aunt0103's Profile

又係睇openrice搵食:)得知旺角新開左間食烏冬既鋪頭！緊係唔"執輸"去試下又幾好同男友大約7點去到！派籌以經到43晚市兩位只派50個籌[/u我地大約等左個幾鐘左右！店鋪唔係大，都算細間，但店員有禮的！我叫左海鮮濃湯烏冬 - 滾住上，店員好貼心咁講等無咁熱先好食:)，心急既我緊係唔等咁住啦，先飲淡湯，濃濃的甜甜的海洋湯，正！再看，海鮮好足料，有三隻大蜆，一隻青口，一隻大扇貝肉，幾隻蝦，蟹柳，半隻蛋！烏冬都彈牙:)但有小小癡底！我覺得好好味！男友叫左極上牛肉烏冬 - 佢話個湯都好得！整體上都好好！我地食完個烏冬都唔口渴！good！小食：7味照燒雞翼 - 普通的，因為只係燒好了加上7味粉再加上一個豉油汁！凍0濱 - $6！可以再幫襯的！…Read More

同男友突登黎尼間食的叫左個薄燒豚肉飯，厚燒豚肉飯同芝心豚肉餅（大約個名係咁啦其實係我唔記得左個名）我薄燒豚肉飯餐 - 有冷豆腐，味噌湯同飯，如果你唔太好飲湯同食凍野的話，單點個飯都好ok！個飯豚肉都算多！但汁太少食到尾好乾，多返D汁會好好多，但味道唔係特別出色！男友叫厚燒豚肉飯 - 咪係汁燒既豬扒！但都係汁太少芝心豚肉餅 - 第一啖，好有食豬肉丸既味，芝士味唔濃，芝心較少，小妹覺得尼個味精比較多，食完會好口渴（小妹對味精重的食物好敏感！）總括：食品唔係太突出，唔會有一個再想去食既衝動！但侍應有禮，常加水，服務態度好…Read More

同男友食完北海道十勝豚丼後，唔食甜品就好似周身唔舒服咁就決定去糖百府試下！見識下佢有幾大吸引力去到勁多人，男友一見到就話，不如去第二間啦我份人唔食唔今心，拉住男友陪我等等左要半個鐘，到我地啦！叫左抹茶冰同香蕉冰我抹茶冰 - 加抹茶醬，朱古力樹皮，愛玉，有一個唔記得左，因我之前係未試過食任何既綿綿冰，第一啖完全唔似食冰！好好味！抹茶味夠濃，抹茶冰加朱古力樹皮無澀味！男友香蕉冰 - 好有驚喜好得，我開頭覺得會怪怪的，完全唔會！好清新，食得出係新鮮香蕉味，唔係蕉油味！加左百香果醬，好夾！店鋪好細！所以要等好耐，如果唔洗等咁耐既話，一定有下次！…Read More

男友剪完髮，見肚仔餓，咪係附近搵食唔係第一次黎食，覺得尼間水準穩定，便決定再食麵棧！叫左蜜味醉雞脾麵同淨菜肉雲吞男友蜜味醉雞脾麵 - 男友話個雞脾個汁得！將D汁放落湯麵度再加少少辣椒醬，好味！雞脾肉都算滑我淨菜肉雲吞 - 雲吞大粒，味道有屋企包既感覺，有菜肉香，菜同肉比例剛剛好！…Read More

食完個油溢味沙翁後，行左好耐都唔知飲咩好，行行下見到一間有奶綠飲品，就諗都唔諗買杯試下！哎呀唔係我想象中成杯都係綠色的，同珍珠奶茶既色一樣！珍珠奶綠第一啖，重綠茶味，之後奶味慢慢出黎！好飲過普通既珍珠奶茶！我鐘意尼隻味，唔錯唔錯！珍珠份量都好多！飲完都仲有好多珍珠下次便對綿綿冰有興趣:)…Read More

剛要到旺角交收，交收完便行下美食廣場有咩好野食，見泰昌都幾多人買野食，就睇下有咩好野食見有兩個套餐，但唔知係咪下午茶套餐！一個是蛋撻 / 沙翁 + 珍珠奶茶 $10一個是蛋撻 / 沙翁 / 蛋糕 / 蛋卷 任選兩項 + 珍珠奶茶 $17到最後我都係買左一個沙翁$4.5沙翁 - 聞一聞，大鑊啦，有味油溢味，一咬，得油溢味，完全無蛋味完完全全係油溢味沙翁，食完陣油溢味係口度都唔散，唔買飲品唔得差差差！…Read More

店鋪位置較偏，唔突登留意的話一定睇唔到見到牛角酥同朱古力酥都做緊特價，就買黎試下！牛角酥 - $3.5 ；偏硬，唔鬆，無乜牛油味朱古力酥 - $4；都係一樣，偏硬，唔鬆，朱古力唔多，但食到朱古力既香是因為價錢 ＝ 質素？？…Read More

滑蛋豬扒飯餐L ： 有一碗烏冬同一碗滑蛋豬扒飯，烏冬份量大D，飯則細碗D，兩者份量足夠:)，烏冬較硬，唔彈牙，麵粉味好重，好失望:(，豬扒飯比烏冬好，豬扒都有四五舊，滑蛋夠多，飯汁甜甜的也夠多:)，到最後我食唔晒，好飽！唔係好大食的，可以選擇其他，因尼個餐澱粉質好多…Read More

香蕉蛋糕 - 好香香蕉味，食得出有落唔少既香蕉黎整尼個蛋糕，唔係一味死落香蕉油既味！ 不會太乾蒸蛋糕 - 清清既雞蛋香，相對地，食慣較甜或較濃味的你 ，可能會覺得尼款蛋糕較失色，因不太甜，較清常常睇open rice搵食的我，記得各食家說占美的包同蛋糕都不錯，便試試看，的確，值得再試試本店其他包同蛋糕的…Read More

同友人又黎到朗豪坊搵食今次試下Pepper Lunch 我黑椒芝士雞肉飯 - 栗米同芝士份量足夠，撈撈撈，芝士溶化係熱飯中，我覺得本身以夠味，無需要再落其他調味，食時有一絲絲芝士，雞肉薄薄的，但我覺得份量偏小，吃完未必會飽喔！…Read More

食完Mochi Cream，再食魚仔今次得我食，又係唔夠人手整，得返法國（肉桂吉士蘋果）兩隻，但我想食的是德國（薯仔芝士）&新既比利時（朱古力吉士）到我買時有新鮮熱辣辣既德國魚仔，因唔想等佢整個比利時魚仔，我就買德國:)德國 - 第一啖，嘩，強烈既生洋蔥味散發， D芝士有一絲絲的，似食pizza咁，又有溶化既芝士，薯仔有兩三大粒，煙肉係有既，但少到食左都唔知，有洋蔥，食得出有D生生地，我接受到，但太大陣味，食完都幾飽$15一條魚，價錢上ok的有下次的話，想試試甜既魚仔…Read More

兩點去到SOGO，見到Mochi Cream 人頭湧湧，大部份人都係買六粒，加上人手唔多夠，要等左陣咁咪同媽咪一人一粒Mochi Cream 我要香蕉朱古力，媽咪要蘋果批香蕉朱古力 - 個感覺好似超市雪糕糯米滋咁，只係個皮厚一些，俾你有多好種口味你揀，香蕉味唔濃，食唔到有香蕉核，內有一粒粹粒碎朱古力，只係加添咬感，朱古力味又唔濃，整體味道唔特出！有D失望蘋果批 - 咬左媽咪一啖蘋果批，味道比香蕉朱古力好得多，好清新，有蘋果蓉，因只咬左啖，而果啖就俾左我好既感覺:)媽咪都有啖左香蕉朱古力，佢話蘋果批好味D我試的都唔係好甜，甜到適中！香蕉朱古力$16，蘋果批$17我覺得Mochi Cream 只係個皮厚D，細粒版既雪糕糯米滋咁但真係好細粒，兩三啖就無左，價錢偏貴喔！試過就算…Read More

今次叫左：三文魚炒飯 - 無（火農）味，夠乾身，有D雜菜粒，三文魚份量都夠，味道但我覺得普普通通！豬軟骨拉麵 - 湯唔濃，但好過味x拉麵好多鐵板焗帶子 - 唔油（利），但乾得濟，無在D肉汁燒餅 - 唔夠熱，唔通整定好耐？？好粉，椰菜都不夠多，除了椰菜，吃不出有其他材料牛肉金菇卷 - 少妹戒了牛，所以無食上菜速度快每食完一碟就立刻收碟，好有趕客既感覺不過食完都無乜口乾，都ok…Read More

跟媽媽一齊諗緊食咩早餐飽好時，俾我見到有個蜂蜜蛋糕就買左兩個黎試！:bowl蜂蜜蛋糕 :- 係買既時候，見到件件蛋糕既面同底都係好深啡色，感覺唔太好好，似好（火農）咁，食落，（火農）味逼人，面還好少少，個底真係勁（火農）味我要切左個底先食，加上蜂蜜蛋糕完全無蜂蜜味，好唔得，買個蜂蜜蛋糕都係想食個蜂蜜甜甜既味姐！整個蛋糕，都係偏乾，味道無味:(又乾，又（火農），又無蜂蜜味，仲要$10件…Read More

一行三人，今次叫左：涼瓜炆田雞，燒汁焗骨，黃金蝦上菜速度快，但碟碟都熱辣辣燒汁焗骨 - 我個人好鐘意個汁，因有D酸甜，其酸甜無咕嚕肉京都骨咁酸甜，骨是有骨豬扒，豬扒有上粉，配上洋蔥，好配合涼瓜炆田雞 - 先試田雞，田雞好新鮮，肉滑無過火，都無d怪味，涼瓜帶點苦，食食下個阿姐行黎講，今日尼碟好靚，今日D田雞好新鮮，之後我媽咪同阿姐交談幾句，我同友人就緊係密密食黃金蝦 - 又係膽固醇萬歲，炒得乾身，但嫌咸旦黃唔夠多，除了蝦頭，我就會成隻食，才夠滋味今次分量好夠:)要打包返屋企…Read More