LilyKan929's Profile

今日行旺中幫寶貝買野，見到一樓新開左間壽司店🍣仲意試食嘅我又點會錯過？😝睇完Menu之後揀咗5件火炙壽司，有我必食嘅左口魚背，帆立貝，赤蝦，蟹柳，仲有就係我少食嘅鰻魚😅最後加左件馬刀貝同香芒蟹籽沙律雖然係即叫即做，但話咁快就做好左我張Order，莫非個師傳知道我肚餓🤣🤣🤣食物方面，單睇賣相已經好吸引🤩 魚背入口即融，飯團唔會鬆散，成件擺落口，大細啱好！👍🏻 帆立貝夠厚身，咬落去啖啖肉，正😋 赤蝦，佢面頭加咗少少芝士，Mix埋口感變得好豐富，咸，鮮，香！果然有驚喜☺️ 蟹柳比正常Size大！ 鰻魚嘅燒汁唔會太甜，而唔太鍾意食鰻魚嘅我都食晒成件，真係出奇😂 馬刀背，肉質鮮甜，爽口彈牙，食完講返句，正呀喂😋😋😋印象中係第一次食！ 最後外賣左個超足料嘅沙律，正常嘅蟹籽沙律里面仲有烚蛋同香芒，啱哂眼闊肚窄嘅寶貝食😎呢間舖頭雖然細，但佢用嘅食材新鮮，最最重要有貼地嘅價錢👍🏻難怪新開張冇幾耐已有不少回頭客👏🏻…Read More

當大家一提起泰國菜，只想到九龍城xx谷，名過其實都沒什麼大驚喜，所以朋友便上openrice找找看，發現尖沙咀也有不小泰菜，我們揀左這一間！總括整體而言，餐廳環境舒服，員工非常有禮貌而且上菜速度尚算快， 所以這次飲食經驗是非常愉快和滿意的。下次有機會來，我必定會試一試其他菜式，希望能再有驚喜!第一道泰式柚子蝦沙律，泰國嘅柚子係特別多汁，好多柚子肉，做沙律真係好好味!加上新鮮嘅蝦，爽口彈牙，上面再有香脆嘅花生，最醒神係果個酸酸甜甜嘅汁，好惹味超開胃第二道來的菜是泰式炒椰菜仔，新鮮炒好便端上枱，椰菜苗鮮嫩可口，唔會過硬，味道夠濃不會過鹹，好香蒜香味。第三道菜是泰式燒春雞讓香茅黃飯，這個雞與黃飯配搭簡直是天作之合， 雞已經被切開成四份，而裏面的香茅黃飯都滿得快要瀉出來，香茅味濃， 配上泰式酸甜醬，味道一流，但缺點是很容易會涼掉，飯便會變硬，所以要在最新鮮的時候趕快吃。芒果沙冰去到泰國餐館必叫嘅飲品…Read More

天氣時冷時熱，不過無損我地打邊爐嘅興致，放工與友人到大埔食飯，友人已預先上網找好食飯地方，我們直接到達八妹雞煲火鍋店。店內光猛乾淨企理，感覺舒適，黃色牆身非常吸睛又富現代感，這個印象還不錯來到當然叫個秘製八妹雞煲半隻，食得辣嘅我們叫左個中辣，雞非常入味，整體調味適中，醬汁不會太多或過少，雖然只叫半隻雞，但雞件好多又啖啖肉，我倆已經食得8成飽，還未叫火鍋料，所以只簡單點數個食材打邊爐三并包括淮山、萵筍同蘿蔔片，鮮淮山不是很多地方有，鮮淮山打邊爐係好好味的，萵筍清甜也是一個非常不錯的選擇不能缺少的手切肥牛，牛肉油花均勻，煮熟後口感特別鬆化，入口那股香濃牛味，非那雪藏美國特級肥牛肉可比我喜歡的墨魚滑，別小看這一個墨魚滑，分拆後變得好多粒，此時飽到不行，墨魚滑超爽口彈牙，墨魚味十足，口感也很好，必須點的娃娃菜是一個完美的結束食材，真心飽到一個點，辛苦友人幫忙食光光。這次雞煲火鍋很完美，心身満足！😋…Read More

呢間開嗨長沙灣道嘅泰國菜，因離公司唔算話太遠，今日就專登早少少出去食飯試下味。入到餐廳內，見到環境都乾淨，座位之間亦唔會逼，感覺都Ok。餐牌上嘅價錢唔貴，最後就要睇食物啦⋯⋯😛生熟肥牛湯河(清湯底)因我唔食生牛肉，所以轉熟牛，等到碗河粉上到嚟個時，見到D肥牛果然”真材實料”夠哂肥😱😱😱肥到唔夠膽食！🤦🏼‍♀️舍弃左肥牛，諗住齋食河粉，誰不知D河粉竟然有一俩條尾端仲係硬嘅！唔新鮮之余又冇渌到，只可以講”中伏”😓手撕雞湯河(冬陰公湯底)因爲湯底嘅關係，不過不失！脆炸泰式蝦餅係新鮮炸，但唔係平時食開個D薄蝦，佢係厚得嚟又多粉👎🏻最後就要講返服務，唔可以講佢哋態度惡劣，只可以講🎤冇禮貌！🙄落單時因見到有2種湯底，所以及時提醒佢話要清湯，誰不知多謝都冇句仲要俾佢”串”👿真係超級棧鬼👻埋單個陣都一樣，目冇表情，似乎我同朋友係佢嘅仇人🤣🤣🤣真係可愛絕頂！飲食業同行竟爭大，個個都用食物質素同服務去留住D客，但好似呢間嘅作風就真係第一次見！…Read More

土司工坊已經開到周圍有，但我就一次都未試過😅今日同寶貝去大埔超級城揾野食時見到佢有粉麵食，所以試下。我單叫左碗南洋魚蛋湯河$42湯夠清，咸淡適中，但佢宣傳話魚蛋爽口彈牙，但其實同普通粉麵店20幾一碗嘅貨冇咩唔同。寶貝就叫左份期間限定嘅雞翼芝士撈麵餐，加埋杯凍美祿$66套餐碗麵個樣睇起嚟好好味，誰不知佢食左一啖就話唔想食，因為味道好怪，又甜又咸，就算係浪費都唔肯再食多啖😓間鋪冇服務之余，食物又唔好食，寶貝話試過就算。😶…Read More

好耐好耐冇行過銅鑼灣啦⋯⋯今日趁住有朋友陪，行完街就去揾我仲意食嘅日本料理😏嚟之前朋友已做足功課，話呢間水產有我未試嘅左口魚刺身，真係未開始食已甜入心☺️門口位有好多好多魚嘅圖案，令人可以想像到間鋪嘅食材一定好豐富.間店唔算大，但間隔充滿日本feel，令人有種想即刻飛過去行返轉嘅衝動😛朋友點左花魚一夜干俾我食，但因為肚餓原因，完全遺忘左要手機食先🤣魚肉質好嫩，同醋一齊點嚟食味道更加正，但我嫌佢太大，所以我哋食到一半已暫停，怕食唔落後面點嘅野😅刺身係我每次必食品，今日我哋點左甜蝦（朋友嘅至愛)象拔蚌(我哋嘅相同點)好耐冇食過，今日食到特別鮮甜，新鮮度200👍🏻左口魚，肉質唔似三文魚或其他，所以用薄切。咬落去好清，一點腥味都冇。個拼盆一上枱，好快就冇哂🤣🤣🤣最後食埋個三文魚牛油果沙律就完美結束😋🍻…Read More

九龍城出名多泰國餐廳，今晚專登去行返轉，希望揾到正宗泰國菜。行經城南道時見到呢間泰發泰國餐廳，從外面望入去見到侍應似乎都係泰國人，心諗呢到唔知可否食到我仲意嘅野？😜坐低後見到餐牌有青檸汁燒牛肉，應該係好好嘅開胃菜，所以叫咗嚟試！侍應送到時見牛肉係層層疊成座山咁，山頂仲堆滿蒜蓉同辣椒，見到個樣即時胃口大開😛牛肉好腍，加埋青檸汁同蒜茸辣椒一齊食，酸酸辣辣啱哂鐘意食辣嘅我😋鐵板蠔仔蛋鐘意食蠔嘅我，呢道菜一定走唔甩，蠔仔夠肥，配埋爽口牙菜同蛋一齊食，香口得嚟又唔會覺得滯咸魚炒通菜咸魚炒過之後，香味更特出，加上通菜一齊好惹味。青檸汁蒸盲鰽烏頭就試得多，今次就試下盲鰽，青檸湯底煮到盲鰽入晒味，魚肉仲好嫩滑，正👍🏻珍多冰椰香味濃，我超仲意平時食親泰國菜唔平，但今晚食咁多嘢都係四百幾蚊，真係抵😃…Read More

朋友話深水埗有間拉麵幾出名，一直都未去試過，聽佢咁講，仲意食拉麵嘅我當然要同佢去一探究竟！😛去到已經係晚上8點幾，門口冇人等位入到去見鋪仔細細，但都幾乎坐滿想試味，所以揀左原味拉麵，厚切叉燒，椰菜，普通硬度第一啖飲湯同食麵，普普通通，同之前食過啲拉麵冇得比。最奇怪係佢哋叉燒同椰菜係凍嘅，唔通佢哋係出名凍食？😨朋友揀左海老拉麵，火炙叉燒，碗麵未食完已埋單走，間鋪咁出名都冇用，我哋真係試一次就夠！🤦🏼‍♀️…Read More

聽聞最近公司附近新開左幾間食肆，趁住天氣好，同朋友行去青山道睇下有咩食先😉 我哋行過長沙灣郵政局，見到製衣中心地下開左間日式便當店，門面好細，如果唔係俾寫緊嘅餐牌吸引住，唔留意嘅話好難會發現到。 餐單上選择唔算多，但胜在有朋友仲意食嘅鰻魚飯，難得遇上，仲意試新野嘅我哋當然唔會錯過😛😛😛 想試下佢哋食材嘅新鮮度，叫左個壽司拼烏冬 雖然全部都係普通食材，但每款都好新鮮，連平時唔仲意食嘅鰻魚我都覺得好好味，真係驚喜😋😋😋 鰻魚飯一送到，朋友"嘩"左一聲，好大條呀！仲有蟹柳沙律、螺肉，成份餐眼見已份量十足，簡直係超值👍🏻至於味道，朋友就一邊食一邊話好味🤣另外我哋加左碗麵豉湯，豆腐嫩，昆布多而滑，仲有清甜嘅蘿卜，朋友話呢啲係屋企至有嘅味道，因為真材實料☺️食完俩個餐後覺得唔夠喉，我哋又追加左份芝士七彩吉列蝦卷，果然係即叫即做，燒熔左嘅芝士、吉列蝦同飯團Mix埋一齊，咬落去暖笠笠，脆卜卜，正😋 發現左美食，冇理由唔分享，臨走時買左外賣返去俾同事食，外賣自取仲有額外九折，個個食完都話正😜 間舖雖然好細，堂食嘅位亦唔多，但佢哋嘅服務(老板同侍應都好nice)😊價錢同埋食物質素已高過同行好多，希望間鋪可以keeo住呢個水準，好讓我哋工作之後可以享受到美食😏…Read More

趁住寶貝未開學，爭取時間同佢食飯睇戲撐枱腳😛晚餐嗨Openrice揾左好耐，終於決定嗨公司附近試下新開嘅粥底火鍋。 間鋪雖然係新開張，但生意就好好，入到店內坐低，見到全場爆滿，如果唔book位，相信都好難即日有得食！😅間鋪有3種唔同嘅湯底，價錢亦唔同，寶貝話想食海鮮粥，咁就一於叫粥底，每位200大洋🤣原本正宗嘅食法係先用粥水淥啲海鮮嚟食，跟住加入粟米，芋頭粒，南瓜粒，然後食肉類及其它食材，最後就加入粥膽，咁就可以食到又鮮又美味嘅海鮮粥，但可惜寶貝話想試下有埋芋頭味嘅海鮮，所以次序大轉變。🤣食材新鮮，用咩配料嘅湯底都一樣食到佢嘅鮮甜，特別係我仲意嘅貝類，肉肥美，干淨冇沙，正😋😋😋寶貝話D肥牛同西班牙梅頭肉好正，叫我應承佢下次再同佢嚟食，真係少有🤣等到最尾主角出場，但我哋就飽到食左少少就食唔落啦⋯⋯😅…Read More

開心星期五，週末前當然要同老友聚會，揾地方食飯傾計次次都係我，有時真係覺得攰！但冇辦法，邊個叫我食嘢腌尖😛😛😛 今晚同朋友去旺角女人街行下，行到登打士街時俾呢間叫*享丼丼*嘅餐牌吸引住！$99嘅晚餐已經有好多選擇，又可以加錢食刺身或壽司，最最重要係行到又攰又肚餓之時又唔使等位，當然係即刻入去坐低啦⋯⋯😅 間鋪全部都係卡位，個老細見我同朋友都攞住大袋細袋，好細心地安排我哋坐四人卡位，呢種服務態度嗨旺角真係好少機會遇到👍🏻加州卷，算係我嘅餐前小食，細細舊，咬落去啲蟹籽脆卜卜，同沙律醬Mix埋好好味，一下就俾我食咗三件😂跟住就係日本生葵醬炸蝦，咬左啖，新鮮滾熱辣，差啲辣親，粉唔會太厚，而且食落去一啲都唔油，呢D質素嗨集團式嘅日式放題都未必做到，正😋😋😋朋友點嘅鐵板燒鯖魚一樣有驚喜，皮脆肉入味，加埋新鮮檸檬汁，蘿蔔蓉一齊食，只會講"好味"😉今晚嘅主角係黑椒厚燒牛肉飯，汁唔會太甜，熟度啱啱好。最後朋友話要加錢任食刺身，飲品任飲，一個人都只係$59，咁超值我當然唔會反對！舒適嘅環境，好嘅食物質素加服務，值得我同朋友再去食😊…Read More

今晚幫朋友過生日，佢話想食風靡咗好耐嘅蒸氣火鍋，因為一直都未試過。 我哋揀咗去人多，食物選擇更多嘅旺角，而兆萬中心嘅樓上鋪，有齊中日韓美食，去多幾次都唔會重複🤣 去到壺蒸鍋，雖然有好多人等位，但因為訂左位嘅原因好快就安排到位。朋友仲意食刺身，湯底揀咗胡椒豬肚湯底。火鍋調味有好多選擇坐低之後侍應好快為我哋准備好食物，頭盆海鮮拼盆，有魷魚，半隻龍蝦，元貝，鮑魚，象拔蚌仔，生蠔，大蜆都係兩隻，真係啱啱好，唔使爭😅，有計時提醒我哋食物已熟，可以開餐啦，真係正，唔使傾到過晒時，海鮮熟得滯😛其實，食完個海鮮拼盤，已經有八成飽，但朋友見其他食物都係細細碟，貪新鮮想試多幾樣，好彩最後都食晒，唔使浪費🤣🤣🤣最後係飲湯，份量十足嘅胡椒豬肚湯，入面除咗猪肚，味菜，夢卜之外，仲有雞肉，攞嚟淥菜真係冇得頂，朋友係食肉獸，而我最鍾意食生果同菜，成份生菜差唔多係我一個人食晒😋😋😋…Read More

今晚朋友接收工話帶我去食西餐，去到先知間餐廳就係嗨東沙島街嘅Fifty Fifty。原以為係因為落雨所以嚟接我，但原來朋友一早就Book左枱😅，真係夠細心😍入到去我哋被安排嗨靠近門口嘅位置，空間夠寬落，加之柔和嘅燈光，令我成個人放鬆哂。我哋點左個海鮮拼盆2人晚餐，個套餐好豐富，價錢好抵食當晚嘅餐湯係我仲意嘅南瓜湯😋個拼盆有半隻龍蝦，生蚝，八爪魚，青口，翡翠螺，准備食之時餐廳個靚仔經理行埋嚟話隻龍蝦煮到五成熟，希望我哋會啱食。食完個拼盆真係覺得唔夠喉，夠鮮甜，龍蝦煮到啱啱好，好難得😋😋😋七成熟嘅美國肉眼，加上佢哋嘅秘製醬汁，平時少食肉嘅我都忍唔住食多幾啖😬最後上埋個蘑菇天使麵，成個套餐嘅份量兩個人真係食唔晒。埋單只係$570☺️…Read More

之前去過附近的車仔麵食lunch 前，見到這間日式料理，今日有人車我入元朗，有機會試這間店，當進入餐廳的時候，環境充滿和風味道，小小舖位有榻榻米、吧枱和正常位由地到牆到天花裝修都好別緻，要大讚一下員工服務唔錯 ，親自倒鼓油和經常斟水換碟，這店地方真的很少，坐位不多，但經常爆滿，看見老闆娘和客人的交談應該是很多熟客，出品相信有一定的保證。不要以為舖子少，除了壽司刺身外，就沒有熟食，他們還供應小食，有燒烤及餃子雞翼等等突然好想食帆立貝刺身，見到都開心，鮮甜爽囗Set A 串燒238五花腩好肥美，肉上面既醬汁完全係用來掩飾依啲肥膏既，食果陣油脂連同醬汁一齊湧入入喉嚨極正!魷魚筒初頭無預計會燒到咁軟，以為係半濕半乾果種，最後上枱竟然係一大條魷魚筒非常香手羽雞肉熱辣辣幾滑又香口鯖魚煎得金黃，皮很香脆沒有腥味，鯖魚啖啖肉亦夠濃味， 燒得均勻食得開心牛肉吃起來口感細緻、鮮嫩，肉質帶嚼勁，醬汁濃味茄子燒得岩岩好，唔乾身香又惹味炸雞熱潮未減，今日也試試這個日本炸雞，炸雞的炸粉上得薄且鬆脆，肉質紮實嫩滑，肥瘦比例好，充滿肉汁，炸雞份量很多，再加多個波子汽水，簡直就係星級享受😛…Read More

公司轉咗過嚟荔枝角，附近食肆選擇都算多，但一到中午食飯時間我依然會頭痛，因為想搵一間食飯時間都唔會太嘈嘅地方真係好難。而今日竟然有同事提議食湯飯，話嗰間鋪頭細細地嘢食又OK，應該會啱晒我，既然咁樣講想唔去試都唔得😅間鋪頭原來係嗨泓景臺商場，雖然細但都算企理。睇完餐牌之後決定食佢推介嘅淮山麵，未食過嘅都想試下😛呢個豬潤牛肉淮山麵，牛肉同猪潤份量都幾多，另外仲有唐芹，雲耳做配菜，睇起身都好豐富。我仲加錢轉左胡椒湯，湯底唔錯，飲左都唔覺得口渴，或者真係佢所講嘅冇味精😅淮山麵亦有驚喜，軟硬度啱啱好，而且食到最後都唔會林晒👍🏻一個午餐包埋嘢飲都係$46，環境乾淨又唔會太吵，對於我嚟講已經好難得☺️…Read More