CandaceChanC's Profile

今日同朋友行街熱到覺得頭殼頂可以煎蛋，諗起朋友介紹呢間嘅溫泉玉子好好食，於是就走入嚟食啦！我揀咗旨辛燒牛肉定食，辛辣嘅牛肉舖上溫泉玉子好吸引，朋友見我呢個定食有溫泉玉子都忍唔住加配一個温泉玉子我旨辛燒牛肉定食 $78呢隻牛肉比我想像之中辣，唔係好食得辣嘅朋友要自行斟酌🤣🤣，不過佢配凍冰冰嘅溫泉玉子同快樂嘅肥仔水就一流。野菜燒牛肉定食 $70係好正宗嘅嘢菜燒牛肉，加配埋溫泉玉子 $15係一個好好嘅配搭，忍唔住偷食咗一啖😋😋兩個套餐都配白飯一碗，麵豉湯一碗，沙律一碗內容好豐富，基本上食一個餐都已經好飽，價廉物美，係打工仔嘅飯堂😂😂…Read More

放工約左朋友出去旺角行街，行到咁上下就餓到打哂鼓🙈 不過大家都知係旺角太多野食可以揀，花多眼亂，都唔知食咩好！不過好在朋友提議去女人街搵食，最後就入左今次食既呢間泰式車仔麵餐廳喇😯店舖唔大，但勝在上菜夠快。落完單後5分鐘後就上菜了，我地叫左兩個套餐，一個泡飯，另一個面。先講泡飯，套餐揀左3餸泡飯，揀左芝士丸、札肉同埋墨魚丸，湯底要左鱷魚湯。上菜嘅時候已經聞到好香既藥材味，好岩我呢啲要養生既人🙈另外套餐包左小食同菜，我就要左雞翼同馬拉盞炒芥蘭，雞翼外脆內軟，兩個小食既份量都好多，絕對岩哂大胃王來挑戰。另一個車仔麵揀左豬大腸、豬紅同埋咖哩魚蛋配埋冬陰公湯底，麵底要左河粉。咖哩魚蛋係陳皮魚蛋，絕對要加分😍冬陰公湯好濃，好飲到好似去左泰國咁呀。小食要左炸春卷同埋腐乳炒生菜。…Read More

我地叫左一碗辣麻味噌沾麵，小辣高麻，湯入面有叉燒、芽菜、粟米筍、仲有小量既蔥花。沾麵既麵底比拉麵既麵底係比較粗既，可能係容易令沾麵汁掛上麵啦🤩 叉燒好大塊好厚，大約1.5cm咁厚🤩 叉燒半肥瘦，食落唔肥膩，肉質好鬆不鞋口。湯汁雖然叫左小辣高麻，但我覺得唔算好辣，應該唔食辣既朋友可以試一試。除左食拉麵同沾麵之外，我仲另外叫左3個小食，味玉、增量叉燒、增量粟米筍。除左叉燒繼續發揮出應有水準外，另外2款小食都唔錯。味玉即係醬油溏心蛋，一咬落去蛋黃軟心就慢慢咁流出嚟🤩 雖然粟米筍沾麵同拉麵都有，但粟米筍呢款小食真係唔常見同埋都好爽好好味，所以忍唔住叫多個小食黎食喇！…Read More

是咁的～平時少食丼飯，因為覺得大大碗飯上面只有幾篇刺身，感覺唔夠喉，然後朋友就推介我去呢一間位於尖沙咀嘅十和田總本店。一入到去，我哋就點咗兩個丼飯角切三文魚親子丼，三文魚切得大大舊，一上枱就好吸引眼球😀 魚同飯既比例大約1:1，我覺得飯既量真係好多，建議細食既朋友可以少飯。香蔥吞拿魚丼一樣大大碗，好似食拉麵既碗咁大個🤩 岩哂大食嘅朋友，個飯大約有2碗飯咁多，飯係有特別製作過既，好似比鼓油撈過，但其實唔咸既（我都唔清楚撈左咩🙈）將吞拿魚加飯仲加小小既魚生豉油岩岩好引出吞拿魚既鮮味出黎🤩 誠意推介比大家…Read More

之前經過見到大排長龍，已經心動想去試，所以今日收工就一早飛奔過去，我建議大家可以喺旺角東站落車比較近。由於我哋比較早到，所以唔使點樣排隊就可以入到去食。一入到去我哋就即刻揀咗牛肉壽喜燒配烏冬 $98燒牛肉丼配溫泉蛋 $58快樂嘅肥仔水（可樂）$12大紅袍烏龍茶 $16壽喜燒有滿滿嘅牛肉，咁嘅價錢有咁多牛肉性價比真係高燒過嘅牛肉就比較香口，配埋滑捋捋嘅溫泉蛋，味道一流加埋嘢飲都唔使$200就落到樓，價錢都唔錯我哋食完之後已經出邊有人排緊隊，唔想等太耐嘅話話真係要早少少嚟到…Read More

又到聖誕～約朋友食返餐，今次去位於沙田科學園HUNKY DORY RESTAURANT食聖誕大餐，其實都方便，去到大學站轉巴士，六分鐘就到～可能我哋食lunch，所以唔係好多人，好快有位坐，環境唔錯，店員都好親切有禮，適時為我哋提供需要，夜晚食嘅話就應該更有聖誕氣氛我地食咗黑松露野菌湯 $58味道偏清，帶到黑松露味龍蝦湯 $ 88我覺得比黑松露湯味道更濃郁愛爾蘭健力士牛肉批 $138酥皮酥脆，牛肉juicy，仲有薯仔，菇之類配菜，味道唔錯威靈頓牛柳 $188之前仲擔心可能會過生或過熟，點知嚟到生熟程度啱啱好，配埋酥皮一齊食，味道一流美味拼盤 $158呢個同款入邊有四款小食，分別係雞翼，魷魚圈，肉丸，同炸豆腐棒平時好少會食到呢款炸豆腐，佢入邊真係一舊嫩豆腐，中和炸粉好熱氣嘅感覺，好食Mango Yakult Soda $42Peach Punch $44兩款都係好打卡嘅飲品…Read More

Happy Friday 又一Day ～係時候約friend食飯今日嚟大埔homeland 食晚飯見到門口嗰個射燈就吸引咗我地入到去感覺氛氣玩味十足，又有d家庭式餐廳feel，都見到有一家大細嚟食飯我哋叫咗蒜香辣椒炒活蜆 $98呢個係我嘅首選推介，原本以為就咁炒會有啲乾，但係原來係有啲蒜蓉辣椒汁，食落去十分juicy，有驚喜，我同朋友都食唔停🤣滋味小食拼盤 $128啱晒啲選擇困難症嘅朋友，因為咩都有重點係個酥炸雞翼上面係柚子醬汁，甜而不膩，食落冇咁熱氣墨西哥芝士饀餅 $128佢有豬肉同雞肉揀，我揀咗雞肉配埋綠色牛油果醬一齊食，好好食啲職員態度好好，下次再嚟試吓其他嘢先啦！…Read More

今日同朋友去赤柱廣場四圍走走，上次見到呢一間舖頭門口大排長龍，就想試吓呢一間餐廳到底有啲咩吸引嘅地方。今日時間尚早，餐廳唔係好多人，可以隨便揀一個自己鍾意嘅位置，我哋就揀咗對住窗外風景嘅二人梳化位，一邊享受美食，一邊欣賞風景。我哋就揀咗巴馬火腿班尼迪蛋 $128有英式鬆餅 ，蕃茄荷蘭醬，同香脆火腿個英式鬆餅有啲似麥當勞漢堡包，隻蛋整得有啲熟唔係好流心，不過火腿就真係香脆松露牛角包 $149有手作牛角包 ，松露炒蛋 ，巴馬臣芝士 ，新鮮松露片牛角包係鬆脆嘅，仲有一片片新鮮嘅松露片總括嚟講，果然係打卡一流嘅餐廳，食物就不過不失啦！…Read More

行入上水唔知有咩好食，聽人講呢間係上水CP值高嘅日式餐廳，所以就來朝聖一下，不過假日夜晚真係好多人，係即場拎飛排隊嘅情況之下，我哋都等咗差唔多兩個鐘先至可以安排到入座，餐桌比較細，我哋叫咗一枱嘢食之後，發覺完全唔夠位擺我哋有叫呢度嘅名物火龍卷，上面鋪滿咗蟹子仲叫咗雜錦刺身：挪威三文魚、吞拿魚、赤貝、章紅魚、帶子、甘蝦、北寄貝、海膽、八爪魚、墨魚片，其實我有啲怕食海膽，因為我覺得佢會好腥，但係呢啲好新鮮，食落去有鹹鹹嘅海水味，包埋啲紫菜一齊食，正…Read More

是日午餐同同事一齊買八方雲集外賣返公司食，大家都叫咗飽肚之選-麵線套餐我哋各自叫台灣麵線同肉羹麵線，但係其實佢哋兩個望落去都好似樣我哋一時都分唔出邊個打邊個，然後套餐可以配五隻鍋貼或者水餃兩者都有以下嘅味道可以揀招牌、韭菜、韓式辣味、黃金咖哩、田園蔬菜、粟米其實每次都好糾結揀邊一款因為款款都好似好好味咁，不過最安全嘅話就食招牌、韭菜，鍾意食辣嘅話就食韓式辣味套餐仲跟豆漿或者酸梅湯，而且都可以加錢轉其他湯品最後我哋全部都揀咗豆漿，諗住揀一樣唔駛等咁耐，如果唔知係咪因為人手太少，訂單太多佢比漏咗三杯豆漿我哋，好彩我哋及時發現…Read More

夜晚行到攰又唔知食咩好，行到呢一間嘅門口，都猶豫緊入唔入去好，因為間餐廳望落去好神秘，同埋自己有好少食印度菜，唔知啱唔啱自己口味，但係個老闆又好熱情咁樣喺門口同我哋介紹，結果盛情難卻咁就入去體驗一下芒果汁唔知係咪印度嘅特飲嚟嘅呢？飲落去好濃郁嘅芒果汁，好似成個芒果拎落去打咁樣薄餅又真係好食，配埋啲咖喱真係一流，唔好以為咖喱細細兜一定唔夠點薄餅，熄晒啲薄餅都仲有好多咖哩，又encore左啲薄餅，結果就食到好飽…Read More

餐牌：茶漬飯係滿足你兩個願望的丼飯，用醬油和山葵來享用的海鮮丼和配上熱湯享用的茶漬飯於是我就叫咗個茶漬飯試吓根據餐牌嘅茶漬飯的享用方法第一碗：以附有山葵的醬油點刺身和飯一起吃第二碗：把適量的飯和刺身放在小碗裏，放入熱湯，然後按喜好加人一點山葵享用。口味清新美味第三碗：以你喜歡的方法再來一次！其實都幾特別，好似食緊海鮮丼咁，加啲熱湯，又好似食緊泡飯，原本以為真係茶泡飯咁解，但係其實嗰啲「茶」其實係鹹鹹地嘅湯，齋飲其實好鹹送飯就啱啱好…Read More

放工收到order要加餸，平時行過見佢有原隻烤雞買，尤其是啱啱出爐嗰陣時香噴噴，聞到都流口水，我見外賣自取平啲，於是就買返去做晚餐返到去都仲係熱辣辣嘅，外皮都幾香口，肉質都算嫩滑唔會太鞋，加埋啲薯仔，其實食一個都已經好飽都唔使食其他餸啦如果撞啱特價時段或者新鮮出爐買，性價比應該更加高佢本身仲有其他唔同嘅套餐可以選擇，仲有樽仔奶茶可以楝，不過講特色嘅話烤雞應該係佢嘅王牌，我見好多人都同我一樣收工買返隻烤雞返去食…Read More

Espuma Set for 2 $6282 Smoked Salmon Bikini 2 Parma Ham Seasonal Salad1 Prawn Al Ajillo2 Daily Soup1 Honey Glazed Balsamic Duck1 Deluxe Paella con Marisco $1981 S4. Churros3 Affogato $135職員推介upgrade至尊西班牙海鮮炒飯，真係有滿滿嘅海鮮鋪滿炒飯上面，不過唔知原本嘅西班牙炒飯有咩分別呢？…Read More

喺韓國食唔到，見香港都有分店，所以就嚟試吓啦，貪心嘅小朋友決定叫一個韓風小食盒，入邊包括：炸熱狗兩個，香腸年糕串/滋味波拼盤兩款，初雪薯片一份，你可以自己配搭炸熱狗嘅話你可以揀：芝士脆薯炸熱狗（茄汁同芥末、BBQ同芥末、或者走醬）、仲有初雪炸熱狗（滋味、火辣、蒜醬）兩款自選小食嘅話就可以揀：香腸年糕串（原味或者芝士）芝士波、牛奶波、芝士通心粉波、滋味波拼盤最後我哋每個種類都揀咗一個嚟試吓結果就食到好飽不過價錢一定冇韓國咁平，有機會都係想去韓國嗰邊試吓地道嘅IsaacToast係點樣嘅…Read More