Lily bulb><'s Profile

就來踏入十二月，總有點聖誕氣氛．所以與同事今天晚上要大飲大喝一番．看見ｏｐｅｎｒｉｃｅ對ｎｉｋｕ的食評絕大部份都是正面，而且又好似清酒的選擇特別多，所以決定一行五人訂了位一嘗．八點鐘來到，幸好訂了位，全場爆滿，可能因為歌賦街近中上環的關係，星期一夜晚都有很多西裝友打躉．一來到看見個ｄｒｉｎｋ　ｌｉｓｔ，連梅酒清酒燒酒有成幾十款，正當我們望著那些日文名無從入手之際，侍應便走來問我們的口味．我們說想要點易入口但又不太甜的清酒，侍應推介了一兩隻，然後竟然拿了兩隻出來給我們試．其中一隻我比較喜歡的是柚子ｓａｋｅ，超香柚子味，不太甜而我在其他地方都未試過．不過我的朋友卻選擇了另一款花酵母的清酒，說它香味比較重，又易入口．食物方面選擇都算多．我覺得比其他串燒餐廳比較的話ｎｉｋｕ的海鮮種類比較多及特別，正合我們一班人的口味．和牛，長腳蟹呢ｄ一聽到就想食的日本食物亦有提供．一行五人邊飲邊點邊食，總共飲了兩大枝清酒，超正！雞泡魚干　－－　超正！惹味，送酒一流．辣雞脾肉　－－　肉質ｏｋ，但食唔到辣味．黑豚荔枝　－－　黑豚和普通的豬肉分別很多，這裏的黑豚很香，配香甜多汁的荔枝，正１鹽燒手羽　－－　又係正，超脆皮，夠惹味牛舌　－－　全場最正，ｅｎｃｏｒｅ了幾次．食唔停口，上了癮鴨胸大葱　－－　ｏｋ．．但可以再燒得香口一些虎蝦　－－　超大隻，應該有６－８吋，肉很彈牙，唔似其他地方肉質會霉．牛肋肉　－－　ｏｋ．．．唔算好特別．廣島蠔　－－　肉質幾新鮮，個汁幾正，不過細隻了一點南瓜，蕃薯　－－　應該真係日本南瓜及日本蕃薯，超甜銀雪魚　－－　正，肉地很滑多春魚　－－　一客三條，超香口，超脆A4和牛　－－　很期待的和牛，結果沒有失望，油份均勻又有油香，值得推介．一份和牛居然夠我們五個人吃！總括來說ｎｉｋｕ適合一班人邊飲酒邊吃串燒，足夠一行人過足一晚．店舖舒適，食物質素又高．下次和其他朋友再來一定要試那枝柚子清酒！另外值得一提是樓上一層適合廿幾人包場，可考慮．…Read More

這天中午一行五人來到銅鑼灣吃午餐,由於沒有甚麼特別心水餐廳而又行過世貿,所以上來這裏清一清腸胃, 吃頓素. 午餐有湯飯,送就有六個選擇,我們五人已點了五個.送其實沒有甚麼特別,都是那些典型的紅燒豆腐,紅燒茄子,紅燒雜菌之類,不像那些新派齋菜那樣有那麼多令你驚喜的食物.普通的送菜煮出食物的真味反而我覺得那個湯值得一讚.本來以為沒有豬骨或肉的湯會寡了一點,但原來用菌類來煲湯亦都有一陣陣的香味,比起飲開茶餐廳的例湯又有另一份味道,值得一試每人埋單六十元,銅鑼海景餐廳來說算經濟了…Read More

叫左兩個扒...一個蘇格蘭扒....一個西冷扒....兩個都加左蒜容.我地食得生d,所以叫左五成熟．我覺得五成熟既牛係最好味....兩個鐵板餐, 都ok. 塊扒好大塊, 一上菜都覺得幾抵．上面既蒜蓉, 同塊扒好夾，完全唔夠得蒜頭的辣. 不過無可否認個扒係好淋, 好明顯係梳打粉. 但係就未至於入口即溶咁誇張.不過...其實我就真係唔係幾知兩個扒有咩分別野飲方面就真係一個敗筆，我地見對面果兩個人杯飲品超細杯，好似係明屈你加錢加大咁樣，所以食到最後有點不快至於環境就擺到明係茶餐廳格局，超迫...周圍都係人...仲要係好似趕客咁樣．不過六七十蚊有個扒又有個湯仲有埋野飲仲可以點．…Read More

知道尖沙咀開了分店,所以今天來這裏一試．order撈丁都等得幾耐吓。香蔥豬扒撈丁。其實一聽咁既配搭都知一定好食,只係想實實在在嘆嘆,睇吓豬扒醃得O唔OK。沒有選錯,豬扒一定入味過雞扒!香茅豬扒很冶味!隔離朋友的雞扒似柴皮的….看報導知道這店用奶茶冰,心中暗讚他們那心思,但不知是奶茶冰用完還是熟客才有,我面前的那杯凍奶茶,用的只不過是普通的冰. 對坐的那位女士,情況也是一樣,但侍應忙碌得根本沒有機會向他們查問,算了吧,算我們運氣不好吧. 茶味算濃,惜不太香滑,不如外間所說的好.最重要的就是成四十蚊吃一個撈丁似乎並不是物有所值的選擇似乎老字號的餐廳都逃不過一個定律，就是開分店只會連鎖化，令質素下降．…Read More

平時行過見到榮記見到超多人,今天到來見到有位便立即衝入去.叫了冬菇,蘿白及牛肺米加一碟菜.原來好食的車仔麵真的好正,冬菇超大隻超甜,蘿白又係超甜,冇渣,牛肺超爽.湯底濃得來唔會食完超頸渴,最開心的就是十蚊一碗菜滿哂.超抵食.吃了這餐除了好食之外還會令你覺得很開心,因為在銅鑼灣以這樣的價錢換來這樣的滿足真的十分難得!臨走前已諗定下次吃甚麼了!…Read More

二人點了海南雞飯、辣通菜及沙嗲串燒半打，上菜時間都算快, 不出十分鐘已送上來，快得驚人! 先試沙嗲串燒，沙嗲醬味道的確不錯，夠惹味開胃，但串燒只是帶點微熱，甚至可以算是室溫，肉質說不上有何特別之處，普普通通罷了海南雞飯賣相不錯,一份份很整齊有條理.三種醬汁未見特別,無骨雞很滑,但雞味不夠.反而個人最欣賞雞油飯,飯粒硬硬的最討我歡喜,而且飯香叫我開胃辣通菜一點都不辣,通菜很幼身,但卻並不是我杯茶,反而我個人覺得大通菜會比較爽口.但不得不承認通菜配以一粒粒蝦米,幾好味.整體食物質素配以大眾化的價錢,可以說是沒法再強求了.…Read More

大約半年前也曾來過這間串燒餐廳.其實來裏都是為了嘗一嘗這裏的sake,因為店來有一個清酒專家,以前一次來會教我們許多清酒基本知識,分類及飲法.但是今次來到這裏好像不見了這位專家,問店舖來的侍應又支吾以對.心想算吧,可能放假.於是便叫侍應介紹一下.但是侍應卻似乎對清酒不太熟識,叫他介紹就說隻隻都幾好,味道不同.叫他介紹一支濃味一點,辛辣一點的來,結果卻是令人失望.食物方面都算做維持到水準,我尤其喜歡牛舌,有咬口得來又鬆化,真令人回味其他食物也不過不失,青椒仔平時很少吃到,雞皮不算燒得太出食,不夠燶,有點肥膩感,雞翼不錯.但總括來說如果沒有了清酒的賣點,我想中上環一帶日式串燒點還有很多更好的選擇…Read More

聽人講左好多次呢間澳洲牛奶公司好出名,超多人,炒蛋超正,所以今天來這裏一試.一入去原來得兩個餐揀,一個有通粉一個冇.我地叫左有通粉個餐.講你都唔信, 個餐一分鐘唔夠就來到,原來佢地廚房係咁煎蛋同煮通粉,正正係因為佢得咁少選擇,佢地根本唔需要理會有乜單, 只要樓面執埋一齊就掂.犀利!!講番野食,個炒蛋又真係唔錯,好有蛋味,其他就不過不失,同其他茶餐廳冇乜分別. 不過值得一提是食完之後,侍應立即會同你收野,跟住俾張單你叫你埋單趕你走.這次晚餐一入去到出來都唔使二十分鐘.似乎這間茶餐廳只適合一個人來開餐. 如兩人或三五知己都是另覓選擇好了.…Read More

　看見ｏｐｅｎｒｉｃｅ介紹這裏有ｈａｐｐｙ　ｈｏｕｒ，串燒半價，趁今天行開銅鑼灣，便決定來這裏一試　這裏的師傅看上去都像很年青，但處理食材時是挺專注的，下鹽的功夫也是有板有眼吃串燒一定要配啤酒或ｓａｋｅ，原來這裏有清酒ｃｏｍｂｏ，最適合我這些喜歡多款式的人．來這裏一定要點荔枝豬肉卷，因為香港不是太多地方有這味特別的串燒吃．豬肉的肥油配荔枝的甜，不錯．我們結果ｅｎｃｏｒｅ多一次，以行動來支持備長的招牌菜！雞方面點了至愛的雞皮、免治雞肉及明太子雞翼。雞皮燒得不太夠燶及脆口，有點失望．　特價的串燒方面也做種頪多，有虎蝦，，雞肉棒，雞翼，帶子，牛肋肉，魷魚等等．．牛肋肉意想不到的淋及入味，但其他的串燒就沒有甚麼特別，但埋單每人只是百多元，算是愛吃串燒的抵食精選…Read More

今天和同事到中環開完會後來到歌賦街晚飯．其實很久沒有這帶吃飯，原這帶多了很多特式食肆，有很多西餐廳，有老人家開設營運的餐廳，還有一間爐端燒，但因為同事喜吃中菜，故選了這間上海弄堂．講番呢間餐廳細細o既舖位，冇乜花考o既menu，牆身掛滿老上海的畫，，都俾到客人好家庭式o既感覺。我們點了醉雞，餛飩，排骨，四季豆．菜肉餛飩水準不是太高，d餡沒有鮮味，沒有菜的甜味，可能是因為唔夠新鮮，加上餛飩散散地，賣相亦不是太好，作為上海餐廳似乎對這味菜應有更高水準上海春卷的皮不同之前的，我鍾意之前的皮多d，因為冇咁油。排骨味道ok，但不太特別，仲肥膩少少，不過送飯一流。反而個四季豆就值得推介，四季豆有味得來又唔肥膩，豆同肉的比例又恰到好處．另值得一提是不知為何食物預備時間頗長，但食物又不是太熱．…Read More

餐廳的名氣已不用多說,所以今次無論如何都要來試一次. 六點鐘來到餐廳門口已經要等位,仲要一等等個幾鐘頭,心想已經要扣分.入到去叫了一客吉列蠔拼吉列豬扒. ，豬的肉硬了少少，肉汁尚算可以，但肉味好淡，蠔都算ｏｋ全店最好的炸物，但無咩驚喜，絕對不值二三百圓兼且要等個幾鐘才能吃的一餐.免費任添生菜絲及手磨芝麻都算幾特別但都不能夠增添多少分數.如果一客只是五六十圓的話我會覺得正.但如賣得這麼貴的價錢我會期望更多. 總括來說是名過於實而且唔抵食…Read More