旺仔小曼頭's Profile

🦀再黎食蟹就不了🙅🏼‍♀️話說係爸爸生日🎂，一家人諗住慶祝，爸爸最鍾意食蟹，所以一早訂咗阿拉斯加長腳蟹嚟食。🪑位置安排差我哋六個大人一個BB, 當晚有人擺結婚酒，所以可以比大家食飯嘅位置勁少，基本上我哋迫左買角落頭，黐住隔離張枱，搞到大家你眼望我眼咁🥺出出入入好唔方便🥹🍲上菜速度趕客🥹我哋諗住主要都係食蟹，所以叫咗個六人餐。首先佢哋好似好趕收工咁，一次過上晒勁多碟菜，枱都已經唔夠擺，食都食唔切😅😰食物質素😤燒鵝沒有味道，其餘餸都好普通，本身諗住重點都係食蟹，所以冇乜所謂。叫左隻5斤幾，結果係！！！隻蟹黎到原來係臭㗎🤮🤢我爸爸食咗落去即刻去廁所漱口🫠經理換過隻六斤幾結果都係啲肉好梅，啲肉唔係一疏疏！Show埋俾經理睇，經理都話唔好意思，話會同供應商反映。爸爸食完成晚都冇胃口，結果我同另一半要再去食宵夜😰明明係諗住慶祝食餐好，點知冇啖好食😑…Read More

人生第二次嚟Oldish, 我諗今次係最後一次😤今日Lunch叫左個Grilled Sea Bass W/ Fennel Cream Sauce $168本身個前菜Salad 要讚吓嘅係佢啲黑醋撈得好勻。當個主菜嚟到，我真係嚇親，佢嘅份量少到。。。因為我同同事都係嗌同一個set, 我嗰份嘅魚對比差好遠。首先，我睇到我女同事嗰份然後我個份黎到，冇咗一半咁😰問過waiter , 佢答：係咁㗎喎，條魚新鮮"湯"出嚟條條份量一樣😨啲包可以加($168 就係食包飽咩😤😤😤😠）如果大食嘅朋友，就一定唔好嗌呢個餐🥹…Read More

今次係第三次幫襯麵処一家，同樣都係叫咗料理長之選擇，即係兩隻肉都有 基本上成間拉麵淨係專注做一款拉麵，只係肉類唔同，好欣賞呢間拉麵如果個湯底當日做得唔好，佢係唔會開，睇得出店主好有堅持要做好拉麵！料理長之選擇：左手邊係炭燒肉加咗面頭少少辣醬，不過我都係比較鍾意右手邊嘅肉，嫩得黎有黑椒味，真係好好味So far係我唯一一間可以連湯都飲埋嘅拉麵，唔油，湯底濃郁再加埋生洋蔥粒令到個湯變得balance返最後有一個特別食法係朋友介紹，如果食得辣，可以嗌個替玉同埋辣醬，撈埋變撈麵咁樣食辣得幾過癮！…Read More

本身假日行街諗住搵間coffee shop坐低飲杯嘢，下午茶時間行過見到呢間餐廳個Menu咁多款milkshakes滿心歡喜，點知叫咗杯Expresso 既milkshake, 淨係一杯飲品等左半小時，杯milkshake 黎到一試完全係普通咖啡上面加cream, 完全唔係Milkshake嘅質地，同待應講，佢同我講佢哋嘅Expresso Milkshake 係咁，一係換過杯，結果我諗住換過杯Banoffee 香蕉拖肥既milkshake, 又要等20分鐘叫做好過杯咖啡😅但係同milkshake 差好遠。。。埋單百幾蚊，俾左張5百蚊紙，又係要等。。。坐喺呢間餐廳期間，前後周邊已經有2台去問野食到未。。。完全係無效率。。。勁失望…Read More

今日同一大班朋友去試菜，雖然店舖小小，但通常店小先可以保持水準，仲有人情味。街坊生意，全部大大碟，鑊氣好足，好抵食打頭炮 - 雲吞雞成個洗水盤咁大蒸扇貝強烈推介 - 蜜餞金薯牛柳粒椒鹽雞軟骨蒸紅鮋 - 好滑豉椒炒聖子 - 好多時出街食炒聖子都縮水，但呢間真係好足料，好大碟豉油王海花蝦黑松露蛋白炒飯 - 粒粒分明泰式沙爹炒金邊粉蒸籃花蟹 - 好多膏呀新菜 - 蝦醬豬頸肉，比較濃味，送飯一流椒鹽賴尿蝦 - 好大隻呀食完一d 都唔口渴，果然無味精！…Read More

原本今日心情好好，諗住同同事去附近新開果間Bib n Hops食個開心既Happy lunch，試新野！準時12點半已經行過去！首先一去到門口無人理，自己攞menu 睇左一陣都無人理。有一個staff 行過見到我地都無諗下理我地安排入坐，而入面有好多空位。好啦，入到去都好快決定到食咩諗住嗌喇！又係無人理！幾個staffs 行過，都扮睇唔到！落左單之後，同同事傾左陣計就有starter 食，咁都ok 既。不過食完個starter, 傾左好耐都未有main course 黎。好記得有個friend send whatsapp message 黎個陣望到1點22分，個陣野食都未黎，傾傾下見到隔離個兩個人遲過我地黎入坐同落單都有野食，仲要同我地叫既一模一樣，就諗住搵個staff 黎問下係咪將我地既餐送錯隔離。呢間餐廳已經好難搵到個staff 黎問野，仲要搵著個疑似係經理（其他staffs 有t-shirt,佢係著住件白色恤衫）完全唔聽人講野，淨係講好快咁講"得得得，幫你追！" 咁就走左去😤😡問得黎隔離個兩個女人已經食左，佢完全無聽客人要乜就敷衍了事😡😡😡老實講我自問係有野食就好快唔記得唔開心事既人，呢一餐真係食到火都嚟，呢間餐廳都算犀利，只係一個短短嘅lunch ,可以完全摧毁左我成朝嘅心情！總結：我都明白一間新開嘅餐廳係需要啲時間，如果個Staff肯聽下客人嘅需求，或者適當安撫客人，我都會好理解。但係佢除咗廚房出菜嘅時間耐，仲要服務差！我已經諗唔到咩原因去幫襯佢第二次！希望佢哋會改善下同埋檢討，不過呢餐食得咁唔開心，我係唔會再幫襯！！！…Read More