LKO's Profile

今日同朋友去開中環，朋友話想食燒鵝，網上話呢度有幾多米🐷連，咪去試吓，去到已經要排隊，問門口位姐姐有冇油菜叫，大概幾多錢，好惡咁回應話入去咪知、態度惡劣。大約15分鐘有位，位置好迫，可以話係背貼背，算啦，快啲叫，落單阿姐態度又係差，燒鵝飯到咗但係冇跟酸梅醬，剛有一個阿姐經過，問佢，佢啤一啤我，之後冇理我，再問另一位年紀大少少嘅阿姐，先至再取來，再講嘢食味道，叉燒ok,燒鵝味道徧咸。油菜成$27碟只有好少，好貴，燒味飯份量亦少，一個男人食唔夠飽，而且價錢亦都係好貴可以話貼錢買難受。永遠不會再去！…Read More

媽媽今日約咗朋友去土瓜灣飲茶。咁我當然車佢去啦。順便同家姐去搵吓食，泊低架車行咗去呢間家樂冰室，見裝修得幾特別、幾舒服，就人去試吓啦。等咗大約10分鐘有位，座位相隔寬闊、幾舒服，裝修幾靚。睇完餐牌正打算落單，夥計話要自己用QR code電話落單，是但啦，咪照做囉。落完單之後，等咗幾分鐘伙記走來已經走過來話蕃茄濃湯賣晒啦。吓！？咁奇怪常餐仲有蕃茄濃湯吉列豬扒面，反而早餐已經賣晒蕃茄濃湯。唔緊要啦，咪改清湯囉！食物好快嚟到啦，炒蛋正常、多士正常香脆，塊豬扒都幾大塊，清湯公仔麵湯偏淡，加番啲胡椒粉先夠味。反而塊豬扒幾好食，醃得入味，份量又夠。檸檬茶中規中矩，特別係可以選擇龍啲淡啲，再講下服務，叫伙記哥哥要杯水，但係好耐都冇攞嚟，好明顯係唔記得咗。食完野去個洗手間，返嚟家姐話隔離枱嗰啲人等咗好耐都未有嘢食呀。再望望係喎真係喎，明明係同我哋差唔多入嚟我都食完去完廁所，嗰啲嘢都未到。眼見前後都有三台客因為嘢食未到走咗。咁我哋真係好彩，啲嘢食咁快就到。…Read More

因為疫情關係都好耐無出街食飯食放題, 怕人多, 真係好想大吃一餐, 今日咁啱去開屯門, 突然好想食日式放題, 咁上openrice 搵下, 有一個叫”緣聚” 好評都幾多, 平靚正既日式放題, 咁一於去試下佢啦, lunch hour去到, 人唔太多可能係平日, 我地order 咗豪華放題168蚊位, 枱頭有個pad俾你點餐唔駛再tick紙仔好方便丫, 有剌身, 炸物, 鍋物, 甜品等等, 食物都幾多選擇, 首先黎係佢既剌身, 擺盤整得好靚, 打卡一流丫, 三文魚好新鮮好肥美, 甜蝦好大方咁叫幾多俾幾多, 正丫, 炸物有炸廣島蠔, 天婦羅大蝦, 炸得好香脆, 又唔乾, 真係一叫再叫丫, 佢飲品方面有二十多種汽水茶類, 仲有食魚生必備既清酒, 仲有好開胃既梅酒, 真係開一開胃再從新出發丫~ 真係估唔到俾我搵一搵, 搵到間咁出色既放題, 下次去屯門再食過先~ YUMMY YUMMY…Read More

天氣轉變涼左，最好嘅活動哽係一家人去bbq,今早起身，老豆話天氣涼涼地好舒服。細佬無啦啦話天氣咁好，不如去bbq，即興當然最方便就係去任食燒烤場，家姐之前同同事去過小欖燒烤樂園話幾好，今日就一於一家人去燒鷄亦～！去到差不多三點，已經好多人了，燒烤場有停車場。非常方便！亦好多車位，行到門口購票入場，任食，仲包一支水和一個飲品，開爐費$40包2包炭，價錢合理！入到去先揀個位置，跟住就有人員幫手開爐，細佬就去攞食品，好欣賞呢度不是用即棄餐具，呢個燒烤樂園都幾大，好多遊戲比小朋友玩，仲有一個好大嘅吹氣跳彈床，亦都有啲啱大人玩，例如飛標機，仲有得租麻雀！當然要說說食品，雞翼己有三款味道，分別麻辣、蒜蓉、土匪雞亦，個人覺得最好食嘅係麻辣味，夠麻夠辣，另外咖喱魷魚、金沙骨和豬扒亦醃得非常入味，調味好好、另外，仲有法佨、方包。蔬菜、茄子、金菇等等，服務員亦有禮及細心，見到我們用網燒烤。會自動自覺幫我們加高左個爐。食物就冇咁易燒焦。燒烤場旁邊更有一個沙灘，看到日落，非常正。…Read More

今日又同家姐去荃灣探朋友，本來諗住起朋友屋企食飯，但點知朋友屋企停水，所以只好出街食飯。行過金鳳見到都幾多人，又想食牛排，就入去開餐！等左5分鐘就有位了，坐位唔迫，一般舊式西餐廳格局，幾舒服的。先看看餐牌！家姐叫左白汁焗海鮮飯，我當然叫牛排，不過牛排都有幾種選擇。最後叫左美國德州頂級西冷，貪西冷肉味較濃，另外加$2要了新鮮蒜蓉。好快餐湯，餐包先到，基本一般西餐廳質素，餐包亦夠熱，羅宋湯亦合格！食完餐包和湯後，牛排亦到了，選了黑椒汁，牛排份量好足！大大塊！一切開亦剛剛7成熟。亦好夠肉汁。配新鮮蒜蓉非常配合！白汁海洋飯，好足料，有魷魚，青囗，蝦及兩大片魚柳，飯底香，白汁香濃。肚餓又想食D香囗野，所以多叫了一客小食并盤，吉列炸蝦，魷魚圈、薯格仲有鷄亦，非常滿足～！…Read More

又係一星期一過海次接女友落堂一起食lunch的時間，原來中環好多餐廳星期日是不開的，女友話不如返上水先食，起巴士等車，查一下，下一班要40分鐘先有，咁啱巴士站則邊有間越南餐廳，我又肚餓，看看門前的宣傳牌。我又肚餓，價錢合理就落去試吓啦。餐廳位於地庫，都好大，座位舒服闊落！但可能星期日。中環少人返工，只有兩枱客人，看看餐牌，女人友叫左個招牌順化湯粉。我要了一個香茅豬扒拼魚露雞扒飯再加杯椰汁紅豆冰！女友要了杯咖啡。食物好快送到，碗麵都好足料，有豬手，牛展，生牛肉，牛丸，湯底較淡，但牛展入味！牛肉比較瘦，肉味夠但不滑。豬手亦好食。香茅豬扒魚露雞扒飯，雞扒和豬扒都炸得好香脆，醃得夠入味，好好食！另外加錢要了一個小食，炸蝦餅，就普通了，份量較少！味道一般。加$10要了特飲椰汁紅豆冰。都大幅杯，椰汁不是夠濃，紅豆亦唔夠淋。反而越式咖啡唔差。…Read More

之前食過一次，成日想再食，但冇去開西貢，今日同女友入西貢釣魚，魚就釣唔到，，不過就可以去食印度野，哈哈~!6點去到，我們是第一枱客～！一早己想好食乜！好肚餓，即叫！咖哩角：即叫即炸香脆咖喱薯仔濃郁點薄荷醬食！天作之合！咖喱羊肉炒飯！可以選擇辣度，叫了少辣！惹味～！香～！羊肉又多，仲跟沙律～！份量足～！喀什米爾咖哩羊肉～！香濃！香料味正，加左一份蒜蓉烤餅點咖哩食簡直一絕～！烤餅香噴噴！再加2杯芒果奶昔作完美句號！…Read More

今日女友又去中環上堂，等佢落堂後同佢行去原創坊行吓街，之後再行吓附近睇吓有乜餐廳食午餐，附近都好像西餐廳比較多，行到嘉咸街，見到一間四川菜館，我們被內𥚃的裝修吸引行進去。可能尚早。店內不太多人，侍應先給我們茶和、前菜花生和菜牌！好喜歡牆上的一幅長長香港景色加人物的畫，先看看餐牌，簡簡單單叫個兩人套餐，天氣熱，女友想食D清涼的前菜，所以多叫了一個手拍青瓜。餐廳好舒服，而且播著柔和嘅音樂（好像是鄧麗君）。手拍青瓜先到，靑瓜冰涼爽甜，而且醬汁調味到好處蒜香，醋味調配得好好～！消暑一流！跟著其他餸菜亦送上，二人餐可自選兩款小菜，我們點了回鍋肉同埋魚香茄子，回鍋肉鑊氣十足，惹味非常，魚香茄子，淡淡醋香，味道平均，兩款小菜都非常好送飯！最後來的是雞蓉粟米羹，淡淡的粟米香，甜甜的，非常滿足！另外一讚一下服務👌🏻細心，亦非常周到，…Read More

好耐有同女友出街食晚飯，佢今日收早，一於接佢收工同佢撐吓枱腳，成日食西餐，女友話想說食潮州嘢，而我又要去荃灣攞D嘢，查一查openrice ，荃灣有乜好潮州嘢，搵到呢間醉潮館。餐廳位於三坡坊，成條街都差不多是餐廳，女友話肚餓，雖然只是6點半，就早少少食飯啦，去到餐廳，已經有一枱客人食緊飯，侍應問我們有沒有訂枱，原來大部分枱已留座，幸運地仲有一張2人枱，所以我們不用等位。其實餐廳的枱椅擺得有點迫，不過贏左樓底高，完全沒有侷促感，看看餐牌，好快叫左嘢食，食物亦好快送來了，沙嗲牛肉炒芥蘭先到，都好大碟又好夠鑊氣，椒鹽鮮尤，外脆內鮮，個脆皮做得好好，脆、薄、唔油！雀籠紅燒BB鴿非常吸晴，打卡必點，而且皮脕肉嫩！調味亦好到位，不會太咸！普寧豆腐，皮脆，豆腐充滿豆香之餘，更帶點煙熏味！冬菜粉絲蒸九肚魚，第一次食呢度菜，清淡嫩滑的九肚魚配冬菜，更凸顯九肚魚的鮮！粉絲吸收曬2者的味，所以非常好食！本來想試試D湯，不過好飽，留待下次啦。…Read More

今天又同家姐去荃灣探舊鄰居，傾下傾下，舊鄰居的小朋友叫肚餓，原來已經十二點有多，就一起落樓下食D嘢，鄰居話近近地去茶餐廳2.0，我地無乜所謂，去到都好多人喎，門口更有雞蛋仔賣，等左不到5分鐘就有位了。坐位雖然有點密，但都叫舒服，先叫野食，我叫左一個蒜香扒大蝦卡邦尼意大利粉、家姐叫左個全日早餐，舊鄰居叫左一個兒童餐比小朋友，他說自己今早食左糭仲飽，而且呢度D兒童餐好大份，他同小朋友share 食可以了。食物好快送上，兒童餐的確幾足份量，有一碗卡邦尼意粉，炸薯條，牛油粟米、橙汁！最特別係有幾粒雞蛋仔，雞蛋仔同薯條都幾好食，點解我的知，因為我偷食左D！全日早餐亦好豐富，有豬肉腸，火腿、煙肉、茄汁豆，仲有件牛油法包，家姐話樣樣都幾好，煙肉唔太肥、豬肉腸肉香多汁。我卡邦尼大蝦意粉，煙肉香，汁濃香滑，最出色是那隻蝦，呢度選用大頭蝦，都叫大隻，蝦頭充滿蝦黃，焗香，非常香惹味！蝦身用蒜泥焗，好好食！最後再叫左個雪糕配心太軟比小朋友食，擺碟美觀，逗得她非常開心～！滿足！本來想起門囗買個雞蛋仔食，但太飽了，留待下次罷！…Read More

老人家最喜歡見到D孫仔孫女，端午節當然要一家人食飯，爸爸早幾日已經自己打去海港book定枱，選定餐，今天去到，真的好多人來食飯，連停車場都排半小時才有車位，好彩爸爸之前訂左枱。酒樓好多人，枱亦擺得幾密，不過大時大節，好正常吖，齊人即叫可以起菜，但足足等了20分鐘才來一道菜，不過一來就來3碟！黑松露醬爆帶子蝦球：黑松露味不算濃，但蝦彈牙，帶子鮮甜份量亦足！凱撒沙律伴蟹鉗，蟹鉗杏仁片炸，皮硊，好食，乳豬皮硊、唔肥，配夾餅食好好食！食完豬皮之後還幫我們切開食D肉！古法雞煲翅，翅足廿兩！湯底香甜味濃！足五斤重阿拉斯加長腳蟹！兩個字，鮮、甜！好夠肉！東星斑大大條，但略嫌蒸得過火，熟左D。乾燒伊面略嫌油左少少，福建炒飯個汁好咸。總括，個餐好掋食，最緊要一家人開開心心食飯！…Read More

今天去觀塘見個客，中午順便約舊同事食飯，食乜就叫同事決定，佢約我起the wave等，都好易搵，上到餐廳，原來係 semi-自助午餐，頭盤，湯、沙律、小食、甜品任食，另外可選擇一款主菜，主菜分別有意粉、豬、雞丶牛、魚等等乜都有，當然價錢各不相同，近排成日食牛，所以今天試吓香烤美國大雞扒配蒜子燒汁、舊同事就叫了炭烤澳洲肉眼扒配黑松露。落完單，出去睇吓有乜食先，有忌廉湯，粟米脆片、咖喱魚蛋、牛油粟米、咖喱角、麥樂雞。每樣攞少少試一試味，雖然種類不算，但様樣都幾好食，咖哩角和麥樂雞都很香硊，沙律菜好新鮮，更有多種沙律醬選擇～當然要說說主菜，雞烤得皮脆肉嫩，蒜子汁做得好好，配雞扒非常配味，跟碟的配菜薯泥亦好好食，可見廚師有心做菜，舊同事分了些牛扒給我食，，牛扒烤得剛好，7成，肉香又嫩！黑松露汁非常惹味！早知食牛扒啦！最後當然試試甜品，芝士蛋糕香滑，朱古力泡夫，朱古力濃郁，最特別是西餐廳竟然有中式糖水芝麻糊，雖然味道普通，但俾到客人有驚喜！…Read More

今日女友過海上堂，諗住食完嘢行吓sogo,所以就起銅鑼灣搵食，行左去謝斐道，附近都好多餐廳，好快就搵到朋友推介的熊本燒肉，店位於三樓，但召牌指示清楚，好易搵。今日早左食lunch ，去到店子應該剛開始午市營業，我們的是第一枱客，所以不用等位，店內環景闊落舒服，枱大坐位舒服，星期日午市兩小時燒肉放題每位$238，仲有刺身和日式小食沙律任食，汽水韓式飲料任飲，加$60更加啤酒任飲，下次約D酒鬼朋友聚會又多一個地方選擇了！這𥚃是用落單機直接自己落單，既方便又環保，不用浪費紙張，侍應先教我們如何落單及問我們要不要圍裙，掋👍🏻！我先去取飲品，女友就落單！食物好快已經送來，完全沒有漏單！牛肉油花好靚，薄切小牛扒，油花充滿，燒後油香肉味濃，明太子雞亦，明太子小小咸香，配雞亦令人回味無窮！肉類質素好好，只要加少少鹽同胡椒去燒已經好好食。牛舌彈牙，牛肚爽脆入味，個人最喜歡牛仔骨，醃得非常入味，又唔咸。刺身中，帶子非常鮮甜！虎蝦大隻又鮮甜彈牙！仲有扇貝、青口，青魚等等。熟食方面亦好多選擇，叉燒地獄烏冬，烏冬好滑，叉燒香。蟹肉薯仔沙律，玉子燒做得好好，蛋香非常。最後更有Haagen dozs 雪糕作為完美句點！滿足。…Read More

本來日日亞媽煮麥皮比我同老豆做早餐，老豆昨晚話今天不想食麥皮，要去飲茶，所以就同爸媽去呢度飲茶，早上11點前有特價點心，蝦腸只是$14.8，非常掋食，而且更沒有因價就貨，一碟有6件一而且件件有隻大蝦，皮薄餡靚，所以叫左2碟，再加左燒賣、粉果、粥、沙律蝦筒、樣樣都幾好食，而且服務都幾好，加水快，收碟快。笑容好又有禮。之後，亞爸話不如食埋晏就飯啦，就叫了一個叉燒飯、一個燒鵝飯，好快飯到了，份量好足夠，叉燒夠味又淋，非常好，但燒鵝就好差，一碟只有二件好些，另外幾件鵝都肥到不得了，跟本肥到吃不到，不過呢度最好係有2小時免費泊車，不過要10:00後入場才有。…Read More

近排女朋友去上環上堂，今日等佢落堂就同佢去銅鑼灣行吓街，行完城市super,因為冇食早餐，我覺得好肚餓，女友立即睇吓openrice 附近有乜好選擇食lunch,原來附近有間莆田，零考慮，直去開餐，位置於利舞臺7樓，都好易搵，去到侍應安排我們坐在卡位，並送上小食及茶，先看看餐牌，女友话想試多幾款前菜，所以叫左一個精美四小并、當然還有佢最喜歡的扁肉湯，我就叫左興化炒米粉，再加多個侍應介紹的芋香棒棒，本來想叫蟶子孖寶，但女友話可能食唔曬，但我好想食蟶子，所以都叫了一個鐵板鹽焗蟶子；精美四小并先送來，分別有水晶豬腣凍、九轉小腸、滷水嫩豆腐和蝦苗伴頭水紫菜。水晶豬腣凍，清爽滑香，配辣醬好味道，九轉小腸入味有口感、彈牙，滷水嫩豆腐，豆腐滑又滷得入味，蝦苗伴頭水紫菜，滑嫩爽口，醬汁酸酸的非常開胃。芋頭棒棒用米紙包著芋圓炸香，香脆鬆化。扁肉湯湯底鮮甜，扁肉彈牙爽甜。鹽焗能帶出蟶子本身最鮮甜的原味道，鐵板亦能Keep住溫度，慢慢食蟶子亦熱辣辣；興化炒米粉，足料又炒得乾身不油，侍應推介加些辣媽醬食能更添滋味，果然冇介紹錯！我們更覺得這個辣媽醬點其他餸菜都好好食，最後我們更買了一支回家。…Read More