Kkikooo013's Profile

最近有間黎左香港開分店既台灣火鍋，今日終於都有機會黎試下。佢之前一直都係響台灣開分店，終於打響頭炮響香港開店。如果閒日黎既話，我會試佢既午市套餐、主食+自助吧都係$88起，可以食100分鐘。湯底雖然要再加錢，但都係d特色既湯底，價錢黎講咁足料既湯底絕對值得。想再滿足感大d可以加埋野飲同埋甜品，都係一百中左右。任食吧既食物種類都幾多，都有幾十款，菜特別鮮甜，對食量大既人黎講，定量肉唔夠食都可以食到飽。今次我叫左兩個餐，一個牛一個海鮮。極上無骨牛小排鍋 $360 肉120g肉同脂肪比例係50:50，食落嫩滑，淡淡既牛香配上招牌既石頭湯，響口入面牛既香味因為海鮮既鮮味而進一步升華。招牌石頭湯湯入面加入左元貝乾，魷魚乾🦑同埋冬菇等材料、令湯底散發出濃厚既鮮味。除左令肉味提升亦都令菜味更加鮮甜。😋海鮮總匯鍋 $320海鮮鍋包三款魚，魚肉嫩滑亦都無骨，對於驚多骨既朋友，絕對可以放心食用。蜆肉食落鮮甜，每一隻都開哂口，而且粒粒都好肥美。魷魚既韌度適中，口感彈牙。有一隻大蝦加兩隻中蝦，蠔有隻大大蠔，另外都有唔少既細蠔，食落都好有鮮味。松露燦金雞湯湯底有濃濃既松露味，再加上雞既鮮味。如果鍾意松露味既朋友，呢個湯底絕對值得一試。個湯令到食材煮熟之後散發出濃濃既松露味。套餐包一杯野飲，每個餐各+$7叫左杯奶蓋芝士葡萄奶蓋🥤芝士草莓奶蓋🥤甜度唔會太甜，奶蓋都好creamy,另外仲帶有少少椰香，推介為必點👍👍套餐另外仲包埋甜品焦糖布蕾🍮焦糖脆口又唔會苦，布蕾食落都唔會太甜，仲有蛋香。芒果奶酪 🥭面頭既芒果醬有芒果既甜香味，奶凍有香滑既奶味餐廳方面走日系簡約風格，白色既牆身加上白色既燈籠以及木系既餐枱同櫈，令人有一種舒適既感覺。店員基本上係講國語，所以都有置身響台灣既感覺。用餐其間店員見到湯量較少既時候都好主動咁幫忙加湯，湯係用番原湯底去幫你加，所以絕對唔會個味愈食愈淡，從開始食到尾都係濃濃既湯味，都唔會因為用另一款湯底幫你加湯而令佢失去左原有既味道。另外店員見我拎左包自己既紙巾出黎，好細心咁話我知，其實櫃桶入面有包紙巾。入黎既時候，店員帶位既時候都有溫馨提示番，中間有梯級，叫客人小心d.枱面都寬闊，都唔需要擔心太多野，所以放唔落。…Read More

去D2市集行之前，諗住食個午飯。因為咁岩響正長沙灣廣場落，所以就去左3/F望下有咩食。最尾決定左揀番我最愛既日本野。因為我地去到既時間比較早，所以唔駛等位就即刻可以安排入座。見到餐牌上野飲同野食既選擇都唔少，而門口仲有埋店舖推介既菜式，有哂圖，咁就更加容易揀食d咩。由於我同frd都唔飲酒，所以揀左兩杯無酒精飲品。如果唔係一定揀佢既酒黎試，因為打卡真係一流。飲品：Flat White $38 ⭐️⭐️⭐️奶味較濃，咖啡味似係中烘焙，所以飲落唔會有苦澀味仲有陣奶香Fuji Mountain🗻 $48 ⭐️⭐️⭐️⭐️呢杯飲品除左打卡一流之外，睇得都飲得。飲落有d乳酸飲品加波子汽水既味，都幾開胃。唔會太甜，好適合夏天響出面行完，飲番杯用黎解暑。小食：鱈魚片 $68 ⭐️⭐️⭐️⭐️如果飲酒既話，真係送酒一流。鱈魚片好鬆脆、都好香既魚味。主食：牛舌味噌煮 $88 ⭐⭐⭐⭐呢個係慢煮牛舌，煮左3-4個鐘先可以上碟，拎出黎比客食。食落口佢個味噌同牛舌好夾，同埋因為慢煮左3-4個鐘肉質真係好淋，食落好易入口，都唔會有羶味。對於鍾意食牛舌既朋友真係要試下。極上鰻魚丼 $138 ⭐️⭐️⭐️⭐️⭐️個鰻魚汁係店舖自家調配既，所以響出面係食唔番同一個味。個汁薄薄一層咁包圍住條鰻魚，所以食落唔會因為汁太厚蓋過左鰻魚本身既味，同時淡淡既甜味提升左鰻魚既鮮味。而燒過既鰻魚就令鰻魚更加香脆，食落口都唔會feel到有骨。至於米係選用左珍珠米，再加上蛋絲，令人一啖接一啖咁，好快就食哂成碗飯。另外我地都再追加左三款小食：雞皮薯片 $68 ⭐️⭐️⭐️⭐️呢個係選用左雞上腿既皮去整既雞皮薯片。個皮夠哂薄又夠脆，同埋調味都好豐富，食到有七味粉同椒鹽既味道。對於唔食辣既人可能會覺得有d辣。雞胸軟骨串 $48 ⭐️⭐️⭐️⭐️雞肉嫩滑，軟骨有咬口但又唔會好硬，老人家都唔怕咬崩牙😂三文魚腩串 $38 ⭐️⭐️⭐️⭐️⭐️呢串魚腩油脂好豐富，咬左一口，鎖住左響裡面既油脂就即刻流埋出黎，配番碗入面既醋中和番個油脂，咁就完全唔會漏。呢串魚腩真心推薦要黎試😋最後，店舖仲送左兩塊佢地自家製既花生酥比我地食。呢個酥餅有濃濃既花生香味，佢鬆脆既程度係入口即溶。店員都好有禮貌，都唔駛特別叫已經好主動咁拎左d碟同埋筷紙比我地share食。點餐既時候都有問番會唔會對d咩敏感。用餐期間有個婆婆入左黎舖頭食野，店員都好耐心咁解釋番d菜式，同埋回答婆婆提出既問題。環境都好舒服闊落，唔會話坐到好逼果種，好適合同朋友或者一家大細黎食。…Read More

走進餐廳，裝潢是比較優雅古典風。我和朋友點左個二人Pizza餐，餐有Pizza,沙律，餐湯，一個主食，仲包兩杯野飲。呢個二人餐都幾抵食，咁多野都只係388。1.招牌明太子海鮮薄餅呢個Pizza係一個薄身既厚批，食既時候唔會覺得食一件就好漏，同時都有薄批果種脆既感覺。食落有明太子既味道，同時用料都豐富有龍蝦肉，有煙三文魚，有木魚片，仲有吞拿魚肉，再加埋三色椒。兩個人都可以完食既10吋批。2.法式鮮打龍蝦湯潷一羹已經感受到濃濃嘅龍蝦味。飲落好creamy,但係又唔會即刻飽左。配埋個蒜茸包一齊食既話，真係一個很不錯的組合。3.煙三文魚沙律沙律方面正常發揮，係我最愛既凱撒沙律。最愛配埋煙肉粒同麵包粒粒。4.主食：秘制龍蝦汁海鮮鐵鍋燉飯個燉飯有隻大蝦，肉質都好彈牙，蝦有鮮味。仲有青口，蜆，墨魚仔，每樣都好新鮮，墨魚仔食落都好爽口彈牙。至於個飯唔太濕都唔會太乾，食落口感上剛剛好，煙煙靭靭咁，個汁都食得出落左功夫，同d海鮮好配合。5.飲品玫瑰荔枝果肉梳打草莓蜜桃茶色彩好靚，打卡一流，都唔會死甜，好適合炎夏，完全係消暑一流。如果食量大d,我會試埋甜品，甜品都好吸引，唯有留下次了。…Read More

今日黎到黎間中菜館，環境裝修方面都好Chill.一坐低店員已經主動幫妳開壺茶。佢有一張點心紙，同時都有提供QR code比妳手機落單。掃完QR code,當然第一時間點左隻必點既沙田乳鴿先啦。隻乳鴿唔好睇佢細細隻，都有肉，調味都唔錯，另外個皮都好脆。呢間中菜館仲好貼心咁準備左膠手套同埋一個細細既垃圾桶比妳裝骨同垃圾。呢個係一個加分位。而另外都點左網上推介既非常山竹，外皮都幾脆，個皮食落係平時既煎堆咁，內裡有龍蝦汁，蟹肉同蝦。呢個搭配都幾好食，推介。👍蝴蝶酥就正常發揮，打卡一流，是關整到成隻蝴蝶🦋咁。至於個絲瓜小龍包就有驚喜，本身諗住試下only,點知佢都整到皮薄之餘仲可以鎖住d湯汁，夾起又唔會好易穿。食物質素同環境絕對對得住個價。…Read More

今日咁岩有野要拎，所以就weekend 黎到左葵涌工業區。拎完野就響呢區搵食，咁岩望到呢間餐廳環境都幾舒服，店員都帶住笑容。由於都未到食飯既高峰時間，店員姐姐叫我可以隨便揀位坐。我一個人可以坐哂成個卡位。😝一坐低見到餐牌都算多選擇，最後經過左一番選擇困難症既時段，最後決定左揀佢既海南雞套餐。我已經叫左少飯，但飯量同雞件都唔少。🙈D雞件都幾滑幾多肉，個油飯都幾好食，仲要有碟菜同埋有碗湯。我覺得佢個價錢黎講都幾抵食。當我食到中途慢慢都開始漸漸咁出現左食飯既人群，當我出去去埋單，竟然發現仲有八折。😉…Read More

第一次食呢個素食brunch,初初諗住食下蔬菜同乳酪姐，應該都食得哂。點知我食左大半已經好飽😂。全部食物既烹煮程度同埋調味都啱啱好，尤其d菇同埋菜菜，個蛋都炒完都仲好creamy,上面仲要加左黑松露醬。另外個乳酪都好好味😋。而令我心心眼😍既係杯咖啡既拉花，係獨角馬🦄。…Read More

無諗到響K11都可以食到一間唔錯既韓國菜。睇menu都幾多韓國粥揀，其實韓國粥真係幾好食又養生。每次都諗起韓國食果個鮑魚粥。今次食左韓國都好有名既Bibimbap，呢個都幾辣，但好好食，都埋價錢黎講我覺得都抵食。餐廳環境都唔錯，如果約左人想傾下計，或者約左成班frd都可以考慮一下。…Read More

行入餐廳，首先會見到無面男歡迎你。由於個位置都無咩人，都可以盡情咁打卡。入到去一坐低，望到有幾張枱係榻榻米既，真係似入左傳統日式餐廳咁。一坐低叫左個壽司定食，每一舊壽司都有用醬油調過味，同埋每一款壽司都有配合番用左唔同材料都做番個調味、都食得出有花過心思去製作。另外全單仲有九折，咁姐係唔駛加一。😆…Read More

本身諗住避開左食晏既人潮，食個午餐。點知去到門口已經見到獨角獸同好夢幻既裝飾。既然咁岩撞正有特別主題，咁當然試下期間限定menu,點左梳乎厘同埋杯期間限定沙冰。獨角獸既主題甜品係芋頭味，同個梳乎厘都好夾，都唔會話好甜，食落有淡淡既芋香味。另外沙冰都係芋頭味既，飲落唔會係死甜，仲有少少清清地既感覺，整體上都唔錯。同時都有點番個主食，個蕃茄海鮮意粉個蕃茄醬唔會太酸又唔係太甜，都唔錯。整體今次點既呢三樣野都唔錯。…Read More

任食既火鍋係最抵，因為可以滿足哂我咩都食少少既願望。牛涮鍋既肉本身都唔差，所以就算叫最平果個任食都有番咁上下質素。我落左一盤牛肉，個量其實都好多。另外出面仲有丸同埋菜任食。而我每次食完哂，點都要留肚食埋佢個雪糕。…Read More

呢間素食餐廳，最吸引既一定係整到真壽司咁既素食。我個人方面會比較鍾意佢舊煙肉壽司。野食同野飲種類都幾多，而家仲加埋中式點心。每次我都會拎炸蕃薯，綠茶餅，泡芙同埋佢既淹青瓜。由於都坐得幾舒服，所以都幾鍾意黎食。…Read More

雖然今日落雨，但係唔駛出地鐵站都搵到好西。黎到左間食西餐既地方，迎接呢個週末。入到去被安排坐吧枱位，由於我地得兩個人，所以吧枱既話傾計都幾方便。點左個意粉同burger、再加兩杯野飲。個burger 都有番咁上下水準,雞扒幾juicy 薯角都幾脆。另外明太子煙肉意粉都好好食，兩樣都係我至愛。兩杯野飲都打卡一流。…Read More

黎到新開既商場，睇完戲諗住搵個地方食下野，見到間都幾chill既泰國野。試食左佢個沾麵，無諗過個湯都咁大碗。個湯好好味，個麵同配料都好多,好滿足。同行叫左個炒河粉，都煮得好好食，另外又唔會太濕。下午想chill下都唔錯，既食都既飲都可以打下卡。…Read More

一行入餐廳，裝修都幾似平時文青cafe咁，簡約得黎有一種慢活既感覺。餐廳設有吧台位，而所有吧台位都可以望到街，如果想享受下下午既寧靜，呢間素食都係一個唔錯既選擇。呢間素食，有提供素既滷肉飯。雖然係素，但係個樣同味道都同真既滷肉飯好似。如果黎食既話，一定要試，其他地方無架。😉另外，芋頭魚都外脆內軟。平時一個人食哂成碟腸粉會食到好滯,呢度可以夾番自己食到既量，加埋甜醬同麻醬，同出面食既差唔多。腸粉隔離仲放左蒸粟米同番薯，兩樣都好甜好好食。而Pizza就係呢間素食好搶手既野，一出爐就要拎架啦，如果唔係就會比人拎哂。野飲方面我推介羅漢果茶，都幾好飲。呢間素食係有派飯比有需要既人既，所以大家都可以黎支持下呢間小店。…Read More

去Teamlab睇發光蛋之前先食個甜品。呢間pancake之前已經食過，都好高質。今次再黎食，當然試下新野，同埋打下卡啦。所以就叫左個大福pancake黎試。食物質素依然keep到水準，雖然係士多啤梨味，但都唔會好甜。杯凍mocha都幾濃，如果鍾意咖啡既朋友都可以試下呢杯。…Read More