psycho_foodiehk的個人專頁

呢間餐廳以前喺屯門啟豐嗰陣已經食過，原來開咗分店喺Wet Land，餐廳主打食牛角包之外，仲有其他西餐食。晚市雙人套餐 $358🥗是日餐湯 及 田園沙律 各一餐湯係黑松露蘑菇忌廉湯，creamy好好飲！🍖BBQ醬燒豬仔骨 配炸薯角 +$28薯角鋪滿底，Ribs醃得好入味，鋪上BBQ醬，啖啖肉好滿足！🥐牛魔王餐廳主打牛角包就梗係要嗌嚟試吓，牛角包焗得好脆，入面夾有蘑菇炒蛋、芝士、牛肉漢堡等，呢個組合係無得輸勁夾！🍾白酒忌廉煮藍青口 +$28食到好香嘅白酒香味，有洋蔥同忌廉做醬，攞青口肉點埋個醬，好味🥑煙三文魚牛油果蟹肉他他 $98牛油果喺底，蕃茄同埋煙三文魚切粒鋪上面，仲有拆殼蟹肉喺頂，食到有少少青檸味，酸酸地做前菜幾開胃！🌸凍芝士奶蓋桂花茶 加 愛玉 +$24愛玉隱藏左係茶入面，芝士奶蓋厚厚一層，搞混左就見到愛玉出返黎，飲落啖啖愛玉同桂花香🍋凍鮮檸冬瓜茶 加 愛玉 +$18檸檬厚切，酸酸地配冬瓜茶唔會太甜，幾解渴，推介！…查看更多

呢間長沙灣泰菜小店原來係泰國人主理，唔怪得要排隊食，店鋪頭細細間，10幾個座位，泰國必食嘅小食、湯、炒飯麵都一應俱全，仲播住一首首泰文歌，環境氣氛泰有feel🥗泰式青木瓜沙律 $48木瓜好爽好新鮮，bb辣，又唔會好重口味，一啖接一啖停唔到，會越食越辣🦑燒魷魚筒 $118魷魚筒大大條，燒到好香好爽嫩，一定要配上靈魂泰式醬，開胃一流！🦐蝦球金邊粉 $68金邊粉炒到好香好有口感，蝦球新鮮爽口，鐘意佢唔會好甜，啱啱好！🔥泰式火車頭炒飯 $68炒飯好有鑊氣，睇住老闆炒都聞到啲香味攻出嚟，飯粒粒分明好好食！🍹龍眼水 $22🍹泰式奶茶 $22兩杯都係泰國必飲，解渴一流！泰奶茶味好香，啱晒唔鐘意太甜嘅朋友！…查看更多

荃灣呢間餐廳，朝早係茶餐廳，見到餐牌一大版，咩都有得食，晚市化身做雞煲烤魚打邊爐🥘門口見到有19款火鍋湯底咁多，邪惡啲嘅可以食左烤魚、雞煲先再邊爐，養生啲嘅可以藥膳、五指毛桃等湯底，食左雞先再打邊爐，酸菜魚都有得食，超多種類！打邊爐係自己出去夾食物、門口位置有啲涼拌菜、咖喱魚蛋、魚皮等🥗入面雪櫃就係戲玉啦。三個大雪櫃，火鍋配料任夾，除左常見嘅丸、牛伯葉、鵝腸，海鮮、牛肉都有幾款選擇。我果晚有6款海鮮(魷魚、聖子、九肚魚、蝦、生蠔、蜆)🦑豬牛都有5-6款🥩最後食埋雪糕芒果布丁，咁多嘢食先係$188一位咋，繁忙時段7-9點就$208一位🍽️大滿足火鍋冰室📍荃灣大陂坊9-31號泰華大廈地下6-7號舖…查看更多

搭輕鐵去到大棠路落車，經過同益街市、元朗千色匯黎到呢間東北菜餐廳，中午係$58一位嘅放題，我地今晚食夜晚，叫左幾個餸，食到勁飽，東北菜分量真係唔可以睇少呀！見到隔離枱叫嘅炒菜、炒飯、炒餸都係大大份，每份都有個小山丘，小鳥胃要小心噢！🍜五香牛肉麵 $50牛展富豪，厚切仲要好多塊，炆到好淋好香，，啲麵多到食黎食去都仲有，有咬口！🧄紅油抄手（10隻） $50抄手大大隻好多餡，撈埋啲蒜泥，好食！🔥松鼠魚（龍利柳） $98呢個手工菜松鼠魚好少餐廳有做，怕骨嘅我揀左龍脷柳，酸酸甜甜勁開胃，淋上醬之後條魚都仲外脆內軟！🐷東北醬豬肘花 $76涼菜我哋嗌咗呢個豬肘花，凍食淋上秘製醋汁，有蔥蒜做配料，肉質爽彈，又係開胃之選！🫘高力豆沙 $13第一次聽呢個，見每枱都有嗌就嗌一個嚟試下，樣似沙翁，食落煙韌，大大隻抵食！…查看更多

呢間酒吧餐廳有唔同國家美食🍻歐陸風味、西餐同亞洲都有，啲cocktail又幾有創意，連京都念慈菴都出動埋😂都幾得意Menu有個二人Set Dinner都幾抵食，有沙律、小食、兩個主菜仲有甜品，不過我地怕食唔曬就散叫算啦！🌽鹹蛋黃手切粟米條 $88鹹蛋黃包裹住每粒粟米，每啖都好邪惡🦑避風塘魷魚鬚 $98估唔到食到大排檔必食嘅菜式，炸到酥脆，辣椒唔多，唔洗怕會辣🧀巴馬臣芝士薯條 $88粗薯條配芝士都係冇得輸，送酒好拍檔🍅燉牛尾番茄大通粉 $168牛味好香濃，入面嘅牛肉淋到入口即溶咁，大通粉煮到啱啱好，仲有啲咬口，呢個推介！🍸觀濱特飲 $78餐廳嘅飲品都好特別好有創意，見到個名咁fun叫黎飲下，放心係夾嘅，同朋友飲返兩杯睇場波又一晚。餐廳勁播廣東話歌，環境氣氛都好舒服，店員有禮貌又nice，隔離台慶祝生日仲有小驚喜，最適合同I人朋友慶生，仲要唔收切餅費，欣賞！…查看更多

今晚9點先翻到元朗，呢間餐廳無論入面出面都坐滿食客，燈火光明到唔似夜晚💡又熱鬧，餐廳營業到夠曬夜，無論是食晚餐定宵夜都岩。九點後入座每人$188😳兩個鐘任食雞煲邊爐，慢慢食完雞煲再加湯落去打邊爐都得，夠曬時間。呢個價錢除左有基本嘅火鍋配料，各款肥牛、丸類、響鈴、魚皮、蔬菜、牛柏葉、水魷、鵝腸等，仲有各款海鮮今晚有蠔🦪海蝦🦐蟶子🦑螺🐚食完雞煲都飽左一半，但係點可以停，出去行返轉攞火鍋配料，今晚啲海蝦長過手掌，新鮮爽口彈牙，好好食！最後仲可以食埋7款唔同味嘅雪糕🍨推古早味嘅紅豆雪糕，你話唔滿足啊？呢間餐廳CP值爆棚啊！🍽️撈得喜火鍋冰室 (元朗)📍元朗屏昌徑14-48號聯發樓地下9-10號舖…查看更多

作為香港最受本地人喜愛的湘菜餐廳之一，辣湘湘無疑係排隊王！今晚星期五晚飯時間黎到，門口企等位嘅人。餐廳係轉角位嘅當眼位，未入去已經俾啲香辣味吸引到，餐廳菜種類都幾多，自由辣度選擇，唔食得辣辣嘅人都唔洗怕，無論鐘意食辣定怕辣都搵到岩食嘅菜，後悔冇早啲去食，唔怪得每次食飯時間經過都排曬隊啦！餐廳入面大部分都係卡位，位置闊落坐得好舒服。仲有大圓檯添！🔥18秒爆炒雪花牛肉 $139呢個果然係招牌菜！爆炒18秒鎖住肉汁，小小辣，牛肉底有筍絲索曬啲味，必叫！🐟湘味酸菜魚 $149湘菜經典之作，魚片分量超超超多，酸酸辣辣，一定要食埋鋪底嘅粉絲，入曬味🌶️火爆紫蘇牛蛙 $89牛蛙炸到外皮香脆，同紫蘇好夾，加埋蒜芯一齊炒，呢個菜相對其他會辣小小，好惹味食到停唔到🐽膠原脆皮豬手（2隻） $49豬手都係脆卜卜，表面灑左調味粉，咬落啖啖骨膠原，仲有啲腳筋超正，一份兩隻好抵食🥟翡翠醬肉香煎包 $59兩個人叫一份，點知原來有7隻咁多！綠色嘅包表面剪到微金黃，肉餡味道啱啱好，又幾好食wor🐚涼拌花甲 $89酸酸辣辣超開胃！花甲新鮮冇腥味，而且分量度幾多，花甲單邊打開曬，食都好方便🍋鴨屎香檸檬茶 $45🍉解暑西瓜檸檬茶 $39呢兩杯巨型茶，重到要雙手攞起，鴨屎檸檬好清香，茶底香濃，兩杯都好好飲，一啖辣，再一啖凍茶，爽！！🍽️辣湘湘 小炒湖南菜📍地址 : 荃灣大河道99號99廣場地下1A-1E號舖 （營業時間 11:00-22:30）…查看更多

佐敦有間未被發掘嘅小菜餐廳 ，零遊客，全部都係街坊熟客，好多人都係為左個燒雞而黎，我地平日夜晚8點前就賣曬啦，如果唔想撲空記得打電話去留定先！餐廳$6x就有一個小炒，已經有湯有飯有飲品，唔怪得係咁多街坊嘅飯堂啦！🥔蜜椒薯仔牛柳粒 $80大排檔must叫嘅餸，薯仔粒粒都外脆內軟，優勝過唔少餐廳，係我食過數一數二好食！牛柳每粒都沾滿蜜糖汁，好好食！🦑黃金鮮魷 $82鹹蛋黃醬均勻咁包住每舊魷魚，鹹香餸飯一流！🍗皇牌脆皮燒烤雞 一隻 $160呢個係餐廳嘅招牌菜，遲啲黎都賣曬！嚟到熱辣辣，撕開好多肉汁，雞皮燒到薯片咁，雞肉嫩滑，戴上手套就咁用手食，啖啖肉，極滿足！！🍹凍檸檬可樂 跟餐+$8🍹凍鹹檸七 跟餐 +$8…查看更多

Tucked away on the first floor of Two Harbour Square, GAVI is a charming cafe serving Western cuisine with a pet-friendly outdoor terrace, perfect for a relaxing weekend chill with your furry friend 🐶. I heard a friend is planning a small wedding cocktail party here 👰‍♀️, and the venue’s stunning yet laid-back vibe makes it an ideal spot for such occasions 😍.🐚French Garlic Butter Escargots ($138)法式香草牛油蒜蓉焗田螺A classic French dish, the escargots are tender and bursting with rich garlic butter aroma, infused with fragrant herbs. Served with crispy toasted bread and a smooth mashed potato base, it’s a delightful indulgence.🍳Smoked Salmon Eggs Benedict with Sourdough ($138)煙三文魚班尼尼迪蛋配酸種麵包The salty smokiness of the salmon pairs beautifully with the silky eggs Benedict, served on lightly tangy sourdough. The hollandaise sauce is rich yet balanced, making every bite a treat.🍢Ox Tongue Skewer ($48)牛脷串Unexpectedly, this cafe offers skewers, and I gave this one a try. The thick-cut ox tongue is grilled to perfection—crisp outside, tender inside—with simple seasoning that highlights its juicy, bouncy texture.🍟Truffle Fries ($68) 炸薯條配黑松露醬Crispy on the outside and fluffy within, these fries are a must-order, especially with the decadent black truffle sauce or classic ketchup on the side.🍵Ice Matcha Caramel Coffee ($48)Despite the caramel, this drink isn’t overly sweet. The subtle bitterness of the coffee balances the matcha and caramel flavors, creating a refreshing and well-rounded sip.🍹Butterfly Sofa ($42)This butterfly pea flower drink is visually stunning with its purple gradient layers. Infused with yuzu sauce, it’s refreshingly tangy-sweet, perfect for cleansing the palate.…查看更多

今日係敦食左間接近50年嘅正宗越南菜餐廳🇻🇳除左係老字號，仲係連續獲得七年米芝蓮推介，食物點都有返一定嘅水準！♨️越南蒸粉包（4件） $64覺得幾特別叫黎試下，嚟到熱辣辣，上面有蔥蒜調味，外皮好薄有啲似腸粉，入面包住木耳、沙葛等，一啖一個啱啱好🫔越式米紙卷 $16呢個menu無嘅，係店員推介，仲要得返最後一條，入面有蝦等配料，點魚露食酸酸地又係幾開胃！🥙香茅牛肉粉 $76牛肉香茅味好香，配料種類好多而且擺得好靚，倒啲魚露撈埋一齊食好清爽！🍗老趙無骨雞飯 $72雞肉好滑，油飯好香粒粒分明，夠香唔會油膩！🍡沙爹串燒（豬肉）4串 $82串燒好大串，燒得好香完全唔會乾，沙爹醬有粒粒花生分開上，一定要淋埋上去食！🥥椰汁拉椰卷 $34最後食埋甜品，口感有啲似Jelly，淋上椰汁，唔甜好食！🍹泰國直送新鮮椰子水 $36椰子水好大杯好清甜，解渴一流，仲有好多椰子肉喺底！🍹斑斕椰汁紅豆冰 $36紅色白色綠色，一層層好靚，有淡淡嘅斑斕味，推！…查看更多

今日係西九龍睇完煙花🎇行到出佐敦已經9點幾，好彩佐敦道呢間三哥仲未截單見到有個一人晚餐嘅米線set🍜個餐本身已經配左雞肉同炸醬，仲有兩隻土匪雞翼同凍飲！一共先50蚊😳晚餐黎講超級抵啊！我地一人叫左一個set，一如既往嘅好味，男仔都夠曬食土匪雞翼雖然細細隻，但係香脆香口，兩隻唔夠喉😂白桃烏龍都好飲，大大一杯，烏龍茶底，雖然冇得揀甜味，不過都係微糖嘅程度，仲有啲桃肉，唔洗加錢真係好抵！咁啱個app有8折優惠卷，用埋先80幾蚊兩個人就搞掂個晚餐👍🏻…查看更多

傲雲峰樓下新開左間飲茶嘅鋪頭，個人鐘意去呢啲飲茶多過酒樓☕呢啲鋪頭仔通常茶位平啲、點心足料啲，性價比高啲土瓜灣通常去開日月，見到呢邊新開左間類似嘅，試下比較下🐔豉汁蒸鳳爪大大碟🦐點心拼盤呢個幾好，每樣都有啲，流沙包好食，有鹹蛋黃！🥕XO醬炒蘿蔔糕小小辣，偏油左小小🍚鳳爪排骨飯即叫即蒸，我地都等左20分鐘左右，新鮮熱辣辣兩個人share啱啱好點心分量都足，我覺得大份過酒樓嘅孖寶，質素都不錯，真材實料茶位$6一位早市同下午茶有孖寶…查看更多

係元朗見到呢間門口企滿人排隊嘅餐廳，餐廳主打韓式嘅刀削麵，聽人講係香港第一間韓國刀削麵添🍜好奇下都要排埋一份入去試下！餐廳都好多座位，好彩等左一陣就入得去🥒花蛤刀削麵 $78花蛤份量好多，新鮮無沙，湯底食到花蛤嘅鮮甜又唔腥，韓式刀削麵好彈牙好有咬口，上面有蛋絲同埋紫菜，熱辣辣清清淡淡幾好。🥩牛骨湯刀削麵 $78嚟到見到奶白色嘅湯底，湯底肉味好重，食落好濃郁但唔會好咸。牛肉軟淋好重牛肉味，麵量好多好Q彈🦑海鮮韭菜煎餅 $68煎餅即叫即煎，嚟到熱辣辣好脆口，就算擺到凍咗都仲係好脆，唔油膩！愛上左佢個麵質，彈牙有咬口，見到隔離枱嗌咗餃子，係韓式大大隻嗰啲，下次試下先！！…查看更多

同同事約係中環食lunch，諗住搵個環境好啲嘅地方傾下計，就揀左怡和嘅BaseHall食lunch，中環區環境好啲嘅餐廳，價錢都around100蚊左右💸呢度價錢都係大概100上下，有啲貴價嘅鰻魚飯去到差五多200蚊行左一轉揀左《阿元來了》$98一個set包左飯/粉、小食同飲品我就order左滷肉飯、甜不辣加$15要珍珠奶茶滷肉飯都係正常半肥瘦滷肉，啲汁夠曬撈成碗白飯甜不辣分量就少左啲，total 6-7舊，表面有椒鹽粉，係好好食，如果可以多啲就好🥹呢間餐廳仲可以用到會員，有8折優惠！可以慳返幾十蚊！仲可以仲印花！👍🏻…查看更多

今日收工同朋友想食下輕食，飲杯咖啡傾下計👯‍♀️呢間Cafe可以泊車👍🏻室內室外環境都唔錯，最適合靜靜地傾下計我地叫左個沙律🥗同千層麵🍅估唔到冇肉嘅千層麵都做到咁食🤤有驚喜！我哋叫咗蔬菜千層麵、烤雞沙律、焦糖咖啡同開心果沙冰🍅蔬菜層麵番茄醬酸酸甜甜，估唔到冇肉都咁好食，份量啱啱好，健康之選🥗烤雞沙律沙律菜好新鲜，淋埋個醬酸酸地，好清爽開胃🥤焦糖咖啡咖啡甘苦冇酸味，焦糖甜度啱啱好，mix埋飲落好順滑，甜甜地🥤開心沙冰沙冰好消暑，上面有一層cream同大量開心果醬，夏天飲超爽…查看更多