Elves's Profile

一個星期內三次光顧呢間小店，無他，佢嘅牛扒同羊架真係好好食，自己買塊$120 USDA Prime返屋企煮雖然都一樣好食，但有人煮又有套餐，可樂而不為？佢價錢仲非常抵食，午餐一個steak set都係$120-130。星期一同二晚餐仲要買一送一，真係好抵。店員兼老闆應該係唔識中文。Menu上面啲中文係譯錯嘅，不過佢就非常客氣，值得一讚。試過佢嘅peri peri chicken risotto ，調味同雞都非常可口，唯獨是個risotto變咗印度米嘅炒飯⋯⋯係我理解錯咗risotto定係佢譯錯咗呢？不過唔緊要，肉先係重點想食牛扒、羊架，呢間係值得推介…Read More

夜晚到天后揾食，想食pizza之際，見到佢門口嘅餐牌有pizza……咦！我搬咗嚟成年都冇留意過有呢間餐廳嘅？就倆口子入去試。餐牌上面除咗pizza，最eye catching就係烤雞。於是就叫咗prosciutto pizza同蘋果烤雞。Pizza係pizza hut普通批嘅size，日式口感唔會烤得太乾，兩款配料非常豐富，係炎熱天氣下食剛剛好。烤雞勁juicy，配埋橙、檸檬同蘋果，味道豐富，非常可口！比得上早排食wolfgang塊牛扒。飲品要咗杯oreo milkshake，店主專登加咗綠茶粉上去，飲落一啲都唔膩。之後見到仲有生啤可以揀，都係下次先飲。價格上同附近好幾間西餐廳差不多，作為shareable 餐廳係唔錯選擇。…Read More