ข้อมูลส่วนตัวร้าน fannytung

店內大大隻字推介黑糖薑汁撞奶，叫左2碗外賣，叫老公攞完車順便攞外賣，由落order開始計等左差唔多一粒鐘，點知竟然話整唔到！！搞錯！重點係一句對唔住/唔好意思都無攞左一碗上黎，根本都係失敗作！是旦比碗失敗作人地然後只退返一碗錢！有圖有真相！以後都唔會再幫襯！…ดูเพิ่มเติม

心血來潮好想食串燒，見到呢到訂位6:30前到有65折即日約唔到人唯有自己訂位走上去，心目中已經諗住叫個烏冬加幾串串燒。去到好快落單，磯燒飽魚冷稻庭烏冬（鮑魚略甜，但超入味，烏冬夠凍，爽口）、雞軟骨串（呢個都好味，原價$28兩串，65折簡直超值）、雞翼串（ok,唔乾）、牛舌芯（呢個反而有啲失望，有兩件比較硬）、煙肉卷蠔（蠔都幾大隻，食落好滿足，煙肉略嫌厚左啲）。環境舒服，服務都唔錯。加多罐啤酒，65折後埋單$216，滿足…ดูเพิ่มเติม

其實以前都成日黎食..點知有次食佢個青口定藍貝勁難食, 係發霉架! 之後就唔敢再黎食..今日本來係諗住食隔黎間saigon saigon, 經過呢間wulala, 心諗再去試下都好!本來揮手叫個高高地o既男仔, 點知佢明明望住我都扮見我唔到, 唯有叫左個戴眼鏡女待應埋黎, 超黑面 叫左羊脾扒配意粉, 雜菜湯..先黎個湯, 都ok, 不過超多肥煙肉..之後羊脾扒, 其實我都食得下蘇味, 但係今次呢個真係太太太蘇啦..d 意粉又勁硬喎..最後食淨大半塊羊扒.食完主菜叫飲品, 又係叫返個女待應, 點左2杯咖啡之後等左好耐都無, 之後叫第二個年紀大d o既男人, 等一陣就有, 即係個女待應無幫我地落order 啦!飲完咖啡埋單..本來唔想叫個女待應, 但係又得佢係度, 唯有叫佢啦! 果然, 佢係完全唔彩人架! 今次應都費時應我地囉! 我地好趕時間, 唯有自己出去埋單, 呢個時候聽到後面枱男人問個女待應係咪幫佢埋左單, 佢竟然叫人自己出去埋, 真係傻鬼左呀!總括黎講成間餐廳d service都好唔掂, 得個年紀大d o既男仔係比較好, d 野食亦唔見得好, 所以我地以後都唔會再去架啦!!!…ดูเพิ่มเติม

為左慶祝我今年仲收到bonus, 即晚就請左老公去outback, 因為上年慶祝結婚週年時都係去outback, 但係係去尖沙咀中心o個間, o時食得好滿意, 好好味, service 都好好今次就黎銅鑼灣呢間試下, 心諗應該相差不遠... 可惜事與願違.. 首先講環境, 兩邊我都係坐卡位, 我覺得尖沙咀坐得舒服d, 枱大d, 燈光都柔d... 到service, cwb 呢間唔係話差, 只不過tst 太好, 對比起cwb 就唔夠貼心, 有個四眼哥哥仔成日o係我隔黎惡到死鬧人, 又成日黑口黑面, 見到佢個黑面樣我d心情都好麻麻 (雖然佢唔係對我黑面)... 仲有好多其他好少O既問題我唔寫出黎喇....講到食物, 我叫左* 黑糖飽係佢送o既....連呢個招牌飽都係tst 好味過佢...1) 法式洋蔥湯 --- 黎到時個湯超唔熱, 老公即刻叫佢地整返熱佢.. 等左陣黎到就好夠熱, 但係個湯係勁油兼勁咸, 我好鍾意飲洋蔥湯, 我未飲過一間有佢整得咁難飲..delifrxxxx 都好飲過佢囉!2) 燒蝦凱撒沙津 ($116) ---- 係全晚最好味的, d 蝦燒得好香, 同埋都幾大隻, 略嫌菜少左d, 而麵包粒又多得滯3) 燒ribs (配菜+$5要芝士薯條) ($136)--- ribs 尚可以, 不過都係咸左d, tst 整得好味過佢.. 芝士薯條又係, 淋到不得了, 又係tst 整得好味過佢:(4) 茄汁海鮮意粉 ($136) --- 呢個真係好唔掂, 上到枱我已經覺得唔開胃..所謂o既海鮮, 係雪藏o既蝦仔, 蛽肉同魷魚, 雪藏我算數, 但係可唔可以整靚少少, 上枱已經梅淋淋咁, 成碟野好似黑忟忟咁...仲要d 蛽肉好醒, d蝦仔竟然連茄汁味都無囉! 係d 意粉叫到食得落口下, 唯有整開晒d "海鮮", 淨係食意粉 (但係我好後悔唔叫佢換左佢或者取消佢)5) 紅酒 --- 落單時個waitress 話呢隻特價紅酒ok, $36一杯, 我地就叫左2杯, 黎到時飲都還可以, 點知擺左一陣就勁難飲, 有陣殺蟲水味:(總數食左$553, 我真係好後悔o係呢度食, 走o既時候竟然無人同我講byebye~~, 經過reception, reception 有幾過女仔係度都係無同我地講....真係差差差...$553 o係銅鑼灣可以食到好多好野囉!另外個toilet 真係睇死人, 完全唔知邊個係男toilet, 邊個係女toilet 囉!…ดูเพิ่มเติม

一行5人lunch 去食, 一d 人等隔黎間越南野pho x, 一d 人等呢間, 呢間唔多人等, 所以好快就到我地啦!5 個人張枱真係勁迫, 不過無所謂, 最緊要d 野好食, 叫左:生牛肉河3 個, 茄汁牛腩河 1 個, 同埋我自己叫o既蝦餅撈檬, 牛油雞翼8隻, 仲有蒸粉卷生牛肉河同事話唔掂, 湯底好似唔新鮮, d 牛肉又un... 茄汁牛腩河同事話結得滯, 茄汁太膿, 膿到"cock"喉, 至於我o既蝦餅撈檬已經算係比較好, 不過d 蝦餅好咸, 同埋冧左d...蒸粉卷d 皮好厚, 不過夠熱同埋裡面d 料都算多..牛油雞翼好唔掂, d 炸粉勁多, 無牛油味不特止, 仲要好勁甜味, 食落去好似食緊d 粉咁.. 林到死..最後每樣野都食唔晒, 仲每個人食完都好唔舒服, 我返到公司係咁ur d 胃氣...…ดูเพิ่มเติม

平時見到咁多人已經想試下, 都要排隊, 不過好快就有位.. 3 個人叫左2 客海南雞飯, 1 客泰式炒米粉.海南雞飯 --- d 雞係幾滑, 不過真係無雞味, 幾乎要靠d 汁先有味泰式炒米粉 --- d 味幾好, 不過略嫌濕左d餐飲加5蚊要左涼粉冰, 涼粉冰勁少涼粉, 又細粒, 要整走d 冰先"筆"到, 仲要係無味, 食咁多粒都無味, 只係食到1粒有苦味:(服務 --- 不大好, 四人枱食到好污衊時無端端叫我地坐入d, 因為要坐多一個人埋黎, 其實我唔係介意佢整多個人埋黎, 不過係咪應該一早叫我地坐入d, 唔係食到成張枱都係野時先叫呢? o個個坐埋黎o既男人都坐到周身唔舒服..另外食到尾時其實仲有d 雞未食, 有個待應無端端走埋黎執野, 問都無問就執走我同朋友對筷子, 我話我未食完喎, 佢先係兩對筷子度求其攞返對擺o係我前面話"嗱, 呢對係你架" 我覺得有d 核突囉! 你同我朋友o個對都整埋一齊, 你點知呢對我係呢? 好唔衛生呀埋單每人$47, 都幾貴, $47 o係銅鑼灣可以舒舒服服食到d 日本定食, 所以應該唔會再去喇!…ดูเพิ่มเติม

尋晚o係尖沙咀搵野食, 唔想太貴, 又想試下新野, 就入左呢間食, 佢張4人枱, 3 個人坐都嫌迫我叫左海鮮長通粉(辣味番茄汁), 落單時個WAITER 話有少少辣, 我話OK, 餐湯要左粟米雞肉湯, 個湯超咸, 咸到唔想飲..長通粉黎到時, 個賣相同張相係超級唔同, 係超級, 差好遠O個隻, 仲要係勁辣, 辣到我根本入唔到口, 一路食一路出汗, 我平時都算食到D辣, 但係佢真係辣到好過份, 有乜理由西餐會整到咁辣架??? 最後我只係食左幾啖就無食到:( 真係食唔到..老公叫左西冷牛扒, WAITER 問要幾成熟, 老公要7成, 黎到之後又係好唔對路, 塊牛扒簿到好似食大x樂早餐d 牛扒咁, 勁細塊(老公話大x樂仲好味)...仲要係全熟, 根據我自己分析, 呢塊扒應該係醃過o既牛扒(類似凍肉鋪賣黎bbq o個隻), 一定要全熟食, 唔可以半生熟, $68比塊咁o既牛扒真係不知所謂另外朋友叫左三文魚意粉, waiter 話轉左煙三文魚, 朋友話ok, 意粉黎到時個賣相好似幾好, 點知朋友話好難食, d 汁超怪味, 又係要勁落芝士粉去遮住d 汁o既味道.. 本來想食完熱野先叫甜品, 因為佢menu d 甜品相好靚, 當然最後無叫到, 因為唔想再比錢佢地賺... 之後要去隔黎間甜品鋪再食多餐兼食埋甜品, 真係好浪費錢呀!總括黎講呢間野真係不知所謂, 佢再唔改進下無可能o係尖沙咀立足到!~…ดูเพิ่มเติม

朋友請食飯, 黎左呢度食, 環境幾舒服, 碗碟好靚, 一坐低就會擺3隻辣椒醬落黎, 1 隻係XO 醬, 一隻係豆板醬, 一隻應該係士拉差醬.2 個人叫左:1) 蝦姣($49) ----- 比我想像中細粒, 不過d 蝦好爽口同埋新鮮2) 蒸素姣($43) ----- 好清, 個皮幾簿3) 鮮肉姣 ($3)----- 最唔掂呢個, 個皮勁厚, d 肉無乜特別4) 粉果(43) ---- 一般5) 木瓜侯頭菇煲豬展 ($80 一位)--- 好好味, 好甜, 好濃呀! 正~~~6) 魚湯魚肉浸勝瓜西洋菜 ($180) ---- 好味, 好多魚肉, d 魚肉好新鮮, d 西洋菜好林好新鮮, 不過勝瓜份量少左d7) 鮑汁撈麵 (唔記得幾錢) --- 呢個係待應推介, 好好味, d 麵好滑, 唔知有無加到油去撈呢.. 不過又唔覺得好油喎! 雖然好飽都食晒呀!個人覺得呢度食小菜好過食點心呀!茶錢係$20 一位, 我地叫左普洱, 個人覺得唔錯, 不過朋友話麻麻地喎!埋單七百幾蚊…ดูเพิ่มเติม

因為pass 左個考試, 朋友請食飯, 任我揀地方, 就揀左呢度啦! 6:30pm 去到, 得我一枱人, 待應都幾好笑容, 因為有3個人, 所以只可以揀坐table, 如果只有2個人, 我一定揀坐吧台, 應該興奮好多呀!!1) 刺身併盤 -- d 刺身佢話係seasonal o既魚, 有海膽, 鰹魚, baby tuna, 油甘魚, 仲有秋刀魚, 海膽真係好正呀! 好重海水味, 未食過咁新鮮架! 燒秋刀魚食得多, 刺身真係第一次, 都好鮮味, 不過比起其他就比較腥, 但係係鮮味o既腥, 仲有鰹魚都好嫩滑, 反而baby tuna 就無乜特別喇!2) 日本生蠔 -- 比較淡味, 不過都好新鮮3) 玉子壽司 -- 係openrice 見到d 人話好食同好靚, 就叫左客, 食落都好清甜4) 野菜天婦羅+2隻蝦 -- 唔算好特別, 不過朋友鍾意食5) 蒸蛋 -- 見到openrice d 人話好味, 就叫左客黎食,果然好滑, 仲有好多料o係裡面添!6) 紫菜燒帶子 -- 本來想叫帶子壽司, 不過待應就介紹呢個燒帶子, 都幾好味, 不過本人就鍾意帶子壽司多d7) 芝麻葱吞拿魚腩手卷 -- 份手卷黎到都比較嚇一跳, 因為未見過手卷係咁包法, 好似平時見到o個d 手卷靚d, 不過都算幾多吞拿魚o既, 朋友食左個海漫手卷, 佢話極少海漫喎!8) 中吞拿魚腩 -- 待應話oily tuna 比較油, 所以叫左呢隻中o既, 黎度覺得有d 失望, 望落同食落都似普通tuna 多d, 呢客要$500, 早知加多$100要oily tuna 啦! 9) 大蜆清湯 -- 呢個湯好好味, 清得黎都鮮味, 隻蜆好新鮮, 可惜得一隻!10) 牛肉野菜稻亭烏冬 -- 雖然已經好飽, 不過越食越好味, d 烏冬好滑, 反而牛肉下次可以唔叫, 淨係野菜已經好好啦!11) 靜崗蜜瓜-- 個賣相好靚呀! 食落都好清甜12) 芝麻雪糕 -- 呢個係我朋友屈佢送o既!埋單$3900, 好多謝個朋友! 總括黎講都好好味, d 待應好好service, 枱面有少少唔乾淨都會好快抺左, 我地都好佩服佢地咁好眼, 因為真係好少好少o既烏糟佢地都見到架! 不過略嫌佢地對d 食物唔係咁熟, 好多時問佢地佢地都唔識答!…ดูเพิ่มเติม

平時都好鍾意黎呢度食糖水, 多數熱食綠豆邊清心丸, 覺得好好味, d 蓮子好甜.. 上星期六再去, 因為好熱關係, 第一次叫凍, 真係好難食, 加左d 碎冰同奶落去, 簡直變左第二碗糖水呀!…ดูเพิ่มเติม

情人節食, 又係成個月前book, 不過book 左9點o個輪叫左生蠔拼盤, 係加左價, 不過唔算加得多, 最緊要好食, 杯酒真係好wing呀! 但係幾好飲!蝦湯.. 當然好飲啦! 蟶子真係好好食, 好新鮮宮碕黑豬.. 感覺... 好似食緊牛扒咁呀! 鴨肝扁意粉.. 我覺得好多鴨肝呀! 每次食完都覺得好漏, 但係次次都好想叫, 因為真係好香好好味..不過以前係長通粉, 我覺得長通粉好食d, 扁意粉仲"漏"..bb 蟮沙津..勁多蟮, 好好食, 好肥美心型tiramisu 好有心思..…ดูเพิ่มเติม

昨晚慶祝中國情人節, 應承老公請佢食返餐, 本來諗住去札幌拉麵, 點知行過去時經過呢間餐廳, 其實每次經過都想試一試, 不過成日都唔記得, 既然今日黎到, o係出面望入去佢d 環境又好似好romantic咁，睇出面個黑板餐牌d 價錢又唔算貴,　就決定入去啦!入到去帶位o個位小姐都幾好禮貌, 仲唔知點解同我地講左句多謝添! 但係佢地播d 歌好大聲, 一時英文一時韓文, 仲有3部大電視播無線同亞視, 感覺好騎呢! 一d 都唔覺係一間高級少少o既餐廳咁! 睇返個餐牌, 發現晚餐同出面寫個價錢唔同,原來出面個價錢係八五折後o既價錢, 個人覺得有d 被騙的感覺, 既然八五折係9:00pm 後, 點解仲要大大隻寫平個價錢? 應該寫返個正價, 下面寫住9:00 pm 後八五折囉! 我叫左晚餐非洲雞, 老公要煎肉眼扒, 落單個待應(戴眼鏡, 好高) 個態度麻麻地, 問佢野好似好唔願答咁, 一d笑容都無! 講返食物, 洋葱湯都ok, 麵包麻麻地, 我個非洲雞都幾好食, 雞好嫩滑, d 食物好夠熱, 可惜老公個肉眼就麻麻地啦! 我地叫7成, 我諗o個度起碼8,9成, 仲要一食就感覺係d 好cheap o既牛扒, 一d 都唔似食緊一份$148 的晚餐! 不過最欣賞佢d 配菜, 係沙津菜黎,都好新鮮!另外我地叫左個blueberry cheese cake, 好好味,芝士味濃得黎又唔"漏", 仲有tiramisu, 好濃酒味, 都好好食! 其實點解好矛盾呢? 因為呢度環境不大好, d音樂太嘈, 傾唔到計, service 稱唔上好, 但係d 食物唔錯, 最buy 係甜品, 咁下次仲黎唔黎好呢??…ดูเพิ่มเติม