chowTony的個人專頁

早前睇報紙見到上環開左間日式餐廳同Chocolate Rain合作，Chocolate Rain展覽就見得多，餐廳都係第一次見，反正喺附近返工，就一於去試下。好彩份工夠自由，可以得閒就出去食tea，所以專登揀3點後去食，唔洗同人迫。3點後果然冇咁多人，食都食得輕鬆啲。入到去一坐低，侍應就比左個tea set menu同Chocolate rain menu我。Chocolate rain個menu又幾靚喎。叫左個日式鮮蜆意粉，好明顯係即叫即整，送到上枱時仲出緊煙！意粉嘅軟硬度啱啱好，唔會過淋或過硬。啲蜆好鮮甜，而且冇沙，最怕食蜆啖啖都係沙。好彩呢度嘅蜆意粉唔會咁，值得稱讚！雖然男人老狗自己一個食甜品好奇怪，但嚟得呢間夢見屋冇理由唔食Chocolate Rain甜品啫！於是我又膽粗粗叫左個Fatina之夢。個甜品上面有由朱古力粉製成嘅Chocolate Rain，睇下佢笑得幾開心！通常crossover果啲野食都係得個啅頭，唔食得死人已經好好彩，所以揀左個最保守嘅甜品 – 蛋糕同雪糕。點知結果超出我預期！ 朱古力蛋糕嘅朱古力味夠哂濃郁，但又唔會好甜。但最出乎我預料嘅，係個北海道3.7牛乳軟雪糕。可能因為用左3.7牛乳，個雪糕非常軟滑，正！！可惜食左咁多野已經好飽，如果唔係一定會再試埋綠茶味3.7牛乳軟雪糕，唯有下次再encore啦。埋單130蚊左右，跟餐送埋餐湯同飲品，以呢個食野環境同食物質素嚟講真係算唔錯，絕對係會再回頭嘅餐廳。…查看更多

依間野真係走單王，我張枱只係黎左一轉食物，之後乜都未黎過，我依家就坐喺度等緊食物黎悶到寫食評，後面枱客剛剛鬧完話唔比錢，我地依家同經理投訴緊，我朋友重見到啲侍應接左客人啲單後掉左無入過廚房。大家千期唔好黎食呀，勞氣！…查看更多

今日做野順路行去大坑食Lunch，經過嗅到炭火味先知道炭爐雞蛋仔喺度，未食過即時買一底試試，等製作時同亞伯傾開原來佢都試左好耐先試好個用蛋份量。打開一食果然蛋香撲鼻，而且質感好似蛋糕咁鬆軟有彈性，同同事兩個人食一底都已經半飽左。下次經過一定再食！…查看更多

星期六去完花展順便去民聲試一試午飯，叫左招牌咸蛋蒸肉餅、帶子蒸豆腐同义燒炒蛋。肉餅真係好鬆軟唔老幾好送飯，不過其它就無乜特別。唔係順路無謂專程去食。另外一提係佢地啲樓面態導好好，即便忙到氹氹轉都好有禮貌。…查看更多

一行四人睇戲前荃灣揾野食，見金坊入左圍一於試試。七點半到巳經要攞飛仔，好外十今鐘唔洗就有位，今晚試左：泰式生蝦 ~ 雖然無九龍城金寶咁爽甜，不過已屬中上，而且只係$65金坊柚子沙律 ~ 冶味得黎辣左啲。沙嗲串燒(3串豬3串雞)燒大鱔 ~ 皮爽肉脆，必食炸皮蛋球 ~ 用蝦膠包住皮蛋再炸，好有創意嘅餸。馬拉盞抄通菜咖哩抄聖子 ~ 好有九龍城味道嘅影子海南雞飯冬蔭公蜆湯 ~ 多料又夠味蒜蓉包印度薄餅4條友食完上面啲野真係飽死左，只係$500咋！…查看更多

原本去萬豚食烏冬不過排晒隊，要咁等位乜都假，近近地轉去K11試食依間新吉列專門店。當晚店員介紹佢地有比黑豚更靚叫"金星豬"嘅特選豬揀，不過就要每個set加多$20，為左比較當然叫晒兩種豬試試啦。吉列金星猪扒定食 - 比多$20嘅果然好食啲，比黑豚juicy好多，有一兩舊同丼吉有水準時嘅豬扒有得比。吉列黑豚猪扒定食 - 珠玉在前，立即比下去，只屬中水準。咖哩吉列蝦定食，咖哩唔突出，而且佢嘅蝦都無近又同丼吉咁爽咁新鮮，可以唔叫。吉列黑豚豬柳定食 - 寫到依道先知自己無食，不過朋友話ok。炸薯餅 - 無特別梅林串炸 - 有8款唔同嘅食材，味一般。豚角煮 - 食完一致覺得係東坡肉加介辣味。同其它吉列店一樣，白飯同菜絲係任加嘅，而且佢嘅飯係日本米菜絲亦好新鮮。不過依道係無得玩磨芝麻嘅，扣分。…查看更多

睇完戲旺角揾野食，唔覺意又走左上朗豪坊，行過想起炸猪扒就入左黎近又試試。三個人叫左兩個set(吉列黑豚柳+蝦、吉列黑豚柳扒+蝦)+散叫藕餅、炸豆腐、炸軟殼蟹沙拉。都係先上碗芝麻比你磨吓過日神，好似已經係食吉列嘅指定動作。食物方面吉列蝦好爽幾好味吉列黑豚柳同扒不比丼吉好，不過都算Juicy又唔油已經好過豚組藕餅不太好味炸豆腐同炸軟殼蟹沙拉係必叫，好味。另外set可選跟烏冬或飯整體不差，不過如果要選都係丼吉好味啲…查看更多

一生任食放題一向唔做平日午市，見最近改做火煱放題連午市都有得食，重要一連三日推廣午市一送一，一定要試。任食90分鐘(其實有邊個lunch time有90分鐘吖)點左一份豚腩肉燒定食及一份豚肉火煱share食，另叫左兩杯特飲。出去吧枱見有唔少火煱料，有秀珍菇、金菇、鮮東菇、蟹柳、炸餃子、炸魷魚餅、紹菜、魚旦、獅子狗卷、茄子、烏冬，重有珍珠米白飯加日本雜菜咖哩汁同兩種湯。最貼心嘅係籮白片巳徑煮熟，唔怕煮唔淋。一個鐘已經飽到食唔郁，重有雪糕甜品任食，$86兩個人真係十個抵！…查看更多

長假尾嘅晚上10:00好在無乜人唔洗等就有位，不過4人都要搭枱，剔紙仔落單，快餐感覺都係特色之一。餐牌上比南翔小南國等較少餸選擇。叫左特式小籠包--最無乜驚喜，和南翔各有各好紅油抄手--好味炸醬麵--無乜味台式擔擔撈麵(辣)--夠香夠麻，不過一定要趁熱食台式擔擔撈麵(唔辣)紹興醉雞--夠酒香不過肉比較鞋四喜烤夫青瓜炒波菜芝麻包--麻蓉夠香口好味豆沙小籠包--全舊太甜接受唔到食物都係少少嘅一碟不過都算好味，只係未足以吸引我會排隊去食，唔洗等位就得。不過以食包麵計遍貴…查看更多

今日十幾走去村上，人多最好叫任食，唔怕叫餸就你就我咁麻煩。老實這店不太適合八人以上，因為無大枱，雖然坐得好迫不過食物啲確好食(以任食計)，尤其是串燒，燒得香口唔太油，鱼生算新鮮。而翡翠螺新鮮甜美拍得住啲幾百蚊既自助餐。加上飲品任飲都只係每人$180，抵食過松屋。註：今次唔知點解無大蝦送及無清酒飲。…查看更多

中環去完蘭桂坊節當然最近就係去牛記開餐。巳經半年未黎過，依然要等位(同時間有另一枱明星仔都要一齊等)。今日叫左:清湯蘿蔔腩--水準依然，蘿蔔鮮甜。玫瑰太后雞--有少少茶薰味，唔知係唔係，不過肉質算滑煎肉餅--必叫餸，雖然已無以前咁香口，不過都全檯叫好海蝦勝瓜煲--這個算不過不失再+兩支啤酒都只係$330牛記依然係中環平民菜首選。…查看更多

入到南丫島點能夠唔食亞婆豆腐花，又係旺過旺角，亞婆賣都賣到手軟。薑味糖水+滑滑豆腐花一流。…查看更多

星期日閒遊南丫，食完豆腐花同沙嗲串燒就試一試home made芝士cake，舖仔細細但係都坐得幾舒服，最貼心每位有把葵扇如果夏天行到身水身汗都幾爽。有$40set係一件cake+杯凍熱飲品。今日試左由淡至濃，豆腐、抹茶、香蕉同tiramisu味個人喜愛豆腐味，另外tiramisu好重Kuhlua酒味，較適合我這些酒鬼人任。…查看更多

因為朋友仔過海上堂找我食lunch，去左GOD入面間新開Caffe Habitu lunch，貼牆一行locker櫃同大長檯。好係一個忙裡偷閒格局。唔記得影Menu，設計好似報紙一樣好得意，可能為配合GOD嘅taste，另外waitress會用本書代替cash folder夾住張單比你收錢。幾好諗頭。今日叫左:soup of the day-忌廉菠菜湯白汁忌廉煙肉意粉Parma Ham pizza朱古力蛋糕另外叫左杯Latte整體食物只算ok，杯Latte幾香好飲。以食物而論算貴，不過如果可以坐梳化位hea足一個下午就值回票價。…查看更多

二月openrice有買一送一下午茶coupon，一於tea當lunch食。4個set分別係:龍蝦酥皮湯+龍蝦汁野菌長通粉焗蟹蓋磨菇濶麵蕃茄湯天使麵+香草雞扒焗意大利飯全部包飲品總括大多味較濃較重，同事就唔多欣賞，不過個湯天使麵+雞扒就真係一流，真係令自已見識天使麵另一種食法。最重要係買一送一，底食之選。銅鑼灣分店tea time全店得幾檯客，d客人講野又細細聲, 環境好好。…查看更多