ChristyChing's Profile

我地要咗喇沙扎肉麵、海南雞飯、酸辣豬手同椰子雞湯。喇沙湯麵唔好味，好似開湯粉咁。扎肉無味，豆卜有雪藏味。海南雞飯啲雞好老，咬到嘴都攰。豬手食得出係翻叮，無論係豬手定嗰汁又唔夠味。負責叫號嗰阿姐好嘈，佢放緊飯都大大聲講嘢，由舖頭叫到舖尾，咁啱我坐正係佢隔離嗰枱，耳仔痛。呢間野整體感覺似茶餐廳，所謂「招牌」都做唔好。同我同枱嘅人都係叫日式拉麵，食完我知點解。雖然係今時今日算平，但我都好肯定，唔會再幫襯。…Read More

同事介紹 話就腳 正正荔枝角站隔離 抵食 點知....刺生選擇少 只有八款左右 三文魚 馬刀貝 北寄貝 油甘魚 虎蝦 有頭甜蝦 所謂嘅鮑片 榮螺 即食蟹柳（o晒咀）酢鯖魚 但算新鮮一年前睇食評有生蠔 帶子 明顯將價就貨了壽司還好 玻璃蝦同赤貝 壽司飯上碟時係暖嘅熟食認真麻麻 清酒煮青口 酒味太濃 無啦啦有埋豉油味 咸到死 燒龍利柳 查實係鯰魚柳 滑dudu （其實唔知用咩「拿」）烤海蝦 同樣地 滑dudu（唔知點解可以咁形容蝦）烤菠蘿 烤番薯仔 第一次上係凍嘅 第二次同店員講要熱 先見到廚房烤 好食好多雪糕方面 全部係阿波羅出品 無意見甜品 一件都無食過 因為唔知新唔新鮮飲品選擇算多 可樂 忌廉 道地 樂天 要飲啤酒就要自己買上去飲侍應服務幾好 會收碟 見你隻碟多骨會主動比隻新碟 上菜好快題外話 由五點半食到八點 大概得七八枱客 店內裝潢一啲日本感覺都無 似似地飯堂總結 我唔諗住再去 佢實質價錢唔算貴 但對比食物質素 係貴嘅⋯⋯…Read More