fcnga's Profile

行行吓街個陣 經過呢間餐廳覺得好靚 於是乎就入去試吓先 點知出嚟嘅味道又幾好味喎 而且環境仲岩哂打卡添😛我哋叫咗2個BRUNCH SET，每個BRUNCH SET都有頭盤、主菜加飲品，一定夠哂飽😝第一個BRUNCH叫咗南瓜餐湯、三文魚班尼迪蛋牛角包配凍齋啡。南瓜湯好creamy且面頭仲會有啲南瓜籽添，飲落有咬口。三文魚班尼迪蛋牛角包個班尼迪蛋整得岩岩好熟，配埋新鮮嘅煙三文魚加牛油果醬，牛角包食落仲係脆卜卜，呢個配搭簡直冇得輸，杯凍齋啡都幾好飲🤪第二個BRUNCH叫咗烤黑松露蘑菇球、早餐蕎麥薄餅配熱朱古力。個蘑菇球炸得好香口且帶點好濃郁嘅黑松露香味，蕎麥薄餅同以往嘅薄餅好唔同，用蕎麥整嘅薄餅又係脆口，加埋面頭西班牙火腿、雞蛋、雜菌、蕃茄同芝士嘅配搭，食落好有咬口同味道都幾match😜熱朱古力好濃郁配埋條餅乾浸落杯朱古力到一齊食，食完呢個BRUNCH非常滿足感😎…Read More

.平時千之味嗌壽司外賣返屋企食得多 原來千之味出咗放題 當然要試試佢啦餐廳係用qe code落單 非常方便 而且種類仲非常多添有任食刺身、壽司、卷物、爐端燒、飯類、沙律、小食、炸物仲有升級 任食海膽、藍鰭吞拿魚、鵝肝 + 任飲生啤清酒放題食到嘅壽司、刺身同平時叫開外賣嘅都係一樣咁高質嫁😋由15/4開始試行210分鐘放題，觀塘限定！收費成人$328-$388，小童$188，加$198可升級至任食海膽、藍鰭吞拿魚系列、鵝肝。任飲生啤清酒+$18/位，需全檯一併升級。網上訂座，出示當日任何交通收據，每位平$20。星期一至五 5:00pm 及 星期六日 11:00am 後「泊車優惠」：只需消費滿$300即可有2小時免費泊車優惠。觀塘店更設有電動車中叉 $20/hr，可以邊食邊叉電。…Read More

📍啖啖燕窩 (永顯工業大廈)(香港)地址: 香港新蒲崗彩虹道226-228號永顯工業大廈地下C3號舖🌟餐廳甜品全部都係每日新鮮製作嫁🌟巳經係第三次幫襯啦🤩✨今次分別叫咗：拉絲麻糬芒果椰汁西米露北海道3.6牛乳鮮奶凍3.6牛奶木瓜燉桃膠魚腐竹卷、牛丸花膠蕃茄湯米線個米線超多花膠呀！食完覺得自己皮膚好滋潤哈哈🤭真係食過番尋味呀 下次要帶埋屋企人去食先 正呀😆環境乾淨 仲有幅打卡牆比大家任打卡添呀😎…Read More

⭐️澳門朋友話要帶我去食澳門依家唯一一間同時提供正宗西班牙與地道葡葡牙菜的餐廳 —— 唐吉柯德🇪🇸🇵🇹｜唐吉柯德餐廳嘅環境舒適 令人有種好放鬆嘅感覺 適合情侶或一班人去聚餐 今次朋友仲幫我揀咗幾道菜式比我試😋⭐️燒雞：火喉烤得啱啱好 燒雞 外皮烤到脆卜卜 肉質就鮮嫩無比 可口又多汁😛⭐️葡國八爪魚飯：用咗葡國嘅煮法 同平時食嘅海鮮飯有啲唔同 啲飯亦有好濃郁嘅海鮮味 口感好豐富😝⭐️白汁蟹肉扇貝：啲扇貝蒸到好鮮甜且蟹肉好鮮香 配埋濃郁嘅白汁 好味到食完一啖又一啖😜⭐️西班牙海鮮墨汁天使面：海鮮嘅鮮味同醬汁嘅味道好夾 加咗墨汁烹煮 天使麵吸收哂墨汁嘅香味 令人感受到異國風情嘅味道🤪⭐️白烚西蘭花椰菜花：食完啲濃味嘅食物 想食返啲比較清淡嘅蔬菜 可以解油膩 都幾唔錯😆…Read More

嚟到澳門 當然要試吓葡國餐廳 今次呢間餐廳叫葡富軒 餐廳位於氹仔 喺銀河酒店步行10分鐘就到餐廳 地點位於大楷兩層樓高 充滿着葡式嘅藍白色瓷磚嘅設計 再配以西方嘅畫作 加埋餐廳燈光柔和 葡萄牙風格嘅裝飾令人彷彿好似身處喺葡萄牙嘅感覺😛⭐️前菜 白酒忌廉煮蜆用忌廉汁煮嘅汁夠creamy 且啲蜆食落好新鮮 食緊個陣仲會散發着好香嘅白酒味😝葡萄牙煙燻火腿葡萄牙煙燻火腿嘅烹調方法好特別 Pata Negra火腿經過24個月嘅醃製 香濃嘅味道令人食完一塊又一塊 食落肉質幼嫩 鹹香四溢😜⭐️主菜烤乳豬配薯條及沙律乳豬嘅皮烤到脆卜卜 而且薯條仲係將薯仔切成一片片再去烤 一片片嘅薯條食落口感好特別 薯條炸到香脆可口 配埋有獨特調製嘅醬汁嘅沙律一齊食 食落唔會好油膩 仲好fresh添😋葡式白酒風味什錦海鮮扁麵海鮮扁麵用咗葡式嘅白酒去煮 令到每一條麵條表面都掛汁 而且質感煮得啱啱好 海鮮都好新鮮😎⭐️甜點火焰橙酒班戟用咗火焰嘅特別方法，再配埋橙酒整嘅班戟cake食落好香橙酒味 旁邊仲有士多啤梨同幾塊橙 食落幾特別 仲有塊食用花做點綴 令到成個甜品都好靚🤩食哂所有前菜、主菜 一定要加返甜品先係最完美😍⭐️飲品葡萄牙水果酒葡萄牙嘅水果酒清新可口 飲落仲帶有水果香味 飲完之後感覺好fresh😌葡富軒特調葡富軒嘅特調味道好獨特 飲落清爽得嚟又不失風味😆呢間西餐廳位於澳門氹仔舊城區 主打係正宗嘅葡國菜 經常都full booking 所以去之前一定要訂咗位先 店入面環境寬敞且舒適 分咗上下兩層 裝修帶點高貴優雅😛⭐️葡式傳統薯蓉青菜湯每日新鮮嘅烘焙麵包食落外脆內軟 仲配咗自家製嘅香草牛油同橄欖🫒呢個青菜湯用咗傳統嘅葡式煮法 採用甘藍菜切成碎 加咗葡國嘅腸增添咗個湯濃咸味道 薯蓉煮到好綿滑 仲加咗洋蔥、黑胡椒、大蒜等嘅調味料 味道飲落好鮮甜😝⭐️炙烤馬介休原來呢款咁特別嘅菜式係烤葡式鱈魚“Lagarerio”風味 一大塊帶皮嘅鱈魚鋪滿充滿住咸香嘅澳門傳統馬介休 突顯魚扒豐富嘅油脂甘香味 食落入口即溶 伴菜仲有西蘭花同車厘茄 平衡返個油膩感😜⭐️白酒蒜蓉炒蝦原來加咗白酒炒嘅蝦好香甜 而且仲落咗好重料嘅蒜蓉 啲蝦肉夠爽口 幾好食🤪⭐️葡式焗鴨飯澳門嘅傳統菜式之一 金黃微脆嘅焗飯吸收哂用新鮮鴨骨熬出嚟嘅湯汁 飯入面仲鋪滿新鮮嘅鴨肉 鴨肉鮮嫩多汁 面頭仲有油香好重嘅葡式香腸同煙肉😋⭐️葡式經典木糠蛋糕呢款葡式同平時食開嘅港式嘅木糠蛋糕嘅味道有啲唔一樣 餅乾嘅香脆配埋軟滑嘅cream一齊食非常夾🤩⭐️無酒精飲品Apple Cooler飲落酸酸甜甜 青蘋果嘅味道好清新 梳打水充滿住清爽嘅碳酸氣泡 飲落都唔錯😎Fruit Punch 用咗多種唔同嘅水果特調而成 包括石榴、菠蘿同橙 味道飲落酸酸甜甜 充滿住層次感😆…Read More

喺西環做完嘢之後 好似好耐冇食日本嘢 經過呢間居酒屋 一於試吓先 原來呢間餐廳叫八合目居酒屋🏮居酒屋裝修幾闊落 坐得幾舒服😌⭐️牛油果軟殼蟹卷一啖咬落去嘩咗一聲！軟殼蟹炸到好香好酥脆 軟殼蟹外面包住香滑嘅牛油果 口感食落超豐富 加埋微酸嘅醬汁 味道真係好好味😜⭐️炸芝麻雞翼啲雞翼炸到香脆可口 又夠晒味 面頭仲灑上芝麻 食落好香 有種外脆內軟嘅口感 佢仲會有嚿檸檬放喺旁邊 想酸酸地又可以落啲檸檬汁😛⭐️雞皮串燒呢個雞皮串燒絕對值得一試！外面烤到好香脆 咬落去啲肉汁必晒出嚟😂再配上特製醬汁 味道好特別😋⭐️壽喜鍋壽喜鍋岩哂冬天凍冰冰食呀 個鍋裏面啲料都好足 啲牛肉食落亦唔會好嚡 個汁仲甜甜地 幾開胃🤤…Read More

⭐️今次嚟到呢間係葵芳嘅打卡cafe - ROSIE 夜晚收工都嚟到 因為係閂9pm嫁 中意pasta嘅一定要嚟試吓 餐廳認真做好每一碟意粉 用到親民價食到高級嘅意大利pasta 有別於其他連鎖店😛✨濃汁法國黑松露蘑菇貓耳朵粉貓耳朵粉軟硬度煮到岩岩好 食落好彈牙 配埋法國煮法嘅黑松露醬汁好夾 充滿住濃濃嘅香味😝✨蒜香雞翼（6隻）蒜香雞翼嘅外皮炸到金黃香脆 咬落去仲即刻爆汁添 但食落又唔會有油膩嘅口感😜✨朱古力心太軟配開心果意式手工雪糕呢個甜品食落比我相像中夾 意式手工開心果味嘅雪糕唔會太甜 配撘香滑嘅牛乳cream同熱辣辣嘅心太軟 口感好夾🤪✨熱抹茶鮮奶抹茶鮮奶飲落好香滑 又帶黑濃郁抹茶味又唔會好甜 仲有靚拉花添😎✨凍美式咖啡（果香味）第一次飲有果香味嘅咖啡 感覺好得意有咖啡味之餘又帶點果香 口感好特別🤩…Read More

.📍Homeland (荃灣廣場) (荃灣)荃灣大壩街4-30號荃灣廣場B1樓B109-B110號舖荃灣有間食西餐有得畫碟勁吸引 於是約埋個fd一齊去食 裏面嘅環境色彩繽紛 且佈滿乾花 充滿住少女心💕打卡影相就岩哂啦 今次叫咗好多主食、小食同甜品 好味道賣相又好睇👍🏻一定要再encore😝✨香脆炸薯條✨芥末蜜糖醬配酥脆炸雞翼✨松露牛肝菌雞肉芝士薄餅✨焦糖無花果伯爵茶奶蓋芝士蛋糕✨蜂蜜柚子檸檬梳打✨熱抹茶牛奶…Read More

今次嚟到西貢WM HOTEL裏面嘅一間西餐廳 叫M Square 呢間西餐廳好特別 有得篤波同有幾個大螢幕比大家睇運動比賽 例如足球⚽️同拳擊🥊 氣氛都好😛✨Pulled Pork & Pineapple ，用咗手撕豬肉、紅洋蔥🧅同菠蘿🍍豬肉食落唔會好「鞋」 薄餅嘅餅底好脆 加埋洋蔥同菠蘿嘅配撘 都幾好食😝✨Black Truffle Cheese Chips 黑松露芝士汁薯條，薯條上面鋪滿哂芝士 除咗黑松露醬 仲好貼心準備埋茄汁 可以2邊一齊「沾」嚟食😜✨Wild Wings 炸雞翼配蜜糖是拉差醬 & 青瓜酸忌廉 呢2個醬汁都幾特別 岩哂唔同口味嘅大家🤪✨Super Oreo Milkshake 曲奇奶昔 飲落好重曲奇味 好似飲緊曲奇味嘅雪糕咁 面頭仲放咗2塊曲奇作點綴 好好味😋✨ Tiramisu pancake 用咗厚pancake、Tiramisu醬、燕麥松子仁&咖啡糖漿 食完咸點一定要食返個甜品先夠perfect👍🏻…Read More

平時同朋友開party 唔想自己煮 一定要叫到會😛試一間新開 叫PNE Food嘅到會😝款式都有好多選擇 最後叫咗10款嘅食物😜當中有小食、飯、麵、沙律、冷盤同甜品🤪每一盤嘅份量都好多 而且味道都幾好食😎✨A10 七彩韓牛拌飯(1.5磅)✨B6 德國豬牛雞洋腸拼盤(1.5磅)✨C3 鮑汁燴素海參釀墨魚滑(9條)✨D2 黑松露炒蘆筍、鮮百合、翠玉瓜(1.5磅)✨E2 銅鑼灣避風塘炒風沙骨(9件)✨E4 香辣京蔥爆炒鹽燒牛舌(1.5磅)✨G3 泰式酸辣無骨鳳爪(1磅)✨H2 西班牙火腿 凱撒沙律(1磅)✨J2 荔枝蟹肉撻配飛魚籽(9件)✨K5 香芒布甸配爆珠(12杯)🌟大家開party不坊請吓呢間PNE Food嘅到會呀🌟…Read More

✨經過元朗千色見到呢間專做外賣韓國菜店 原來係兩位韓國媽媽主理 口味一定非常地道呀 而我哋今次就揀咗個兩至三人套餐A😋✨辣豬肉紫菜飯捲飯捲入面有滿滿嘅食材 有青瓜、紅蘿蔔同雞蛋等⋯當然唔少得仲有辣豬肉 口感好fresh且唔會好油膩😛✨人蔘雞湯韓國人四季都會飲人蔘雞湯 佢哋會因應季節放唔同材料 原來人蔘雞湯可以補氣血同提升免疫力 呢間嘅人蔘雞湯嘅雞肉燉得好嫩 細細力咬就斷到 啲湯仲散發米酒、糯米香同人蔘味😝✨甜辣無骨炸雞酥脆嘅無骨炸雞加上甜而又不辣嘅醬 食落唔會太辣 同食完唔會有種好油膩嘅感覺😜✨新鮮辣泡菜新鮮辣泡菜味道岩哂我胃口 偏辣且泡菜帶點爽脆 份量都幾多 連埋飯或麵一齊食 好惹味🤪✨飲品就揀咗濟州橙汁同甜米露 雖然係罐裝飲品 但都好有韓國嘅味道😎✨辣炒年糕年糕煙靭且又有咬口 入面仲有魚糕片同水煮蛋 撈埋同啲辣醬一齊食都幾好味又惹味🤩…Read More

✨呢間Flat Mountain Cafe位於天水圍站對出E2出口 行大約2分鐘就到 超級方便😛✨煙燻三文魚全日早餐份量超大嘅All day breakfast 包括有煙三文魚、牛油果、粟米、茄汁豆、煙肉、牛角包、沙律菜同滑蛋😋牛油果用咗澳洲嘅 果肉唔會好淺色 且食落又滑香；滑蛋炒到半熟亦非常出色；牛角包食落微暖香脆😝✨經典安格斯芝士漢堡Mega size嘅漢堡扒肉汁四濺 非常juicy 配料仲有蕃茄、芝士、生菜同千島醬 而餐廳用咗蕃薯條代表咗普通嘅薯條 外脆內軟且味道香甜😜✨Matcha Latte杯matcha latte嘅拉花好靚 抹茶味都好濃 雖然抹茶味好濃 但又唔會濃到有苦澀味 唔會話好甜🤪✨白桃梳打飲落白桃味都好重 食完嘢飲返杯梳打可以解油膩 岩岩好😌✨Milk Chocolate ICE朱古力同牛奶嘅比例溝得啱啱好 牛奶唔會蓋過咗朱古力嘅味 都不錯😉…Read More

✨呢間bookmark咗好耐嘅cafe終於有機會去啦 係位於上環日系昭和風嘅cafe - 稍息 Relieve😆嘗試放慢腳步 同朋友邊傾計邊食嘢 稍作休息😴✨入到鋪頭 會見到微黃嘅燈光同懷舊風嘅佈置 令我哋好似置身咗70,80年代 比我一種又復古而不實嘅氛圍😛✨卡邦尼烏冬第一啖食落好重卡邦尼味 加咗蛋黃一樣咁好食 烏冬幾煙靭且唔會好乾 仲有好重黑椒味😝✨蜜糖雞翼雞皮烤到好香脆 蜜糖仲搽滿晒成隻雞翼 搽得好均勻 味道又甜又咸 口感好得意😜✨稍息昭和布丁配雪糕布丁賣相夠哂精緻 口感比較實 不過味道唔會太甜 放上面嘅香草雪糕夠晒濃郁🤪✨開心果朱古力窩夫 半份驚全份食唔晒 所以叫咗半份份量 整體賣相同味道都唔錯 好多開心果碎 食落好有咬口😋✨Hot Milk chocolate 個拉花好靚 牛奶朱古力飲落都幾濃郁 濃郁嘅牛奶味同甜甜的朱古力好夾 飲完一啖後口入面仲keep住甜甜嘅可可味😎✨昭和富士山一睇到呢杯特飲覺得好靚 味道飲落好清爽 面頭個雪糕連埋一齊飲 好味道🤩…Read More

✨開Party點少得食甜品 知道尖沙咀「宏」出咗外賣甜品 特登過去買個返屋企食😛見到Tiramisu蛋糕好吸引 所以要try try😝✨Tiramisu蛋糕食落好香咖啡味 昇華咗咖啡嘅香氣令成個蛋糕嘅層次感提升咗 加上咖啡同奶油mix埋嘅味道岩岩好 食落口感仲好幼滑添😜✨「宏」嘅外賣包裝精緻又方便 拎到返屋企都仲係好穩陣 開出嚟影相仲keep到 食完正餐再食甜品係必須嫁 呢個Tiramisu蛋糕絕對為party增添不少色彩🤪…Read More

.📍泰廚泰國菜館旺角通菜街126號地鋪✨旺角正宗泰國菜 - 泰廚屹立係旺角多年嘅老牌泰國菜 位置超方便 而且串燒仲係即燒添😛每次經過旺角寵物街前都會聞到好香嘅串燒味😝✨泰廚仲推出『一元任選4款菜式』，超級抵又好食😝✨二人套餐都係$188炸😆餐廳有咖哩軟殼蟹、泰式古法烤槽魚、冬蔭公湯同生蝦刺身等招牌菜 生蝦刺身仲係每日新鮮😜✨泰式下午茶 串燒餐都係$34炸😆下午茶仲會送香茅冰添😎供應時間係14:30至17:30 ✨而午餐亦有優惠 $99就有明爐烏頭配白飯 包青檸冰 or 香茅冰🤪…Read More