紅茶小姐's Profile

酸辣薯粉 - 酸辣比例平均，上枱見到酸菜同肉醬成半個碗面咁多＠＠　酸菜酸而不咸，肉醬肥瘦恰好，味濃開胃，湯底很辣，辣得有油香，幸好有酸菜同肉醬中和返，如果唔係成碗都食唔到！！　有些芫茜同蒽很香口, 薯粉吸灑個湯底既酸辣味, 很入味，煙靱彈牙有咬口，我又揀左螺旋藻同豆卜本來無咩味既配菜，但配埋個湯頭，　吸灑湯，就變得相當好味，這感覺你懂的～～加上螺旋藻又係好野黎，健康又有功效，　食多多都唔怕！！下次會再黎試其他湯底～～…Read More

本小姐生平最怕排隊, 兩年前來自星星的你好HIT個陣, 食韓國炸雞簡直要同人搶, 如果要我排成個鐘為左一件雞, no way!! 所以到最近我先第一次試食韓式炸雞, 我仲要揀平日, 因為都係驚等位, 打電話本來諗住book位, 點知佢話只限WALK IN, 咁好啦, 姑且佢碰碰運氣! 好彩唔洗排隊!環境舒適, 服務好餐廳比較暗, 不過放左好多閃閃燈, 感覺都幾舒服, 我地只有2人安排左一張4人既長高枱, 坐得幾舒服, 仲一路都播住D輕快的韓文歌, 感覺即刻年輕不少!  而且睇餐廳介紹係韓國釡山開既香港分店, 感覺都得很正宗! 而且仲有一個只懂少少英文的韓國侍應係度做招乎! 當晚服務一流, 不時加水, 想叫侍應收野查詢下單, 基本上一舉手就有人黎! 唔錯唔錯韓式炸雞配啤酒, perfect match!!炸雞有4款口味, 當晚我揀左甜辣雞同蒜香蜜糖炸雞, 一上枱真係嚇親, 超大份, 我個人認為夠4個食, 甜辣雞味道濃, 很惹味, 好像是港式甜醬撈韓式辣醬既味道! 最特別係平時食開炸雞會比較乾同硬, 而韓式炸雞係炸粉比較"林" 而且雞肉質仲好滑好JUICY, 真係好好食, KFC個D炸雞完全要返屋企! 蒜香蜜糖雞就相對唔太重口味, 味道無咁濃, 可以用香口形容, 因為每一口都食到蒜蓉味!蜜糖味反而唔太出! 一開始食頭幾件我地兩個都比較鐘意食甜辣雞, 不過食多幾件, 我地都覺得蒜香味比較好食, 因為甜辣雞味道濃, 食多幾件有漏既感覺! 但係好奇怪, 炸雞配啤酒真係好夾, 一口甘甘地的啤酒跟一口炸雞, 好似完全中和左炸雞的熱氣同漏既感覺我地最後竟然可以食灑成配炸雞 題外話, 我呢度仲有一個我見到枱枱都有叫既芝士排骨好似好好味! 所以決定左下次多人D要黎試下佢!…Read More

記得早兩三年之前黎過幫襯一次, 個陣同而家裝修有些唔同, 之前感覺有點孩子氣, 而家有格調左, 坐得幾舒服; 記得之前係開放式廚房, 會聞到陣陣油煙味, 唔多舒服, 而家變左密閉式廚房, 坐係度食飯好好多! 餐裨都好唔同, 多左好多食物揀, 我以為唔同左老細, 問個侍應, 佢話無轉, 只係番新! 對呢間餐廳即時加灑分!我鐘意不斷求變進步的人!無限時交枱, 真心讚! 最近唔佑做咩鬼, 生日流流食幾餐飯有幾間都食到我覺得自己中灑伏咁! 一間係服務差到無人有, 最重要係俾得一個鐘零十五分鐘食飯!係咁趕你食還枱, 坦白講, 返工已經好大壓力, 放工真心想慢慢食, 同朋友吹下水講下笑, 呢度有一個好大既優點係唔會有還枱時間, 佢地一晚只做一轉, 可以任坐到收鋪! 啱灑我地呢D難得約齊人想傾耐D見耐D既朋友仔! 不過有樣唔好, 係book位時要落訂, 雖然可以銀行過數, 不過會有D麻! 同埋呢度唔知點解仲係只收現金, 好彩當日我地有人銀包有錢, 如果唔係我地都唔知點埋張單! 飲品好特別, 有得玩有得飲有得食, must try item! 呢度有一係列飲品, 有7種顔色你揀, 一杯梳打底, 揀唔同顏色既試管, 自己倒落去攪匀, 就會變成你揀既顔色同口味, 我叫左杯"青" 係青蘋果荔枝乳酸特調, 乳酸配青蘋果原來咁好味, 甜甜酸酸好開謂, 入面仲有士多卑梨, 菠蘿, 藍梅等生果, 有得玩有得食, 仲好大杯, 係出面餐廳真係好少見到這些咁有心思既飲品, 一定要試!黑毛豬必試食物方面, 我地都點左好多款, 款款都好味, 好多大餐廳都可能整唔好咁好(個人認為), 虎蝦蕃茄意粉, 咸酸度剛好, 而且炒得好香口, 有淡淡的香草味, 意粉不太軟, 我很喜歡, 芝士焗有機大傘菇, 個菇好大隻, 仲有兩隻, 很多汁仲好有菇味, 加埋上面D芝士一齊食都唔太漏, 推介! 不過我地最鐘意個黑毛豬, 黑毛豬肉質鮮又多汁, 有咬口得黎又唔轫! 靚肉, 如果可以再大塊D就完美! 食完唔夠喉我地仲ORDER多兩份  消費夠$800送怪獸雪糕同即影即有相一張揀呢度原因都係因為呢個優惠, 本身因為生日, 有咁大個雪糕做生日蛋糕同甜品, 最緊要係唔洗錢, 但講真兩次黎都有食過, 覺得今次食好食左, 因為記得之前黎食雪糕下面係冰, 不過又唔係綿綿冰既質感, 印象中係唔好味, 不過今次黎佢地轉左下面係香蕉, 可可脆, 棉花糖等, 這些同雪糕都係好夾, 所以我地五個女仔都食得灑!! 女人真係有一個好大的甜品胃!…Read More

今日本小姐終放有時間寫返最近用餐的個人感受!! 生日月真係中伏月, 食飯有一半係中曬伏!! 朋友生日指名要食這間, 好, 打去BOOK位, 講明要得一個鐘十五分鐘用餐時間, 已經好唔想食, 好似趕羊咁食物!! 不過朋友喜歡就去啦!!環境十分逼, 食飯要搭枱??唔好諗有空間俾你出去厠所 一去到真係嚇親, 好細間唔緊要, 點解要搭枱先?? 而家去左茶餐廳?? 我們一行四人同另外二人被安排一齊坐張6人枱, 真係超尷尬!!我見其他食客都係要夾枱食飯!! 想去個厠所都要同我同枱夾枱個兩個起身讓路我先出到去, 佢係咪覺得一個鐘零十五分鐘既飯係唔需要去厠所呢??入左去坐就無位出返黎仲要搭枱係邊個諗出黎??我立即諗到食神星爺開快餐店講既對白, 估唔到俾我係現實生活中係一間日本餐廳度遇到 如果知道個環境係咁, 我真係打死都唔黎!!食物質素是快餐店質素, 日本餐廳的價錢叫左個牛肉鍋, 牛肉唔新鮮, 無味, 得幾塊, 菜多過咩, 面鼓湯好咸, 我地四個飲左一啖完全無飲!炸雞紫菜卷好似整左好耐咁, 雞一D都唔脆凍冰冰, 紫菜"林"灑, 一點醬汁都沒有, 很乾身!!又係食剩!!服務十分差 朋友其實一心黎食那個給我們動手自製的章魚小丸子, 我地諗住最後先上枱玩, 入坐未夠45分鐘, 侍應已經好差咁話我地要還枱, 再唔玩就唔夠時間, 咁好咁, 叫佢上枱, 只係求其教我地點整, 咁都算我知今日係星期五所以比較忙, 但係最後我地整整下佢俾的小丸子醬唔夠整到18粒,咁我地緊係再問佢攞醬啦!! 佢竟然話一定夠, 佢地計好左, 我地每粒放多左醬!! 唔想俾多D醬我地!!大人牙, 小小醬要幾多錢??? 你咩服務牙??? 我去左大陸?? 我唔係想嘈交, 我地只係想解決件事, 所以我地好客氣問佢可唔可以俾多少少我地, 個侍應係極唔願意!! 個小丸子$120食飯食到咁受氣,真係第一次!!好多謝你俾左咁好既回憶我!!絕對無下次!! …Read More

早兩個星期前上網搵左這間餐廳, 又見宣傳得好行, 好似整到食物係藝術品咁, 一心諗住同我最好的朋友慶祝我們今個月生日!! 食完之後真心想寫一遍食評俾各位兄弟姊妹!! 這間餐廳真心難食!! 唔知係咪只有外表!!SIGNATURE 海鮮拼盤唔新鮮, 苦的, 仲要無醬點, 難食到想講嘈口 這裡裝修走新潮型格路線, 開係K 11入面其實係一個不錯的選擇!! 不過食物質素始終要好好改善!! 俾這個價錢仲衰過我去食板前, 和民, 或者是元氣!!! 我6點幾一到, 點了一個Signature的海鮮拼盤($598 FOR 2), 朋友黎到上枱真的幾開心, 海鮮砌得好靚! 我們影左一輪相之後, 開始食, 海膽完全唔新鮮!! 苦的!! 三文魚用左紅菜頭醃, 無味, 是一點鮮味肥美感覺都無!! 好, 我朋友想問侍應拿點鼓油介辣調味, 侍應竟然話無!! 這裡是食食物的原味!! 個生蠔我見不到還在動, 又細身又唔肥美, 連係咩國家咩品種都無介紹!!我去D蠔吧即開$50-80一隻上枱仲係生的, 又大又肥美, 這裡入面加左所謂薑味啫喱, 我覺得同蠔完全唔夾, 很難食!! 重要係旁邊加埋D黑色既墨魚汁, 諗住你唔俾醬我地點, 唯有點墨魚汁食, 結果又係無味既個醬, 得少少苦澀味!!救命!! $598你給我這些東西!! 我真心好後悔BOOK左呢度同我DEAR BEST FD 慶生!完全俾相騙了!!那些所謂的墨魚薄脆, 青瓜又係苦的!! 超失望 , 其實我要求不好, 你給我元氣的質素我都接受!!個墨汁意大利飯個飯好似爆米花既口感, 十分奇怪老實講, 本小姐叫做浸過下咸水, 歐洲所有國家都叫走過一遍, 我真係未食過意大利飯係咁既口感, 究竟呢度個廚師承何人呢?? 話個米係意大利米我就真係覺得好奇, 又唔係硬, 入口好似食緊中式人地沖茶個D爆米花/爆谷牙咁,個汁又係無墨魚味!! 得個黑字!! 其實本身食完個拼盤都好想走佬!!可惜個飯係一早叫左, 所以唯有頂硬上食埋佢!! 不過我真心講我食左兩啖己經唔想食!! 真心好難食, 如果走新派菜路線可否搵多幾個人試味先出街, 話灑咁大間集團   我只可以講唯一正常既係飲品! 如果各位兄弟姊妹唔信邪, 可以去試食下,  祝福你們!…Read More

雖然男友係上環返工, 但我都好少去上環, 不過見今日放假就去接男友收工, 佢收工都成8點, 已經好肚餓!! 佢話有間日本餐廳上個月開左, 中午去食過好好食, 就帶我去啦!! 我本來好肚餓, 食咩都無咩所謂!! 估唔到間野真係好得, 食物水準好高, 但價錢竟然每人$300都唔洗!! 可能係新開張既關係!! 超抵食!! 你要KEEP 住咁平, 我會多D去幫襯!!講返食物, 我地點左1個SET DINNER, 同一個主菜 SHARE 已經好飽, 好彩無一人叫一個餐!! 前菜有四樣野, "水雲酢"聽個名以為係炸物, 原來係好似發菜粉絲咁一條條, 味道酸酸地凍冰冰, 幾特別我都係第一次食; 毛茄原來係秋葵, 我其實好怕個種滑"散散"既味道, 點知食落口又無播, 仲好香添, 攪到我好好奇, 咁?個廚走黎講解每一樣菜, 原來係先用SALT洗過先煎就可以去左D滑"散散"野, 我又學到野啦 個蝦係凍既, 肉質爽口, 而個沙律就係普通芝麻醬沙律, 所以我覺得個水雲酢同毛茄有驚喜D, 超碼出面食唔到!3點刺身有三文魚, 油甘魚同吞拿魚, 三款都好新鮮, 最重要係非常厚切, 入口即溶! 我同男朋友都覺得如果一個人食一個餐, 食到個刺身都差唔多飽灑, 我都今次揀左個燒春雞做主菜, 雞肉鮮滑, 加上焗得香口野味, 最重要係原來面豉醬同雞係咁夾既, 味道很特別!! 另外我地仲點左一個紅酒煮牛肋條, 好林好入味, 食到呢個真係超級飽! 就係食FUSION菜先可以食到D咁特別既口味!! 大膽!!大愛!! 到之後仲上左個冷盤, 係青瓜絲加海帶, 又係味道好特別, 酸酸地爽口, 好特別!之後仲黎左個海膽三文魚籽飯, 勁多海膽同三文魚籽, 海膽好新鮮甘甜! 甜品係雪糕加馬卡龍, 不過個馬卡龍真係唔多好食, 好硬! 係唯一覺得唔好食既野!! 整體呢餐真係物超所值, 我地飲埋酒都係每人$300左右,同見得到呢野食真係好用心配答, 不過上菜唔知點解好似好慢咁, 我地食左成兩個幾鐘先食完, 好彩我地唔趕時間, 可以慢慢食傾下計!! 都好值得推介!! 我地會再黎架…Read More

本小姐真係好愛日本菜, 基本上每星期必有一兩餐要食日本野, 我成日都覺得前世係日本人!!!上兩個星期去左歐洲旅行, 餐餐都係面包, 意粉, PIZZA, 我真係食到個口都歪埋, 試過去巴黎食壽司, 點知得三文魚同吞拿魚兩款揀, 天婦羅仲中伏, 連個蝦頭都一齊炸, 仲要用面粉??所以一返黎香港, 我食左一連5日日本野, 有火鍋, 壽司刺身, 放題, 鐵板燒, 同埋呢間居酒屋!!! 呢間居酒屋我最滿意, 多謝你告訴我香港始終係咩都好食過人!! 價錢都係最平易近人!!今次點左個套餐, 貪佢每樣有D, 唔洗諗唔洗煩! 先來兩客油甘魚沙律, 沙律入口清新, 油甘魚鮮甜爽口, 而且算幾厚切! 再來上了一客刺身三點(有帶子, 吞拿魚, 白身魚, 甜蝦同三文魚係大廚送既, 佢話係時令, 很感謝哦), 呢個真係要讚一讚, 從未見過咁厚切既刺身, 而且係超新鮮, 完全無雪味, 一放落口入口即溶既感覺係好似食緊A5和牛, 不過每樣只得一件, 真係好難止痕, 下次我再黎要點多D刺身!!!太好味了磯煮鮑魚是凍食來的, 套餐包每人一客, 我記得之前係"深宵食堂"食過, 佢賣成$1XX一客, 但係呢個套餐竟然包兩隻, 而且說真的, 這裡整得好食好多, 鮑魚煮得相當入味但不會過咸, 重點是還是很爽口, 其實一人食左一隻鮑魚, 我們倆都感到飽了不少, 到上熱點時見到個羊架同天婦羅, 都怕食唔灑, 不過真係好好味, 所以最後我地係清枱的!!哈哈哈!!首先羊架很厚身, 肥厚不算太多, 啖啖肉, 而且最特別是這裡用炭火燒的, 真的很香口又沒有羊的"蘇"味, 反而每一口都帶有天然肉香!!天婦羅更加不得了, 同我係巴黎食既完全係無得比, 呢度蝦大隻彈牙, 重點是很少油分, 炸粉很薄唔會食到成口粉, 點埋跟既抹茶粉, 無得彈!!其實最後都仲有個刺身飯, 不過呢個二人餐真係太多野了, 所以把這個打包了!!拎左返去俾老公做宵夜, 他也說很好味新鮮, 他最欣賞竟然係個壽司飯, 但這個我沒吃就不平了!!anyway, 呢間居酒屋真的不錯, 朋友住係附近俾手信佢我先有緣食到!!真係感謝我的朋友住在天后!!!我會帶埋我為食老公再來的, 等我…Read More

當你想節省金錢而又想食好少少時候, 任食任飲是一個很不錯的選擇。這裡的炸蠔好好食，蠔好大隻，粉吾厚，附醬一齊食, 有畫龍點晴之效; 芝士波, 上枱時超熱, 內餡有濃濃的芝士味, 是芝士迷必試之選!羊架，好軟身，不會太熟，多肉汁三文魚全部都係腩位每件都切得好厚, 食落好有口感, 無得彈! 帶子也是既甜且有口感, 不過細了點, 如果大件厚身一點會更好飲品方面都令人很意外, 真的有很多東西可以選擇, 我點了杯玫瑰蜂蜜分子, 上面的珠珠咬開是滿滿的蜂蜜, 配以玫瑰花味很特別, 又不會太甜, 還有一種清新的感覺, 令人更開胃!最叫人感動是一般日式放題的”走單”情況非常嚴重, 但瀛川就沒有這個問題, 我們下單的食物都全部奉上, 值得一讚! 甜品方面這裡選擇不多, 不過意外地是有綿綿冰吃, 綿綿冰很軟滑, 很重抺茶的甘香味, 配以新鮮的士多啤梨和剛才吃到的蜂蜜珠珠, 酸酸甜甜, 口感一流!…Read More

有次同朋友傾開韓國野，佢就即刻話呢間唔錯叫我黎試下，既然朋友咁有心，我就黎試下啦！點了兩款，其中一款是冷海蜇，呢個我覺得好食~唔算太辣~對於不太食得辣的我黎講剛剛好。另外一款是燒肉生菜包~我覺得呢個正正常常~只係肉有少少老，而且係比較辣一點既菜式，另外聽講呢到招牌茶是奶奶雞，當然要試下食啦！辛安東元祖奶奶雞~ 我們點了半隻+小辛。味道很濃，小辛的辣度我都仲接受到既！但整體來說，那個雞唔錯的！仲有一樣叫柚子雞翼～！！柚子味既雞翼真係第一次食，又唔錯喎！等我係屋企又試下自己整啦！！！朋友就嗌左米酒黎飲~不過個人黎講唔太喜歡這酒的味道～ …Read More

朋友話佢自己一直都對依間餐廳既野食同埋環境都有十分高既評價,所以話一定要帶我黎試下喎,一入到去,個環境真係無得輸,睇落好浪漫,又有好多掛圖,幾感受到佢個歐陸色彩，食物朋友都話保持到水準， 雖然今次只係去食下午茶。而且唔多人，傾計就當然可以暢所欲言啦今次叫左依個tea set salad and daily of soup,另外仲配埋餐飲，當然預左依個餐既份量都唔多，睇一睇其他人食緊既Teaset,薄餅或者意粉都好，份量都係比較細既，果然係TEASET,不過我就真係唔算太肚餓，如果想食飽既就當然最好叫原本份量喇。沙律菜食落都夠新鮮同爽口，不過係個汁就比較酸,食落都唔錯既,朋友就叫左依個卡邦尼意粉，意粉非常好,軟硬度岩岩好，食落口感好正,忌廉汁加埋煙肉都好多，夠哂足料。食落有少少胡椒粒，同食開既有D唔同,不過咁樣又幾特別,唔會話太膩,都唔錯既。 …Read More

我都幾鍾意依個餐廳嫁,因為佢依到入面既裝修都真係幾特別,有好多唔同既擺設,唔似去食野咁,今日好好彩去到窗邊位置,仲可以望到對面岸既景象, 非常之咁靚同埋真係好有情調呀仲有既就係依到係會用依個指示牌去點餐,當然覺得新奇又好玩,不過當然玩一陣就會悶,由於未係太餓,所以食之前叫左兩杯野飲,都真係玩特別下,杯野閃閃下,一開始當然覺得非常好玩, 飲左兩啖閃閃下,隻眼太辛苦,所以就唔玩喇,叫左一個Sampler. 有好多款蝦,炸既方法非常特別,好多唔種類,不過有D唔太新鮮要扣分,抵讚既係呢個sampler既炸雞,真係炸得好好食,加埋個醬一齊食,食落仲好味過個蝦,有D奇怪 另外仲叫左一個pasta,幾好味既,不過有少少膩,有機會再黎可以試多D其他野。 …Read More

魚心係一間日本料理舖,其實同普通街邊大排檔既模式差唔多,不過其實咁樣仲好喇,食得開心又自在,又唔洗太高要求,咁就入番正題先喇，今次叫左幾個小食,要左依個中華沙律同埋蟹子沙律,首先係個中華沙律，份量就比較少既，味道當然只係正正常常，無太大既特別,不過蟹子沙律都幾好既，食落只係覺得沙律醬落得太多，青瓜絲都算爽口,食落幾有口感,唔錯既,之後就開始叫野食喇,茄子田樂燒, 茄子田樂燒係值得推介既菜式。茄子份量十分多嫁,有成半條既茄子，好抵食,最緊要係燒完之後仲可以保持到茄子裹面既水份，入口唔會太乾身,最緊要夠熱,煙令D木魚碎郁下郁下，之後係三文魚,有特價咁叫,其實平平地都有十塊八塊三文魚都都算唔錯,今次唔算人多,不過無咩點食其他野,所以就叫左一磅，上枱時都有差唔多廿塊，食落幾厚身，入口夠哂新鮮,又夠肥美,食落好有魚油唔錯。…Read More

大家都係依個識食之人，當然唔會放過有好野食既機會，朋友出黎見,有人建議去泗益，當然大家食好野一定會係贊成，而且我都幾鍾意大排檔既早餐,不過泗益依到當然係一間長龍店，就算係依個早餐時段都一定要排隊等食，當然要排番一陣。依到既西多士非常出面，不過佢唔用糖漿,反而係用蛋白去做依個西多士，中間就有番咖央既甜味，就算只係用牛油去配就已經非常好食。好可惜今日去既只係早餐,而早餐既時段係無西多士嫁，只有其他多士,真係可惜呀，食早餐當然要叫我鍾意既餐蛋通粉。佢個湯底有一陣好香既麻油味，通粉就係用依個坑紋通粉，食落比較有口感,而雞蛋方面都算煎得幾好，蛋黃仲有流人嫁；午餐肉有煎過,食落非常香口，簡簡單單既早餐就已經非常好味。之後飲埋杯熱咖啡，提提神,夠哂香濃有風味。咁就係一個完美既朝早。 …Read More

今日特登早少少黎依到,因為平時見佢都真係非常之多人等位,所以一定要早D,因為依到真係內地旅客既至愛之一, 絕對比起本地人都要多, 入左黎好似番左深圳一樣咁, 我地兩個人都唔算太大食個D，所以只係叫少少野食就可以喇,其中一款係朋友揀既糖醋魚塊,我自己都幾鍾意依個,之後我就叫左小籠包加多一碟芥蘭，首先係既係小龍包,佢個皮真係幾薄下嫁,夾起上黎好彩唔係好易穿個種,係出面睇已經可以睇到裡面充滿肉汁,好似好吸引呀,慢慢咬落去就會飲到肉汁，味道幾正,加埋肉既鮮味，自己就唔會太鍾意食醋，不過就咁食都已經十分不錯。之後就係糖醋魚塊,賣相十分靚,顏色橙橙黃黃，賣相已經非常吸引,佢個魚塊仲少少脆口，加埋酸酸甜甜既糖醋汁，非常開胃既一個小菜。…Read More

今日好多人一齊黎左,而佢又推介我地叫個午市套餐,佢話岩哂我地咁多個人,見佢岩6至8人,所以都叫左依個,唔想諗咁多嘛。好快就有野食喇,第一道上黎既菜係依個粉皮白肉，佢依個都做得幾好，白肉有淡淡既肉味,加埋爽滑既粉皮,兩種口感,再加埋好香麻油味既醬汁，食落都好開胃,之後就係一個賽螃蟹，佢依個蛋白煮得夠哂滑,而且唔會煮得老,依到做得唔錯,不過多左少少水咁,不過味道都唔錯。之後就係主菜,填鴨一隻,份量差唔多可以切出兩大碟,抵食,佢切得唔錯嫁,皮與肉之間既脂肪唔會不多,連皮食都唔會覺得太肥膩。佢正係皮都已經有兩大碟,食到你飽為止,熱辣辣出黎既鴨加埋青瓜和大蒜，仲加埋海鮮醬，好好味。一鴨三食、斬件之後加埋紹菜整湯,不過都做到好濃既味道。最後就係生菜鴨鬆包，鴨鬆炒得夠哂香濃，而且佢個生菜都夠新鮮,而且爽脆。價錢都算公道,野食又唔錯,GOOD。 …Read More