N....A's Profile

如果個天可以俾個機會我返轉頭嘅話 我會對自己講 唔好行入呢間餐廳先說環境餐廳內有飛行特技表演小昆蟲發揮精湛的舞技在刀尖上飛舞 在碗碟上滑行 在空中翻騰兩周半後 在客人身上急降 配以昏暗的燈光 隱約的身影姿叫人咋舌而洗碗的員工也不甘示弱為客人帶來新一波的驚喜把上位食客的美饌佳餚留給下位再說食物-蘑菇湯配蒜蓉包-賣相不賴 分量充足 有大量蘑菇粒粒入口索然無味仔細咀嚼後 淡淡的薯仔味跟油膩的口感充斥着口腔閉上眼睛品嚐 就如雨季被沾濕的泥土 難以下嚥蒜蓉包香脆帶有牛油香氣 味道可口👍🏻：蒜蓉包👎🏻：蘑菇湯-黃咖喱羊膝配薄餅-薄餅經過翻熱 帶有微溫羊膝份量大 肉質軟 沒有膻味羊肉置於薄餅上 淋上咖喱汁 味道令人熟悉沒有絲毫的羊肉鮮美 跟茶餐廳中湯裡的豬肉味道無異咖喱帶有辛香 薯仔和紅蘿蔔入口即化 出色 跟超市常見的日式咖喱磚一樣味道👍🏻：黃咖喱👎🏻：羊膝-泰式銀魚柳意大利麵-泰式與西式混合菜上菜時大感驚訝 料想不到銀魚柳麵沒有魚 詢問侍應後 侍應冷冷拋下一句 是這碟 便轉身離去事後在網上搜索 才知道是銀魚柳打碎混合番茄製作成醬汁一句總結這道菜的味道 鹹魚味茄醬意大利麵 恕我不能欣賞👎🏻：泰式銀魚柳意大利麵-蟹肉蛋餅-蟹肉 和 蛋餅兩者涇渭分明 雞蛋裏挑不出一絲的蟹肉雞蛋味完全蓋過蟹肉味分開兩者品嚐 雞蛋重油味 蟹肉淡而無味👎🏻：蟹肉蛋餅-泰式龍蝦炒金邊粉-最期待的一道菜賣相滿分 分量滿分 金邊粉滿分龍蝦零分龍蝦尾的肉拌上金邊粉 肉質硬 毫不鮮甜龍蝦鉗的肉極咸 無法入口最後放棄龍蝦 把金邊粉一掃而光👍🏻：金邊粉👎🏻：龍蝦是次用餐體驗奇差 並不推薦大家入內一試相信海港城有更多價錢相約味道更佳的選擇…Read More

搵食市集入面嘅一間日本餐廳午市有定食 五十至七十蚊算扺食今日食嘅係手卷冷麵定食三文魚手卷即叫即整 紫菜脆 三文魚新鮮大件 食到底都仲有 不過就冇咩味炸蝦卷物熱辣辣 配沙律醬剛好 唔會成口炸粉 略嫌飯量太多 咀嚼多幾啖飯味會蓋過蝦味蕎麥麵爽口 份量足最有驚喜係個玉子燒 帶微微燒過嘅焦香 入口明顯感覺到一層層嘅蛋 嫩滑唔滯之前有食過其它手卷同卷物 水準都同今次相約好食程度：玉子燒>卷物>手卷總結而言 大件夾扺食 冇好出色但都冇咩失色之處 間中諗唔到食咩 又唔想食快餐可以一試特登到大圍一試就不必了…Read More

路過想食擔擔麵 於是試左呢間餐廳牛肉擔擔麵份量好大 好多牛肉 類似打邊爐嘅牛肉咁 薄薄一片片不過量好多麵質幾特別 雖然冇影到 好幼睇落類似公仔麵 不過咬落幾彈牙 唔係非常掛湯我叫左小辣 黎到完全唔辣🤷🏻‍♀️ 湯底偏稀 花生味唔夠濃 感覺好似加左水咁 唔知叫返辣會唔會好d豆沙鍋餅即叫即做 幾好食 每舊都勁多紅豆餡 熱辣辣好香口 餅皮少少脆 唔會過厚豆漿都唔錯 唔會死甜或者冇味總結黎講呢間餐廳嘅食物質素正正常常路過諗唔到食咩可以試下…Read More

武士拉麵真係算一間幾好食嘅舖頭黎左兩次都係叫德川將軍拉麵 揀左濃湯底 普通面 硬面 加左溏心蛋其實叉燒普普通通 但蛋 湯底同舖頭秘制嘅魚油簡直世界級建議大家揀硬面 因為食到尾都會仲有彈性店家嘅秘制魚油真係超級無敵正 落左之後混合湯底嘅味真係好似飲緊煲左n個鐘嘅湯底咁 總之就係 好 香 好 好 味好明顯睇得出隻蛋係留心嘅 有醬油味 幾正成碗麵最遺憾就係塊叉燒 感覺完全冇特別之處 油味偏重結論係 如果想食碗拉麵又諗唔到去邊 呢個係唔錯嘅一個選擇…Read More

以旺角嘅樓上cafe黎講部屋的確非常抵食舖頭唔係特別大 座位係方型嘅坐法 可以圍圈咁坐 一大班人唔洗分開面對面咁 好方便傾計同玩gamelunch set全部大概五六十 1230開始可以叫野食 點左卡邦尼意粉同熱榛子朱古力(+$5)份量非常大碟 意粉煮得啱啱好唔會太軟或者太硬 味道香口有濃濃黑椒味但食唔到任何蛋味野飲好甜 個花紋唔知咩黎 類似美x朱古力粉味重點在於呢間野board game都算多 平日午餐冇限時隨便坐 而且唔收切餅費野食水準中等水平 衛生一般 見到小強 服務都一般 店員唔會主動serve你如果想搵地方頹頹地唔太貴玩一個下午係唔錯嘅選擇…Read More

祥華商場翻新之後多左幾間餐廳 呢日試左呢間台灣野晚市餐牌選擇都唔係太多 大部分都係滷肉飯 或者炸豬排果類餐廳環境類似連鎖快餐店 座位大概有四五十個 人唔多唔洗等位就入得叫左雙併滷肉飯 有四季豆 菜 餃子 豬頸肉 台式豆腐 類似嘅選擇全碗飯整體都算唔錯 滷肉幾香但偏瘦 有冬菇係入面 豬頸肉不過不失 餃子食得出係即煮餃子 四個字果個牌子 雞蛋出人意料地好流心 味道唔錯跟餐有蜜糖紅茶 四十幾蚊黎講呢個晚餐頹左少少但算係幾抵食 住得近又懶得煮嘅話會係一個幾好嘅選擇…Read More

唔想食西餐於是走左去食泡飯夜晚七點左右去到餐廳 唔洗等位 舖頭都差唔多坐滿曬 門口有個疑似老細嘅人係度招呼客人 舖頭入面貼左好多雜誌訪問合照揀黎揀去最後點左鮑片鮮雞龍蝦湯泡飯 大概五分鐘就有得食龍蝦湯的確有龍蝦味 入面嘅菜好多 連埋湯一齊食好正 雞肉好滑好滑 鮑片放落去竟然幾夾 成碗味道都好正 不過食食下覺得有啲似火鍋湯底味😂碗飯比較黏 可能係驚放落湯會散如果下次食 我會叫麵 因為泡飯真係好飽好飽好飽結論係 村爺爺高質抵食可以一戰…Read More

當我食完呢間野 我終於明白點解就算佢好多位 啲人依然唔入去食而係其他餐廳排隊我大概兩點入座 店入面得大概五六人 點左咖喱牛肉烏冬 等呀等呀等 二十五分鐘之後終於上菜賣相的確正正常常 一放入口 哇 呢個真係咖喱黎嘅咩個湯底嘅味道就好似食完一餐咖哩再飲水嘅味 完全無濃味 甚至可以話冇咖哩味牛肉份量算多 不過老到咬唔到隻蛋先係重點 除左水喉水味冇其他野可以形容到陣味烏冬嘅質素反而幾好 彈牙 好滑 如果湯底同餸正正常常應該會幾好食呢碟係配菜 朋友同我叫同一個餐 佢嘅係一碟用水浸住嘅蒸蛋 我嘅係湯渣 唔係講笑 呢碟係成個餐最好食嘅野最後上嘅係雪糕 賣相我會比滿分 相機食飽 但味道只係普通 上面嘅雪糕係新地筒嘅味道 抹茶醬就完全冇味 下面嘅紅豆幾好味 蕃薯唔係特別甜但冇咩渣 碟甜品算係幾飽肚嘅結論係 我應該永遠唔會再食呢間野…Read More

見到雜誌成日介紹元朗嘅美食 於是試左試龍鳳店好出名嘅鰻魚蛋治落完單要等幾耐 大概三個字先有得攞店內得一張檯四個位 於是叫左外賣一打開個飯盒 第一個反應係 咁大份嘅！個蛋治嘅大小大概係15cm x 7cm睇得出個蛋超級滑 堆係鰻魚同包嘅上面完全適合相機先食裡面好足料 基本上啖啖都食得到鰻魚 而且食唔到有骨鰻魚上面有一塊壓扁左嘅麵包 可能搽左沙律醬 酸酸甜甜好好味成個蛋治都好味 美中不足嘅係個蛋淡味左少少 落返少少鹽會吊味啲呢個價錢算係好抵食如果路過肚餓又唔想食正餐嘅人可以一戰…Read More

麵家山下係上水算幾出名嘅拉麵店 於是搵日去食左個晚飯結論係如果你想食一碗值得回味再回頭食嘅麵 麵家山下可能滿足唔到你如果你想食一餐算好食又唔頹嘅晚餐嘅 麵家山下係你好好嘅選擇舖頭比較細 係上水舊墟嘅細巷入面 分左兩層 係樓下點菜比錢之後就可以上二樓等食店裡面幾乾淨幾靜 大概有二十個位左右 牆上貼有舊嘅日式海報 燈光有些許昏暗 有種舊區小店嘅味道上菜速度幾快 大概十分鐘我點嘅普通拉麵 醬油湯底就到左睇圖都見到叉燒偏瘦 冇咩特色麵係普通嘅拉麵 幾有彈性 但唔係太掛湯成碗拉麵最值得讚嘅就係個湯底 唔太濃 食落唔係味精味而係真係豬骨嘅味道 唔會好油膩 亦唔會好清淡係上水黎講 麵家山下嘅質素算唔錯 如果叉燒可以再改善一下相信成碗麵會更好味…Read More