MakoLai's Profile

日本放題就食得多喇，但係好似哩間極尚大喜屋嘅服務態度咁積極就真係少有首先嚟個冷盤蟹籽沙律，OK啦跟住到海膽軍艦，都係果句OK啦再嚟就係刺身，有甜蝦、海蝦、赤貝、帶子、希靈魚、象拔蚌同埋池魚王松葉蟹腳，比較乾同細隻然後叫左D極尚大喜屋嘅創意壽司，本人覺得其實可以不如......都係叫多round刺身好算把啦串燒類都唔錯，串燒鰻魚中上串燒牛舌唔靭、爽串燒手羽先，燒得皮脆肉嫩燒羊架叫做可以啦哩度嘅sake都係任飲架MOVENPICK雪糕雖然唔係任食，但係都起碼每人一杯嘅總括嚟講食物質素 中上環景 中等服務態度 非常好又積極主動又無黑面，雖然有溜單但好快就上到枱，我臨走時有個女員工走過嚟問我：「走嗱？唔食埋雪糕先走，食唔落都可以拎走架喎」真係非常親切…Read More

近來凍凍地，想燒野食，但又遇到落雨天......點算好？食韓燒咪得囉！最近見到開左好多韓燒，但質素參差！而今日介紹哩間BBQ7080yo，本人覺得佢係性價比唔錯嘅韓燒食店之一，份量都幾多下，又新鮮又好味，兩個人食都差小小食唔晒～前菜小吃-泡菜、大荳芽、豆腐生菜-（如果係芝麻葉會更好）我最愛嘅雞翼牛拼盤，份量唔少架原來烤肉沾上半溶芝士係咁好食，邪惡感爆滿，一定要叫～烤鰻魚，兩大塊、好厚肉～好老實，我對於烤菇烤菜一般，哩個係女友叫的=_=…Read More

一入到去成個地下都係水，先唔好理啲水乾淨定污糟先，真係唔係人人like 囉～入正題，紫菜卷我相信無人鍾意食生米囉，偏偏佢就連個飯都未煮得好，對自己嘅出品咁無要求，差極尚牛舌價錢極尚，肉質OK厚切五花肉好老實，個熨板都係用過嚟壓住舊豬五花肉嚟燒果一陣，如果燒其他野，例如牛、雞翼、牛舌啊果啲，根本用唔著～!再加上，其實唔鬼用都得，我頂～!特級雪花牛見到對面枱安格斯牛排，超市凍肉咁樣再睇下自己果碟特級雪花牛都叫做似樣無骨雞翼,變有骨雞翼泡沫咖啡炸雞好淡好淡，炸雞炸定、皮硬，跟埋GAS爐上枱煮都唔熱，因為無GAS（有都唔換比你），我叫店員換，佢話其實食得架喇！我想同佢講水滾都會出煙啊？你有無攪錯啊～!佢嘅食物無咩醬汁、醃料、同埋味道囉，無一樣食物係有哩間店嘅風格，可能無味道就係佢地嘅風格啦！無心基，靠啅頭，食韓燒都係搵間正正經經吧啦！…Read More

上次一別之後，每次想起都好掛住M3青口嘅嫩滑、豬鞍嘅爆汁、四重芝士薄餅嘅一碰即碎，更加有人一日到黑都話要再去食M3(有點難Book位）OK！既然係咁，今日就早少少去試下walk in 啦～!都好彩，時間尚早唔係太多人等位嘅時間又係睇menu嘅時候！好,今日就咁啦～!先嚟個頭盤《啤梨藍芝士焦糖合桃沙律》第一啖即刻咬中左舊藍芝，一擁而上嘅藍芝香味好正，再配合啤梨夾雜住焦糖合桃嘅香甜味，口感分層好開胃《鮮帶子海膽煙三文魚他他》嘩！新鮮到，海膽濃香夾住海水味，再帶領味蕾去品嚐帶子嘅爽滑，去到底層味道最重嘅煙三文魚他他，明明已經有啲膩，但又被柚子嘅清香酸甜喚醒胃口《帕爾馬火腿火箭菜薄餅》又一時心急大力左少少又掐碎餅邊～!我真係好感謝發明火箭菜配帕爾馬火腿薄餅嘅人，因為佢地真係夾到咩野咁～!（純屬個人口味，如果可以加埋羊奶芝士會更加如虎添翼）《蕃茄海鮮配意大利飯》記得有一次嘅元朗嘅餐廳食過一個難食嘅意大利飯，而今次哩個意大利飯真正滿足到我嘅要求，蝦脆、帶子爽、青口嫩、墨魚仔Q、有飯芯、口感Creamy。其實，我都好客易滿足喳～!《燒澳洲牛柳配香煎鵝肝》牛柳肉質都幾嫩火候控制得好，鵝肝嫩滑但味道唔夠濃香《Tiramisu 》雖然哩個Tiramisu賣相討好，但無冧酒味道，我比較喜歡食到加入冧酒（或其他酒）嘅做法，因為我覺得冧酒、咖啡再渾和朱古力先至會產生一種浪漫嘅感覺…Read More

  今日要寫嘅哩間餐廳，佢地都唔係做生意嘅～!點解我咁講呢？因為今時今日嘅香港無幾多間會咁不計成本、花時間、花手工去做食物、又好味、三個人先三百蚊左右。佢地用嘅食材係不單只新鮮咁簡單，而且仲好講究，甚至令我覺得挑剔～!《燒南非鮑魚》燒得剛剛好，外面唔會乾，肉爽有汁，但我感覺蒜蓉有一點濃味影響左品嘗，佢地每日都會去街市買當日最揀手海鮮～!《泰式扇貝》香茅、辣椒、蒜蓉等料頭促成左泰國風味，而且哩啲扇貝仔又鮮甜又唔韌，好食《清酒煮日本沙白》哩個煮法有啲「油鹽水浸大花甲」嘅影子，非常喜歡哩個味道，因為本人都好鍾意煮哩個餸～!《鎮店鹽燒多寶魚》店裏面有個牌寫住每日有咩魚，本來想食馬𩵼，但係多寶魚比較多魚皮，燒出來脆咯咯，正《香燒鮮農場頂鴿》好野！首先佢堅係「乳鴿」，唔係搵啲「老鴿」嚟扮「乳鴿」。正如菜名，佢地有專人喺中山鴿場揀鴿，所以用料講究、挑剔～!左1《厚燒牛舌心》牛，咁大條脷，佢淨係用個心，如果食開牛舌嘅人就知道，牛舌最外面喺比較「鞋」、肉質鬆散，牛舌心則比較爽、滑、牛味濃郁～!左2《香燒西班牙黑豚六花腩》口感柔潤、豬皮脆口中《首創鮮雞皮手打蝦膠卷》每隻新鮮雞有一對雞腿，而佢地只用雞腿皮，先去油再包裹手打蝦膠，燒至外脆內爽，真係好鐘意燒雞皮右《自家浸製花醉香燒雞翼》六年陳嘅花雕酒-香醇，而廚師用嚟腌製雞翼，可能你會問：「嘥唔嘥啲呀？」我話比你聽如果煮得唔好食嘅話就嘥。陳年花雕香味深入到雞骨，但又唔會奪走本身雞翼嘅油香《法式先蟹肉虎蝦烤多士》新鮮虎蝦爽口再配合外脆內軟嘅法式多士，加上秘製醬汁，食落唔會覺得膩《秘製烤焗牛骨髓配法包》榮登今日最邪惡之選嘅菜式，佢真係唔係流嘅！哩道菜嘅醬汁係用雞肝調配而成，而牛骨髓經過燒烤之後，釋放出骨髓中嘅精華油，同食鵝肝要用麵包吸埋剩低嘅油一樣，而配合埋雞肝醬互補不足，可以話係有過之而無不及～!《嗜清酒人士》最後，哩間桻之燒仲有好多清酒，仲有好多喺日本無出口嘅限量靚酒～!*提提你，識酒之人去到想知道有咩正野，記得睇牆壁上嘅清酒招紙，或者直接請教老闆，因為佢對清酒嘅熱愛已經令佢變成精～!…Read More

做野經過銅記，突然有個姐姐塞左張野過嚟，我都反應唔嚟！跟住佢話：「食壽司ga!」丫！又好！夜晚七點鐘到，唔算多人！好快坐低，睇下有咩食先！見到太刀同花鮫都好想試下，但對秋刀情有獨鍾，就叫秋刀兩食（+$20可刺身加壽司）第一食嚟到之後，我覺得我嘅選擇係無錯嘅！刺身選用秋刀嘅魚腩部分，看上有光澤、脂肪比例剛好，入口鮮甜、肉質鮮嫩、幼細，好味！第二食係壽司今次選用秋刀魚較近後嘅部分，肉質比較有彈性、爽口，跟壽司飯送入口中混和後，青蔥伴隨著甘甜味成為餘韻！當我享受緊嘅時候，有位侍應過嚟問我，要唔要+$10將魚頭同魚骨脆炸？我心諗又好，咁就變成三食！講真下次我都唔會慳果$10，因為真係炸得好乾身好好食，仲已經有調味！（$10多一道菜，又好味又環保～^_^）近來真係深受居酒屋文化熏陶，去親食日本野都要叫返幾串雞皮乜乜乜～!哩道嘅串燒雞皮，酥脆、煙韌嘅比例係3:1，酥脆佔比較多～!仲有佢嘅兄弟-雞皮花竹蝦～!花竹蝦被雞皮包住，既可以令蝦肉保持水分、鮮嫩，又可以吸收雞油嘅香味，咬落仲外脆內軟，好味!但可惜，螢壽司現在仲未有令酒牌，所以未能盡興，希望下次再嚟嘅時候可以飲個痛快！而天婦羅同軟殼蟹嘅炸漿比較硬，芝麻雞翼肉汁已經被炸乾，三文魚飯團調味不足，可以話接近冇咸、甜味，有好大嘅空間可以進步！…Read More

日本菜，喺好多人心目中已經加左唔少分數，但係大部份嘅菜式都比較傳統而我要介紹嘅哩一間日本居酒屋，佢所做嘅菜式Fusion得嚟又保留左傳統嘅味道位於尖沙咀漆咸道南嘅YAYAKIYA,從門口睇落，真係唔覺得係日本菜、居酒居成36、7度熱到呢！即刻叫返杯Frozen Kirin (冰沙麒麟啤）嚟消下暑先最中壽司-雲丹佢外層嘅威化嘅味道好似醬油燒米果，中間有壽司飯、海膽及蟹子，新派得嚟又好有傳統味道，口感豐富、有質感,好味博多明太子涼拌烏冬嘩！哩個涼拌烏冬真夏天必點菜式「鐵膽」，明太子有少少辣味，加上紫菜及新鮮嘅紫蘇葉幫助提鮮，令平凡嘅烏冬變得更有活力，而佢嘅份量亦唔可以睇少串燒嚟到居酒屋點可以唔點串燒佐酒，牛舌、鹿兒島(A4)和牛、燒雞皮、雞翼（波尾雞）、雞腎（波尾雞）、煙肉蘆筍卷通通都點，我覺得哩到嘅食物質素都好高、夠新鮮，而且環境好舒服，以工業風打造本店格調令外想同大家分享一個食雞翼嘅方法先將雞翼去骨再一啖放入口波尾雞嘅味道真係好好味～!…Read More

上次食完美味嘅德國菜，令我對大角咀嘅食物質素刮目相看，縱使新舊建築、文化、語言各有差異，但係哩個小區裡面經已變成哩度嘅特式，而今次去食嘅西班牙菜我覺得係唔錯嘅選擇之一其實喺哩條街嘅食店大多以賣酒行先，我都係食返上次回味左好耐嘅Hoegarden rosee白酒煮青口肉質嫩有少少酸有淡淡酒香，醒胃傳統醃八爪魚配香檳醋甜椒（其實哩度嘅菜名都幾長下）當你咬到八爪魚吸盤時，就會發出啵啵聲好爽脆茴香蜜汁蒜蓉雞翼伴檸檬汁（都係果句，好長名）比較乾身但配合蜜汁同檸檬汁都好夾"Tapas Brew"特色烤乳豬皮脆肉嫩又多肉汁，一切落去果下同切威化餅差唔多，再切埋落去，好嫩嘅小鮮肉！正…Read More

無諗過大角咀會有如此有質素嘅德國餐廳。星期五放左工同女友去澳海城睇戲，仲有大把時間就落去逛下睇下有咩野好食，行行下竟然有德國菜！仲要喺門口有個爐一路住咁。即刻入去，唔該兩位～^_^真係遲一步都要等呀～!食德國菜點少得啤酒呀～!但要睇戲嘅關係每人叫左杯Hoegaaden rosse,我覺得似氣水多D但係好好飲，都幾適合女仕西班牙風乾火腿配凱撒沙律德國超級香腸拼盤德國咸豬手配酸菜及薯仔沙律可以做到外脆內嫩，唔會乾或太咸，本人覺得比令一集團德國餐廳嘅咸豬手好食、容易食！其實在大角咀有咁好質素嘅德國餐廳真係難～好食，抵食…Read More

諗住同女友搵間坐得舒服又唔洗點排隊餐廳，尖沙咀真係好難，由街頭街到街尾見到哩間裝修幾唔錯，攞位試試佢～!叫左個套餐三百零蚊有前菜有炭燒牛排有甜品都算係咁～^_^一開始個煙鴨胸沙律，鴨胸煙燻味非常吸引，肉質鮮嫩牛排火路控制唔錯，尚可保留肉汁上面嘅蘑菇烤過之後有獨特香味，配菜中嘅露荀幾嫩下食完又可以飲杯野吹下水…Read More

凍薏米檸檬水口味比較淡，無咩甜味海鮮喇沙湯底有點淡，比較健康嘅味道海南雞飯油飯唔夠香有點咸，跟餐醬料比較不足，雞湯正常味道馬拉盞炒通菜味道有點寡咸沙嗲串燒比較失望，過晒火、乾、而且仲唔似係燒，沙嗲醬無咩特別而且量少斑蘭葉炸雞哩間餐廳比較好的一道菜，有肉汁加上一點香料味…Read More

好少食到一間餐廳係由頭盤到甜品都令我滿意～！其實經過M3好多次，但今日終於都的起心肝去食，等位唔算耐唔洗10十分鐘已經有位兩個人叫左個前菜加幾個主菜加多兩個甜品,兩個人飽到差少少獲利回吐前菜：連麵包都自家制煙三文魚凱撒沙律主菜： 白酒忌廉汁藍青口本人極力推介，事關本人未食過仲保留到海水味、咁滑、無渣嘅藍青口真係好食，有驚喜 四式芝士薄餅有金文畢芝士、水牛芝士、車打芝士、藍芝士，我鐘意佢外皮「脆薄易碎」、材料簡單但口感複雜，可以做到好好嘅層次感 香辣蒜片大蝦意粉第一個感覺「fusion菜式」有濃厚嘅東南亞氣息 烤加拿大豬鞍配墨西哥汁點菜時職員問我：如果妳七成熟最好食，但由於係豬肉你地會怕生嗎？我話我信你就七成上菜時一切開，好接近七成，火候控制得好準確，嫩滑、肉汁鮮甜唔黐牙廚師盡顯功架 意式雲哩拿奶凍配雜莓醬雲哩拿世界上最昂貴香料之一，哩道甜品用嘅唔係雲哩拿香精而係真正嘅雲哩拿籽，如果咬中雲哩拿籽會有爆破感，過癮～！ 巴伐洛娃蛋白餅食到哩道甜品我完全感覺到廚師同我用食物交流緊，唔單止擺盤、配搭、味道都好好～！蛋白餅為基底，中間係芒果雪糕，跟住就係忌廉加生果，再加上醒胃嘅熱情果醬哩道甜品好講速度技巧，值得推介～！…Read More

漢堡飽大家都唔會陌生，四周圍都有連鎖經營嘅快餐店都可以買到，就喺我覺得漢堡飽都係一個模之際，今日行過深水埗，唔知食咩野好嘅時候，見到Burger man睇睇個餐牌先！竟然有D咁邪惡嘅野-鵝肝漢堡，叫一份睇下你堅唔堅先！不過，叫個前菜清一清佢，無咁罪惡感青蘋果田園沙律好清新，唔會比D醬汁蓋過原味，而我又好鍾意佢個醬汁，有D「蜜糖芥末醬」嘅影子，唔覺得膩鵝肝漢堡，嚟喇～!店員好細心，問我洗唔洗開半，值得一讚一咬落去，成個口都塞滿晒，混合左之後，𠲖！？都好鬼夾，又好有層次，因為個麵包係烘脆左，但係又吸收晒D鵝肝油，而牛肉同洋蔥做主導嘅底層，你又會感覺到牛肉嘅鐵質同洋蔥嘅辛辣！食下食下到左最後一啖......我好掙扎，因為我唔舍得吞…Read More

上水街市熟食中心多好野食就好多人都知，今次本來諗住食燒鵝點知sold out～吹脹!行去後面比睇下，我嗅到一陣好香嘅雞煲隨，見到又風口位咁（夠涼爽），就試下佢！第一樣野梗係叫個煲（雞）先啦！再睇下啲生料，原來有哩啲牛心頂比柏葉口感更豐厚、爽口墨汁墨魚丸唔會死實、有墨魚碎喺入面有咬口，墨香濃郁新鮮鵝腸鵝腸嘅鮮甜味加埋鵝脂肪嘅香味，令我非常滿足手切本地肥牛好多時食果啲美國肥牛,口感又「鞋」又無牛味好似食爛布一樣！而手切本地肥牛就有鮮甜味、有彈性、重牛味隱藏餐單-「牛胸油」好彩多口問一句，啲手切肥牛夠唔夠肥先？店員話：「你食得肥就不如試下胸油啦,唔係成日有ga!」胸油嘅口感比較煙韌，牛味濃就唔洗講啦，可以一試…Read More

大排檔，我相信有身份證嘅都一定食過，大排檔嘅味道各有差別，但都好小數會至於難食，但我今日要講嘅哩間就係小數難食次一漁香茄子一隻味「辣豆瓣醬味」，丫～都算你過骨椒鹽豬排哩味餸無走雞喇呱？香茅味嚟嘅，同埋你煮到啲椒鹽去晒邊呀？最緊要係煮得唔好食叫個姐姐過嚟問下，你估佢點答～姐姐：「我地椒鹽豬排係咁嘅」哦～你地泰國留學返嚟㗎？鹹魚炒芥蘭好呀，既然係咁，又試下叫個鹹魚炒芥蘭丫！你邊一度似炒過呀？烚芥蘭撈鹹魚咋呱！連鹹魚都無爆香下佢「陳泗記」比我嘅感覺係-好外行、咁基本嘅菜式都做得唔好～唉…Read More