喺長沙灣睇完戲就試一試呢間野。我同老婆叫左個三文魚帶油甘魚丼飯，兩串肥牛蘆筍，一串雞皮，兩皮明太子雞髀肉同埋兩串雞翼。仲有兩杯生啤。個丼飯，好一般，三文魚比左六塊，但好普通無乜味道，油甘魚又喺無乜味，喺得帶子有小小帶子味道。同埋好細碗。 雖然可以追加飯但都無魚生送飯，所以作用不大。 兩杯生啤都算細杯，如果大杯d，性價比會好好多。成晚嘅串燒除左肥牛蘆筍燒得好食，其他唔掂。雞翼乾到乜咁，明太子雞脾肉喺雞肉串，唔喺一舊舊嘅雞肉。雞皮好脆但，好細塊，一咬完就無了。最後埋單要640。 嗯..性價比好唔夠。另外舖頭無洗手間，要去隔離廣場，好唔方便。唔會有下次。…查看更多
