Kellylwl7012's Profile

前幾日想食熟肉，就嚟左旺角嘅牛角🥩雖然嚟到嗰陣係4-5點，唔係食lunch同dinner嘅時間，但都大排長龍💫差唔多滿曬座咁濟～而喺食物方面，不論係牛猪定熟食方面都有好多選擇，而牛嘅質素都好高。唔會太油膩，反而好嫩同Q彈，食落口仲有好大陣牛香🤤另外都要提一提佢嘅熟食，炸雞炸魷魚鬚，炸粉厚度適中，唔會話炸得太柴👍🏿雖然價錢方面較貴，但可以食到高質肉都算係唔話得！如果有機會都會再試💫但最好係都係平日會好啲🙈等位都唔駛太耐～…Read More

中大入面有唔同餐廳，但係台式餐廳又可以打卡，就超級推薦呢一間🤓雖然位於39區，但如果有天地堂嗰陣嚟呢度食餐飯都唔錯，裝修以古木色為主，有榻榻米有卡位，亦有落地玻璃👍🏿同埋座位之間都比較闊落，坐得好舒服！而食物方面，主食有試左滷肉飯同牛肉麵，味道中規中矩，唔算有太大驚喜，而滷肉飯嘅入量飯佔多，食到最後會有啲乾，但杯珍珠奶茶份量大，都算互補！但值得一提係佢嘅甜品，叫左一件戚風蛋糕，軟硬度適中，同時唔會太甜，中間嘅cream夠香滑，整體嚟講好推薦大家嘗試！🎪🎪…Read More

呢間係住宿舍嗰陣嘅長期飯堂🤓💫環境有室內室外，不過夏天喺室外食就預左有好多蚊，但都冇影響到食物質素！嚟到蘭苑唔可以唔提呢度名物🍯五層西多士，第一次食嗰陣都真係比佢個份量嚇襯，建議大家會再多一兩個朋友一齊食😹🙈醬汁份量多，唔會話食到最後會好乾！但因為成個西多士都好大份，淨食包會好濟，推薦大家加埋雪糕🤤除左西多士，都有試過佢呢兩餸飯，中規中矩🙈唔算太特別，但勝在份量多，大家經過不坊一試！…Read More

本身諗住同朋友開完會去食宵夜～就去左太和試下呢間雞煲💫第一眼見到間鋪面就被懷舊香港嘅裝飾吸引到，入到去嘅座位都幾闊落同舒適，如果少人嘅時候去食，仲可以周圍打下卡🤤我哋五個人叫左一隻微辣嘅雞，辣味唔算重而份量都啱啱好，但喺啲醬汁味好濃，食落都好香！完左雞煲仲食左轉邊爐，叫左手打牛肉，份量唔算多但質素幾高，值得一提係佢個響鈴好大，係平時街市買嘅三倍左右🤓食完埋單五個人平均都係200幾蚊，如果有機會會再幫襯，啲侍應服務都好好👍🏿…Read More

啱啱同朋友喺太和食完雞煲想再食甜品🤓又見到好好甜品大排長龍，再試左一試～呢間甜品鋪嘅外觀有啲懷舊feel🎪入到去座位比較窄，人多嘅時間大家都坐得較迫🙈而喺款式方面，個人覺得都幾多，有傳統亦有新式，我同朋友叫左椰汁西米露，食落椰汁味重，朋友食完都大讚💫💫另外都叫左個雪花芒果冰，份量好足，但略嫌芒果味同雪花冰嘅比例比少，食到最後就較淡味🥢不過價錢都算平，性價比幾高！如果下次有機會會再想試雪糕香蕉船，睇落都好吸引～🍮…Read More

呢間餐廳喺觀塘工廠區入邊，一入去個感覺係裝修比較簡潔，座位之間都比較疏落，坐得幾舒服🤤而我哋兩個人叫咗慢煮火炙牛腹扒當（$88）同慢煮鳥肉芝士爆當（$68）價錢唔算好貴但係肉嘅質素好好💫食落好嫩口，雖然睇落好紅唔會太生🥢再配埋溫泉蛋簡直係絕配！但就略嫌份量較少，飯比較多。另外都試咗佢嗰度嘅樽仔奶茶，茶香夠☕️飲落都好香滑，仲要自家出品👍🏿最後更加食咗新登場嘅蜜糖布甸燒（$18），外脆內軟🍮份量唔多但係呢個價錢已經好足夠！…Read More

嗰日想朋友喺度慶祝生日🤤所以就揀咗觀塘呢間望落裝修超級文青嘅cafe打下卡！我哋三個人叫咗澳洲和牛烤大菇漢堡配沙律薯條（$118）成個漢堡份量好多，一個人都差啲食唔晒，不過就比較易散，食嘅時候啲汁都滴曬出嚟🙈都叫咗一個菠菜羅勒醬雞柳意大利飯（$98）份量中等，但啲羅勒醬嘅味都幾重幾濃，啱曬鐘意重口味嘅人！最後值得一提嘅就係呢度啲侍應服務態度好好💫💫我哋擺咗蛋糕喺度雪，拎出嚟嗰陣佢哋有播埋法文嘅生日歌，亦都有唱埋🙈都推薦大家去試一下，呢間餐廳有分室內同室外，兩邊都有唔同嘅裝飾可以打卡，我嗰陣係聖誕去，仲有一棵好大嘅聖誕樹💫…Read More

觀塘雖然喺工廈區，但都有唔少隱美食嘅存在！🤤今次食左呢間台式餐廳，覺得唔錯！我同朋友兩個叫左紅燒牛肉麵（$70）牛肉份量好多，個人覺得都幾飽，湯底方面味道幾濃，啲麵都幾掛湯，值得一試💫另外都叫咗炸甜不辣（$38）同炸鹽酥雞（$48）🥢感覺甜不甩較出色，我同朋友食唔停🙈加埋佢配啲醬汁簡直係絕配！整體來講價錢中等，味道唔錯，如果經過開都不坊一試🤤呢間鋪都好受迎歡，如果大家喺中午時間去食就可能要等一等位🙈…Read More

成日聽觀塘有好嘢食🤤終於等到住觀塘嘅朋友帶我食台灣嘢！不過呢間鋪地點比較難搵，係喺啲工廠區附近，搵路都搵左一段時間🙈一入到去發現擺設同成個裝修都俾到客人一種去左台灣嘅感覺💫喺疫情下都可以試下去旅遊嘅感受！而我哋叫左阿元滷肉飯（$43）味道中規中矩，唔算太特別🥢反而佢啲台南擔仔麵（$37）比較出色，食落去唔會好淋，都算爽口💫但份量比較少，大食嘅話就未必飽🙈值得一提係呢間鋪嘅起司蛋餅（$28）價錢唔貴，但食落起司夠多，有時仲可以拉絲！價錢平民但好飽肚🤤阿元來了喺台式鋪嚟講算係款式多，價錢相宜！經過觀塘不坊一試💫…Read More

早排疫情緩和返，就約左朋友去中環食嘢🤤經過半山電梯啊陣被呢間睇落似叢林feel嘅餐廳吸引住，就膽粗粗入左去試下🥢我哋叫左幾件腐皮壽司，最記得蟹膏甜蝦壽司超級好味，多蟹膏但又唔會好濟🤤仲有蟹膏飯🥢自己平日算少食蟹膏，怕會苦，但呢間餐廳啲蟹膏會令人食完一啖接一啖🍚最後都叫左兩杯嘢飲💫奶蓋白玉烏龍💫白桃檸檬梳打，奶蓋夠濃夠奶香，唔單止好飲，賣相用嚟打卡更係一流🤤而白桃梳打就正正常常，食完咁多蟹膏再配一杯梳打，夠曬解渴！…Read More

每次想食韓國嘢，第一時間都一定會去旺角Outdark🤤🤤🤤幫襯左都超過5-6次，每一次都試唔同嘅嘢都唔厭🥢私心推薦炸魷魚配辣炒年糕，每次食完上面啲魷魚，喺底嘅年糕就會超級入味😋另外一定要提呢度嘅炸雞，有好多唔同味！而我最鐘意係甜辣炸雞，辣味唔太重，啱曬怕辣又想試嘅人🍤最後我每次都會叫呢度嘅炸醬麵，係我食過咁多間韓國餐廳最好食🍜但份量都算多，細食嘅人可以同朋友share!outdark另一賣點係環境夠曬浪漫，暗暗地有星星燈飾襯托🙈啱曬同朋友飲住嘢傾計！…Read More

呢間餐廳都食左好多次🤤每一次都冇失望！喺觀塘地鐵站行過少少就到啦～啱曬行完商場又想坐下嘅我哋🫶🏿每次去到都一定一定會叫蜂蜜提子脆米炸雞，因為我自己唔太鐘意炸到好硬嘅炸雞🙈會食到個口好痛，但呢間嘅炸雞連埋醬汁會妖到好鬆軟，但又唔係好淋😹啱曬想食炸嘢又懶得咬嘅我哋🥢同時都新試左泡菜豬頸肉拌飯🍚睇落好吸引！值得一提係豬頸肉，燒得好入味，夠爽口😋飯嘅份量都好多，同朋友兩個人都差啲食唔曬🙈…Read More