eatsalad's Profile

點咗招牌開心果 再加杏仁味店員會extra整碎nuts 再加入雪糕球，但我覺得有啲多餘，加咗唔會好食啲，因為我期望雪糕本身會好重原材料既味，但食第一啖只覺得好甜，開心果味/杏仁味唔突出，食多幾啖直頭甜到覺得開心果&杏仁係一樣味🤣情願佢哋blend 多啲開心果/杏仁去整雪糕、令雪糕本身係好濃、好重開心果or其他口味，再減甜，咁樣先至會好食。雪糕本身亦唔算重奶味，質地亦唔特別滑，感覺係水含量比較高既雪糕。我諗軟雪糕可能好食啲。特別排隊試就唔太值…Read More

約朋友係度午餐，rush hour 12:45到，排咗15分鐘入座。呢度係要用QR code 自己落單，但都有10% service charge。我叫咗個酒香椒麻牛肉絲乾拌麵，午市$58(再加一），有杯free drink, 兩小碟配菜。麻就非常麻，但無乜酒香，而牛肉絲係非常鹹，調味攪到牛肉無哂肉味，我要加半杯清水溝落碗麵，沖走一部分鹹味先比較食得落。成碗麵最好食係半隻蛋同條菜。隨餐冬瓜茶正常，無乜特別。失望既一餐，唔會想再回頭食。…Read More

買咗2款精選$30午市飯盒：泰式雞肉碎，豬腩肉兩款都好難食，雞肉完全無味，肉碎份量極少；豬腩肉勁細舊，只有1/4手掌咁大，又係零調味，最差係咬都咬唔開舊肥豬肉。兩款都無汁，沙律菜極少，基本上只係食白飯。之前都買過幾次，今次係差到極點。令人失望…Read More

呢度聲稱賣既係New York style Bagel，但口感及外觀都同我係NYC 當地食過既Bagel差好遠。我當日揀咗cheese bagel with cream cheese Bagels Alley 既Bagel 體積較細& 幼身，口感係chewy，但外皮極度硬，而係New York當地買到既Bagel普遍口感係chewy 既同時，包身&外皮都keep住柔軟性，絕對唔會硬到石頭咁。所以Bagels Alley 咁硬既外皮，令我難以咀嚼，食之無味。Honey pecan cream cheese 個味就唔錯，但係乜Honey 味Rose latte 正常，但拉花完全失敗。個人認為超市賣既 NY style bagel 仲好食。…Read More

Cafe mixed 茶餐廳menu 第一次就試佢既早餐早餐有台式蛋餅，幾特別，但$46一啲都唔平，跟餐基本熱飲要再加$3本身鍾意芋泥，都選擇試芋泥芝士蛋餅熱奶茶：夠熱，茶底唔澀，奶似用鮮奶，唔係淡奶，幾好飲芋泥芝士蛋餅：裝蛋餅既木盆已經用到個邊霉到起黑點⋯蛋餅份量好細，最最最失敗係我碟蛋餅比旁邊過量既沙律醋浸到濕哂，本身芋泥淡味，芝士味又無乜，成舊野我只食到醋味⋯感覺呢一個$49性價比極低所以唔會想回頭試佢既其他野…Read More

無事先特別睇食評，路過見到Menu 貌似吸引就walk in 試下呢間野想食羊，原本想叫pizza, 最後叫另一樣較有特色d既菜，係茄子蓉mixed yogurt 泥，加上羊肉粒，隨碟有一塊土耳其厚bread 首先，羊肉超級、超級、超級硬，無羊味，唔似新鮮煮，好似熟肉雪左好耐再反叮，完全咬唔開，少部份要咬好耐、半格硬咁吞落肚個包望落好似好吸引，但又係硬到痴線隨時因為食呢餐要睇好貴牙醫另外叫左炸芝士春卷，正常，至少都叫新鮮炸起。我同朋友2個人食完呢碟野，唔飽都唔想加單。連主菜 - 羊肉都煮唔好，咁都夠薑收人一碟$138，真心覺得呢間係港版地獄廚房，執左佢啦。…Read More

肉夾饃係陝西平價小食，成日睇當地人介紹既美食片，都食到津津有味估唔到尖沙咀呢度開左間咁細外賣店有肉夾饃賣HK$20一個唔算平落單後先即刻整，係由個饃開始整、再即場焗，真係新鮮熱辣都爆，無其他客情況下，等大概5,6 分鐘。呢度饃既體積好細，只有大半個手掌，所以一拎到手有少少失望，當早餐食都唔會飽。但食落口就好驚喜，因為裡面既肉餡係超級好味，係煮左好淋、好入味既豬肉絲，加上超強勁蒜香，無得頂。最好就係唔會好似陝西人加好多肥豬肉，即時覺得$20一細舊，都對得住個價錢。…Read More

午餐後既下午去到，見唔多人就想買個牛角包試下原本想試限定既raspberry cream 牛角包,但睇見放左一段時間，就買剛出爐既抹茶杏仁牛角包其實，法國既杏仁牛角包Croissant aux amandes，內面都有好甜既杏仁醬內餡，我見個抹茶版本，包身中間切開左，就問staff 確定下呢個係米有餡Staff: 呢個係牛角包（無乜語氣又細聲）我係問有冇餡，佢答我呢個係牛角包已經令人黑人問號企係個男staff 後面既女staff 就答：我哋所有牛角包都無餡佢咁答已經係誤導人，傳統法國杏仁牛角包裡面係有甜餡講返個包，唔鍾意中個濕既，千萬唔好買新鮮出爐，外面仲好crispy, 杏仁皮好足料，但整體偏甜，抹茶味只有極極少鍾意杏仁既可以一試，但只限新鮮出爐先好試否則傳統應該會香口好多…Read More

想簡單食個晚飯，唔想幫趁集團式搵搵下就搵到呢間幾好評既新開小店剛剛想食下麵類、餃子但唔肚餓，結果只試左酸菜包$6.5 & 3色水餃 $32酸菜包：內裡主要係酸菜，有幾粒肉碎，食出有辣椒、花椒調味，估唔到咁惹味，個包就好鬆，我個人遍好較實既包身3色水餃：上碟穿左2隻⋯有d唔開心。睇相以為加色素，但睇實物就知道係天然顏色，皮係厚，北方既做法，白色最好食，第二係紅菜頭（裡面其實係九菜），菠菜餃最弱，調味不足咁既價錢，有9粒高質水餃，好抵食環境：超級污衊，我入去時得一檯客，上一輪食完既檯完全無收捨，而地面唔乾淨加埋地面&檯面都係粘笠笠，連Menu 都粘手，可想言之，我諗外賣食會感覺舒服好多服務：貼地，老闆nice, 仲識講幾句英文…Read More

唔似觀塘，大埔少有工廈餐廳，一直都想試呢間，因為唔就腳一直未有成行，難得平日做完野就過黎lunchOrder 左平日lunch set 燒豬肋骨 $68份量比晚市少一半，但dinner 要178$，感覺著數左，但呢味菜係一定無乜肉食，就算lunch 平一半，CP值都好低，因為另一主角薯條唔得⋯遇著今日半飽，當攝下個胃，如果係平時正常胃口或大食既朋友，應該會嬲左，豬肋骨比較細，肉就更少味道：正常，肉唔會乾，燒得幾好薯條：食完一條就諗起「淋過條毛巾既格仔餅」，趁熱食已經唔太脆，食慢d後面已經淋哂，keep唔到脆度，變得好難食，薯條唔掂👎餐湯：好飲，唔係hea煮，落足料打成蓉既西湯，當日飲蕃茄湯，可惜太酸衛生：自助收拾區唔多乾淨，旁邊就放餐具、飲用水，唔夠吉杯，調味粉又係吉⋯場內有小飛蟲（地方唔乾淨就出現個種）唔會想再黎食一黎價錢唔係抵，衛生唔係好，地方又嘈好彩今次唔係特登出黎試食…Read More

最近灣仔做野, 有新開叻沙就試下，食過午餐，又未算好好食，但最平$39有一碗叻沙，過口癮還好，但湯底同雞肉都偏鹹，食到尾就太鹹今次就試下下午茶14:30開始，同午市一樣,不過係細版午餐個碗食完都飽，但下午茶個碗一上就知仲哂伏待應話下午茶分量少1/3， 我話係午餐分量既一半都無麵量得3、4口，扎肉比左塊薄切午餐正價$48，而家tea time就即減量超過50%，咁樣一碗細扎肉油麵 收$35超唔抵，食水深無下次…Read More

食過午餐、下午茶，味道都相當唔錯，位唔多，但唔會好迫、趕客，可以慢慢hea,呢度做街坊生意多。午餐：選擇好少，嘗過牛角包，唔係講笑，應該係我在港食過最好，極脆又鬆，不得了。餐湯南瓜湯就怪怪地，我覺得太甜，而個甜味唔夾南瓜，估佢加左罐頭🌽糖水落去。下午茶：變左style, 見前人食都有四塊，而家得返兩塊，變左紫薯蓉，其實都好味，不過以$58 既價錢，就覺得呢個量太單薄，就算好味，因cp 值低而唔會再叫。餐茶玫瑰烏龍茶好正，有真玫瑰，少少甜又不失清香，唔係出面台牌大型連鎖茶X咁，玫瑰latte零玫瑰味又難飲。…Read More

見咁多好評，星期六途經觀塘，就趁機試下本身order 輕食迷你蟹肉漢堡，個包係比想像的迷你更迷你，同义放一齊就見比例。如果好味就算，但一口食落去就咬到一大塊蟹殼，嘩，同收銀反映，佢話係鮮蟹肉，所以會咁，我話：吓？咬爆牙咁點？係師傅拆肉拆唔好先至咁，食材準備時有問題，要個客食埋佢？我要求轉溫泉蛋白汁意，收銀好勉強咁接受。意粉一上，分量比隔離少三分一，都知點解，好乾，無乜白汁，但都食得落，多士無綠茶味。唉，真係比錢買難食。…Read More

如非假日來此店不可，要有心理準備，上菜要等1-1.5 小時，無錯，係以小時作單位。此店的時間管理及上菜流程有嚴重問題, 因為菜單內容離不開All day, salad等，只有兩、三款意粉、飯類，全不用花極多時間製成，只要遇上假日，客人多於十人，情況就會失控。點了推介的牛油果Kale smoothie $58，牛油果味同奶味唔重，味道都清清地，怕漏既人可以點。而牛油果All day set 苦等了多於1.5小時，由semi tea time 變pre dinner。先看主角牛油果，只有幾片，都比得幾小家。松露炒蛋冇炒過火但有d油大德國腸好鹹，小香腸好食d時令水果原來係一片好簿既烤青萍果，開玩笑吧沙律菜無特別炒雜菌比一堆油浸住，望見都無胃口多士香口，己預塗上牛油烤，成碟最好食係塊包同無加工既牛油果。$120幾加埋一 = 一碟又油又無質量既all day飯類嘗了牛油果吞拿魚どん，飯好難食，煮唔出軟綿日本飯，又凍又散，放耐左上面既菜出水，另一災難。只專注做飲料算吧啦…Read More

這裡的早餐只有在一至五供應，不用加一，雖然都算係海港城裡面中高檔次的日式餐廳，但服務質素比茶餐廳更低。格局：開放式，一早因爲商場無開空調，好焗；有個應該係做左好耐既老待應，一黎就用指揮既tone叫我坐邊張檯，好似軍訓咁。其他阿姐好少少。食物：呢度出名蛋包飯，omelette款仲要貴d, 難得早餐有聞名既omelette （早餐款：西班牙omelette 連沙律、茄汁豆$48），當然不用再諗。嘩，一上檯，比個份量嚇一嚇，根本係午餐既量。omelette 用傳統日式方法製作，外蛋皮剛熟咁包住裡面滑蛋同料。而裡面燈籠椒、洋蔥、蕃茄幾夠多，有少許煙肉。蛋係堅滑，切開有蛋汁，但食到尾會好溜同單調。另外沙律既油就落太多。咖啡：$18個款可以任飲，第一杯就即磨，第二杯就係老麥式煮定既黑啡，d奶仲要係人工咖啡奶精，其實，加$18都唔比鮮奶，有點兒那個。有時間，又接受到比茶餐廳更甚既服務，可以堂食個omelette, 野飲就去返有質素既coffee shop先飲。…Read More