Mgwhy510's Profile

住喺隔離附近又冇乜咖啡選擇, 所以都幫襯過四五次。第一次飲覺得味道都可以 $40價錢都正常。TP住戶仲可以有九折（上次知我住隔離都照折咗比我），不過之後都係原價去買。第二三次已經開始覺得味道唔同，直到琴晚真係忍唔住問係咪轉咗豆因為味道真係唔同咗好多，然後職員答尋日啱啱轉由blend轉咗single咁我就真係好疑惑，因為佢嘅唔好飲已經唔係最近一次。$40一杯可以去vwalk地下嗰兩間感覺會好好多😣唔知佢平時多唔多生意啦，但質素可唔可以好返少少🫨…Read More

一直想試呢間，今日直接睇menu就落咗外賣後悔冇睇到食評就嗌咗小辣🥵食咗一兩啖已經完全食唔到（平食有食麻辣火鍋通常食川菜都嗌小辣）今次真係自己唔小心，對上一個食評話BB辣都已經辣到食唔到佢係會令你刺痛嗰種辣，上唇位都痛痛哋咁嘅辣🥵我嗌拌麵味道正常餸唔係特別多，下次再食可能要嗌小小小小BB辣…Read More

1. 由於要使用會員卡8折，已提前聯絡餐廳但遲遲未收到回覆。2. 用膳前一天打來說12點booking要13:15交枱。但事前電話確認時無提及過分11:30及13:30兩個時段。當下問職員omakase係咪只係比客人食一個鐘，然後佢直接建議我可以早過12點黎用膳。再三詢問先收到另一回覆話啱啱嗰位係新職員將用膳area弄錯。其實並沒有分時段，亦唔需要急住交枱。3. 當日11:45出𨋢就聽到一位男經理同接待女職員講：你又錯呀？又睇錯嘢呀？ （不是指責語氣，感覺男經理都好包容，好似唔覺得嗰位女職員需要進步，都係嘻嘻哈哈，完全冇搭入酒店餐廳嘅氛圍）4. 出席後即日於openrice標示我為缺席，再查詢時他堅持自己沒有按錯，是openrice系統問題。但解決問題方法竟然不是讓openrice馬上修正。而是著客人重新提交一個假的訂座然後他們馬上給我按出席，還說這是她個人認為最快最好的方法。總括嚟講，唔係以上係咪同一位女職員啦。如果係佢真係好需要再培訓。食物上，正常水準，但唔會有驚喜亦冇服務可言。（某兩位男女侍應係正常sharp醒有禮貌的，唔明點解level同嗰位女接待爭咁遠）…Read More

用咗某app 50%優惠，估唔到連brunch set menu入面嘅main都有折，加多$75仲有湯+兩款前菜🤗服務真心好：-態度友善，折扣時段2:30我哋2:05提早到咗都好好招呼安排入坐-安排窗邊位少少曬，即刻話有需要可以幫忙落一半簾遮太陽🌞-因為散嗌咗紅菜頭risotto，另嗌咗一個set only但餐湯都自動幫你分兩碗裝比你share飲-會介紹dry age熟成牛扒幾多成啱客人食-有5-6人連小朋友入座坐咗係我哋後面張枱，有少少唱嘈, waitress都sense到仲主動話覺得嘈可以安排調枱☺️野食其實都好ok, 份量足材料新鮮Waitress推介我飲新鮮水果茶，order咗蘋果玉桂茶以為會好淡但原來好夠味折左之後 一個湯兩個前茶兩個main一個甜品兩杯嘢飲粉紅色紅菜頭risotto勁靚💓埋單$3xx 仲有高層window seating加超好服務邊度搵😇 值得encore…Read More

好垃圾。準備order前問佢3種handdrip分別，佢將三個英文翻譯做中文就當解釋咗。咩foundation就平啲，competition就貴啲姐係用特別process過，用嚟比賽⋯咁係日曬定半水半日曬咩process都可以講吓掛問佢有冇話邊度地方嘅豆答我冇問佢味道有咩唔同就話 係fruity同nutty嘅分別不如你炒咗個staff或者執咗佢啦！學咩人出精品咖啡！做笑笑口覺得自己講得好好，未去過一間咖啡店啲職員咁樣答問題🤷🏽‍♀️…Read More

訂左18:30 50% off入到去已經一陣up味/怪味坐低好快落左單，等左陣有侍應上湯同擺低個煲飲完湯都未有野上，到十分鐘後有兩款海鮮到左，但放低又唔幫你開爐又行開左🤷🏽‍♀️一路等到唔耐煩，全場4個人有一個超新手只會放但野食但唔會幫你蒸就咁就行開其他侍應一樣手忙腳亂，然後行埋黎咩都話冇🤯大刀貝冇，比多粒唔係好大既大蜆就算大扇貝冇，就比多隻蟶子落單冇講，有啲枱直頭上菜都冇講，有人問起先話咪補多左隻蜆/蟶子比你食6樣野有2樣冇都算，到最後8寶飯，啲料少到遮唔晒啲飯又細粒⋯ 比起係太子食既鍋心爭好遠佢原價3xx, 依加$200優惠價都食到成肚氣相都費事影絕對唔建議！…Read More

以前只係食開銅鑼灣分店，初初食過覺得好好食又夠辣，高峰時期兩星期內食三次都唔厭🤭尋日心血來潮來食返當日既味道，仲覺得好可惜銅鑼灣分店竟然執左，唯有去旺角執淨既唯一一間店度食啦。Menu唔同左多左不過我都只會食佢寫住‘鎮店之寶’既奶奶雞😀 但真係好失望同以前水準完全唔一樣，好明白點解會執⋯1/ 改用木筷子同普通不鏽鋼匙，係銅鑼灣分店食個陣仲係用韓國既鐵筷同長柄匙的🥺 （個人特別鍾意用韓國湯匙😅）2/ 隻雞超肥，份量足但雞咬落去一半係脂肪⋯3/ 薯仔係‘縮’的，已輕微發酵咁既味道🤢但佢只得3舊無理由咁無理叫佢換晒成碟所以都冇出聲⋯4/ 所有配料包括上面講既薯仔、瓜同蘿白都為唔夠淋同入味，明顯係後加炆都冇炆過咁（以前佢啲薯仔係超入味好好食😾）5/ 記得小辣都好正所以都係叫返小辣，但依加既小辣已經 完 全 唔 辣！🌚6/ 奶奶雞同kimbap都好快上菜，但食完碟雞都未上個海鮮餅，等左半個鐘啦都所以諗住埋單兼cancel，點知waiter唔比話黎緊，最後等多5分鐘終於出現。拿拿林食晒走人 好失望冇左以前既質數以後唔會再去，唯有等去韓國先再試啦😖…Read More

屋企人食開一間餐廳好少試新野，今次媽咪生日都揀返outback, 打去百德新街個間冇人聽（好似裝修），就諗住book呢間分店試下。Book左7:15，7點去到話幫我報到左先7:15再安排入座，不過最後7:10就入到去。嗌左海鮮餐$600同開左枝紅酒$300，餐包未點野食已經上左，微暖keep到水準幾好食。1/ 餐具清潔問題包好一卷既餐巾加刀叉冇問題，三個人但碟只比左兩隻，諗住分碟比爸媽既時候摸到底部凹凹凸凸，反轉睇1/4碟底同冇洗樣，痴滿紅色茄汁/醬，冇影低諗住好少事換左就算。2/ 漏單（一）上左沙律同湯，湯係夠熱的正常，沙律明顯雪櫃取出連碟都冰冷，份量偏少同乾到冇沙律醬一樣。到食晒先忍唔到一直都冇上過既紅酒。叫侍應跟一跟佢先記得落單3/ 漏單（二）食完羊架，龍蝦尾就差牛扒未上，由於覺得唔夠飽所以加左個漢堡$118同蟹餅$228，結果食完牛扒侍應主動過黎話幫我地上埋甜品。但明明十分鐘前幫我地加單既就係佢，一check之下佢話原來冇落，但亦沒有表示唔好意思⋯4/ 漏單（三）所有野上晒就落埋甜品，staff亦話清左枱之後會比新餐具，但剛才漏單既侍應上左甜品後一隻叉都冇比一枝箭走開左，到追佢拎叉佢轉個頭拎住3枝叉行到過晒我地張枱都冇停低，原來已經唔記得邊張枱需要😵5/ 漏單（四）上甜品既時候有落埋餐飲，同之前一樣，個頭聽完冇左件事，今次醒左佢隔左幾分鐘行返黎問係咪落左呢兩杯，以為實穩陣啦今次。結果等左十分鐘，都係漏左🌚由於本住慶祝生日黎食，所以屋企人同自己心情都ok, 每次都係叫佢地追返單加返就算，但真心不推介亦唔會有下次。Staff同冇train過冇分別，仲要keep住有吉枱唔係真係好唔夠人手好忙，而係個別一兩個金魚記憶既staff咁岩負責我地張枱🤷🏽‍♀️…Read More