sharonbbchu's Profile

落雨系唔會想去露天嘅地方食野嘅。咁將軍澳中心又返新左，咁就去睇下有啲咩好食啦。本人就唔系好中意啲要排位嘅餐廳嘅，而且一陣又要去睇戲，要排到一陣排到冇得食就慘，咁見到呢間冇人排，但入面都算多人嘅餐廳試下先(申利:我入去食食下就開始多人有人排隊了，好彩)見到有二人餐就二話不說叫左，因為唔想揀，太多野食太吸引啦。叫左個牛扒，帶子意大利飯。前菜有蒜蓉包同沙律，好好味。隻帶子好多粒，個飯都唔系好溜。令我最欣賞嘅系佢嘅牛扒，叫左五成熟，佢煎得超靚，成個邊都系啡色，中間系紅色，又唔韌，好有牛味。正 ，下次可以去試其他。重有個雪糕都好好味。系抹茶牛奶🥛…Read More

去過呢間食過好多次，知佢有好多分店，去過旺角分店試過，但都系覺得黃大仙呢間好食啲。今次去除左食半時最中意嘅木瓜沙律之外，都叫左啲佢新出嘅野食。竹筒飯真系好好食，唔會好硬又有好多栗子粒。但我返而覺得佢個炸豆腐就麻麻啦，唔熱，但系脆嘅都。之後重叫左個炒菜苗、片皮鴨同炸大腸。個炸大腸雖然系齋，但真系整得好似真嘅炸大腸咁。個片皮鴨都好真又唔油。個菜就普通菜味啦，正常。哈哈。最後重叫左個豆沙餅做甜品，佢似平時可以系超級市場買返屋企煎嘅薄餅，但中間有啲豆沙系道。唔甜唔油，值得試。最後諗住買單重有綠豆沙糖水送。好味。如果未試過嘅朋友可以下午去試下，半價好抵，重可以問佢攞張紅色卡片，有九折定知九五折！…Read More

見到禾輋開左禁多新餐廳，緊系要去試下啦！真系會食極都唔厭囉真系。宜家普普通通去個飯冇野飲都要四五十蚊啦，佢呢道50內竟然可以有碗麵、一個蛋糕同一杯野飲真系好抵食。個綠茶蛋糕真系好好味，同出面三四十蚊果啲差唔多。我朋友叫左雪糕果個餐，個雪糕好重奶味，好正。重有食左個便當，好豐富，有香腸有雞翼有天婦羅有飯，重有味噌湯。呢三個餐都系48蚊個，又食得飽喎，真心好抵食。佢啲麵唔會好硬，但覺得佢個味噌湯底就咸左啲咁啦，便當果道啲木魚都系好咸，但整體上真系好好食。佢重有好多餐都好想食，所以會去多啲幫襯。…Read More

系迪士尼玩完一日，緊系要食啲野啦。不過迪士尼太多人所以出左去食。一大班人緊系揀個中間點——旺角啦。但去到又唔知食乜喎，所以是但系一個出口出左見到雅蘭個水牌都幾多野食啊，是但揀左間試下囉。因為我地8個，都算多人，所以要等左一陣間位咁啦，都唔算好耐。岩哂我呢個選擇困難證唧人系門口揀下食乜好。本身好想食長腳蟹果個拉麵架，但佢sold out 左，所以叫左蟹膏海鮮拉麵，佢個海鮮拉麵其實得蝦蝦蝦同蝦😂 都有一舊細細地嘅元貝、魷魚同埋小小蟹肉碎咁囉😂 佢都有比到蟹膏嘅，不過本人就覺得比較溜囉，但佢個蟹湯底系好果嘅，好鮮甜，好多蟹味，下次要去試埋個長腳蟹拉麵先😋…Read More

2018年的最後一日，緊系要食返餐好先去倒數架啦。今日一定會好多人系街食飯架啦，所以要早一早食飯再出去搵個靚位倒數。所以我地6點就去左食飯了。但成日出街食飯真系會唔知食乜好。因為雅蘭近地鐵站，咁就上去雅蘭睇下有乜食啦。而樂天皇朝又幾吸引喎。叫左4樣野食，上海鴨(唔系好記得個菜名，下稱鴨)、原味小龍包、燉雞上海麵同上海炒年糕。 個鴨系個餐牌睇落好似好大碟，但點知黎到唔系囉，同埋本人覺得唔系太好食。個小龍包個皮唔系好厚都ok ga。而個燉雞上海麵就好好味啦，個燉雞湯好有雞味 覺得唔系好多味噌。而個麵嘅湯有小小藥材味，幾好味。個上海炒年糕好多菜好正，又唔油。總括都好好嘅。…Read More

今日去潮樓教會參加boxing love 探訪活動，出隊前去食過快飯先。不過因為我太晏先系屋企食左個lunch嘅原固，所以我都系叫左一個小小嘅野食算了。叫左呢個扎肉蒸粉包。個扎肉就普通啦，同平時系超級市場買返屋企煮果啲冇乜分別。個蒸包我就覺得麻麻地。個皮就似潮周粉果個皮咁啦，而入面嘅餡胡椒粉好似多得濟，啲肉碎變左冇味......…Read More

每年生日啊哥都會帶我去唔同嘅地方食野。今次去酒店食。去道果陣原來呢間酒店系新開嘅。同埋佢嘅地方都幾唔方便，要系葵芳地鐵站搭穿梭巴士再入去。果時禁岩有套餐，所以都幾抵嘅又多野食。叫左個4人餐，都系八百蚊。個餐送左枝紅酒，但本人就覺得麻麻地，有少少難入口。啲菜式就好好味啦。個蒜香牛油炒野菌唔系好油，啲野菌都好有鮮味。個娃娃菜都好鮮甜。而個虎蝦闊條麵嘅虎蝦好肥美，闊條麵軟硬岩岩好。成餐嘅精水就系斧頭扒。嘩，一黎到，好大舊，重大過我個頭。個waiter攞完出黎比我地影完想之後再幫我地切開佢。個扒唔系銀，好好味，可以問佢地搵岩鹽，加埋一齊食，重好食。呢餐，正啊！…Read More

食完野想食啲甜品，系APM行行下見到E有綠茶嘅甜品，就食呢間啦。叫左個抹茶紅豆沙冰。佢系即叫即整嘅，所以要等25-30分鐘。最坐下坐下，又想食雪糕，所以又買左個抹茶牛奶雪糕。抹茶味濃，牛奶都好滑。所以個雪糕系好味嘅。個抹茶紅豆沙冰就麻麻啦。啲沙冰如果唔同埋下面啲抹茶湯一齊食就冇味嘅。但佢比嘅抹茶湯呢就多得濟。同埋兩個人食就覺得好似多得濟。食得多就真系覺得好凍。而間店呢就覺得太細啦，位唔系好多，所以搵位都需要小小時間。…Read More

媽媽生日話想食上海菜，所以上OpenRice 搵下有邊間去試下先。咁就近近地觀塘嘅間啦。價錢都ok ga。我地7點到去，等位都唔算等得好耐。個小龍包包皮都唔厚，但包肉就太多肥肉，所以本人不太喜歡。而個炸銀絲卷就似炸鏝頭多啲，冇一層層可以分開嘅效果。陳醋餚肉本人覺得好好味，好有醋味，肉又夠淋。排骨擔擔麵個麵都ok，但覺得個排骨個粉漿好似厚左小小。其實菜牌好多野都好想叫，好想試，但系得兩個人又叫唔到禁多野，下次去可以試其他。…Read More

又系想食餃子嘅日子啦，系旺角就緊系去我最愛嘅餃掂手工餃子雲吞專門店食餃子同佢個冷麵啦。見佢系荔枝角道開左間分店就去識下啦，應該都唔會有咩分別架啦。入到去，叫左最愛嘅雙拼湯餃(因為本人好中意佢個狀元九鼎湯)韭菜豬肉餃拼粟米豬肉餃同四川涼麵。 佢個四川涼麵都好味嘅，重好大碟添。但系佢個雙拼餃就令我好失望囉。個餃子皮比平時食嘅厚，而且覺得唔系好新鮮。啲粟米唔甜又冇乜味。重有個湯好淡，水多料少。下次都系要去返界限街果間食。不過間店系好光猛嘅。…Read More

又系放Lunch 嘅時間，食黎食去都系果啲，得一個鐘，食唔到啲可以坐好耐嘅野，好啦 見禁耐冇食過冬蔭公公 就食啦 叫左個海南雞飯同雞絲撈曚粉 因為系下午茶所以平好多 啲雞都好滑 下次可以再去…Read More

又系星期日，逢放假都要諗食lunch食乜，其實系屋企附近食黎食去都系果啲真系唔知食乜好 又唔想去禁遠，好啦！咁就食富田啦！去到又唔知食乜好 見個黑松露元貝天使麵未食過，就試下囉 黑松露味都幾重 幾好味 個元貝又大粒 有4粒 價錢都算ok 個蒜蓉包都重味 又脆 正…Read More

肚餓唔知食乜好，突然諗不如食打冷啦。咁就open rice下，睇下有咩潮州餐廳。第一間就系心血來潮，咁就食呢間啦。一去到睇到個餐牌，嘩，啲餸菜名好得意啊！心夜小炒皇好豐富，咩都有，有韮菜菜、蝦乾、白飯魚、魷魚.… 滷水鵝片好入味 好正 蒜蓉蒸大元貝都好新鮮 個啫啫通菜煲好夠熱 食到最後都重好熱 最得意嘅餸就系 蔓頭都有得炒？ 見佢禁得意 睇下伏唔伏先 估唔到禁好食 就算系炒都唔會咬唔到 好脆囉 啲野食真系好正 重有天地壹號飲 不過間店嘅冷氣就大得濟 有點凍😢…Read More

今日放學放早，返緊屋企嘅時候，又系揀食乜野嘅時候啦。唉！啊，突然好想食雲桂香啊，但可惜藍田冇啦，咁近近地系牛頭角落去食雲桂香啦。 叫左碗豬頸肉豬紅小鍋米線，正。豬頸肉好林，豬紅煮得唔老。最欣賞就系佢個湯。有酸菜，酸酸地好開胃。正啊😋😋😋我個fd叫左冬菇鴨腎，冬菇好鮮甜好爽，鴨腎都好爽，正。之前每次去食都系夜晚做晚餐，同埋系旺角食，所以會系飲品店買野飲，今次下午去食，先知原來午餐去食加野飲平啲架，抵😋…Read More

一班人完左聚會，話去食foodcour wo。 Wa，有選擇困難症嘅我真系唔知搞食邊間好。哈哈！唔想食咁油嘅野、又唔想食飯、又唔想食麵，咁就食下好耐冇食嘅八方雲集啦。去到之後，又想食鍋貼，又想食水餃，好啦，要個雙拼啦。就叫左招牌鍋貼同田園水餃，再要左個紫菜花枝丸湯。個招牌鍋貼唔系好多湯，又煎得唔燶wo，好味。個田園水餃都唔差，好健康，不過個人覺得都系鍋貼煎左香口啲。所以久違未食過嘅野，食返都覺得好好味。要去食多啲先。…Read More