榴槤芒飯's Profile

燒豬扒丼如圖片所見， $50一個豬扒飯，仲要塊豬扒有手掌咁大，對於大食嘅我來講真係無可挑剔😺豬扒仲要真係新鮮炸起脆卜卜，即叫即炸，中間啲肉唔會好鞋同埋死死實實，我仲食到麵包糠脆脆嘅口感啊😚唯一覺得美中不足嘅係沙律醬比較少，但係問掂完拎佢都會好有禮貌咁拎俾你🤓照燒雞扒烏冬廚師好有心機咁樣將雞扒剪到一塊塊，同埋林上咗好香嘅燒汁仲有芝麻，啲肉唔會好鞋同埋都冇雪味，份量來講就算係男仔都會夠食。不過蛋方面呢就有少少太熟啦，做唔到真係好流心嘅感覺，烏冬就真係彈牙而唔係林嗰種。湯方面亦都唔會好鹹但係好香，有奶香嘅感覺😙雖然係午飯時間但係可能因為位置唔算太方便所以都唔使等位，而餐牌嘅選擇都非常之多，下次會再試其他食物🤩重點係午飯時間都係冇+1 㗎非常抵食!!!😌…Read More

濃厚豆乳軟雪糕👈🏼雪糕上面有少少黃豆粉，好特別😋好香濃嘅豆乳味，下邊係一粒粒少少鹹嘅脆米。食完甜甜嘅豆乳配搭少少鹹香，感覺幾特別，唔會太膩。不過都幾快用，所以大家打卡擺位唔好chok咁耐a😏絲滑可可粉雪冰👈🏼粉雪冰口感有少少似tiramisu,香濃芝滑😽朱古力脆脆應該係pizza朱古力脆脆，食一啖雪花冰再食脆脆夾埋起嚟個口冇咁甜，冇話好滯嘅感覺由於係新裝修所以感覺好似文清Cafe，都好多女士嚟打卡影相，個杯身簡單，有喜茶嘅感覺😹由於店內座位唔多，如果想堂食嘅朋友就要夾啱時間啦，不過上菜嘅速度都好快如果真係好想食嘅朋友都可以等一等，值得一試😽附近都仲有新開嘅川菜，食完辣野再過嚟食甜品咁就啱啱好啦✌🏼…Read More

呢款雲南過橋米線湯同米線係分開上嘅，如果叫唔辣嘅朋友要注意，因為唔辣係唔會有肉碎嘅😶今次叫咗小小辣，基本上食唔到辣味，所以建議要叫小辣或者以上。米線方面就係甜甜地鹹鹹地嘅豉油汁，咁分開上就唔會浸到啲米線林晒啦。湯汁材料比較豐富，有芽菜芫荽同埋韭菜。呢款雲南米線既餸選擇多啲啦，但係每件只有一舊，所以建議如果有特別鍾意喜歡嘅餸要單叫。蘿蔔好大嚿都好清甜，紫菜唔會有沙。米線雖然浸係湯到但係都好彈牙，蔥粒同埋米線吸晒湯汁香味，辣辣地精神為之一振尖沙咀好似都比較少米線嘅選擇，雖然要等位但下次都會再嚟，因為上菜都幾快，同埋湯汁好香濃值得留意嘅係人齊先可以入座我，所以如果人多嘅話建議盡早排隊喔😬…Read More

話說睇完戲之後唔知去邊度食糖水喇，行咗好耐。。。跟住見到原來呢條街開咗間新嘅糖水舖，睇咗佢個Menu覺得唔係好多糖水揀，但係已經唔想再行所以就入咗去試吓啦。個人編好鍾意食芋圓嘅所以叫咗芋圓桂花涼粉私心推介呢個甜品，因為芋圓唔會好林，好Q彈，桂花糕都唔會話太硬啱啱好，仲好香，涼粉就不過不失啦，咁因為佢都驚太苦所以有落糖漿。整體份量來講都算幾多嘅之後仲叫咗椰汁涼粉西米露西米露就冇乜特別啦，不過椰汁就好似太多，雖然唔算好甜，最後都係成碗飲晒。可能因為係新開啦，裝修都比較新淨，同埋甜品擺盤都比較日式，適合打卡傾計。值得一讚嘅係上菜速度都非常快，店員好有禮貌。如果有其他甜品嘅話會再嚟試😙…Read More

話說嗰日朝早好趕出門口，所以最後就決定咗食呢一間老店啦，喺附近住咗咁耐都一直未幫襯過，咁本身以為茶餐廳服務都麻麻地咁我坐低咗冇幾耐已經有人幫我落單啦其實早市時段餐廳都有八成滿座㗎但係上餐速度都非常快，落咗單之後大概15分鐘內已經上菜啦沙嗲牛肉公仔麵唔算好鹹，同埋牛肉份量其實真係幾多，至少比其他我食過嘅茶餐廳多，起碼都有5塊。至於多士真係好誇張，我拎起嘅時候牛油係熱到可以流出黎，同埋個包係熱辣辣脆卜卜既，佢係真係喺岩岩係個多士機度拎返出嚟，食開快餐店嘅包都係好硬，真係沒有比較沒有傷害🤷🏿‍♀️嘢飲同炒蛋就正常啦，冇乜特別都算正常發揮😬聽朋友講呢度鹽焗雞飯好出名，諗住下次再嚟試☺️…Read More

由於餐廳喺亞士厘道，人流唔算好多，所以就算午飯時間係12:15左右嚟到都唔需要等位可以即時入座，好方便。咁今次中午就叫咗水冷麵同埋蕃茄泡菜海鮮湯麵水冷麵係有冰粒咁樣上，天時暑熱都真係非常透心涼，餸菜方面有雪梨絲，甘筍絲，泡菜，同埋牛肉。咁成個麵加埋酸酸甜甜咁樣呢就真係好開胃，同埋麵身都比較彈牙，份量都好大碗，就算男士都會夠食。而海鮮湯麵呢，佢啲餸都好多，個湯呢就好creamy,可能落咗忌廉或者牛奶煮啦，所以好香。啲麵吸晒汁真係連湯都飲埋😬飲品方面，特飲都只係加$8姐，所以見到差不多每一台都有叫。鍾意幫襯黃店嘅你唔好錯過啦！…Read More

中午喺港島食飯一定要訂位，雖然早左到但都可以馬上安排入座，非常滿意安排。冇諗過原來成日經過，佢就係喺上環A一出口隔離，交通非常方便。雖然要落地庫一層，但店面安排坐得比較疏落。雖然好多張枱，但唔會有好嘈雜嘅感覺所以方便傾偈。Lunch set選擇都差不多有十幾20個，非常之多，睇到眼花撩亂，唔知點揀好。最後同朋友一齊揀咗呢個海鮮龍蝦湯稻庭烏冬餐，跟餐仲有包嘢飲我哋揀咗烏龍茶。👉🏼主食：海鮮龍蝦湯稻庭烏冬烏冬吸晒啲湯味，食落濃濃地好香，但仍然保持到爽口彈牙嘅口感唔會好林，蝦，青口等等海鮮都非常新鮮，尤其是蝦唔會有好梅嘅感覺。👉🏼香芒三文魚卷芒果係好甜唔會酸，三文魚亦都好新鮮，配蟹子咬落卜卜聲，做得唔錯。雖然好多張枱，但上菜速度非常快，而且食完店家唔會收碟趕你走仲可以傾吓計。考慮到服務態度親切同埋仲有好多lunch set未試關係，已經約咗朋友再嚟幫襯…Read More

收工太夜所以去咗買壽司餐盒由於有promotion嘅關係，買滿$50即減$10當日都幾多人排隊👉🏼壽司餐盒冇因為係放工時間嘅關係，刺身依然保持得好新鮮，蝦都好爽口彈牙。👉🏼蟹子沙律盛睇相都知落咗超多沙律醬有啲肥，不過唔撈沙律醬就冇咁好食。青瓜切得好細，啖啖都好爽脆，有啲類似蟹柳嘅食物撈埋喺入邊感覺好似食緊肉咁，夠飽肚。如果鍾意食花之戀嘅朋友可以揀五件花之戀餐盒，餐盒方面其實都算好多選擇亦都有流心蛋。總括而言就算冇優惠卷都會幫襯。因為近地鐵站好方便同埋食物能夠保持一貫水準。…Read More

由於係冇得訂座所以建議要食下午茶嘅朋友早啲嚟等位，因應疫情嘅關係會隔住張枱咁坐。三點準時到好好彩等左15分鐘就可以入座👉🏼Scone到嘅時候都仲係有啲熱，唔錯，牛油仲係即溶嘅搽上去好好味😋👉🏼 smoked salmon and cream cheese on bruschetta ，有啲蕃茄唔會太膩👉🏼 tuna and cucumber sandwich，吞拿魚溝青瓜唔會有太滯嘅感覺👉🏼 Prawn with lemon and avocado bite，牛油果好有營養，蝦亦都爽口彈牙👉🏼 selection of Agnes b delice chocolate，每粒朱古力中間都有唔同嘅餡，而且口感都幾獨特👉🏼coffee，配tea set先係完美嘅good afternoon 總括嚟講都係咸點做得比較出色，人均消費$160包嘢飲食飽都唔會趕你走，適合閨蜜傾偈消暑。推薦比鍾意打卡影相嘅你哋性價比高…Read More

同朋友約好去尖沙咀行街，搵到依一間冰室諗住入嚟試食店家都有做好防疫措施又用膠板分隔開枱好彩嘅係都唔使等位，而且上菜速度都非常快👉🏼自家製日本滑蛋叉燒飯同幅圖一樣咁精美，滑蛋炒到啱啱好屋企應該炒唔到咁滑，叉燒都好嫩滑，而且份量好多一定食唔晒，呢個應該算係signature👉🏼常餐多士係麥包非常之健康，豬潤啱啱好熟非常之鮮嫩唔會老，口感好爽滑👉🏼鴛鴦走好有奶味但唔會太甜比較推薦嘅係叉燒滑蛋飯，除咗影梳靚之外亦都好好食😋…Read More

上網搵到依間上海小店特登同朋友嚟深水埗食👉🏼店家好好送飲品：茶/豆漿/汽水👉🏼涼拌三拼做得比較出色嘅係青瓜，新鮮爽脆酸酸地非常之開胃👉🏼涼拌四拼做得比較出色嘅係海蜇，海蜇無沙不特止仲好爽脆唔會太鹹，確實令人驚喜👉🏼鮮肉小籠包包皮唔會太厚，中間仲有肉汁，食落拍得住台灣某品牌嘅水準👉🏼瑤柱蛋白炒飯啲飯吵到粒粒分明，啲飯唔會好硬亦都唔會好油👉🏼紅燒獅子頭份量好多非常抵食👉🏼瑤柱賽螃蟹蛋白真係做到蟹肉嘅口感同埋隻蛋係流心撈起上嚟好好食👉🏼螞蟻上樹粉絲口感都幾煙韌，撈肉碎可以食好多好多幾位朋友一致決定下次會再專誠再搭車來試其他小菜…Read More

路過所以順便約朋友食日式晚餐由於比較早到嘅關係所以唔使等位👉🏼北海道極濃海老拉麵蝦殼處理得比較好唔使用手去殼，湯方面就比較濃，拉麵沾滿濃濃嘅蝦味，麵方面都比較爽口彈牙。由於係期間限定所以建議大家嚟到一試。👉🏼金鶴.雞白湯沾麵係目前來講唯一嘅沾麵，白白嘅雞湯有濃濃嘅雞味，湯比較滑身唔知係咪有落奶呢？面身比較彈牙，食嘅時候浸一啖湯唔會好鹹。湯亦都有雞肉。叉燒唔會好老亦切得比較薄身，蛋有流心嘅效果，唔夠嘅話可以加錢再嗌。👉🏼蕨餅甜品送咗蕨餅，煙煙韌韌點綠茶粉都幾好味下次嚟嘅時候會試吓其他飯不過依間餐廳主打都係拉麵🍜…Read More

冇諗過五一紅日咁多人。行街行到攰專誠嚟食越式下午茶。想食豬頸肉撈檬，但竟然一早就賣晒有啲失望🙍‍♂️👉🏼越北三寶撈檬撈檬份量唔算少有花生蒜片同埋生菜啊撈埋一齊食非常之爽口，雞翼啱啱好熟中間仲保持到滑嘅肉質亦都好有香茅味,扎肉味道比較特別係喺街市冇見過，不過豬扒就比較多骨有啲遜色。👉🏼椰青好大個好夠凍炎炎夏日來講都算係消暑妙品👉🏼順化湯檬粉鍾意食辣嘅朋友可以叫呢個招牌湯檬粉，建議最好配凍飲因為真係幾辣，湯配檬粉食起嚟都幾惹味。建議大家嚟買外賣因為下午茶都比較多人等，如果可以多啲分店一定會經常去幫襯。…Read More

已經係第二次幫襯由於係early bird所以有優惠店家keep住都有新款update感覺都幾新鮮👉🏼女王的冠冕中間係紅棗做餡食起嚟雖然係mousse但係唔會太膩，皇冠嘅部份係用白朱古力整以為太甜食唔落口但其實白朱古力係牛奶朱古力食物都幾香滑。中間仲有焦糖味脆脆口感好新鮮。唯一美中不足嘅係母親節快樂個牌啲字擠得唔係太靚，同埋個蛋糕盒太大。不過店家都有送埋膠刀同埋蠟燭。下年生日想試壽包蛋糕賣相睇落好似幾靚幾得意。…Read More

由於有promotion三月底book到五月頭先有得食Book嘅時候酒店話盡量比海景位但未必有去到嘅時又有海景位真係超級驚喜雖然係星期六但因應疫情都唔會太多人環境好安靜適合傾偈👉🏼蘋果尊爵茶口感比較獨特澀澀哋但唔會太苦，食完好甜嘅甜點再飲一啖可以消滯👉🏼 high tea set做得比較出色嘅係cone,口感鬆軟配莓果醬唔會太膩，蝦包幾好味口感好新鮮。總括嚟講鹹點做得比甜點出色，賣相唔錯。如果早啲book有海景位嘅話幾好。…Read More