twohungry's Profile

請阿姨食生日飯，簡簡單單食西餐，simply life都覺得性價比幾高，所以又黎左，整體服務裝修環境都係好唔錯，麵包都係我鍾意食，之前食咁多次都係意粉、All day breakfast，第一次喺度鋸扒，都可以嘅，但係冇想像中咁正，份扒肉質冇咩驚喜，不過仍然會黎食其他😂 另外呢度嘅湯係唔錯嘅，都值得飲，同埋佢哋有自己調嘅果汁，唔係果汁店個D呀😂 不定期轉款，我每次都覺得幾好飲，不過係鐘意淡味個種朋友👍🏻 …Read More

已經好耐冇寫食評，基本上幾日都經過一次呢間餐廳，老婆成日話想試，我話今時今日好多好似靚裝修都好伏，不如我正正經經出去食間好，跟住老婆話但係呢間好多好評喎，我見佢講幾次真係想試，咁同埋外父外母去，跟住訂位，去到坐底，老婆話大menu有75折，我更加心知不妙，叫咗蟹肉長通粉、兩款牛扒，不得了😅 好多蟹肉，超低，少少腥味都算，不過真心難食，食到一半更腥，放棄了。因為外夫外母都好享受食嘢，所以我們多數會切少少自己叫嘅嘢比大家互試吓，第一下嘅感覺係咁普通嘅，之後嘅感覺係烤爐味很香嘅，不過牛就… ，薯條合格嘅😊簡單咁講，食完飯之後老婆、外父外母都話唔會再黎，我就好少講，直接唔去。…Read More

民華茶餐廳係旺角企到咁多年，一定有佢嘅原因嘅，超愛港式早餐嘅我，梗係單拖都食下啦。佢哋主打常餐類，都有飯同點心嘅，但常餐呢啲看似簡單但有心同無心可以好大分別。餐肉厚厚煎到有啲香口炒蛋都合格嘅，我就覺得冇乜蛋味，多士唔錯呀，最緊要有啲燶燶地，佢厚得黎又唔會太大片，食落都唔錯，沙嗲牛肉通個沙嗲牛肉唔錯，應該用過心機研究，沙嗲味幾香，唔會好似舊式茶餐廳咁，又難咬個味又假，通粉就硬左少少，凍檸茶都唔錯，起碼啲冰唔會融到冇咗…Read More

因為好耐冇黎食，一到就比佢嘅傳統裝修吸引。一行四人客飯乜都叫啲啦，客飯仲有湯送，個湯都唔錯，雖然唔係好濃味個種，但絕對合格，夫妻肺片幾好食，西檬雞好耐冇食，煮得好好，冇雪藏味又不會太酸，最愛嘅鎮江肴肉正，比例好，酸辣湯好正，有酸有辣，回鍋肉正常啦，反而小籠包一般，唔係太特別，可能出面對手太強🤣 煎一口鍋貼我自己就覺得麻麻，雖然寫了一口，但食落去真係冇乜肉味，最後高力豆沙雖然豆沙少咗啲，但真係好食😋…Read More

由紅螞蟻一直幫襯到一品螞蟻都十幾年，除了食物質素同環境外，係佢每間店都好有誠意去揀不同的藝術作品同畫，令我覺得好賞心悅目。講返食物先，佢嘅下午茶好抵食，呢個質素呢個價錢同環境，炸豬大腸米線椰香湯底，豬大腸有少少鹹味，最緊要乾淨😆，但始終係邪惡食物，滿足左我今個下午😆另外同行友人食番茄意粉，話感覺都唔錯，但當然唔係貴材料嘅味道啦。不過我建議大家可以試佢杯凍檸檬茶，真係茶底好唔同，飲落去係有fresh嘅感覺，可能啱啱沖好🤣…Read More

由朋友介紹認識呢間小店，一去到門口已經好有日本feel，但都唔敢太早開心，一入到去空氣有少少侷促，位置都迫迫地，但唔緊要最緊要好食，就立即點了蝦汁醬油沾麵，本身比較少食沾麵，但天氣影響咗胃口，所以一試。野食一到，開始逐一試味，濃郁嘅湯底係有蝦嘅鮮味，感覺好真材實料個隻，麵係粗粗地，口感一流，味玉都好正，唔係淨係得個顏色，真係有味，反而义燒就普通啲，不過有用火槍燒下都有啲誠意嘅，整體我自己同朋友都幾鐘意，會再去，開始培養下食沾麵🤔…Read More

黎到大角嘴，附近工作嘅朋友介紹我去食今助，係一個小型商場入面，感覺就有啲擔心，侍應禮貌就好一般啦🤣 裝修都好日式嘅餐廳主力係定食，我地叫咗牛肉火鍋烏冬配4件壽司 同埋 嫩雞烏冬，牛肉火鍋嘅牛肉唔錯，唔會太肥，烏冬都滑滑地有啲口感，個湯一定要趁熱飲，凍左好甜，嫩雞烏冬就非常清淡，冇咩特別，壽司都唔太差嘅，始終係配角，不過壽司豉油最好用返淡口，Wasabi就錯錯地🤣 完全冇wasabi個味或辛味，不過整體來講，呢個價錢OK啦，都好飽肚。一定會再嚟嘅😊…Read More

已經開到周圍都係分店，但係仍然要排好耐隊，亦冇網上攞飛🙄 所以真係要好耐先食一次。舖頭環境唔錯嘅，亦都好似日本咁，當你有指定食物送到時會有音樂提醒，好有日本感覺🤣 但係如果想靜靜地食壽司嘅人或者怕嘈嘅人，壽司郎就未必係理想嘅店。由凍食到熱食開始講吓，壽司飯醋味唔勁，但口感唔錯，雖然唔知係咪越光米，而三文魚丶呑拿魚冇咩特別，冇乜魚油香，墨魚切左條條冇咁韌，如果燒一燒卷起就好了🤣吞拿魚茸軍艦$12係真係抵食嘅，海膽有好少出水本來有啲驚，但好味😋，特大帆立貝正呀，南瓜天婦羅甜甜地幾好食，炸雞軟骨都可以，牛肉烏冬淡淡地都好食，唔係濃郁嗰個派系，整體來講，呢個價錢呢個質素，掂啦。係要排隊囉⋯⋯…Read More

講到香港食hotpot，一定要試一鍋堂，湯底我個人覺得不過不失啦，又未至於拍爛手掌，又唔會冇乜味，但食物夠新鮮真係重要，肥牛、豬肉都唔錯，貝殼類就好新鮮，推介必食長蟹柳同水魷，墨魚滑丶丸類都唔錯，豬肉丸就差啲，整體來講，呢個價錢有咁嘅質素，我就覺得超值。佢哋有自家嘅飲品，洛神花茶係唔錯幾特別嘅，當然有汽水等等，雪糕就好重奶粉味，睇個人喜好，另外都想提一提，佢哋嘅泡菜蘿蔔、豬耳個啲熟食都好味，係有誠意做嘅餐廳後話:新店好多位置滴水🥲要留意下自己個位啦，我食到一半調位🙄…Read More

雖然每次金潮都要排隊，但都係值得等嘅。炒小菜煮功最緊要，一定要夠熱、唔好太咸丶又唔好太油，真係唔容易，我覺得金潮都幾平衡到，個人對炒小菜真係唔特別熱衷，但講到食金潮，我又會好樂意😂 最好一班人聚會去食，可以食多幾個小菜，有啲香口丶有啲醫肚、有啲餸飯，每碟野份量都啱啱好，唔會太多或太少，個人推介就一定係豉油王墨魚咀餸酒一流，冰梅骨餸飯冇得輸，個人喜好就魚香茄子煲，其他野之前都試過，都非常穩定地好食，絕對係有誠意做食物嘅餐廳，一定會繼續幫襯💪…Read More

之前來這裡都是飲野，今次終於來晚餐了。先看 menu ，基本不算太多選擇，長方形的menu有點過長，看得不太舒服。先來個炒菜，味道不錯，再來三文魚碎，味道帶少許酸味，非常開胃，不過麵包就略嫌硬左少許，但已經開始食慾大增，當然再來的生菜包，是我非常喜歡的一道泰菜，再來一個豬手辣炒飯，這個非常推介，不論豬手定炒飯，也煮得好好味，最後來個泰式pizza，一開始都擔心好奇怪同唔好味，但食落都幾好喎，味道又唔會唔夾，如果多人食，這個是不錯的選擇。至於飲品，由於偏好香蕉，所以order了一杯香蕉奶昔，係 fresh 嘅，總括而言是一間不錯的泰式  fusion  料理。…Read More

在工廠區搵食最容易中伏，因為好多人最緊要食得飽同杯奶茶丶咖啡，但今日食到呢間又覺得幾好喎，漢堡扒份量都幾好，味道就可以啦，冇一般現成的漢堡扒咁咸，飯嘅汁係唔錯既，同埋最緊要係夠晒熱。…Read More

一來到商場，等𨋢等左耐耐地，上到去見到裝修幾靚，心諗以為自己搵到好野，開始上沙律，正常野，再來吞拿魚丶雞翼，吞拿魚竟然唔係入口溶化，仲要冇味咁幾片食埋先，跟住雞翼好似韓式咁硬到呢，但個人好鍾意食雞翼，所以過關啦。Pizza上桌，係餐廳推介，正正常常，芝士唔係特別香，但個邊over cook😅，到主菜，墨汁飯同黑松露扁意粉，呢兩個真係難食到爆，墨汁飯可以完全冇味，飯粒亦太硬，黑松露扁意粉，完全冇黑松露既 character 味，甜品不算太甜，食完非常失望，環顧四周，見到一班班中產傾計多過食野，我們就知道我們不屬於這裏，後會無期。…Read More

要食一個合格的基本早餐，真的不容易。瑞士呢度可以講係標準，好好食就唔敢講，始終不能相比高級的食材，但比起好多工廠區的茶記，已經係超班。多士係暖嘅，餐肉煎過，炒蛋都可以，不過可以多半隻蛋就更好啦，沙嗲牛肉都唔太差，有D味又未致於太咸，飲品正常。…Read More

在四周也是拉麵店的年代，要找一間唔中伏的拉麵店真係要小心，有好多大排長龍的拉麵店亦唔代表好食，今次去呢間全因平時一早售罄或大排長龍，啱啱今日竟然唔駛排隊，所以膽粗粗入去試下。一入去坐在扶手電梯側邊，感覺又點怪怪的，有點唔太衞生，拉麵有得揀硬度，選了辛辣鹽味湯，出奇地唔錯，真係兩種味也可以品嚐到，义燒也合格的，但得一片，男士可能要加底了…Read More