恒仔0v0's Profile

「Fika」係瑞典文，意即同朋友、同事，甚至自己一個，放慢腳步、歎杯咖啡，享受片刻悠閒時光。將軍澳嘅 Fika 餐廳正正就帶出呢份氛圍：環境文青舒服，氣氛輕鬆自在，令人食嘢之餘都可以慢慢傾、慢慢歎。⸻🔻 FIKA炭燒西班牙黑毛豬梅頭烤日本甜薯 🐖🍠黑毛豬腍得嚟有咬口，七成熟鎖緊肉汁，入口飽滿。配搭小紫薯係一個肉汁豐盈＋甜香嘅組合，頗有亮點。不過大啡菇嘅處理稍嫌唔太夾，如果加上烤芝士，前調帶甜，食到後段會有啲膩。若果改為獨立煎香大啡菇，保持水份同濕潤感，應該更平衡。⭐️評分：3.5/5⸻🔻 義式生牛肉他他配鵪鶉蛋、多士 🥩🥚🍞調味同配料幾夾，牛肉嫩滑，入口清新。原本以為會有一整粒鵪鶉蛋，但其實係以蛋黃撈混方式上枱。可惜多士唔算太脆，口感稍扣分。整體係精緻，但未去到令人驚豔。⭐️評分：3.5/5⸻🔻 FIKA自家製豬頰肉卡邦尼意粉 🍝🥓全晚最有驚喜嘅一道！與市面大部分卡邦尼唔同，醬汁質地唔會過份濃稠，反而保持輕盈感。自家製豬頰肉鹹香突出，每條麵都掛滿醬汁，食落唔會膩，味道同平衡度都好出色。⭐️評分：4.5/5⸻🌿 整體感受Fika 帶出一種「慢活」嘅感覺，環境文青，氣氛舒適。食材選用上有心思，賣相靚，打卡一流。今次三道菜各有特點，卡邦尼意粉最出色，黑毛豬配搭仍有改善空間。💰 價錢：約$250–300/位以餐廳定位同質素嚟講，算係偏上，整體體驗唔錯。⸻😋食物：3.5/5🍽️環境：4/5💰性價比：3.5/5👣回頭率：3.5/5整體評分：3.5/5#foodie #FoodieLife #DiningExperience #香港美食…Read More

最近見到網上討論區同社交平台都大熱推介牛霸王，已經成為漢堡扒飯界嘅新寵兒。我都順勢跟住熱潮嚟一試，難得平日上嚟冇人排隊，即刻捉住機會感受下呢個「人氣飯山」！入座時職員特別提：「而家用緊宮崎和牛！」——即刻有種賺到嘅感覺🥩✨。上枱一刻，漢堡扒飯高高在上，賣相確實打卡感十足📸不過食完之後，覺得網上吹捧都幾誇張。雖然手打漢堡扒質地鬆軟、擺盤吸睛，但味道唔算突出，牛肉香味淡，距離日本當地或者香港一啲平民漢堡扒專門店其實都有分別。如果想影相打卡，值得一試；但味道方面唔好預期太高。🔻 招牌手打和牛漢堡扒蘭王蛋飯🥩🍚🍳一食就知係手打漢堡扒，質地鬆軟唔會實淨，咬落毫不費力。味道方面有啲保留——牛肉味唔算突出，香氣偏淡，食落少咗主角感。配埋特製漢堡醬汁，定位有啲模糊，味道普通，更多時係蛋汁同日式泡菜已經夠惹味，醬汁變成可有可無，主要作用只係略帶鹹香方便送飯，但唔算有驚喜⭐️評分：3/5🔻 碗底彩蛋🥚🎁食到最後發現碗底有彩蛋，每碗都會抽中唔同獎項，最勁當然係「食霸王餐」——抽中可以即場免費食！不過大部分如送飲品、加配小食等都要下次再嚟先用到，唔係即時兌換，變相要你嚟多次消費🌿 整體感受牛霸王主打日式手打漢堡飯，宮崎和牛＋蘭王蛋賣相吸睛，打卡一流。口感鬆軟但味道偏淡，醬汁未能突出主角。職員有禮，環境輕鬆，彩蛋玩法增加樂趣。適合朋友打卡、食飯傾偈，若求其唔諗晏晝食咩可以一試！💰價錢：約$128/位（午餐）以這個價錢但味道只是一般，性價比不算高。⸻😋食物：3/5🍽️環境：4/5💰性價比：3/5👣回頭率：3/5整體評分：3/5…Read More

平時嚟到葵芳，多數都係喺葵芳掃街🍢或者新都城搵食🍛，但今次就想跳出呢個Comfort Zone，搵間特別啲嘅地方。見到網上好多好評推介Rosie，於是決定親身嚟感受下✨。⁡Rosie坐落屋邨內，裝潢走簡約文青路線🌿，大片落地玻璃自然光☀️，木系設計溫馨又舒服。座位之間空間充足，唔使迫埋一齊，食飯好自在😌，無論同朋友慢慢chill定同另一半安靜食晚餐都啱晒。⁡🔻 蝦多士🦐🍞Rosie嘅蝦多士完全打破我對傳統蝦多士嘅印象！並唔係平時嗰啲蝦蓉夾入炸吐司，佢係炸吐司同大粒蝦分開，上面再加微微泰式調味🌶️，蝦肉鮮甜有層次，配埋金黃香脆嘅吐司，食落一啲都唔油膩。呢種創新食法好特別，係全晚最有驚喜嘅小食！⭐️評分：4/5⁡🔻 香草牛油封門牛肉汁意粉🥩🍝牛肉份量足，口感內嫩，肉味香濃，每啖意粉吸滿特制牛肉汁，成個牛肉濃厚嘅味道出哂嚟。諗唔到食咩意粉，呢樣可以作為首選！⭐️評分：4/5⁡🔻 香煎比目魚配香辣扁意粉🐟🌶️擺盤好靚，魚柳外脆內嫩，魚肉新鮮冇腥味。底下扁意粉有微辣kick，唔會搶主角，反而令整體層次更豐富，甜椒同洋蔥令口感更立體。⭐️評分： 5/5⁡🔻 飲品｜朱古力鮮奶🍫🥛& 青檸薄荷綠茶🍃朱古力奶配上厚泡沫同朱古力碎，賣相打卡感滿分。青檸薄荷綠茶清新消暑，賣相同味道都令人滿意。⭐️評分：4 /5⁡🌿 整體感受Rosie喺屋邨一角，好有鬧市中的寧靜感覺🏙️。服務貼心，職員主動斟水💧。環境舒服，食物有誠意💯，難怪網上咁多好評。無論情侶定朋友聚會都啱晒！若果再加入主食選擇，相信會更受歡迎，但有機會因為定位為cafe，所以以簡單為主⁡💰價錢：約$250/位（晚餐）以cafe嚟講，呢個價錢不過不失！⸻⁡😋食物：4/5🍽️環境：4/5💰性價比：4/5👣回頭率：4/5⁡整體評分：4/5⁡#foodie #FoodieLife #DiningExperience #香港美食 …Read More

最近同朋友踩單車，由大埔出發去屯門，元朗正好係中途站，梗係要停低歎個晏先啦！🌞無意中發現一間新開嘅餐廳——「十年」，主打高性價比西餐，睇餐牌已經覺得幾吸引，當然要試吓啦！😋 🔻封門柳黑椒汁意粉呢道菜真係超出預期，封門柳嘅肉質鬆軟到位，完全冇過熟變韌，牛味濃郁，真係好滿足！🥩 黑椒汁濃郁得嚟唔會搶味，配埋意粉嘅口感同封門柳嘅肉汁，真係一個字：正！💯 ⭐️評分：4/5 🔻蒲燒鰻魚意大利飯雖然唔係頂級鰻魚，但呢個價位嚟講，已經值得一試。🍚意大利飯做咗改良，偏向香港人口味，整得較為腍身，食起嚟更有親切感。🐟 ⭐️評分：3.5/5 🔻BBQ醬烤豬仔脾配薯條豬仔脾略嫌醃製時間唔夠，味道尚算可以接受，但薯條真係驚喜！波浪薯條係現叫現炸，脆卜卜又熱辣辣，鹽味啱啱好，絕對係加分位！🍖🍟 ⭐️評分：3.5/5 午餐仲包餐湯同飲品，凍飲唔使加錢，仲有特飲「袖子蜜」揀，抵食！雖然特飲選擇唔算多，但以價位嚟講，已經非常滿意。🥤🍵 😋食物：3.5/5🍽️環境：4/5💰性價比：5/5👣回頭率：4/5⁡整體評分：4/5 #元朗美食 #元朗餐廳推介 #foodie #FoodieLife #DiningExperience #香港美食…Read More

有日同同事傾開香港邊度有好食嘅拉麵🍜⁡佢就首推呢間位於中環嘅座銀，主打係雞白湯⁡一路聽佢形容飲個湯底就好似索左全雞嘅精華🐣心諗係咪咁堅呀，當晚咁啱經開中環，抱住求真嘅精精去試試佢💩⁡🔻雞白湯沽麵點解唔叫拉麵？🙂‍↔️⁡因為佢哋個沾麵湯底係更加濃郁，整法亦有啲唔同⁡個湯好似整泡沫咖啡咁打到佢起泡，無論係就咁飲或者用麵掛湯都增加左綿滑口感⁡麵上到檯，會見到麵湯分開再加上炸牛蒡+蒜粒⁡第一口點都係飲飲個湯架啦🍜唔飲唔知，一飲驚喜連連⁡成個口腔即刻充斥住雞味，湯入面亦都仲有雞🐣⁡麵底建議揀粗麵，因為咁樣先掛到湯，令每一啖麵都可以沾到湯⭐️評分：4/5⁡🔻溏心蛋食拉麵唔整返隻蛋就係周身唔聚財⁡正常發揮，蛋黃冇過熟⁡⭐️評分：3/5⁡😋食物：4/5🍽️環境：4/5💰性價比：3/5👣回頭率：4/5⁡⭐️整體評分：4/5…Read More

以前見到一堆生粉排隊 但今日路過見到冇乜人排就即管一嘗心態入去🍜⁡我就叫左以下幾款😬⁡🔻日暮拉麵 第一次試就緊係試試店鋪招牌，睇介紹係想重現以京都濃郁湯底作為賣點⁡湯底選用豚骨湯，落單時揀左標準湯底，食落的確感受到濃湯底嘅效果，見我飲哂就知🤪想再重口味朋友可以揀選濃湯⁡麵底建議揀粗麵，因為咁樣先掛到湯，令每一啖麵都可以沾到湯⁡叉燒係采用炙燒方式，之前有睇各路人有講過試到凍肉味，我今次就冇嘅，可能俾人話過有改善⁡⭐️評分：4/5⁡🔻餃子加$35有個套餐，有餃子，唐揚雞，$45就天婦羅無骨雞翼⁡我自己就揀咗餃子，佢個做法係王將咁樣，整到冰花出嚟⁡餃子餡唔係去到好足，但味道搭救到，係鮮嘅豬肉味，食落亦唔油膩⁡⭐️評分：3/5⁡🔻溏心蛋食拉麵唔整返隻蛋就係周身唔聚財⁡正常發揮，蛋黃冇過熟，要講特別就係蛋身有貓掌圖案⁡⭐️評分：3/5⁡🔻黑豆茶食完麵，飲完湯，再飲黑豆茶係幾解膩，加埋標榜0卡0糖，即刻覺得健康左先啦⁡⭐️評分：4/5⁡整體評分：3.5/5…Read More

睇到眾多食評都有讚，適逢小弟生日就試試佢🎊訂座方面就可以直接OpenRice 所以好方便，訂座時亦可以remark 聚餐主題，例如今次生日，餐廳之後就會問想畫咩公仔🧸今次我哋四人去食，所以就直接叫左個鹿兒島四人前套餐，食材方面就有基本野，和牛，龍蝦，鮑魚食物水平都高，經師傅烹調過，係可以食到食材本身嘅味道值得一提嘅係個龍蝦湯🦞，因為係烹調蝦肉後，師傅會將蝦頭，蝦尾放係湯入面，而經過長時間浸泡，蝦肉鮮甜嘅味道係入哂落個湯度🥰唔會出現湯水同蝦味分開嘅問題昆布忌廉汁鮑魚都有驚喜，因為配上昆布，個汁唔係好濃反而有種淡淡清新嘅味道，再配上鮑魚本身有咬口嘅口感成為一道唔錯嘅前菜👍🏻最後係佢特別嘅甜品，即製嘅紅豆銅鑼燒🫘由於即製個餅，熱度同軟熟度係啱啱好，加上唔係死甜嘅紅豆餡，食完咁多主菜後再食都唔會覺得好漏，為呢餐畫上句號🥳而有幾樣野我都有少少挑剔位🤏🏻如果有改變嘅話，我會覺得個用餐享受更上一層樓😎📌套餐提供嘅鵝肝係好大舊，肥美，係正嘅，但如果上盤小菜有經典嘅焦糖蘋果嘅就好啦📌雖然餐牌有寫上有咩食材，但如果師傅可以烹調前再略略簡單簡介同嚟緊會點樣烹調，多少少講解我相信個用餐體驗會更好📌呢個就雞蛋裡挑骨頭嘅🐒知道生日或者特別日子去，餐廳會叫師傅係鐵板上畫你鍾意嘅公仔本身諗住係會見到師傅係面前畫嘅過程，事實上師傅會預先係另一個位畫好，店員到時再邀請你行去同公仔影相📸同時幫你曬一張相俾你紀念總括然而，特別日子過嚟會係一個好好嘅選擇❗️完…Read More