Lillian Chung's Profile

一家大細都係麵包控，見到荃新天地2開左間新麵包店，仲要主打用日本麵粉，就每人揀左小小黎試下🤩🥐🍮海鹽焦糖可頌呢款可頌中間冇餡，只有表面一層焦糖海鹽味嘅cream，但一d都唔會dry，而且佢個cream既味調得好適中，焦糖嘅香加上少少海鹽既鹹仲有少許朱古力粉既甘味👍🏻🥐🍓士多啤梨忌廉可頌可頌牛油味香濃，中間既忌廉唔算太甜，整體唔會顯得油膩，仲要士多啤梨既係甜甜的🍍🍞開心果流心菠蘿包菠蘿包本身已經無得輸，再加埋濃郁既開心果醬係中間，推薦👍🏻🍵🫘抹茶紅豆包包身軟熟，紅豆味甜而不膩，同淡淡既綠茶味非常夾🥛🍞開心果鮮奶球一條6個既鮮奶球，上面有少少開心果碎，食落更加香口，我隔左一晚用氣炸鍋180度3分鐘整返熱黎食，個皮仲脆脆地，而且一條都係$20，抵食又好味😋🥚🥧千層酥皮蛋撻撻皮酥脆，蛋味香甜嫩滑，而且價錢親民！🥚🥧千層麻糬酥皮蛋撻係千層蛋撻中間加左一層麻糬，多咗份煙韌的口感，非常特別👍🏻📍麵包司 (荃灣)荃灣楊屋道18號荃新天地2地下一門町市場內J31號舖…Read More

一向鍾意飲廢水既我，見到葵芳新都會新開左間台灣過江龍 - 龜記茗茶，即刻捉埋幾個朋友去試下紅柚翡翠飲落啖啖都係果肉，紅柚帶有小酸小苦既果味同紅柚獨特嘅香味，配搭翡翠茶十分清新，幾喜歡呢杯唔係正係得甜，十分有層次甘蔗四季春又估唔到甘蔗同茶夾得咁好，清甜不膩，係愈飲愈停唔到既一杯柳丁翡翠見呢款做緊推廣，有平梗係要試☺️叫左5分糖，真係岩岩好，飲到柳橙既果味得黎又唔會搶左茶香，酸酸甜甜，非常好飲鮮奶綠茶加珍珠奶綠係預想中嘅味道，奶香比較重，淡淡既綠茶味，揀左8分甜，配上珍珠甜度剛好，飲完好飽肚🤣碎銀普洱鮮奶茶加珍珠比起一般珍奶，多左一份中式茶既香醇，略帶苦澀嘅普洱茶加上鮮奶，好有驚喜，亦都要讚埋佢地既珍珠，口感煙靭帶甜味，好有咬口，係我鍾意既珍珠👍🏻📍龜記茗茶 (葵芳)葵芳興芳路223號新都會廣場2樓266號舖…Read More

今年開心果當道，周圍都有好多開心果既產品，作為開心果控又鍾意食糯米糍既我，食過幾間，但均香既開心果糯米糍最值得推！首先即叫即包已經加左分，咁樣先keep到糯米皮保持較糯。開心果味一咬開黎內餡已經要爆出黎，食得到粒粒開心果既口感，而且有大細不一，口感更有層次，整體味道唔會太甜，皮又薄！榛子朱古力味呢款我都好鍾意😂完全係金莎內餡既味道，只係冇咁多朱古力，反而冇咁膩同埋漿口，鍾意食金莎既人一定要試😋花生呢款就比較普通，花生冇特別香，冇麥記憶點，糯米糍外層係加左椰絲🙃完全唔係我杯茶🙈…Read More

尖沙咀新開嘅一間bake house有千層蛋撻又唔使排隊於是就嚟試一試包嘅款式唔算太多，但每樣都好吸引千層蛋撻外皮超級酥脆，直頭好似薯片一樣，配上甜甜的蛋漿餡料，真係蛋撻嘅身體驗，而且都唔算貴，$16一個可接受，但的確比一般嘅酥皮蛋撻更加油膩開心果包呢個開心果餡嘅，就比較一般，除咗個包本身鬆軟之外，個餡同埋開心果亦都唔係特別多，冇乜特別，可以唔使試…Read More

今日係我考車既日子，一早book定呢間人氣鐵板燒，打算得唔得都好，都要食返餐好野😆結果得左🥳食得豪d都抵！一入到去被職員帶左去包箱，地方寬落，私隱度高，有種包場既感覺😌今日揀左個鮑魚大海蝦餐二人餐，配左鵝肝、銀鱈魚、A4和牛厚燒、豚肉，個餐仲會有雜菜、炒飯同埋甜品，睇落已經覺得好豐富，仲要原來做緊優惠，6點半前離坐全單有66折😌即刻抵食好多！前菜先有：🐟合桃小魚乾、🐙芥辣八爪魚、🥗雜菜沙律三樣都幾好食，沙律落左黑醋好醒胃主菜：🦐大海蝦海蝦好大隻，師傅煎嘅時候，會再切開細細粒，再加埋佢整嘅汁，好爽彈鮮味十足🐟銀鱈魚👨🏻‍🍳師傅都好貼心，全程都會keep 住剷走多餘嘅油煎到兩邊金黃，魚肉口感柔軟，加埋煎至香脆嘅皮，再配埋檸檬汁，入口有魚油既香但又唔油膩南非鮑魚切成薄片慢煎，吃時口感爽嫩，配上生海苔汁💦將鮑魚本身的鮮味帶出來😋味道岩岩好🪿鵝肝多士師傅煎到塊麵包好扁身好脆，連埋個鵝肝，師傅仲俾咗啲香醋，令到個鵝肝冇咁油膩，燒菠蘿亦都好香甜多汁，好味道🐮和牛厚切配炸蒜片非常好食！口感一流在於師傅將和牛嘅外皮燒到微焦外脆，但一咬落去係軟滑即溶，再配埋炸蒜既香味，真係不得了🐷薄切豚肉片配炸蔥蒜豚肉既脂肪同肉的比例都好分明，煎嘅時候會煎埋啲油份出嚟，夾埋中間的蔥蒜食，感覺冇咁油膩🍚蝦乾蟹籽炒飯師傅功架十足，炒飯真係粒粒黃金分明，軟硬適中，仲有大量嘅香蔥，令到炒飯更加香氣十足🥗炒雜菜+季節野菜菇類燒完仲好juicy，蕃薯同蓮藕食得出食材既鮮甜雜菜加左黑椒去炒，好香口得黎調味亦剛好🍲海鮮湯望落以為係普通嘅海鮮麵豉湯，飲落非常驚喜，充滿貝類既鮮味，每一啖都係精華🍨豆腐雪糕食落軟滑豆味香濃，大豆的香味在囗中慢慢散發，感覺清新又健康🤤最後最後，廚師仲表演佢的畫功，用麵粉漿畫左個kulumi送比我地，早一日我地先諗緊到時想有一隻kulumi🤭點知真係有。📍 鐵板超 (尖沙咀)尖沙咀麼地道61號冠華中心地下1號舖…Read More

牛腩河、魚旦麵呢類地道美食，隔一排就會想食😌今日黎左樂園魚旦粉過一過口癮牛腩牛肚紫菜河粉麵店最好就係上餐速度快，落完單2分鐘就有得食😌牛腩肥瘦適中，入口唔會柴成日渣，但又唔係好多肥膏；牛肚係金錢肚，非常入味，口感爽口彈牙，河粉雪白爽滑，夾起唔會散，份量亦足夠，紫菜吸晒啲湯，好惹味。另外不得不讚辣椒油同埋紅醋，辣椒油昇華咗成個湯底，而紅醋係有種甜甜地既底味，唔會過酸，係我目前食咗咁多間河粉店最好食嘅一間。脆骨門鱔皮見到呢有呢款特別既魚皮又試食，比起一般魚皮加硬脆，即使浸咗湯都唔影響脆卜卜嘅口感。而齋食唔浸湯亦都好夠鹹香。凍檸茶再飲埋杯港式檸茶，酸酸甜甜，無得輸😌📍 樂園魚蛋粉 (尖沙咀)尖沙咀金馬倫道21號地下C號舖…Read More

今日又想打邊爐又想食牛，見到呢間有和牛食，仲要係放題，要試下佢😌叫左set c最貴既餐配麻辣湯底，有三種不同價位，湯底可以加錢揀鴛鴦鍋麻辣湯底唔只得辣仲好香，食完唔會覺得辛苦，反而越食越過癮第一件事梗係試下A4和牛！牛肩胛肉眼、牛胸片、牛後腿肉三款各有特色🤤🥩牛胸片油脂較多，食完滿嘴油香，口感豐富🥩牛後腿肉牛味最濃，亦最有質感🥩牛肩胛肉眼表現最平均，有牛味得黎口感軟嫩，入口即溶🥩薄切封門柳⭐️牛肉方面我都幾推介封門柳，好有牛味，同埋油脂分布都好正同埋好欣賞呢間每款肉上面都有標籤，試完鍾意可以重複再叫，唔會混亂除咗牛肉之外，仲有虎蝦，黑魚片，牛柏葉，牛骨髓同埋雞子，都好新鮮一啲都唔腥。 自助吧設有小食、蔬菜、丸類、飲品。📌小食區提供炸咖哩角、燒賣、雞塊，咖哩魚蛋等等，自己勁鍾意食香口小食！📌蔬菜區中一般蔬菜都有，另外有菇類、筍、南瓜、蓮藕等等，都有唔少選擇超過10幾款丸類📌飲品櫃都有各式各樣的罐裝/紙包/支裝飲品最後會送上甜品Haagen dazs 雪糕🍦，有士多啤梨同藍莓味，都係第一次試呢兩隻味，仲有馬卡龍碎粒係入面，有脆口令雪糕更有層次，滿足總結🫶🏻成晚又食又飲都抵翻曬！ 上菜速度快，食物質素又ok ,職員又nice,最重要環境衛生都唔錯！下次一定會再幫襯✌…Read More

最近愛上食餃子，今日同老公一齊試下呢間有松露口味既餃子店龍鳳松茸湯餃配狀元湯黑、白松露豬肉手工餃各4隻，松茸配松露，散發淡淡松露香，餃子皮薄多餡唔肥膩！湯餃跟 「狀元九鼎湯」，個湯飲落好清甜無味精，蛇果、生魚、無花果、准山、豬尾骨熬製，好鮮甜、冇落味精，可以補氣健脾、生津抗燥🥬🐷芫西豬肉煎餃芫荽餃出面比較小見，岩晒我依個芫荽愛好者！芫荽夠香夠多，配埋豬肉，食到啖啖芫荽味，又有肉味，配合得好好🌽🐷粟米豬肉煎餃好鍾意粟米脆卜卜嘅口感同香甜嘅味道，呢款都推薦🥕酸蘿蔔這裏提供少有的醃蘿蔔，爽脆酸甜，開胃之選。🍜四川涼麵天氣實在太熱，好想食啲開胃涼菜， 份量2個人食都略為太多😂，食完超飽。微辣清爽，配上麻醬，開胃解暑🐥蜜餞雞翼第一次食用蜜餞煮嘅雞翼 有啲類似蜜糖雞翼嘅感覺 一啲都唔痴牙 雞翼煮得入味又唔會過甜 🥚麻辣皮蛋皮蛋好香，個汁唔算太辣，又唔會搶晒皮蛋的味道🍐山楂雪梨水材料有山楂片、雪梨、 甘草等，所以唔會飲落得個甜字，味道清甜偏酸，飲落好開胃🦟蜂蜜檸檬薏米水口味清新，又唔會太甜，依排濕氣重，個人攰攰地，飲依個岩晒，夏日消暑必飲📍餃掂手工餃子雲吞專門店 (太子)太子荔枝角道1號嘉業大廈地下E號舖…Read More

係尖沙咀收工搵地方食晚飯，自己一個人，最快靚正一定係茶記呢間冷室比想像中選擇多好多😯有中餐、西式焗飯、扒餐、台式、川菜都有，真係應有盡有！最後我揀左酸菜魚再加杯港式紅豆冰🍴酸菜魚（下午茶餐）比我想像中大份，魚肉嫩滑，份量都唔小，魚肉唔會太薄，配料方面有大量酸菜、萵筍、蘿白，味道都出色，辣度剛剛好帶點麻既感覺，絕對唔會比專做川菜既餐廳差🧋紅豆冰煮到好軟淋既紅豆配上花奶，好夾！紅豆份量都好，亦唔會太甜，整體味道剛剛好。📍龍城冰室 (尖沙咀)尖沙咀金馬倫道23-25號地舖…Read More

今日係尖沙咀放工，好想食泰國野，見呢間招牌新淨，入面地方又闊落，就入去試下🍴鳳尾蝦炒金邊粉炒得好有鑊氣，醬汁果住金邊粉，每啖食落都好惹味，鳳尾蝦亦都好爽口彈牙，辣度算係小辣，怕辣嘅朋友都可以試🍴胡椒單骨雞翼炸得夠乾身食落唔油膩，仲好香胡椒鹽嘅味道，而且單骨雞翼食落非常方便👍🏻份量仲好多添，計埋有7-8隻雞翼🍴斑蘭大菜糕好濃嘅斑蘭香味，滑捋捋嘅大菜糕再配上香甜嘅椰汁，作為一餐終結嘅甜品非常好🥤話梅茶酸酸甜甜好開胃，而且又解膩，非常驚喜好飲📍 水門雞飯 (厚福街) (尖沙咀)尖沙咀厚福街3號華博商業大廈地下2-3號舖…Read More

見到旺角有間貓貓主題既燒肉，價錢仲十分相宜，就即刻約朋友一齊試下厚切和牛猫罐头呢個一定係打卡之選！貓罐頭一上枱打開個蓋，就會飄乾冰出黎，見到呢個肉量同埋質素，真係唔敢相信只係$268！幾款牛都好唔錯，新鮮冇雪味得黎又多肉汁！最推一定係和牛，入口即化油脂係口入面爆發，無得輪；而牛板健既牛味最濃；而厚切牛舌燒完黎仲保持到肉汁；另外豬五花燒完亦焦香十足👍🏻酸辣爽脆木耳拍青瓜酸辣青瓜同木耳，但為前菜非常好，唔會太辣又好開胃藤椒爽脆魚皮魚皮好脆口，藤椒味道好出色，呢個絕對會encore荔枝蝦球粒粒脆皮外殼，咬開都幾彈牙，亦都見到有蝦肉係入面貓抓拌飯鋪滿紫菜同芝麻，仲加左燒肉汁，愛澱粉質人士必點重慶紅糖糍粑外皮薄脆，入面軟糯，配上黃豆粉同黑糖醬，勁滿足🤤仲要$28有6件，又係好抵食！🍹貓草茶清清地有d椰果，唔會太甜🍹水蜜桃檸檬茶好香水蜜桃味，又有滿滿果肉🍹貓檸茶比較普通，但非常解膩…Read More

今日同老公行街行到攰，想搵間cafe食晚餐同坐低傾下計，就黎試下呢間坐低後發現原來有boardgame玩，一班朋友黎都唔錯🍴龍蝦湯聞既時候已經好重龍蝦既香味，飲落真係好濃郁，係真材實料🍴明太子海蝦意大利粉呢個幾驚喜，第一次食明太子意粉，又幾好食喎，明太子中和左忌廉既膩，唔會食到最後好飽濟咁，蝦都彈牙冇雪味，而且用既係開邊蝦，更加乾淨衛生🍴牛肝菌帆立貝野菌意大利飯好濃既牛肝菌味，意大利飯軟硬適中，有三粒帆立貝，都幾大粒👍🏻🍴蒜香雞翼炸到好香脆，入面仲有肉汁，調味剛好，有炸蒜做點綴食落再香d🥤生薑蜜養生人士非常適合，老公話飲完覺得好舒服😌☕️榛子朱古力咖啡有得揀要唔要cream，我唔想咁肥就走cream，飲落都順口，榛子朱古力味唔算濃，不過整體幾好飲📍 孖啡 (旺角)旺角彌敦道577號高氏大樓4樓…Read More

係旺角行行下街超級熱，好想飲杯野，見到呢間d款幾特別就試下，買左杯野飲之後見到好多人黎買蛋糕喎，諗住應該都幾好食，又買左件黎試🤣🍴朱古力切件巴斯克對初嘗巴斯克蛋糕既我黎講都算幾驚喜！朱古力味唔算太濃，但就同芝士既味道好夾！係非常紮實既口感，好有份量。🍴金皇芒草一見到個底足滿果肉就知真材實料，一入口就滿滿芒果既果肉，而且果汁都係用同冰打埋一齊，消暑一流！因為佢有d似沙冰，碎冰既程度係飲一啖會有啲碎冰一齊飲埋入口，好冰涼既感覺。重點唔會太甜，相信大部分係黎自芒果既甜味。🍴春滿金旺鳳梨呢杯茶酸酸甜甜有小小果蓉係底，感覺非常清新，都係夏天熱辣辣解暑既好選擇。📍茶茶Go (旺角)旺角登打士街43P-43S號鴻輝大廈地下9B號舖…Read More

今晚突然好想鋸扒，去就左呢間懷舊港色特色既扒房，點知又幾好食同埋價錢合理得黎又大份！鐵板西冷牛扒拼豬扒（7成熟）因為好肚餓既關係我仲加$10叫多左個飯，但見到個餐一上枱就知錯😂真係好大份！肉既份量真係冇得輸，有一大塊豬扒之外仲有兩塊牛扒，仲有薯條襯底，相信唔加飯都已經好足夠。食鐵板餐最期待就係落汁個下「炸」～一聲，感覺好爽🤣我揀左黑椒汁，係非常經典既味道，黑椒好濃又辣辣地，配牛或豬都好夾。另外值得一讚係七成熟真係比到七成，唔會過熟！而且牛扒好軟腍，冇筋或太多肥膏。叫左杯香港特色紅豆冰，d紅豆已經好淋，甜度亦適中跟餐仲有餐湯同餐包，餐湯叫咗羅宋湯都非常足料蔬菜好多，而餐包上枱仲暖暖地配埋少少溶嘅牛油，一流👍🏻📍 鐵板世家 (旺角)旺角通菜街188號地舖…Read More

晚飯時間行經鼓油街，見到呢間水門雞飯有人排隊，應該唔會中伏，終是入左黎。🍴香葉辣肉碎煎蛋飯肉碎加埋香葉既味道非常泰，好地道。肉碎炒得乾身，配埋半熟蛋黃，用黎拌飯一流🍴水門雞飯油飯香得黎唔油膩，我個份雞有雞胸位，不過食落都係嫩滑，唔會有渣，個醬汁又好惹味，叫左多飯都得晒🍴泰式串燒（雞肉&豬肉）串燒個醬都係主角，沙嗲汁香濃，另外既白醋汁就解膩，兩款醬汁都好食，而豬肉串肉質會比較扎實，雞肉就比較軟淋🍴泰式炒通菜炒菜揀左少油、少鹽，雖然健康左，但都依然有泰國既風味🥤話梅茶其他泰國餐廳都冇見過就點黎試下，點知非常有驚喜，酸酸甜甜好開胃😂食左咁多肉岩晒📍水門雞飯 (豉油街) (旺角)旺角豉油街21C號地舖…Read More