cswan12's Profile

放工唔知食咩好就又去多次itamama試吓其他野叫左個龍蝦茄汁焗豬扒珍珠飯:)不過不失啦，味道有啲似一x 焗豬扒飯，豬扒好夠淋然後又叫左個星期二精選BBQ 醬汁炸豬肋骨配薯菜，薯條好似食，但個豬肋骨有啲似辣叉燒，肉好乾，啲蔬菜無乜味都幾難食飲品唔講了，無咩特別…Read More

兩個人叫左同款但唔同餸既麻酸米線配響鈴，個湯底比想像中有驚喜，有麻辣既感覺但又唔會好酸，好開胃🤤而響鈴吸哂啲湯汁好好食，個麵既份量好大，差啲食唔哂。呢間野食過幾次幾次都覺得唔錯，但唯一問題係要手機落單，但坐到最入面電話就會收唔到😅都係要叫返職員幫手…Read More

係度叫左個炸雞髀配薯條下午茶，隻雞髀都炸得幾脆既但就細隻左啲，啲薯條得表面個幾條乾身啲其他都林哂同好油，而杯奶茶好夠凍，但就淡到好似飲緊茶水咁，但佢勝在夠平，而員工啲服務態度真係好差，好似爭佢錢咁…Read More

日日都想打邊爐但又唔想夜晚排太耐，所以揀左lunch 去食牛大人牛大人除左放題之外仲有lunch 定量放題但時間就得60分鐘我地叫左兩個唔同湯底，一個係台中蒜頭雞鍋 另一個係牛夫人秘方麻辣鍋，麻辣鍋叫左中辣，已經好麻好辣夠哂惹味，而蒜頭鍋有好濃既蒜味好香個湯好飲，兩個餐都係88蚊和有兩盤豚肉，豚肉好林，滾耐左都唔’鞋‘,雖然肉只係定量但出面啲配菜都仲係任食，飲品任飲！而依家仲做緊優惠like ig 送珍珠奶茶，拎左一杯但覺得麻麻地，都係冷泡茶好飲啲。岩哂想打邊爐但又細食既人…Read More

呢幾日特別想食韓式炸雞同pizza,行過又見pizza maru 唔洗等位就入得就即刻入左去試打開menu睇，pizza 同炸雞都好多種類揀唔到就試下新野啦叫左蒜香甜辣秘制炸雞同薯角炭燒雞肉芝加哥pizza Pizza 雖然寫住唔辣，但啲雞肉其實有啲微辣，個杏仁片同pizza 好夾，增加左口感，而個芝心派邊好軟芝士好厚，叫左regular 但食完兩件都已經好飽，而炸雞好香好脆，原本打算打包返去食，但實在太香都忍唔住食多兩件，炸雞皮好薄肉好嫩太好食了，又唔似平時啲甜辣炸雞咁漏好容易就食多左…Read More

天熱咁熱返學前又唔想行到咁遠，就去左呢間貓貓做主題既餐廳😍太熱既關係叫左個胡麻冷烏冬再配凍豆腐定食個定食有沙律前菜同野飲，仲有份甜品添😍份烏冬上面配左粟米片本身以為會好奇怪，但食落除左增加左口感之外仲多左份清甜沙律都好新鮮，蛋糕又好食，杯杯碟碟仲係貓貓造型😍身心都得到左療癒…Read More

難得早放所以係上堂前去左勇記睇下有冇雞食結果好彩仲有雞賣！咁坐底之後就即時叫左個招牌海南雞飯食，本想餐飲有跟野飲/椰子雞湯，但因為太遲去了椰子雞湯賣已經無哂🥲唯有下次再早啲然後海南雞一如既往又滑又嫩！配埋個醬好下飯，一啖雞一啖飯一陣就食哂…Read More

星期日下晝唔知食咩行過見到過新開左間臺灣餐廳裝修得好靚，餐廳入面仲好闊，坐得好舒服叫左個手抓餅pizza,好白好脆好好食仲叫左碗滷肉飯，碗飯好多汁，啲肥膏整到肥而不漏成餐飯好似去左之台灣咁…Read More

放工成家人出街食，見佢個晚餐都幾抵食咁，就嘟左兩個餐呢款係黑松露帶子野菌忌廉意大利飯，就咁睇賣相好似麻麻地，原本以為得一粒帶子，但食食下發現原來有兩粒係堆飯入面😅，不過意大利飯軟硬適中，整體黎講味道唔錯第二款係白汁軟芝士煙鴨胸意大利飯，鴨胸切到好厚同好淋，不過個飯個汁就偏多，食落好快看得好漏，但配鴨胸食就岩岩好連餐跟左碗磨菇湯，小朋友飲得好開心😁同叫左杯凍朱古力，杯凍朱古力好濃好好味😋整體來講食物唔錯👍…Read More

好耐冇食同又好想食佢地既豬手,所以今日就去左食但係佢今日個豬手好燶,皮又好硬,差D啃死我,不過都OK既同埋今日個蕃茄湯無左以前果隻鮮蕃茄味,就好似用茄膏整咁樣.我男朋友就食黑椒鴨胸,我都食左佢一舊,都幾好食,好淋又唔油.重點黎啦,呢兩杯 一杯係菠蘿乳酪特飲同熱情果乳酪特飲, 菠蘿乳酪特飲好有菠蘿味好好飲,我每次黎食都必叫,而家重有買一送一優惠好抵飲!…Read More

琴日下就見落雨,又唔想行咁遠食晏,所以就去左公司附近間BAR度食飯,其實都去左好多次架啦,都覺得D野都唔差,$58加一尖沙咀黎講都叫抵食.個沙律都幾新鮮下,但D雞就硬D,不過都幾好食既之後個蒜汁雞扒飯唔差既, D雞凍,飯又硬,唔知重以為自己食緊格夜飯.最後黎個綠茶紅豆蛋榚做甜品,個蛋榚都幾鬆軟架但就有陣洗衣粉味囉. 不過送既就算啦.而唯一驚為天人就係呢杯茶,全餐飯入面最好飲. 完…Read More