IsabellaKwan's Profile

想食串燒，見OpenRice 有得訂座又有9折，揀咗呢間。坐低見個環境幾光猛，坐得舒服。手機落單，另有紙本Menu，方便閱讀。食物方面，調味剛剛好，唔太鹹。店員亦會先詢問客人辣度要求。全部串燒都睇得出係好用心燒。牛肉豬肉都好好味。紅柳枝羊肉串好有羊味。沙嗲尤其出色。茄子好多肉。海鮮係每日新鮮來貨，所以叫咗啲嚟試吓。魷魚好好味(唔記得咗影相）。扇貝都OK。最後叫咗個本人至愛的芝士年糕，係我鍾意嗰種濃濃嘅芝士而且唔甜，正！整體嚟講，食物質素好！服務好！會再返嚟！…Read More

由於近排減肥轉左low carb/ keto diet, 所以揀咗食炸雞。銅鑼灣選擇都幾多，最後揀咗可以喺OpenRice 訂位嘅Goobne. 一入坐被帶到角落，原來柱後面有張2人枱，係一個semi private嘅落地玻璃海景窗口位！ 簡直係一個無敵打卡位！我們兩個人點了1份half half 炸雞 （甜辣/蜜糖）加1份檸檬地中海沙律。呢度啲炸雞係焗嘅，比炸健康好多。啤酒有買二送一。正呀！ 仲要係生啤！整體來講非常滿意！…Read More

早幾日試咗呢間新開嘅車仔麵。兩個人叫了兩碗，試吓佢哋唔同嘅餸: 牛腩、牛丸、雞翼、豬皮、同魚腐。牛腩入味，夠淋。瑞士汁雞翼大大隻，夠入味又嫩滑。豬皮夠爽。呢三樣值得推介。牛丸同魚腐正常，不過不失。湯底略嫌有點淡。不過我覺得都ok，至少食完唔會口渴。粉麵嘅份量，女仔來講係夠嘅。男士可能會覺得唔夠。另外叫了兩個小食，咖喱三寶好好味，咖喱汁好正。下次如果唔叫小食，可以試吓咖喱魚蛋加落個麵做餸，或者直頭要咖喱湯底（如果唔怕辣）。地點算近宋王臺地鐵站，5分鐘左右就到。門口有個小空間，上次見到有隻狗仔喺外面等主人食麵。總括嚟講，我覺得係一間有誠意嘅小店。值得支持！…Read More

食過這間燒味店幾次，堂食、外賣都試過。尤其推介叉燒及燒鵝，非常好，回味無窮！上次買了燒鵝飯外賣做午餐。返到屋企先發現，師傅斬咗隻髀俾我。😊 係燒鵝髀啊！🪿開心了一整天！！！😋今晚無時間煮，買了燒肉及切雞做餸。燒肉皮拎到返屋企仲係脆，肉質嫩滑。有少少鹹，送飯啱啱好。切雞肉嫩，皮同肉中間仲有層啫喱添！喺呢區嚟講，呢間燒味算好好食！值得推介。鋪位入面座位唔多，所以通常都係買外賣，返屋企舒舒服服咁食。…Read More

經過這間餐廳很多次，終於有機會第一次幫襯。裝修有點舊，但很舒服。坐下有點需要慢慢enjoy食物的感覺。雖然訂抬有$50優惠，我們還是點了兩個午餐。頭盤有大蝦沙律或蘑菇湯，主菜選了大蜆意粉及豬扒。另可選甜品或飲品。我們選了咖啡及tiramisu。老闆很熱情介紹menu. 服務十分好。大蝦好好味。湯是自家製蘑菇湯，沒有加粉，原汁原味。意粉好味。大蜆ok. 只是有一隻有少少沙。豬扒ok. 薯條好味。咖啡及甜品都ok.…Read More

假期吃了一個悠閑午餐。餐廳環境舒適，有cafe的感覺。lunch set 很多選擇，我選了沙律及慢煮牛腩burger (regular) - menu 寫R or L, means regular/ large, not right/ left 😅沙律好有心思，竟然加了quinoa，感覺好健康。Burger 好味，用牛腩代替肉碎，有驚喜。肉夠淋，醬汁又好味。薯條炸到剛剛好，正！餐飲要了peach tea, 店員話自家製，所以試吓。真的有蜜桃肉呢。另加了甜品，是tiramisu。不是傳統那種。－層cheesecake加－層海綿蛋糕，不過不失。整體來講非常好，可以再來。…Read More

約咗好耐的飯局，想搵間好餐廳，可以享受美食之餘，又可以傾到計。最後揀咗這間居酒屋。餐牌食物種類豐富，環境舒適，服務又好。性價比極高。今次試了枝豆，雞泡魚乾、魚生set、雞肉串、牛舌串、煙肉蘆筍串、雞軟骨串，芝士年糕串、及牛腸鍋。當然唔少得加支清酒啦。魚生好新鮮，拖羅入口即溶，正！串燒燒得啱啱好，唔會太鹹。仲好窩心咁將個個免治雞肉串切開一半。最後點嘅牛腸鍋，牛腸夠淋，又多菜。樣樣都好好食😋雪糕口味選擇都幾特別，有海鹽味，不過我本人還是較喜歡綠茶味。這餐飯好滿足。一定再嚟！…Read More

基本上每次來這家餐廳都會點這個salmon and avocado eggs Benedict. 加上Hashbrown 底非常香口。保持水準，直得一讚。地方闊落，坐得舒服。…Read More

今日又試新餐廳。餐廳裝修跟之前差不多。比以前，冷氣有改善，但仍有點焗。食物方面，很有驚喜。salad點了一個叫kohlrabi，apple and shrimp。kohlrabi中文叫球莖甘藍。味道似白蘿蔔帶少少苦味。加埋啲醬汁，好清新。但本人比較喜歡有菜葉的salad。主菜點了carbonara pizza (不是pasta)。半生熟雞蛋加bacon，鬆脆的pizza底，加少少chili flakes好味又唔膩。整體感覺很好。下次來會試吓手工啤酒。…Read More

新開張諗住lunch 入去試吓，裝修環境還可以，但是服務質素有待改善。點餐後叫了兩杯水，過了20分鐘，要再提侍應，先記得攞。亦沒有主動加水。上菜慢，成半個鐘先有上菜。食物方面，質素一般。點了個big boy burger, 肉質一般而且太乾。另外點了eggs Benedict. 味道賣相OK。蛋略為有點過熟，一隻有流心，一隻冇流心。飲品方面，smoothie 味道似藥水。這個價位會希望是新鮮生果，唔係糖槳。這類型西餐廳，同區還有其他更好的選擇。…Read More