Bigwoodhk's Profile

等了15分鐘，以為點餐器壞了，過去看看發現還未整好。點了和牛漢堡，薯條和咖啡。$60幾本來無期望，但我點的是凍咖啡不是凍漢堡，唔知係咪太少人食所以即刻解凍。下次要食漢堡都係選老麥算數，不值一試…Read More

第二次來，上次來覺得幾好，所以再來。今次唔知點解Order嘢，要考耐性。叫左一個意大利飯，一個天使麵，pizza，一個stone grill和黑椒一口牛飯。前面三樣個左沙律和飲湯就到，後面等左差唔多半個鐘，隔離檯遲來先食，追至到。stone grill牛無上次咁好，比較有咬口。其他嘢都ok但相隔時間太耐，食飯和天使麵的家人落隔了，都未有得食。有少少唔開心，主菜等完，甜品和飲品又等，可能今晚外賣比較多吧。其實各人的主菜可以差唔多來會比較好，唔駛半個鐘前開始食的等到瞓左，應該要等一排至會再幫親。…Read More

見鋪頭星期日中午度度都排長龍呢度無人已經覺得有啲危險。個menu鬼五馬六又有印尼嘢又有泰國嘢。叫巴東牛肉無，轉牛柳粒紅飯。加了鮮蝦金邊粉加龍眼冰。真係食神上身，啲龍眼冰無龍眼味，啲蝦真係好鮮嘅雪味，紅米三夾低，通菜鹹過鹹魚。連清水都係強勁的水喉水味。要永久入黑名單…Read More

媽媽節慶祝又去一次，而家用wechat落單方便好多，食物ok，魚生新鮮，海膽手卷好味，比連鎖店好食唔會有怪味。美中不足只係燒菠蘿好酸，天婦羅粉太厚。整體午餐放題水準好，會再去…Read More

幾年前同老婆來慶祝生日，需然現在轉了色(藍色變黃色)，但仍感覺良好。由於訂位標明生日，餐廳安排了露台位，還有心太軟都自動波加上生日快樂，令我喜出望外 值得再來 我地叫左大碼seafood bucket，但兩個人食完都飽左，美中不足有幾個青口無開。牛扒鵝肝不錯，但甜品當然是最愛。還有遠望美利樓，增添不小情調。…Read More

等了半小時原來漏單了，食物比了隔離枱，遲來的都有得食，我地等了又等。All day breakfast，蛋的鹽比海水重多，牛扒全熟似香口膠。之前的underground換了這個難食的餐廳，以後都不來了，blacklisted.…Read More

由於在附近工作的緣故久不久就會來皇后食飯，平時weekday食飯時間來都大排長龍，難得今日約左個住附近的朋友，試下星期日會否好一些。中午12點幾到，還未算太多人，星期日有假日餐牌比平時貴小小，平日的上班族被食Sunday lunch/brunch的一家大細取代，增添左一分熱鬧。牆上的老香港照片，從舊鋪搬來的大門都為這個餐廳增加了壞舊氣氛。我們點了羅宋湯，味道很好又夠濃又多料，小小辣味道剛好比平日得更好，但又不會好像連鎖餐廳的羅宋湯稀稀的。同侍應交談中的得知原來每逢周末廚師都會煲一煲重料的羅宋湯，下次都要周末來至得。主菜我們叫左牛柳轉左配燒汁同焗石班天使麵飯後飲品叫了我最喜愛的凍奶茶，奶茶並不行貨絕對有茶餐廳的味道，正。值得再來…Read More