貓牛的個人專頁

同老公喺東涌行完山已經天黑，要食晚餐，等位等咗好耐終於等到。睇食評好似幾好，點知入到去真係同想像中有好大落差。叫咗一個片皮鴨，一個萵筍，同埋兩個白飯。❗️個白飯食落去係凍嘅，而且感覺好唔新鮮，我要請waitress整返熱佢❗️個萵筍除咗唔夠熱之外，一啲味都冇，同埋好多液體浸住，話佢係水又唔係，話佢係湯又冇味❗️最後個片皮鴨，就算話係招牌，都真係好普通❗️同埋佢哋嘅服務態度都唔好，同佢講過飯凍佢好似唔係好想理你，上菜都唔係好有禮貌🥵哩餐飯係我人生食過最難食嘅其中一餐飯！…查看更多

今晚叫網上外賣平台 二人餐，入面有一個金銀蛋白菜仔，啖啖食落去都係沙，所以成盒都食唔到。於是我就打去餐廳同佢反映，點知個叔叔同我講：「我見到佢哋有浸㗎！」，亦都冇講話我用$$買咗哩盒菜但係成盒食唔到，佢作為餐廳有乜嘢方案。所以我決定post上網俾佢睇。叔叔嚟睇吓下面張相，如果你嘅同事真係有浸菜，咁就證明淨係浸係唔夠㗎！…查看更多

武漢肺炎底下，員工帶着手套收錢，收拾地方完，之後仲拎食物同餐具比客人。自己對手保護到，但係保護唔到客人。好容易令到餐廳成為傳播場所。大家去食飯嗰陣記住要抹乾淨啲餐具先好食。…查看更多

今晚放工加放學之後想同好耐無見嘅男朋友食個糖水。筲箕灣嗰間甜嫂執左，唯有去西灣河明記糖水食。我叫咗個芒果凍餅，點知個凍餅嚟咗之後好硬好硬，連枝叉都拮到彎咗，嘗試過咬但係咬唔爛，的牙仲會好冰好痛。叫咗個白白淨短頭髮戴眼鏡嘅女店員過黎問，佢竟然同我地講話啲凍餅係咁。因為係冬天所以雪櫃好凍。係我地唔明白。我地想問如果啲凍餅咁點食？咩叫啲凍餅係咁？唔好以為自己歷史悠久就可以亂嚟。今日之後我唔會再嚟。…查看更多