店舖雖然細，但係店內氣氛有濃厚日本居酒屋風味，亦都感受到老闆對食物質素嘅要求。值得推介嘅有飛驒牛，阿古豬，兩款肉都有濃濃嘅肉汁，肉質鮮嫩，配合埋自家製嘅醬汁更加提升肉嘅鮮味！仲有鰻魚飯，超大條嘅鰻魚，肉質嫩滑充滿油香，個汁調較得啱啱好，唔會蓋過魚嘅味道！玉子燒更加係冇得彈，蛋味濃郁又滑溜溜！而蠔飯嘅水準亦相當高，鮮味十足！海鮮烏冬嘅海鮮亦都好新鮮，湯底好鮮甜，加多隻滑蛋確實別有一番風味！前菜小食例如手羽好嫩滑，螢光魷魚刺身新鮮爽口，不妨一試！至於飲品方面，巨峰提子汁簡直無得彈，果味濃郁，唔會淨係得甜味。而萬家清酒更加係值得推介，佢比起一般嘅清酒更加純厚，易入口！其實一邊嘆前菜小食，一邊等主菜上枱係好合乎邏輯，因為烹調食物需時，假如大家趕時間嘅話就冇謂去試喇！老闆對烹飪係好有要求，所以真係睇唔過眼，見到有啲評語太吹毛求疵，雞蛋裏面挑骨頭喇！既然要上菜快嘅話，我建議去大家X或者大快X算啦！萬家廚房係居酒屋，唔係快餐店呀唔該！一間富有人情味，食材又高質，味道簡直媲美日本當地師傅嘅手勢！以地道日本食材嚟講，價錢合理！老闆友善親切，又會講解日本一啲地道風味嘅知識，呢間小店絕對值得各位親身去試吓！…Read More
