XXLJGOD's Profile

諗住平平地食丸龜食烏冬，竟然發現到佢地有下午茶餐，一個下午茶只係$35。呢個真係抵食到爆糧尾之選下午茶。$35蚊有三舊天婦羅，一個烏冬加一罐可樂，真係無得輸。有一條大蟹棒、一塊番薯、同一舊咋茄子🍆、平時只係呢三款天婦羅都要$30啦。宜家仲有天婦羅、有埋烏冬，仲加罐可樂，真係好飽好滿足。😋😋…Read More

今日經過雅蘭中心，發現有間新開咖啡店。鍾意咖啡既我就即刻入去試下啦。我今日點左杯Black sugar latte。咖啡黎到時未除口罩已經聞到好香，同埋呢杯咖啡岩哂我口味，唔會太甜，奶同咖啡比例岩岩好。值得一讚係佢環境好日系，好舒服。最驚喜又貼心位係佢地每個櫃桶內都有一個拖板，總共有8個叉電位，人多時候都唔怕唔夠位叉電。帶電腦黎做野都唔怕唔夠電。總括黎講，繁華既旺角搵到間有得飲啡又可以叉下電休息下既地方。十分推薦比大家。 …Read More

係中環已經進駐左好多充滿競爭力嘅咖啡店裏面，KnockBox 係少數其中一間我會重複幫襯嘅咖啡店（始終好嘅新嘅太多淨係去試咁都用咗好多時間），飲過好多次無論開嘅奶啡定係手沖咖啡出品同樣穩定出色，今次特別想講下佢嘅手沖咖啡抵讚之處就係佢一杯咖啡無論有講解產地去到咁嘅時候唔同溫度風味嘅呈現都做得十分出色，另外店員用心講解，就算係初次接觸嘅新手，相信都會有一個好唔錯嘅體驗，呢點亦都係我多次幫襯嘅原因，其他同類型店舖未必會做講解，好多時只係遞上一杯咖啡就完了。…Read More

疫情之下冇得群聚打邊爐，一人一鍋係一個好好嘅替代選擇，火鍋配料足夠，加多個肉燥飯基本上一個大男人點樣都咁飽，餐廳名十分簡單「湯」「米」兩個字已經話畀大家知佢嘅湯同埋飯嘅菜式都十分出色，今次我試下呢個沙茶牛肉鍋，沙茶味好夠，牛肉，丸既份量都唔少，菜我覺得可以再多D，最後實驗性質試咗個魯肉飯， 有驚喜大食一族可以試下追加…Read More

今日啱啱出糧， 本著今朝有酒今朝醉， 月頭拉麵一定去嘅心情，走過無數階梯， 誓要把錢花光光，食到脂肪肝。 入到去燈光昏暗，十分有情調，望住入面個個型男索女一雙一對， 反觀自己毒L一條， 上山時嘅雄心壯志頓時蕩然無存。原本想叫個大雞髀拉麵， 變左做食柚子雞拉麵，因為我相信我嘅package加埋呢隻大雞髀應該呢世都溝唔到女， 所以柚子雞即清新可中和油膩感，亦可以畀我自欺欺人咁當自己食得唔太肥唔使做運動， 寫到呢度唔知點解隻眼濕左，總結嘢食環境氣氛都唔錯，錯在單身的我。…Read More

疫情下日日外賣自閉食已經成為新常態，作為中環返工食物鏈既最底層，100蚊個拉麵，90蚊個越南湯河實在太奢侈，一個唔覺意月頭已經變咗做長期糧尾，正當係11月以為自己中左馬矮真伏豪左幾日後，先發現夢一場，搖身一變長期糧尾。 萬念俱灰下比我係橫街搵到呢間窮人恩物，原來中環好多打工仔都食呢間，我本住一個50蚊有雞有麵有豆漿就唔問咁多試左一次。等待過程都唔算太耐（大概十分鐘），發現佢地真係好好生意，收到外賣後即時狗衝返公司開餐， 一打開呢個獅子頭藥膳刀削麵，藥材香薰香撲鼻，面條口感彈牙， 獅子球仲有三大粒！頓時覺得自己返返月頭。 希望佢生意蒸蒸日上，為我哋呢啲打工仔繼續帶黎價廉物美嘅午餐！！…Read More