Yokie123's Profile

星期三途經灣仔，被此餐廳門外的大餐牌吸引而入內。入內第一個感覺又熱又焗，但為了食，忍忍吧！揭完一輪餐牌，還是覺得門外大餐牌的2人餐最豐富抵吃。二人餐，點了越式南乳燒雞半隻，香茅豬扒，蝦餅，蒜蓉西蘭花，西米餅，凍啡，凍菜蜜。蝦餅彈牙好吃，西蘭花煮過熟顯冧但味道挺好，豬扒味道不差但鬆肉粉太多肉質太軟冧，燒雞勁唔掂，完全無醃淡而無味，肉質又粗又硬，而所配的南乳醬則咸到一人都癲，西米糕可能是隔夜非即日製，又乾又硬，飲品正常。整體而言，埋單268，不算貴但實在不值一試，淨是熱葷食物全是只有微暖或凍的，已對食客沒點誠意。…Read More

曾經係citysuper買過樹記的盒裝腐皮，淥粉麵或煲湯水都好正。幾次落去深水埗，都途徑呢間樹記，多見要排隊，今次難得無咩人，梗係入去睇下啦！見好幾個人都係買豆卜，阿姐聲稱豆卜好新鮮，今日新炸。因住得遠，一家老小都鍾意食豆卜，即掃2袋豆卜34蚊，4支黑白豆漿20蚊，魚腐30蚊，碎腐皮20蚊。豆漿5蚊係抵的，但原來非樹記出品，只係工厰貨，有豆味且口感厚滑似鮮豆製造，非豆粉加水沖泡，有糖的黑豆或白豆漿皆比無糖好飲。豆卜一袋好多，一袋放冰箱，一袋加埋話話碎唔係碎的腐皮炆排骨超正，索晒汁，豆卜即俾家中老小秒速ko，腐皮炆煮亦唔錯.魚腐相信係工厰貨，純粹係順便買的，淡而無味，口感軟冧冧，超級難食見剩少量腐皮碎，試煲冰糖白果西洋薏米雞蛋糖水，結果煲極仍係一塊塊，一條條碎腐皮浮浮下…Read More

這家滷水店大大話話幫襯了5，6年，一直覺得其價位合理，足斤足両，地方乾淨衞生，滷味整體都好好食，而包醋汁同滷水汁亦好正，最最特別係有滷水雞賣。所以，每個月有幾日早放工，必然唸都唔洗唸就走會來呢喥，買啲滷味，然後回家煮碟菜煲個飯或淥下粉當一餐。近半年，佢哋似乎換咗班底，斬開料位師傅仔唔見咗，變了兩個年紀較大的師傅，味道稍感無以前好食，但在其所示的價位下仍算不過不失，可接受的。昨日心血來潮，又去幫襯。這次買了牛展，雞翼，腎，豬耳，豆腐。無奈只有豆腐依然滑嫩可口，其他在什麼汁都沒點下，亦偏咸，真係水準大倒退。…Read More

這家開張時飲過幾次，感覺同一飲品就是跟其他分店味道不太一致，不是奶太多就是甜度重。最近全線做推廣，午餐在公司附近分店興同事一起買了享用，感覺優惠下十分花算。便打算放工買2杯回去給家人，為免遠程運送，就回藍田天仁買。結果，估不到同一日下，這家的推廣亦有異於他區分店，其他分店買一杯，加10元多一杯珍珠奶茶，用VISA卡買，還送10元優惠券下次用。可藍田天仁，一位年長的女店員却說兩者不可兼得，只可取其一，享用加10元多一杯，就是用VISA, 亦不可能再送10元優惠券給人下回用，但當時，店內有位年輕的男店員聽著我們的對話，過來說應該可以，部收銀機過到便可，但年長的女店員即跟他說，不可以的，送券是人手按一定過，所以唔可以按。當下，我見同店下，兩位店員都居然這麼不一，便摷袋，慶幸中午港島區買的收據倘在，展示他們看，老老的女店先驚訝，然後却一口咬定，是那分店錯。我跟她說，其實VISA的優惠是Visa提供，即你地每俾一張優惠券顧客，Visa便向天仁代付10元，並非你家公司送的。再者張券又非即時用，要待下次消費用，根本不存在同時使用的問題。而今日我亦有不少朋友在其他區的分店都是樣優惠的，會否是妳搞錯了，因連妳身傍的男店員剛才都說可以 。她却很堅持，這都是其他分店的錯，而本店的男同事可能亦不清楚這個。當下我真是有點火，心想，居然天仁內人人皆糊塗，唯獨妳最清醒及對？那就不該在分店當小店員啦！:( 我非貪張10元優惠券，而是覺得同是天仁，怎麼藍田這家就是另一態度，另一模式……本想不買算了，但想想還是買下，得張收據，以作比較及紀念，提醒以後別再惠顧。…Read More

以前頗喜歡來這裡吃，因為價錢吸引，食物份量足，味道又不錯。但這次，除了價錢仍吸引外，全是失望。可能樓面同廚房的人手少了，或換咗批員工，上野勁慢，碟又唔收，想要碟辣醬，由開始等，都追問咗3次，到最後食完野都無來😔。冷盤野，以往一落單，唔洗一陣就有，但今次由落單後，足足等了近半小時才有開始有第1碟食物上枱😓，而最大問題係熱葷類，竟全是暖的，或涼的😡成晚聽周圍其他枱的人，都係喥講到底係廚房唔係即煮，樣樣整定一大鑊，還是係啲侍應懶得行幾次送餸，所以等積夠一車至推出來周圍派，搞到涼晒呢？唉～原本預計食個零鐘，可以行陣商場，結果由6點9入坐，到近9點至上晒野，食完已無沒時間行了…Read More

同小朋友睇戲，事前隨便係openrice一search, 第一間就是這家餐廳。反正未吃過，發現價錢唔貴，278至298便有頗豐富的2人餐，兩者分別是一個跟小吃及一個跟甜品，有小朋友當然揀跟甜品好了。餐湯係粟米忌謙湯，好滑好味，蒜蓉牛油多士同咖啡唔錯。燒豬仔骨有驚喜，沒想到套餐下，會這麼整條大大份上，足有12條骨，肉嫰味美，要是在別家餐廳，單單這份豬仔骨便要過$200。但蜜桃雞扒焗飯及另加的墨魚汁意粉套餐，味道則一般般，沒拍照了。其間發生小插曲，就是打瀉咗小朋友只飲了兩啖嗰杯飲品，但餐廳大，坐無虛蓆，望極唔見侍出來，明顯人手不足，慶幸身上紙巾加上枱上餐具氹內的紙巾足夠抹乾番張枱最後，埋單連加一，$447，價位合理，但作為親子餐廳，打瀉飲品總常發生，就算人手不足，都叫有5，6個係喥，總唔能突然真空晒，應該點都要1人留守堂前，所以，服務則極有待改善。…Read More

見過地鐵廣告牌多次，好似好吸引，上網search過唔少分店的食評都話好味同正宗，所以想試好耐。趁去開apm 又有消費券，仲要唔洗點等位咪試囉！叫了鴛鴦湯底，未開餐，這裡2人1孩份量的湯底連茶已先要174元。大骨湯唔錯，辣湯只點普通，感覺味道算正宗，只沒想到越滾越辣，中途全家已放棄辣那邊。食物新鮮，但份量少得可憐，半份的肉食，只有3至5片，素以為會多些，怎料雜菜籃4種菜，每種1株都無，只幾塊葉，而炸豆皮只有3片，唯一似樣就是杯48元的檸檬茶，真的有2人量。最奇怪係仲有大半小時，有個男侍應走來又唔出聲，靜靜搞個爐，以為佢調整火喉。誰知原來係熄火。當時枱上仲有3碟野未烚呀！真係o晒咀，搞咩呀？啲野貴同量少都算，話晒味唔錯，偶然一次倘可接受，但客未食完又未夠鐘，無啦啦熄人個爐，真係唔知想點囉？雖然之後好意外咁忽然送了4碗冰粉予我們，但應該不會再來，因一家3口連加一吃了過仟都沒怎覺飽，這個價位應該有更多更好的選擇。…Read More