老牌嘅潮州菜館，超近地鐵站，就哩試一試。原本預咗老鋪應該又舊又殘，點知哩到見到又幾新淨窩，部長話舊年餐廳先大裝修，就遇到疫情喇😥～ 限聚令之下食客唔多，職員反而多咗時間同我地交流，態度好好～至於嘢食，本身係想試多幾款嘅，但由於我地得四個人，個湯嘅份量都幾多，所以最後加埋甜品先叫得個四五款餸～ 個冬瓜湯嘅味道濃淡得儀，湯料十足，份量都幾多，四個人最後每人分到成三碗!然後係個鹵水併盤係例牌要試，唔會太鹹又有鹵水香；苦瓜烙係出奇好食，因為怕熱氣部長提議用苦瓜煎，但我自己超怕苦，碟菜哩到果然如部長所講一啲都唔苦，而且尼度嘅瓜烙仲加咗花生粒，係其他潮州菜館未試過!最後係鱈魚，因為有朋友怕腥所以無叫到蒸魚，尼款原來都好好食, 份量唔多, 但魚肉好嫩!…Read More

原本唸住去買啲台式飲品，尼條街選擇好多。但見尼間似係小舖，近排銅鑼灣生意都唔好做，唸住支持下。點知叫咗檸檬西柚茶，要走糖唔走糖，要走冰唔走冰。明明客人唔多都沖咗杯有冰嘅，仲格硬執走啲冰粒當走冰，事實杯嘢係好凍兼加咗好多糖漿。做台式飲品，走糖走冰係好基本，咁都做唔好真係無推搪嘅藉口。而且水果茶差唔多價錢一般都係好高身大杯，尼度個杯就係麥當勞中可樂嘅 size, 茶嘅味道好怪，唔係台灣茶嘅味道，唔會再幫襯。…Read More