longnon's Profile

行過太子見到呢間粉麵檔，睇相好似好正(我認係我太天真), 於是就入去試吓。見佢 $50 一碟崩沙腩飯仲有野飲，覺得價錢ok 就叫左一客。點知阿姐一拎碟飯擺上枱，真係「X」左出聲。我即刻問阿姐有冇落錯單，佢話冇。我問佢呢 d係崩沙，佢又話唔清楚，於是我就直接問切緊牛腩既師傅，點知佢竟然話係崩沙腩，只不過咁啱係邊位，所以個樣有唔同。算，反正我肚餓，唯有食左去。咬落去真係好似擦膠咁，d 肉勁鞋，同煲湯瘦肉冇分別！名副其實既「崩沙」，咬到崩牙，鞋過沙紙。勁後悔入左呢間粉麵檔！呢 d 劣食真係要俾大家知道，大家如果想挑戰咩叫難食，不妨入去試吓！…Read More

見到富臨有任食2小時大閘蟹，就約埋兩位朋友去食。到達後，酒樓人數唔多，食蟹既亦大約得 6-7 枱，酒樓面積大，所以都坐得好鬆動。一起菜就黎左 d冰鎮鮑魚，味道一般，真係寧願佢求其清蒸可能仲好食d; 個湯反而唔錯，唔算肥膩，好飲。片皮鴨就係任食，味道都一般，建議想飽肚可以食多兩舊一定飽。最後到主角 -- 大閘蟹出場。第一 round會先送一隻陳年花綢蒸，坦白講，真係冇乜酒味 ... 食完我地就再叫多 3 隻油鹽焗，但等左30 分鐘都未有 (其他枱都冇), 酒樓解釋廚房蒸唔切，我覺得好搞笑囉，能夠做到 4 -50 圍晚宴既酒樓，個廚房竟然蒸唔切 d蟹？？其實本身都怕太早叫定 d 蟹凍左，所以不嬲都係食完先再點，但最後真係好嬲咁一次過點晒 d 蟹 (因為怕又要等多 30 分鐘) ... 終於一次過黎晒 d蟹，其實d 蟹細隻都預左，但食慣大閘蟹既我一食，就已經可以肯定，係肯定，係好肯定d蟹只係用水洽熟而唔係蒸出黎！！打開隻蟹蓋已經有水，，同埋d蟹肉，一食就知係用水洽熟既，佢地真係以為咁就可以瞞天過海？如果你問抵唔抵食，$428 /2 hrs 都算ok既，d 酒樓姐姐換碟都快。但如果你係對蟹既質素有d要求，我唔建議你去呢間食。最後埋單 $428 加一連茶位，每人$490 落樓…Read More

一直都間唔中幫襯樓下冰室, 雞脾好食入味, 食物質素唔錯, 但今日真係不吐不快. 事源今日12點和同事去食LUNCH, 到達時眼見冰室有大量吉枱 (半間係冇人), 於是就入去啦. 門口問我地幾多人, 我地話4個人齊, 於是門口就叫我地行入去. 我地就一直行入去啦, 突然有位員工 (粉紅色衫短髮) 無啦啦叫我地坐番出去門口果張枱, 我話既然入面大把位, 我地又人齊, 點解要坐出面? 點知果位員工回應: 你係食就坐番出去, 唔鍾意可以走....  真係好嬲, 我都知道我俾$58 蚊, 真係唔應該有咩特別要求, 但你地D位又係吉, 我地只係想坐入面啫,  有咩問題, 點解要無啦啦俾你咁樣呼喝, 真係好無禮貌囉.... …Read More

本人都係比較懶, 所以好少寫食評, 但好野緊係要多人識. 緣份之下, 因係一場雨, 就入左源興記避雨. 老闆話佢地係新開張, 咁我又見有D 餓, 於是我就坐低左, 順便試下新野. 我叫左佢地既招牌牛腩魚麵, 牛腩好入味, 而且肥瘦適中, 小小既肥膏更加帶出牛腩既甘香, 加上特製酸菜, 又會化解番肥膏既油膩, 真係令人一食再食停唔到口. 魚麵係手打, 非常彈牙, 配合埋牛腩既咬口, 真係超正. 可惜老闆話鮮鵝腸一早賣晒, 否則我一定會試埋. 老闆話佢地既水餃亦十分好食, 係招牌菜, 於是我就再叫多碗淨水餃試試. 一咬落去, 真係啖啖油香, 豬肉加白菜好 match, 而且加入少少肥豬肉, 令到水餃更加惹味, 真係一試難忘. 最後我叫左一杯名為 "滑滑地" 既奶茶, 老闆話係佢自己研究既茶膽, 所以好特別. 飲落果下, 我即刻同老闆講一定改錯名, 都唔係"滑滑地" , 係" 好L滑" 先真, 而且茶味亦十分濃郁... 可惜太飽, 如果唔係, 我一定再叫多一杯黎飲. 大排檔雖然格局冇酒店咁靚, 但食物同人情味已經贏足九條街. …Read More

小弟由老豆既年代 (199X) 開始帶我去食呢間蛇王業... 大大話話都食左有十幾年... 雖不至於食到好熟, 但自問我都食過百次以上... 由 $25 碗, 食到今時今日既 $60 碗, 我都一樣去幫襯, 因為佢地既蛇羹真係好食. 好可惜, 水準越來越差了. 先講蛇羹, 蛇肉少左, 鹹左, 就連本來切到好幼細既檸檬葉, 依家都粗晒, 但薄脆都仲 keep 番水準...蛇湯方面, 真係鹹左好多, 藥材味已經冇之前咁濃, 最大問題係, 我今次幫襯蛇湯, 竟然有1/3 碗係湯渣...龜湯方面, 又反而甜左, 都係果句, 藥材味冇之前咁濃之餘, 連甘味都欠奉... 昨日既經驗話俾我知, 如果第二代揸 fit 人以現代手法經營, 相信只會令貴店失色, 毫無疑問, 你加左冷氣, 換左D膠碗, 整埋D電腦收費, 都係成本, 投資了當然要問回報... 生意係要賺, 但如果連上一代既精神都未能承繼落去, 連食物既質素都不能保持水平, 相信好快會連我呢類 Fans 都唔再幫襯...…Read More

其實我都係好懶既人, 一般食完如果唔好食都算... 但今次真係忍唔到.... 呢間寶仔門口大大隻 $28 / 8 餸 (定10個? 唔係好記得), 又POST 晒D明星相出黎, 諗住平平地試吓啦....點知.....一個字 - "伏" ...入到去, 班阿姐已經唔係好理你. 我同老婆坐低左, 我就行左出去 CASHIER 買野食啦..... 咩 $28, 一款就真係俾一粒魚旦你, 8 款就...大家心裡有數啦.D 野唔好食, 又少, 都算, 唯有叫多個魚皮 (得幾塊), 魚旦 (5粒), 同油菜 (4條) . 叫佢走辣...但辣到食唔到囉... 唯有買多杯凍 OT, 唔知係辣到冇知覺, 定係杯茶有問題... 完全冇味囉. 間鋪入面又多飛飛... D 阿姐又唔理你... Total 食左 $112 蚊... 真係...... 希望大家真係要三思 ....…Read More