kenny962003's Profile

食物 裝潢 無問題。 不過你開舖頭入得黎 Elements, 就唔該店員請翻四正少少。 兩個男店員態度非常差，講野語氣非常差。 就好似求其係八文樓請兩個侍應上黎。基本上同樓下講既差唔多，好似黎比錢受氣咁。 elements ，尖沙咀，大把選擇…Read More

我終於明白點解平安夜訂位佢要比deposit , 因為佢先收左你錢，然後23，24 號做唔切生意，出唔切菜，你投訴，或寫上網都無用，因為錢佢已經賺左。我6:05 到，正常點菜，一開始只上左頭盤，連湯都唔記得上。之後一直等到7:10 都未上到main course, 但外賣就不停咁出。 點解？ 因為你比左deposit， 佢唔洗上菜比你，亦唔怕你寫衰佢，因為明天25號既客，都係比左deposit. 希望大家唔好中伏，唔好黎呢間喇！…Read More

嘢食勁難食，收費唔平，叫左三個餐，有兩個係唔合格。得個魚係食得落。服務態度差，點餐，付費流程體驗超唔掂未食完，點三個餐，點左一個嘢飲比個仔，重有兩杯未點，就催住人埋單收錢，唔知搞乜⋯⋯買嘢飲，對住個雪櫃但唔可以買，要出番櫃位買，又無QR code 落單。以前係playhouse 我成日黎，呢家唔知係咪轉左手，變成一定要食嘢，重要勁難食，浪費左我週末既「卡路里」quota，用黎食啲唔好食既嘢⋯⋯ 真係唔會再黎。呢間嘢個新management 應該從來未run 過餐廳。真係擔心佢好快玩完，少左個地方玩⋯⋯…Read More

一入門口有知客，上到樓接手帶位既過程係超順暢，唔會有入到大廳茫然嗰種feel。啲位同枱都放得唔算逼，服務員態度十分好，而且講一句就知你想要乜。 叫左醉雞鍋會幫我地睇住幾時熟，幫我地熄爐。 雞係嘉美雞，好好食，好厚肉。 上菜節奏較得好好，唔會成堆拎晒黎。 叫左小象拔蚌，好新鮮，係薄切，wasabi 都係成支比，亦有一舊嗰種。肥牛既款式都好夠，亦唔會一黎就放低晒係枱慘血。 你感受到你食緊既係好既食材，服務員唔會嘥左你既食物。 感覺幾個服務員都係識食既人。總體全部都係好嘢，連竹庶茅根都好味過人，有90年代嗰啲貴火鍋既水準。唯一係⋯⋯ 香港人唔deserve 呢啲咁高水準既打邊爐。 我之前食過幾間呢個水準，最後都結業。 比心機做高水準既火鍋店，可能客戶群體唔夠大。 反而放題食垃圾生意重好。…Read More

唔算貴，平均300 per head。 但服務唔得，上羊排唔上刀。 食物係十分普通，我覺得差過全盛時期既翠華。 燈光時黑時光⋯⋯ 黑嗰陣連個湯係咩色都睇唔到。 一係就有藍色燈，基本上，牛河既啡色都蓋住。山頂係可能要貴啲，但我唔expect 出品咁普通。羊排啲羊，食料係普通嘢，貴少少既茶餐廳做到。牛河啲牛咬口好奇怪。 成餐得個炒飯叫好啲，但啲鹽炒唔散，食左一啖好咸。服務員人數夠，但比較年長做嘢唔夠快，未坐滿都已經接唔切客。…Read More

基本上尖少咀價錢，旺角地茂態度。同埋啲海鮮超唔新鮮，一定無回頭。個蒸爐一睇知用大陸野做，員工計完時又唔記得幫我地開蓋。叫左啲海鮮，蒸完都變林晒，本來呢啲價錢，你期望係食好爽，好鮮甜既蒸海鮮。結果一啲都唔好食。一係就勁快，蒸完計時，即刻又蒸。好似想你快啲走咁。跟本你食緊個碟都未食完，佢新蒸個碟又出黎，唔好話傾計，連食都饂唔切。打去訂枱，個接線生啲態度勁差，好似唔志在做你生意咁。總括黎講，你都好少呢個價錢，得到咁低既整體體驗。…Read More

呢間野要人齊先開始計等位，所以你六個人就要等齊人先起計排隊。換言之會成個門口都係人，實際上超普通。除左試新野，你一定唔會去。位處於馬路邊，一路等一路食塵，如果你平時有朋友成日遲到，勸你搵個另一間。…Read More