sharon59's Profile

因為隻龍蝦, 所以慕名而嚟.  嚟到又唔見有人等位喎, 以為有伏....有位就坐低, 同老公諗都唔諗就點咗兩個招牌喇沙龍蝦鴛鴦麵嚟到真係要想機食先 真係足足一隻龍蝦呀~個麵係上海麵+米粉, 湯底啦吵少少辣好惹味, 我係先食晒個麵兩拆龍蝦的.隻蝦真係好「難」- 困難個難 好彩店家都有手套, 鉗, 交剪提供, 但如個隻蝦開咗邊就方便好多咯~蝦肉算係爽口, 而且勁多膏, 我覺得物有所值啦.另外點咗兩杯馬來西亞拉茶, 茶好香滑, 唔錯店內坐位真係好少, 係坐得迫少少, 但係嘢食好味就得啦~…Read More

娘親生日, 唔想次次食酒樓圍餐咁悶, 佢又鐘意飲啤酒, 所以就揀咗呢度嚟同佢攪生日聚餐女皇嚟到, 二話不說就睇仲咗3L嗰支啤酒瓶~影相打卡必備5個人一人飲啲, 最後都要補多1L唔酒的就點咗呢杯士多啤梨奶昔, 勁好味, 肥到爆火腿凍盤唔錯, 不過人多應該要叫兩盤嘞叫咗出名的豬手, 皮脆肉嫰, 人多必點點咗呢個方型菠菜芝士pizza, 一件件食好方便, 味道不錯呢個意粉就唔係咁受歡迎, 因為係偏甜的最尾呢個甜品set真係要加分, 原本訂枱時要求寫中文'靚媽生日快樂', 但因為廚師唔識寫中文所以餐廳預先打嚟話要改寫英文字, 其實都ok的, 結果廚師最終都寫到'靚媽'兩個中文字, 有誠意.7個人食埋單飲飽食醉唔駛二千, 坐得舒服又唔駛限住時間食, 娘親都讚好…Read More

一直都好想試呢間餅店, 但啲蛋糕睇落都幾大個, 所以趁今年母親節開party成12個人就嚟訂個兩磅的試試.(其實係有細個蛋糕賣的, 但大個嗰啲睇落好吸引:)因為母親節關係, 攞餅都要等一陣~打開餅盒大家都嘩嘩聲(可能少見呢啲傳統餅啦), 個餅份量亦十足斤兩, cream唔太甜啱啱好, 生果唔會有一層啫喱冚住, 食落亦新鮮, 啲芒果真係好足料，鍾意芒果的我覺得超正；蛋糕又鬆軟, 忌廉好滑唔太甜，如果再厚啲就好咯難怪會大排長龍~…Read More

之前因為雜誌介紹, 加上住响附近(非嘉湖), 食過下午茶又覺得唔錯, 放假想嚟食個brunch, 點知今次嚟到話要show住戶證先可以用餐, 所以無綠再試了 (好彩我住得唔遠)…Read More

呢間通常都要排隊等位, 不過是晚比較夜嚟到, 所以一嚟到就唔駛等有位嘞兩個人點咗:水牛城雞翼每次嚟都必點, 因為雞翼炸到外脆內軟, 再被啲酸酸甜甜微辣的醬汁包住, 一試必愛上墨汁帶子意粉又係常點的, 墨汁味濃, 帶子煎到表面微燶裡面軟滑, 食到個咀烏卒卒都冇所謂啦~今次揀咗呢個腸仔PIZZA, 不過不失, 但呢個啲PIZZA皮就略厚, 我個人鍾意薄批多啲今次咁啱坐响甜品廚房隔離,睇住師傅整甜品真係好想order, 不過太飽了, 下次再試~…Read More

之前都食過幾次Schoolfood, 次次都係食'烏卒卒', '炸雞', 是日發現有新菜式, 所以又嚟試試呢個涼麵真係推介, 麵身彈牙, 個汁酸酸甜甜好醒胃, 豬肉香口入味, 夏天食最夾呢個唔係新嘢, 不過第一次食, 略嫌年糕太少肉醬太多, 不過都幾好味呢個泡菜牛肉卷都好值得試, 個皮類似中東包嗰啲但較薄, 饀料勁豐富, 不過泡菜味唔係太濃, 少少辣, 唔錯.呢間分店座位比其他分店濶落少少, 侍應服務的好有效率有禮, 所以通常都會揀嚟呢間食~…Read More

星期日下晝兩點幾嚟到，店內客人唔多，不過職員都唔多，所以响門口企咗好耐先安排到入座假日會有brunch set, 就點了兩個：先嚟頭盤: 煙三文魚沙律, 牛角包, 蘑菇湯&一舊'燒肉'個湯好Creamy, 沙律的三文魚略少&薄, 不過都好fresh, 牛角包好鬆軟, 嗰舊好似'燒肉'的好香口juicy.揀咗呢個燒牛仔肉主菜, 有勁多薯條墊底, 牛仔肉好林, 燒到好香好入味, 啲薯條仲正, 炸得香脆兼加咗啲香粉, 好惹味另外點咗呢個黑松露意大利飯, 飯身煙靱, 個汁啱啱好, 加埋黑松露的香, 正可能因為兩點幾先嚟,客人唔多, 餐廳有自然光, 好有假日feel, 食得好relax~…Read More

是晚又做無飯夫妻, 嚟呢度DINNER平日夜晚基本上唔駛等位, 一嚟到就隨便坐~今次揀咗未食過的兩樣小菜:蜜汁花鵰豬扒豬扒好林, 個汁好香, 塊塊豬扒都被啲蜜汁包住, 味道濃郁, 送飯一流荷塘漣漪呢個係餐廳得奬菜式, 是晚(到4月尾)做緊特價$38, 真係超值,  而家閒閒地一碟蒜蓉炒菜心都唔止38蚊啦, 佢呢個係蒸菜心, 上面有啲(我估係)南瓜蓉, 仲有啲肉絲冬菇絲, 睇落以為淡mou mou, 但原來好好味, 仲要係呢個價, 真係好值得一試兩口子差唔多一個月嚟幫襯幾次, 因為呢度啲菜式真係好多選擇, 每次嚟都可以食到唔同ge嘢, 加個白飯連熱飲/湯都係加10蚊, 仲有糖水送(限量~), 好抵…Read More

之前經過見晚市要大排長龍，所以是晚提早訂定位嚟試試。兩個人點咗4樣嘢：青咖哩軟殼蟹煲配法包個咖哩好稀，但好香又唔太辣，軟殼蟹細細隻炸得香脆，最愛個法包，點咖哩好正。炒pad Thai份量略少，不過炒得唔錯，加咗青檸汁，酸酸甜甜幾好味。咸魚炒椰菜苗又係細碟咗啲，啲菜大棵過我第二度食嗰啲，但炒得算爽脆。蝦餅呢個一般啦，粉多咗啲啲，但個汁幾好味。埋單兩個人大概3百幾，尖咀區嚟講算幾抵食，不過碟頭唔大，較適合兩三人聚餐。…Read More

自從雞地某越南餐廳執咗笠, 附近都好似冇乜特式越南嘢食.  經過呢間新嘢好幾次想嚟試試, 是晚嚟到食個火車頭越南河粉 ($13X包兩杯飲品)寫明係二人份量, 果然係超大碗有生牛肉, 牛柏葉, 牛丸, 牛筋等, 河粉的份量應該唔止兩人份, 多到索晒啲湯, 侍應好好, 見冇乜湯仲主動攞多碗湯(仲要係勁熱的)過嚟添牛油雞翼都($4X) OK, 略嫌油份多咗啲, 但好香牛油蒜蓉味, 炸得好香脆, 都合格.除咗普通的越南河, 呢度都有其他越式小食小菜, 不過點咗個火車頭, 再多就食唔晒啦....呢一帶平日夜晚其實比較靜, 一般都唔駛點等位, 係晚飯簡單快靚正之選~…Read More

朋友食過一致推介, 所以今晚兩個人嚟試試~ 未嚟到响樓下排隊搭lift已經打晒蛇餅, 上到嚟亦都人頭湧湧, 應該唔會有伏因為兩位冇得book枱, 所以唯有攞飛等, 一等就半個鐘有多...肥牛(3款)&豬(2款)&羊(1款)任點, 唔錯, 唔會好似其他'任食'咁限住叫, 讚湯底揀咗峰巢豆腐+胡椒豬肚, 豆腐湯ok, 但個豬肚湯好辣, 唔係胡椒嗰種而係辣椒嗰隻怕辣就會頂唔順雖然無任點海鮮, 但有碟細細哋的蝦&蜆送, 都唔錯呢度地方都好大, 而且食物飲品款式又多, 又企理, refill&出菜又快,  二人卡位又坐得舒服唔迫夾(如果同隔離枱個隔板高少少就好), 等下位都值ge~…Read More

星期六下晝嚟到V-CITY下午茶, 人唔算好多, 尤其係食肆, 間間都唔洗點等位.揀咗個招牌瑞士汁雞翼撈丁, 不過...汁少&略咸, 雞翼ok醃得入味, 個麵硬咗啲啲, 還可以呢個蔥油豬扒撈丁唔得, 豬扒硬掘掘, 冇蔥油味只有麻油味, 都係蘭xx好食好多呢個ok喎, 原來朱古力同西多咁夾, 好過點糖漿呢連埋兩杯奶茶兩個人食咗成百幾蚊, 略貴, 不過呢度裝修幾得意, 有啲懷舊特色, 人唔食相機都食飽…Read More

元朗真係好多好嘢食, 有時真係多到有選擇困難是晚星期日, 避開大街的排長龍食肆, 嚟到呢間小店試試Menu好簡單, 餐單全日供應, 店面細細, 選擇卻不少先點了個小食, 炸蝦爽脆, 吉列面好香口, 最愛個酸酸哋的醬汁, 開胃~紅米飯我至愛, 食落有咬口, 個雞煮到好滑唔鞋, 個面又啲啲濃好香, 個豉油汁好味, 但其實個雞其實都好夠味咯~呢個好有驚喜, 未食過用五花腩整的漢堡, 又確實有新意又好食喎, 醬汁豐富, 五花腩食落唔會覺得肥, 配埋粗身薯條, 好食 呢一條巷都有幾間小店, 有唔到菜式, 不過呢間會係我首選…Read More

忽然心血來潮想食個tea buffet, 但平日唔係間間酒店有, 咁啱呢度又以我至愛的芒果做主題的tea buffet, 就即刻book位嚟食book咗位但去到見到人龍, 照排隊等入座.  裡面其實唔係好大, 同鄰座座位有少少近, but acceptable.放眼見到一枱的芒果甜品, 種類唔係話好多, 只放了一長枱&另外一邊的bar枱, 不過都ok.  龍眼果凍幾特別, 一啖一粒, 清甜, 至於燕窩呢...算啦; 香蕉pancake都ok, 可以放多少少朱古力就好嘞marcaroon做得唔錯, 煙煙靱靱的,又唔太甜, 帶點點芒果椰子清香, 我食咗好多粒(肥); 拿破侖就....個皮唔得, '立'咗, 芒果還可以, 幾甜; 另外啲蛋糕就ok啦, 鍾意佢切到細細件, 可以樣樣都試下bar枱嗰邊住要係放full cake &一杯杯嗰啲小布甸, 其中有款係黑糯的, 甜甜地煙煙靱靱幾好食呢個係'期間限定' - 因為係食到咁上下先出現, 都幾特別, 個皮...我唔識形容, 裡面係芒果雪糕, 半凍半暖..可以一試, 不過我prefer食一杯雪糕多啲(但平日係冇雪糕供應...)好好食又唔算, 但加埋一唔洗一舊又有咁多款甜品試, 唔錯啦…Read More

睇戲之前嚟去咗戲院隔離呢間食咗個late lunch:呢度啲burger價錢唔平, 不過都值的, 因為個漢堡扒夠juicy而且唔靱, 麵包鬆軟, 配埋粗身薯條&汽水, 我個人覺得好食過&抵過x記自選漢堡個餐原本點咗個平啲啲的炸魚薯條, 點知俾另一個貴少少的我(我食緊先發現....), 不過都唔錯喎, 炒皮唔太厚而且夠脆, 魚好滑冇雪味, 只係貴咗啲啲囉响menu見到可以齊買醬嚟點, 薯條又多, 所以走去再買咗個好邪惡的三重芝士醬, 真係好芝士好杰, 係好'溜', 但呢度有啲sofa位, 可以坐下食下等睇戲其實都錯…Read More