TAMMY LEUNG0711's Profile

上次無意之中行過呢間小店，遇上下午茶時間，試左义燒瀨粉，非常之咁美味！今日又有時行過灣仔，不如試吓正常的午餐，叫左份一人套餐。燒鵝乳豬套餐，內有青瓜雲耳小吃一碗例湯，一小碟菜心，一碟燒鵝拼乳豬，飲品我要左凍檸茶，加8元，咁X貴！…Read More

好多時在西灣河都係幫襯快餐店，好似吉野家、大家樂等等，偶然過馬路望到呢間二記飯店，約定丈夫下次去試吓。叫左支獅威啤酒，椒鹽話梅骨作餐前小食。一試便知大廚手勢很不錯，真的要叫他出來表揚下！再來一個海鮮套餐，內有蒜蓉粉絲蒸扇貝，豉椒炒蜆，椒鹽瀨尿蝦，食落味道，同其他離島海鮮酒家相差不遠，可以不用搭船去幫襯那些貴價嘢。值得介紹大家來試…Read More

牛氣是另一日本料理餐廳衍生出來的任食自助火鍋，當時相熟朋友介紹我去旺角新開的那間試食，是疫情之前大約兩年前的事。那時我很欣賞所有服務員，雖然店內人客超多但佢吔冇冷落我這熟客，亦很落力推介那種級數的餐抵吃，因為有不同級別的牛肉。五年後我又記得這間一流水準的自助火鍋，但朋友住將軍澳，問我可否訂日出康城那間？既然要相就老人家，便在OpenRice 手機程式訂左五人枱6:30。本身早到，便想先入去開爐烚住先，怎知門口知客話未齊人不淮入，一入就開爐計時，但冇講限食多久。我唯有企埋一邊等其他四人先一齊入去，最後6:35齊人。但入去前要揀定湯底同食那份類別的肉，我們志在傾下偈，食咩肉不重要。但這位門口知客立即面色一沉，不大高興。不停下單加牛加猪，吃得很開懷，亦覺得所有生熟材料很上乘！可惜不愉快的事發生了，疫情阻隔了友情，所以越講越興奮，聲量亦不自覺大聲左，旁邊另一張大枱傳來 Shue 一聲！我們五人亦不斷提醒大家控制聲量，突然有人從旁遞上埋單摺子，話仲有15分鐘便到時。我們便立即衝刺，將所有未灼熟的豬牛肉放進鍋內，不到五分鐘，又是那位女服務員，好盡責地請我們先結帳。結左帳俾足錢，有另一男服務員走過來：唔好意思，你們可以起來交枱嗎？外面今晚很多人在等位，我們急急穿衣拿袋走人！可是一出門口，怒火上升，那有人在排隊等入座？趕客番枱是冇錯，但不用說謊，而且夜已深，八點後日出康城好少人仲出街，因為明知商場好少食肆，不會咁夜仲去捱苦排隊等食嘢！結論就是：冇客便改善下用餐時，72分鐘火鍋太短了，宽限多15分鐘也不為過，而且吃剩的食材一定被拋進垃圾桶，何必咁樣趕客？…Read More

天氣突然又轉凍，好肚餓又凍又想起煲仔飯！用開飯App搵到天后站附近水星街有間好出嘅食肆: 大不同冰室特式小菜館(前身名叫嚐囍），好似好勁咁！點知一推門入去見到櫃枱有位才俊，佢答煲仔飯好早賣晒，又唔早啲訂？我話啱啱先搵到，點知會賣哂？既然－心來帮襯，睇吓菜牌有咩好食？一眼便揀左煲仔小菜加白飯，然後撈埋一齊扮食煲仔飯咪得囉！果然是自己想要嘅味道，下次早些來，才試吃有飯焦的煲仔飯。…Read More

I booked a table by using OpenRice app of my mobile and found it friendly to use. Not very difficult to find this restaurant as it situated at end of Tong Chong Street. Arrived there, I told front desk my phone number and the man easily find my reservation. He led to a small table where can see view of outside and inside. I enjoyed their arrangement a lot as I can feel double environment together. However, I found difficulty to select choice of food. A lady staff approached me and said it was still happy hour until eight o’ clock. Then I chose cup of cold lemon tea as well as spicy chicken wing. The dish came and I tasted it, very hot and juicy, this was another recipe to cook chicken wing.Second order was steak cooked medium well,also tasted juicy, most important texture was chewable. I enjoyed a lot and promised will come again and try other dishes.Here I visited this restaurant on a business Saturday night. It rained since evening and I didn’t book a table before I arrived there. All outside tables were not displayed as not suitable to be seated. But to my surprise, I can have the same table last time arranged for me.This time I chose to drink red house wine and rib with sticky sauce. Longing to eating happily and tasty.…Read More

我大大話話住左灣仔三十多年，由於社會運動，皇后大道東是黑暴搞事重災區，未有國安法時，逢星期日同公眾假期一定有遊行，好多抗議大聲公，嘈到冇得安靜休息！最後唯有搬離大佛口，進駐越來旺的東區。湾仔好多美食，可惜無一食肆，特別令我留下深刻印象。平價的，便是環境不潔同食物質素好求其；有間好好味嘅群眾小廚，嘢食超好味但座位有限，人客大聲講便已嘈到拆屋咁，而且後來巴閉到要訂位，好景不常，社運&員工老邁，唯有結業！入番正題，大家會問，紅城有咩好？第一：價錢公道，有高低分別第二：分了吸煙區在户外，禁煙區在室內第三：食物質素同份量好足第四：員工服務態度正面，不會落錯單便卸膊第五：所有餐具放置整齊，供應足夠第六：裝修光猛寬敞，好有特色總結：我早，午，晚，下午茶都試過，一個人入去一定有位坐，不用排隊等。…Read More

午膳時間，蘭杜街只有這間冇排長龍。推門入去坐低，睇下菜牌便明白原因。賣的全是有個醉字，醉雞翼，醉蝦，醉鲍魚，醉溏心旦，手切牛肉米粉等等。。。。我點左5樣嘢，共166元。最欣賞是古法醉鮮鮑，48元而已，大隻兼好味，其次是甘香醉鮮蝦，其他三樣麻麻地。樽仔飲品好cute，原來是花旗蔘蜜，都幾清甜，亦叫了杯竹蔗水，比較淡，冇竹蔗味。下次再試切片牛肉米粉，今次太飽。…Read More

疫情威脅之下，根本不敢同朋友見面，限聚令開始放寬，放心去搞12人之下的飯局。首選交通方便，其次是新鮮感，第三是座位舒服。我入去Openrice搜索一番，找到北角嘅明珠海景，相片&食評都不俗，便立刻訂位。甫入去，已被高尚燈飾，偌大餐桌，開揚海景所吸引，冇得頂！重中之重是點菜時間，最吸引是片皮鴨全隻加蒸魚套餐，一定夠飽，然後再叫其他小菜。講真，這班朋友都志在聚舊吹水，互相關心不見兩年的近况，食物不要求太高。但沒期望帶來是驚喜的，是滿足的美食，每人最後消費只是175元，真超值！下次會再去，帶自己的家人，品嘗茶市的點心及炒粉麵。…Read More

這是一間日式名字餐館，但招呼完全低水準的本地餐廳仔，沾汚餐廳的靚靚名堂！其實D食物款式好簡單易整，等左二十分鐘以上，主菜仲未上，人客亦積聚起來，本來坐低冇人，越等越多人。由心平氣和，在享受少人不擠逼情況，轉換成高朋滿座！ 但又冇足夠人手去接呼來賓，越想快就越冇人理睬，心火開始盛！上了餐湯，waitress粒聲唔出，突然放下一杯果汁，我當然未想飲亦冇落order，無特別表情的人拿走杯果汁，又放任你不理。心裏好不舒服，又呆等了十多分鐘，仲冇嘢食！要發火了，因夠時間返工，仲要我等？不是吧！！幾經催促，終於完成整個午餐，冇下次！！…Read More